Etita

E reirei Beretitenti Dieter F. Uchtdorf bwa ngaira n tatabemaniia ti “tei n te tabo ae onoti ao iai tibwangara ae kakaawaki are bon tii [ngaira] ae ti kona ni karaoia. … Iai bukina ngkai e anganiko tibwangam te Uea. Bon iai aomata ma taian nano are a na kona n ongo n iroum. Tao bon akea riki ae kona ni karaoia n aron are ko karaoia” (“Lift Where You Stand,” Riaona, Nobembwa. 2008, 56).

Ngkai ko wareka karakinan Etita, iangoia e kanga te kibuntaeka aei ni kaineti nakoina. Kakaei kawai are e na kona te Uea ni kangaraoia bwa e aonga ni kamaiuia Iutaia (taraa, te katooto, Etita 2:21–23; 3:10–14; 4:14–16). Ngkane iangoia E na kanga n anganiko am tai bwa kona kakabwaiaia tabeman. Tera tabeua kangaanga ke reitaki are ko namakinna bwa E a tia ni kairiko nako iai “i bukin te tai ae ai aron aei”? (Etita 4:14). Ngkana iai am kakabwaia n tamanuea, iangoia warekia n reiakina riki taekan ana mwakuri te Uea ae kona karaoia. Tera ae kona karaoia bwa kona katia te mwakuri aei?

Taraa naba “For Such a Time as This” (video), ChurchofJesusChrist.org.

13:44

N ana boki Etita, ti reiakinaki man aia kakaonimaki Etita ao Moretekai, ma ti reiakinaki naba man ana kainikatonga ao unin Aman. Ngkai ko wareka Etita 3; 5:9–14, korei ana namakin, ana taeka, ao ana mwakuri Aman. Tera ae a kaotia ibukina ma ana ungannano? Tera ae riki nakoina? (taraa Etita 7). Warekan taekan Aman e na kona n anganiko te wirikiriki bwa tera ae kaunga am namakin ao am mwakuri. E anaaki nanom bwa ko na karaoi bitaki? Ko na kanga n rairaki nakon Tamara are i Karawa ibukin buokam?

Taraa naba Taian Areru 16:32; Aramwa 5:28.

Ataia bwa bukin tera Etita ao nikiraia Iutaia a baireia bwa a na aki mamatam (taraa Etita 3:13; 4:1–3, 10–17). E kanga te aki mamatam ni kakabwaiaia? (taraa Etita 5:2–3; 8:11–12). Bukin tera ngkai e tua te Uea nakoira bwa tina aki mamatam? (taraa Topics and Questions, “Fasting and Fast Offerings,” Gospel Library). Iangoia ko kanga ni karaoa te aki mamatam bwa te kakabwaia ae te kabanea ni korakora inanon maium.

Taraa naba Itaia 58:6–12; “Fasting: Young Single Adult Ward, Amanda” (video), ChurchofJesusChrist.org.

2:41

Ngke a tei ibukin aia koaua Moretekai ma Etita, a kataui bwaai aika a na riki nakon maiuia. Iai mwiin ara rinerine are e na taraa n aki kakaiaki imwiina, ma karaoan te bwai ae eti e bon teimatoa ni kainnanoa te ninikoria. Tera ae ko reiakinna n Etita 3:1–4; 4:10–17 ibukin reken te ninikoria ni karaoa te bwai ae eti? Ataa te kaokoro ni mwiin te bwai ae riki imarenan te bwai ae rinanona Moretekai ao Etita ni kaotan aia ninikoria (taraa Etita 3:5–11; 5:1–4). Tera ae a riai n ataia Etita ao Moretekai ibukin te Atua bwa ana karaoia n aia rinerine ake a karaoi?

Iangoa te aro are ko kainnanoa iai te ninikoria n tei ibukin te bwai ae eti. Tera ae ko reiakinna mairoun Etita ao Moretekai ake a kona ni bukiko ni karekea te ninikoria mairoun te Uea”?

Ana ninikoria Etita e kairi nakon te “bong ni kukurei” (taraa Etita 9:17–19). E kanga te ninikoria n ai aron Kristo n anganiko te “bong ni kukurei”?

Tara naba “Courage,” “Dare to Stand Alone” (videos), Gospel Library; “True to the Faith,” Hymns, no. 254.

3:19

4:20

• Kona bae ni kaungaaki bwa kona kabongana Etita 2:7 n reireiniia am ataei iaon buokaia kain te utu ni kainnanoia, n aron are e karaoia Moretekai ibukin Etita. Ko kona n ikotaki ni wareka te kibu ke ni kakimototoa ni bon oin am taeka. Ngkanne ngkoe ao am ataei kam kona n iangoia kain te utu ake a na kainnanoa ami ibuobuoki. Karaoa am baire bwa kona buokiia.

• Aia banna ni katoto Etita ao Moretekai e kona ni buokiia am ataei n ataia bwa te ninikoria nanona karaoan te bwai ae eti e ngae ngkana ko maaku. Korei kibuntaeka aikai Moretekai e ninikoria ngke e … ao Etita e ninikoria ngke e … . Ngkai ko reirei rongorongon Etita ma ngaiia, am ataei a kona n iangoi kawai ni kabwanina te kibuntaeka. Kam kona ni wareka Etita 3:1–11; 4:10–17 ke “Ueannaine Etita” (inanon Karaki man te O Tetemanti, 166–70) ke n tarai tamnei aika a kaotaki ikai. Ngkanne korea N na kaota te ninikoria man …, ao kaoiia ataei bwa a na taekin bwaai ake e tangiri Tamara are i Karawa bwa a na karaoi ae kainnanoa te ninikoria. Te kuna ae taekan te ninikoria, n aron “Dare to Do Right” (Children’s Songbook, 158), e kona n ibuobuoki.

  

  2:45

• Ko kona naba n reiakinaki taai ake e ninikoria iai Iesu Kristo: te katooto, ngke E maraki ibukin ara bure, i Ketetemwane ao i aon te kaibangaki (tara Mataio 26:36–39; 27:33–35). Tuangiia am ataei bwa a na karakina te tai are a ninikoria iai, ao tibwa naba ngkoe am taneiai.

• Warekan Etita 4:1–3, 10–17 e kona ni buokiko n reireiniia am ataei taekan te aki mamatam. Bukin tera Etita ao Iutaia aki mamatam? Tuangiia am ataei bwa bukin tera ko aki mamatam. Ko kona naba n tuangiia bwa a na kanga ni kabwarabwara te aki mamatam nakon raoraoia ae tuai man kakaraoia mai imwaina. Ti na kanga ni buokia raoraora n ataia bwa e roko te kakabwaia man te aki mamatam?

• Kaungaia am ataei bwa a na iangoa te bwai teuana ae a kona ni kainnanoa iai ana ibuobuoki te Uea. Tuangiia bwa a karaoa anne n aia aki mamatam ibukin te Tabati n aki mamatam ae e na roko.

• Buokiia am ataei n ota bwa ngke e maaku Etita, Moretekai e kaunga ni kabwarabwara nakoia bwa te Uea e a tia ni buokia n riki bwa te uea n aine “ibukin te tai ae ai aron aei” (Etita 4:14). Tera ae e kananona Moretekai n aei? Maroro imarenami bwa e kanga Etita n riki bwa te bwai ni mwakuri ibukin te Uea. Ti na kanga n riki bwa ana bwai ni mwakuri te Uea?

• Kona kanga ni buokiia am ataei n ataia bwa tera te bwai ni mwakuri? Tao ko kona ni kaoa temanna bwa e na katanga te kuna ke te bwai ni katangitang ke ni kaota tamnein temanna ae kabongana te bwai ni mwakuri. Kam kona ni maroroakinna bwa tera nanon te riki bwa te bwai ni mwakuri ni bain te Atua.