“Aokati 24–30. ‘N na Tuangngkami te Bwai ae E Karaoia nakon Tamneiu’: Taian Areru 49– 51; 61–66; 69– 72; 77–78; 85– 86,” Nakomai, Iriira—Ibukin te Mweenga ao te Taromauri: Te O Tetemanti 2026 (2026)
“Aokati 24–30. ‘N na Tuangngkami te Bwai ae E Karaoia nakon Tamneiu,’” Nakomai, Iriira: Te O Tetemanti 2026
Saving That Which Was Lost (Kamaiua Are E a Tia ni Bua), iroun Michael Malm
Aokati 24–30: “N na Tuangngkami te Bwai ae E Karaoia nakon Tamneiu”
Taian Areru 49–51; 61–66; 69–72; 77–78; 85–86
Taan koroi Taian Areru a tibwai oin aia namakin aika a nano n aia otooto. A koroi taekan namakin ni bwarannano, ni maaku, ao n raraoma. N taai tabetai, a namakinna bwa a kitanaki iroun te Atua, ao tabeua areru a uoti bwanaa ni uruaki n nano ke ni maroa. Ngkana ko a tia n namakina te aekaki anne, warekan taian areru a na kona ni buokiko n ataia bwa ti aki ti ngkoe. Ma ko na kona naba ni kunei taian areru aika a na kaungako ngkana ko a roko n aeka n namakin aikai ibukina bwa taan otoi areru a neboa te Uea ibukin Tamaroana, a miiakina Mwaakana, ao a kukurei n Ana nanoanga. A ataia bwa ti karawawataaki n te buakaka ao n te bure ma te Uea e raoiroi ao e kan kabwarai bure” (Taian Areru 86:5). A ataia bwa te onimaki iroun te Uea e aki nanonaki bwa ko na aki boo ma kangaangan te raraoma, te bure, ke te maaku. E nanonaki bwa kona ataa ae kona rairaki nakoina ngkana e reke iroum.
Iango ibukin te Kamatebwai n te Mweenga ao n te Taromauri
Taian Areru 49; 62:5–12
E roko te kamaiuaki mairoun Iesu Kristo.
Taian Areru 49 iai te rongorongo ibukiia ”aika a mangori ao aika a kakannato naba, ma aika a kaubwai ao aika akea aia bwai” (te kibu 2). Tera ae ko na taekinna ibukin te rongorongo aei? Tera ae ko namakinna Taian Areru 62:5–12 are e reitia nakon te rongorongo anne?
Warekan taian areru aikai e na bae n anaa nanom ni miiakin kawai ake a na kaririia nanora bwa ti na onimakin bwaai tabeua man tiaki iroun te Atua ibukin te kamaiuaki (taraa Taian Areru). E na kanga maium n rootaki n am kakoaua bwa te “Atua e na kamaiua [tamneim] man te rua ni mate”? (Taian Areru 49:15).
Taian Areru 51; 85–86
Ibukin ana nanoanga te Tia Kamaiu, a kona ni kabwaraaki au bure.
Te Uea are Tawita e korea Taian Areru 51 imwiin ataakin korakain nanona ibukin kabwaraan ana bure—te bwai are ti bane ni kainnanoia. Teraa kiibu ake a kabwarabwara namakin ake ko karekei? Tera ae kunea inanon te areru aio are e anganiko te kaantaninga ibukin te kabwarabure?
Ko kona naba ni ukora Taian Areru 51 taeka ni karariki aika a koaua bwa tera ae nanonaki n te rairannano. Korei ni karinanii bwaai ake ko kunei. Ngkana ko kona ni karinna ibuakon ake ko korei ni karinani man ukorakin ana marooro Beretitenti Russell M. Nelson “Ti Kona ni Karaoa ae Tamaroa ao ni Katamaroa Riki” (Riaona,, Meei 2019, 67–69).
Ko na kanga ni kabwarabwara aekakira te namakin ngkana ko a karekea te kabwarabure rinanon Kristo? Ngkana ko kainnanoa buokam ni kabwarabwaraakin am namakin, ko kona n taraa Taian Areru 51:1–2, 7–12; 85:2–9. Tabeman aomata a tangiria ni korotamnei ke ni kakaei tamnei ni kabwarabwara aia namakin; ko kona ni kataa anne. Kona bae naba n anene ke n ongoraa n te anene n taromauri ibukin te Tia Kamaiu, n aron “I Stand All Amazed” (Anene n Taromauri, no. 193).
N rairi nanora, ti riai n onimaki tiaki ti ibukina bwa Iesu Kristo e kona ni kaitiakiira ma ibukina naba bwa E kona. Tera ae ko kunea inanon Taian Areru 86:5, 13, 15 are e buokiko n ataa te Tia Kamaiu bwa e kona ao n tauraoi ni kabwarai bure?
Taraa naba Aramwa 36; Peter F. Meurs, “E Kona ni Kamauai!,” Riaona, Meei 2023, 39–41.
Taian Areru 51:13–15; 66:15–20; 71:15–24
Au kakoaua iroun Iesu Kristo e kona ni buokiia temwangina bwa a na Nakoina.
Iangoia ko na kanga ni karekea am kakoaua iroun Iesu Kristo ao Mwaakana n kamaiu. Ngkanne, ngkai ko kamatebwaia Taian Areru 51:13–15; 66:5–20; 71:15–24, iangoia bwa ko na kanga ni kaoiia tabemwaang ni “mai nori ana mwakuri te Atua” (Taian Areru 66:5). Ngkana tao ko na “tuangiira tera are e karaoia [te Uea] nakon [tamneim]” (Taian Areru 66:16), tera ae ko na taekinna?
Tera nanona iroum “e na tataekina [Ana] raoiroi ni kabongnga”? (Taian Areru 171:24).
Taraa naba Aramwa 26.
“Mai ao ngora, … ao N na tuangkami are e karaoia te [Atua] nakon tamneiu” (Taian Areru 66:16).
Taian Areru 63; 69; 77–78
E na buokai te Uea n au tai are I rangi ni kainnanoa iai te buoka.
Angiin taian Areru a kabwarabwara aekakira aron te namakin ngkana ko a raroanako mairoun te Atua ao n rangi ni kainnanoa Ana ibuobuoki (taraa Taian Areru 63:1, 8; 69:1–8, 18–21; 77:1–9). N Taian Areru 63; 69; 77–78, tera ae ko kunea are e anganiia taan oto areru aikai te raunnano?
Ngkana ko a un, e na kanga ni buokiko ni ”uringa ana mwakuri te uea” ao ana “bwai ni kamamiimi ake ngkoangkoa”? (Taian Areru 27:1). Tabeua mai buakon kamimi aikai a kabwarabwaraaki n Taian Areru 78. Ngkai ko wareki taekaia, iangoia bwa tera ae e buokiko “ni kaaki [am] kantaninga iroun te Atua” (te kibu 7).
Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Ibukina bwa te Tabati aio bon te kanimaua n Tabati n te namwakaina, a kaungaaki taan reirei n te Moanrinan bwa a na kabonganai reirei ake n te “Appendix B: Preparing Children for a Lifetime on God’s Covenant Path
Taian Areru 51; 86: 5, 13, 15
Ngkana I karaoi rinerine aika a bure, Iesu e buokai ni karaoa te bitaki.
-
Ni buokiia am ataei bwa aonga ni kunei koaua ibukin te rairannano n Taian Areru 51, ko kona ni korea tamnei te aati ae bubura. Ngkanne ko kona ni buokiia am ataei bwa a na korei inanon te aati bwaai aika a buakaka are e kariirira Tatan bwa ti na karaoi. Ti na kanga ni kanakoi bwaai aikai mai inanora? Tuangiia ataei bwa a na kakaea te taeka ae “te nano” n Taian 51:10, 17. Maroroakin bwa tera ae reiakinaki ni kiibu aikai ibukin te rairannano. Tuangiia am ataei bwa a na kamaunai taeka ake inanon te aati ao ni korei taeka aika a boou are a kabwarabwarai kawai ake e kona ni bitiira iai Iesu ngkana ti raira nanora.
-
Ko bae ni kan buokiia am ataei n reiakinna bwa tera nanon ae ko na karekea “te tamnei ae uruaki ao te nano ae raraoma” (Taian Areru 51:17). N aron te katooto, kaain te utu a kona n ikaruoruo ni kauka te bwai ae iai nanana ae e matoatoa n aron te bunnimoa ke nanan te uaanikai. Ko kona ni buokiia ni kabotaua te nana nakon bwaai ake a tuukiira man namakinan ana tangira Tamara are i Karawa. Ti na kanga ni kauka nanora nako Ina?
-
Kam kona ni kaai n taraa tamnein te Tia Kamaiu ao n titirakiniia am ataei tera taeka ake a na kabonganai ni kabwarabwarakina. Kaoiia ni kakaai taeka are e na kabwarabwara Taekana inanon Taian Areru 86:5, 13, 15. Bukin tera e kakawaki bwa ko na atai bwaai aikai Ibukina?
Taian Areru 61:2–3
Iesu Kristo bon au bwaa.
-
A na bae n unga am ataei ngkana a korea tamnei taian kanikina inanon Taian Areru 61:2–3. E kanga n riki Iesu Kristo bwa te “bwaa” are e rietaata (te kibu 2), “te neu ni kamaiu,” ao “te taua are e matoatoa”? (te kibu 3).
“Ba boni neu ni kamaiu nako naba Ngkoe, ao te taua ae matoatoa” (Taian Areru 61:3).
Taian Areru 66:16; 77:11; 78:7
“N na uringa ana mwakuri te Uea”
-
Tuangiia am ataei bwa a na tibwaua tabeua mai buakon karaki man booki aika tabu are a mamate nanoia iai (tamnei man te Boki n Tamnei n te Euangkerio a kona n ibuobuoki). Tera ae e reireiniira karaki aikai n taekan te Uea? Kam kona ni kaai ni wareka Taian Areru 66:16 ao n ikaruoruo ni kaeka te titiraki “Tera ae karaoia te Uea nakon tamneiu”?
-
Ngkai kam wareka Taian Areru 77:11; 78:6–7 ni kabane, kam kona n tibwatibwa imarenami kam kanga ni kataia n “uringa ana mwakuri te Uea” (Taian Areru 77:11), n ikotaki ma Ana mwakuri inanon maium. E kanga te toa ni buokiira “n aki toki n ururingnga”? (Moronaai 4:3; 5:2).
Taian Areru 71:8
I kona n tuangiia tabeman taekan Iesu Kristo.
-
Imwiin warekan Taian Areru 71:8 ma am ataei, kaoiia bwa a na korea tamnei te wii ae bubura. Tuangiia bwa a na buokiko ni “kanoa” te wii n taian tamnei ke taian taeka ake a tei ibukin bwaai aika ti kona tuangiia tabeman taekan Iesu Kristo.
-
Ko kona ni kabuta tamnein Iesu imarenaia. Te aomata are e taua te tamnei e kona n taekina teuana te bwai are a ataa iai rongorongona. Ti na kanga ni buokiia tabeman aomata bwa a na atai bwaai aikai?
E Bati te bwai ae a na tibwaia ataei. Ngkana a reiakina te bwai teuana ae boou ataei, a bon tangiria ni kan tibwaia ma tabeman. Kaungaa te nano aei man anganakiia ataei te tai n reirei tuan te euangkerio imarenaia, ma kaain aia utu, ao raraoia. Tuangiia naba bwa a na tibwai aia iango ma ngkoe, namakin, ao aia taneiai ae e irekereke nakon tuua ake ko reirei iaona. Ko na kunea bwa iai aia nonori aika a bebete, a itiaki, ao ni korakora” (Reirei n ana Kawai te Tia Kamaiu, 32).
Taian Areru 86:7
Te Tama are i Karawa e ongo ao man kaekai au tataro.
-
Angiina taian areru kanga bon te tataro nakon te Atua. Ngkai ko wareka Taian Areru ma am ataei, ko kona ni kaota nakoia bwaai ake ti kona ni kabonganai n reitaki ma aomata ake a mena n te tabo ae raroa, n aron te tareboon ke te reta. Ngkanne wareka Taian Areru 86:7. E kanga arora n “wewete nakon” Tamara are i Karawa? E kanga aron kaekaara Irouna?
-
Kam kona ni kaai n anenea te kuna ibukin te tataro, n aron “A Child’s Prayer” (Aia Boki n Anene Ataei, 12–13; taraa naba Susan H. Porter, “Tataro, E Mena Ikekei,” Riaona, Meei 2024, 77–79). Tuangiia n tatabemaniia taai are ngke te Atua e kaekai am tataro.
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.