Ezayi 40–49

Lè Izrayelit yo te prizonye nan Babilòn, anpil siman te konn ap mande tèt yo si yo te ajamè pèdi plas yo kòm pèp alyans Bondye te chwazi a. Pandan w ap li Ezayi 40–49, chèche pasaj ki ta kapab bay konsolasyon ak espwa. Pou chak pasaj ou jwenn, medite epi ekri sa Senyè a t ap petèt di w nan vèsè sa yo. Men kèk vèsè ou ta ka itilize pou kòmanse:.

• 40:11, 29–31:

• 41:10–13, 17–18:

• 42:6–7:

• 43:1–7, 25:

• 44:1–4, 21–24:

• 46:3–4:

• 49:7–16:

Kisa w santi Senyè a vle w konnen konsènan Li?

Ou gen dwa remake ke kantik “Quels Fondements Fermes” (Cantiques, no.42) a tire nan pawòl Ezayi yo ki nan Ezayi 41:10; 43:2–5; 46:4 yo. Konsidere chante oswa koute kantik sa a, pandan w ap chèche paralèl ant pawòl yo ak vèsè sa yo ki soti nan Ezayi a. Kijan Sovè a akonpli pwomès ki nan vèsè sa yo nan lavi ou?

Gade Patrick Kearon, “Li Resisite avèk Gerizon nan Zèl Li: Nou Ka Vin Plis Pase Konkerè,” tou Liahona, Me 2022, 37–40.

Nan Ezayi 40–49 Senyè a pale de “sèvitè” Li ak “temwen” Li. Pawòl sa yo ka fè referans ak Jezikri (gade Ezayi 42:1–7), ak kay Izrayèl la (gade Ezayi 45:4), ak wa Siris, ki te pèmèt pèp Juif la retounen Jerizalèm epi rebati tanp lan (gade Ezayi 44:26–28; 45:1–4). Ou ta ka konsidere kijan pasaj yo aplike a oumenm tou antanke sèvitè ak temwen Senyè a. Pa egzanp, medite sou kesyon tankou sa yo:

Ezayi 40:1–3, 9–11; 43:9–12. Nan ki sans ou se yon temwen Jezikri? Ki “bòn nouvèl” ou ka pataje kòm temwen Li? Ou ta gendwa imajine ke yo aple w kòm yon temwen nan yon jijman nan tribinal. Nan jijman sa a, Jezi gen responsablite pou L fè reklamasyon sa ki ekri nan Ezayi 43:11 la. Ki temwayaj ou ta ka bay pou soutni reklamasyon Jezi a? Ki prèv nan lavi w ou ta ka prezante?

Ezayi 41:8–13; 42:6; 44:21. Kisa Senyè a aple w pou w fè? Konsidere apèl nan Legliz la ansanm avèk lòt opòtinite pou sèvi L yo. Kijan li te “fòme” w oswa prepare w pou w vin sèvitè Li? Kijan Li sipòte ou pandan w ap sèvi?

Ezayi 49:1–9 Ki mesaj ou jwenn nan vèsè sa yo ki ka itil lè efò w yo ak sèvis ou sanble yo fèt “pou granmesi, epi anven”? (vèsè 4).

Ezayi te toujou ap fè pèp li a sonje pouvwa san parèy Bondye, li te konn menm konpare l avèk pouvwa monden opresè ki te antoure yo a. Chèche mesaj sa a pandan w ap li Ezayi 40:3–8, 15–23; 42:15–16; ak 47:7–11; note ke chapit 47 la adrese a ravisè Izrayèl la, Babilòn). Kisa pasaj sa yo anseye w sou bagay mond lan? Kisa vèsè sa yo anseye w konsènan Bondye? Medite sou rezon ki fè mesaj sa a te ka gen valè pou pèp Juif la ki te nan kaptivite a. Poukisa li gen valè pou ou?

Pandan w ap li Ezayi 48:10, reflechi sou pwòp “founo afliksyon” pa ou. Kijan Senyè a “rafine” ou? Kouman Ezayi 49:13–16 ede ou lè w soufri afliksyon?

Gade tou “The Rafiner Fire (Dife Rafinè a)videyo), Bibliyotèk Levanjil la.

5:2

• Reflechi sou kèk fason pou w ilistre kisa sa ta ka vle di “prepare … chemen Senyè a,” jan sa dekri nan Ezayi 40:3–5. Pa egzanp, oumenm ak pitit ou yo te kapab fè yon bagay ki kwochi vin dwat, netwaye planche ki ankonbre, oswa fè yon chemen klè nan tè wòch. Ou ta kapab montre foto Jan Batis ak Joseph Smith yo tou (gade nan Liv Ilistrasyon Levanjil la, no. 35, 87). Kijan yo te prepare wout pou Senyè a te vini? (gade Lik 3:2–18; Doktrin ak Alyans 135:3). Kijan nou ka ede? Sa ta ka yon opòtinite pou w ta pale sou fason detantè Prètriz Aawon yo ede prepare chemen Senyè a (gade Doktrin ak Alyans 84:26–28).

• Apre w fin li Ezayi 43:10 ansanm, ou ta ka pale sou kisa sa vle di pou w yon temwen. Pataje youn ak lòt ki bagay ou te fè eksperyans ke w ka yon “temwen” pou li—pa egzanp, yon manje ou te goute, yon kote ou te vizite, oswa yon moun ou konnen. Kisa sa vle di pou w se yon temwen Senyè a? Kisa nou ka di lòt moun apwopo Li?

• Apre lekti vèsè sa yo, fanmi w ta kapab awoze yon plant epi pale de benediksyon Senyè a devèse sou yo. Kisa ki rive plant lan lè nou wouze li? Kijan benediksyon Senyè a ede nou grandi?

• Foto oswa videyo sou rivyè ak vag lanmè ta ka ede pitit ou yo vizyalize Ezayi 48:18 (tankou foto yo nan plan leson sa a). Pitit ou yo ka pran plezi pou bouje men yo ak bra yo tankou yon rivyè ak vag lanmè. Kijan lapè kapab sanble avèk yon rivyè? Kijan lajistis kapab sanble avèk vag (lanmè)? Di kijan respekete kòmandman Bondye yo ede w santi lapè tankou yon rivyè oswa solid tankou yon vag lanmè.

• Chante ansanm yon kantik sou kòmandman yo, tankou “Pour trouver la paix” (Chants pour les enfants, 68-69). Kisa chan sa a anseye sou rezon ki fè nou dwe respekte kòmandman Bondye yo?

• Ezayi 49:14–16 kapab yon gwo rekonfò pou pitit ou yo pandan plizyè ane k ap vini. Pandan w ap li vèsè 14 la, ou ka pale sou sa ki ka fè moun santi yo bliye yo oswa abandone. Kijan nou konnen ke Senyè a pa bliye nou?

• Pou entwodui vèsè 15–16 yo, ou ka mande pitit ou yo pou pale de yon moun yo pap janm bliye, tankou yon manm fanmi oswa yon zanmi. Daprè Ezayi 49:15–16, poukisa Senyè a p ap janm bliye nou? Apresa, nou ta ka pataje youn ak lòt santiman nou sou Jezikri.