Vini, Suiv Mwen
21–27 Septanm. “Yon Travay Mèveye ak yon Pwodij”: Ezayi 13–14; 22; 24–30; 35

21–27 Septanm. ’Yon Travay Mèveye ak yon Pwodij’: Ezayi 13–14; 22; 24–30; 35,” Vini, Suiv Mwen—Pou Lakay ak Legliz: Ansyen Testaman 2026 (2026)

21–27 Septanm. ’Yon Travay Mèveye ak yon Pwodij,’” Vini, Suiv Mwen: 2026

Bondye ak Jezikri ki parèt devan jèn Joseph Smith

Boskè Sakre a,, Brent Borup

21–27 Septanm: “Yon Travay Mèveye ak yon Pwodij.”

Ezayi 13–14; 22; 24–30; 35

Yon bagay Senyè a mande pwofèt yo pou yo fè se avèti sou konsekans peche. Pou pwofèt Ansyen Testaman yo, souvan sa te siyifi pou yo te di dirijan wayòm puisan ke yo te bezwen repanti. Sete yon travay danjere, men Ezayi pa t pè, e avètisman li te voye bay wayòm ki te egziste yo nan epòk li a—enkli Izrayèl, Jida, ak nasyon ki te bò kote yo—te dirèk (gade nan Ezayi 13–23).

Sepandan, Ezayi te gen yon mesaj espwa tou. Menmsi destriksyon ki te pwofetize yo te rive finalman sou wayòm sa yo, Ezayi te predi yon chans pou retablisman ak renouvèlman. Senyè a t ap envite pèp Li a pou yo te retounen vin jwenn Li. Li t ap fè “kote sab la te cho a… vin tounen yon letan epi tè sèk yo pral plen sous dlo” (Ezayi 35:7). Li t ap fè “yon travay mèveye ak yon pwodij”Ezayi 29:14, pou te retabli pou Izrayèl benediksyon Li te pwomèt li yo. Ni Izrayèl ni okenn lòt moun ki t ap viv nan epòk sa a pa t viv pou yo te wè travay mèveye sa a. Men, nou wè li jodi a. Anfèt, nou fè pati de li.

senbòl etid

Ide pou Aprantisaj nan Fwaye a ak nan Legliz la

Ezayi 13:1–11, 19–22; 14:1–20

Ògèy ak mondanite ap echwe.

Nan epòk Ezayi a, Babilòn te yon wayòm puisan ki te gen yon gwo chèf. Kounye a, Babilòn se istwa ansyen. Konsa, poukisa mesaj Ezayi te bay Babilòn nan, nan Izayi 13–14 a, enpòtan pou nou jodi a? Paske Babilòn senbolize ògèy, avaris, ak peche, bagay ki toujou antoure nou jodi a. Reflechi sou senbòl sa a pandan w ap li Ezayi 13:1–11, 19–22; 14:1–20. Ou ta ka konsidere kesyon tankou sa yo:

  • Ki similarite ou wè ant ògèy way Babilòn nan ak ògèy Satan? (gade nan Ezayi 14:4–20; Moyiz 4:1–4). Ki avètisman ou jwenn pou tèt pa w nan vèsè sa yo?

  • Kijan Senyè a bay “repo anba tray w ap pase ak laperèz ou genyen”? (Ezayi 14:3)

Jezi resisite a parèt devan Mari toupre tonm Li a

“Li pral fè pa janm gen lanmò ankò” (Ezayi 25:8).

Ezayi 22:22–23; 24:21–23; 25:6–8; 26:19; 28:16

Jekri se Mesi pwomi an.

Ansèyman Ezayi yo refere souvan a misyon Sovè a, enkli sakrifis ekspyatwa, Rezirèksyon, ak Dezyèm Vini Li an. Ki aspè nan misyon L lan ki vin nan lespri w pandan w ap li vèsè sa yo: Ezayi 22:22–23; 24:21–23; 25:6–8; 26:19; 28:16? Ki lòt pasaj ou jwenn ki fè w sonje Sovè a?

Bay moun k ap aprann yo opòtinite pou rann temwayaj konsènan Jezikri. “Pou w se yon enstriktè levanjil Jezikri a, sa vle di pou w ede lòt moun konprann ak apiye sou ansèyman, pouvwa redanmtè, ak amou pafè Li.” Anseye Nan Fason Sovè a, 8). Yon fason senp pou fè sa chak fwa w ap anseye se poze yon kesyon tankou “Kisa w te jwenn nan ekriti yo semèn sa a ki te anseye ou yon bagay sou Sovè a?” Apresa kite moun k ap aprann yo pataje eksperyans yo epi fòtifye lafwa youn lòt.

Ezayi 24:1–12; 28:1–8; 29:7–13; 30:8–14

Vire do bay Senyè a pote danje espirityèl.

Nan mizèrikòd Li, Senyè a te voye Ezayi pou l te avèti pèp alyans lan ke yo t ap vire do ba Li. Gade si w ka jwenn siy avètisman espirityèl sa a nan Ezayi 24:5; 29:13; 30:8–12. Poukisa atitid ak aksyon sa yo danjere nan domèn espirityèl?

Pou l te bay avètisman sou konsekans vire do bay Senyè a, Ezayi te itilize kèk konparezon memorab. Pandan w ap etidye yo, mande tèt ou kijan vire do bay Senyè a se tankou:

  • Yon tè vid e tris (Ezayi 24:1–12).

  • Moun ki sou (Ezayi 28:7–8).

  • Grangou ak swaf (Ezayi 29:7–10).

  • Yon miray oswa veso kraze (Ezayi 30:13–14).

Poukisa li enpòtan pou w rete pwòch Senyè a?

Ezayi 29; 30:18–26; 35

senbòl seminè
Senyè a ka restore bagay ki pèdi oubyen ki kase.

Èske w te janm pèdi yon bagay ke w te panse ou pa t ap janm jwenn ankò? Oswa petèt yon bagay kase, epi ou te enkyete ke li pa t ap janm ka repare. Lè nou vire do bay Senyè a, Satan vle nou panse ke nou p ap janm ka retounen oswa geri. Sepandan, Ezayi te dekri kèk nan bagay mèveye Senyè a ap fè pou ede nou retounen vin jwenn Li. Kisa w aprann nan Ezayi 29:13–24; 30:18–26; 35 konsènan Senyè a, lanmou Li ak pouvwa Li? Petèt ou ta ka jwenn yon fraz nan pasaj sa yo ki ba w espwa lè w bezwen gerizon. Ou ta ka gade tou nan mesaj Sè Amy A. Wright la “Kris la Geri Sa Ki Kase” (Liahona, Me 2022, 81–84).

Yon fason Senyè a manifeste pouvwa L ak mizèrikòd Li se atravè Retablisman levanjil Li a. Ezayi 29 genyen plizyè pasaj ki paralèl avèk evenman Retablisman yo. Pa egzanp:

Nan opinyon pa w, poukisa “mèveye” ak “pwodij” (Ezayi 29:14) se bon mo pou nou dekri Senyè a k ap retabli levanjil Li a? Kijan w ka ede w akonpli pwofesi sou Retablisman yo? Pou ide, gade nan mesaj Èldè Gerrit W. Gong lan “Tout Nasyon, Ras, ak Lang” (Liahona, Nov. 2020, 38–41).

Gade tou “Retablisman Plenitid Levanjil Jezikri a: Yon Pwoklamasyon Bisantnè pou Mond lan” (Biblyotèk Levanjil la); “Le jour parait, chassant la nuit,” Cantiques, no 1.

Pou plis ide, gade piblikasyon mwa sa a nan revi Lyawona a ak revi Pou fòs jèn yo.

senbòl seksyon timoun yo

Ide pou Anseye Timoun yo

Ezayi 14:3; 25:8-9; 28:16

Jezikri ka sove m anba peche ak lanmò.

  • Ki jan w ap ede pitit ou yo wè Sovè a nan ekriti Ezayi yo? Ou ka ede yo jwenn fraz ki raple yo de Li nan Ezayi 14:3; 25:8; oswa 28:16. Yo ta kapab matche vèsè sa yo nan Ezayi a avèk lòt vèsè ki anseye sou Sovè a, tankou Matye 11:28–30; 1 Korentyen 15:53–57; Elaman 5:12. Ki gran bagay Senyè a fè pou nou?

  • Apre nou fin li Ezayi 25:8–9 ansanm, ou ta ka gade foto Sovè a nan Jetsemane, sou kwa a, ak apre Rezirèksyon L lan. Kite pitit ou yo pale sou sa k ap pase nan foto yo ak poukisa yo renmen Jezi epi yo “rejwi nan delivrans li” (vèsè 9).

  • Ou ta ka chwazi pale avèk pitit ou yo sou tristès ou te santi lè yon moun ou te renmen te mouri. Temwaye de konsolasyon ou resevwa gras ak Jezikri. Petèt pitit ou yo te ka trase yon figi k ap kriye epi apresa efase dlo nan je l yo pandan w ap li Ezayi 25:8 a ansanm.

Jezi ki ap priye nan Jetsemane

Se Pou Volonte Ou Fèt, pa Ken Spencer

Ezayi 25:4–6

Jezi ban m “refij anba tanpèt la.”

  • Èske oumenm ak pitit ou yo te janm jwenn benediksyon abri ki an sekirite pandan yon tanpèt oswa yon lonbraj nan yon jou ete cho? Oubyen èske w te pran plezi nan yon bon repa lè w te grangou? Pale sou eksperyans sa yo pandan w ap li Ezayi 25:4–6. Kouman Jezi sanble avèk bagay sa yo?

Ezayi 29:11–18, 24

Retablisman levanjil la se yon “travay mèveye.”

  • Pandan oumenm ak pitit ou yo ap li Ezayi 29:14 la, pataje avèk yo lòt mo ki vle di menm bagay avèk “mèveye” ak “pwodij.” Kite yo ede w jwenn objè oswa foto ki reprezante kèk nan zèv mèveye Senyè a pandan dènye jou yo. Sa ka gen ladan yon kopi Liv Mòmon an, yon foto tanp, oswa yon foto Premye Vizyon an (gen youn nan kòmansman plan leson sa a). Apresa, timoun ou yo ta ka chwazi yon bagay epi pataje pou ki rezon li mèveye pou yo.

  • Yon chante sou Retablisman levanjil la te kapab byen mache avèk Ezayi 29, tankou “Par un beau printemps doré” (Chants pour les enfants, 88). Epi petèt, yon eksperyans pèsonèl ta ka ede timoun yo konprann kisa retablisman vle di. Pa egzanp, oumenm ak pitit ou yo ta ka pale de yon bagay ou te pèdi ak ki fason w te jwenn li. Ede timoun ou yo konpare sa avèk Retablisman levanjil la. Selon Ezayi 29:13–15, poukisa nou bezwen Retablisman an? Ki zèv mèveye Senyè a ap fè pou retabli levanjil Li a? (gade paj aktivite semèn sa a).

Pou plis ide, gade nan piblikasyon revi Zanmi mwa sa a.

Jezikri sou kwa a

Krisifiksyon an, pa Carl Heinrich Bloch, nan Mize Istwa Nasyonal Frederiksborg la

Paj aktivite Primè: Retablisman levanjil la se yon “travay mèveye.”