Iobi 1–3; 12–14; 19; 21–24; 38–40; 42

Moan mwakoro n ana boki Iobi e katuruturuaki, kanga n aron te otooto, mwiokoan Tatan bwa ara tia kakaitara ke te tia kauntaeka; a aki kabwarabwara te reitaki imarenan Te Atua ao Tatan. Ngkana ko wareki ana bukibuki Tatan ibukin Iobi (taraa Iobi 1:9–11; 2:4–5), ko kona n titirakiniko ibon iroum, “Bukin tera ngkai nna teimatoa ni kakaonimaki nakon te Atua?” Bukin tera e kakamaku te ongotaeka nakon te Uea ti ibukin are e taekinna Tatan?

Tera ae ana nanom n ana kaeka Iobi nakon kataakina? (taraa Iobi 1:20–22; 2:9–10).

Raoraon Iobi a iangoia bwa te Atua e a katuaea (taraa Iobi 4–5; 8;11). Tera kairuan te iango aio ae ko noria? Wareka ana kaeka Iobi inanon mwakoro 12–13. Tera ae ataia Iobi ibukin te Atua ae kairia bwa ena teimatoa n onimaki? Tera ae ko ataia iroun te Atua aika a na buokiko ni kaitarai kangaanga?

Tabetai ti reiakinii koaua aika kakawaki inanona ara tai n rawawata. Iangoi kataaki aika e kabwarabwarai Iobi inanon Iobi 19:1–22 ao koaua aika e taekin inanon kiibu 23–27. Ko kanga n ataia ae te Tia Kabooi Maiura e maiu? Tera te bitaki ae uotia te atatai aio nakon maium?

Iangoa anenean ke kakauongo nakon te anene n taromauri ibukin Iesu Kristo, n aron “I Know That My Redeemer Lives” (Anene n Taromauri, no. 136). Tera mwanewen te kuna aio ae kabwarabwaraa raoi am namakin Ibukina?

Taraa naba Reirei ao Berita aika Tabu 121:1–12;122.

N Iobi 21-24, kona wareka te kauntaeka imarenan Iobi ma raoraona. Inanon aia kauntaeka aio ao iai te titiraki are aki toki aomata n titiraki: Bukin tera a kakarawawataaki aomata aika raraoi?

E ngae ngkana akea rekena ni kabane iroura, n ana euangkerio Iesu Kristo ae tia ni kaokaki, ti karekei koaua tabeua aika kona n kaotaira n aron te kakaitara ma te karawawataaki. Inano bon kiibu man booki aika tabu ni boong aika kaitira aika kakanoa n koaua aikai. Tera ae a reiakiniira kiibu aika iaon Tamara are i Karawa ao Ana babaire?

• 2 Nibwaai 2:11–13

• Motiaea 23:21-23; 24: 10-16

• Ita 12:27

• Reirei ao Berita aika Tabu 58:3–5

• Aberaam 3:22–26

Ko kona naba n wareka ana reirei Beretitenti Spencer W. Kimball iaon te kakaitara n “Tragedy or Destiny?” (Teachings of Presidents of the Church: Spencer W. Kimball [2011]), 11-21).

Man are koa tia ni kamatebwaia, ko na kanga ni kaeka te titiraki n aron “Bukin tera e kariaia te Atua bwa ana karawawataaki aomata aika raraoi?”

N aki kukurei ma aia bukibuki raoraona (taraa Iobi 16:1–5; 19:1–3), Iobi e tataro nakon te Atua ni ukoukora te kabwarabwara ibukin karawawataakina (taraa Iobi 19:6–7; 23:1–9; 31). Akea bukina ae matata raoi mairoun te Uea ae kaotaki n ana boki Iobi. Ma E reireiniira te rongorongo ae kakawaki n mwakoro 38–40. Ko na kanga n kakimototoa te rongorongo aio ni kabane? Te katooto, tera ae ko reiakinna man ana titiraki te Uea n Job 38:1–7, 18–24?

Ko na noria bwa te Uea e taetae nakon Iobi ibukin tabeua Ana karikibwai ao tabeua mwakuri aika korakora (taraa Iobi 38-39). Ko kona n nori tabeua karikibwai aikai (ke tamneia). A kanga bwaai aikai n buoka bitakin am iango ibukin te Atua? ibukin kataakim? A kanga n bita ana taratara Iobi? (taraa Iobi 42:1–6; taraa naba Mote 1:8–10).

Aikai uoua marooro man te maungatabu ni kabuta aika kona n bita am taratara: Tamara W. Runia, “Noorakin ana Utu te Atua n te Taratara ae Bwanin” (Riaona, Nobembwa 2023, 62-69); Russell M Nelson, “Iangoa te Tiretio” (Riaona,, Nobembwa 2023, 117–20). N marooro aikai, kakaea te bwai ae ko tangiria n uringa n te tai ae korakora iai kataakim. Ko na kanga ni kakauringa te bwai ae koa tia n reiakinna?

• Kaungaia ataei bwa ana tuangko baika atai ibukin Iobi. Ngkana a kainanoa te ibuobuoki, kairiia nakon Iobi 1:1, 13–22; 2:7–10 ke nakon “Iobi” (n Karakin te O Tetemanti, 145–47). E kanga Iobi n kaitarai kataakina? (taraa Iobi 1:21; 2:10).

  

  1:55

• E kakaonimaki Iobi inanon kataakina man ana atatai ibukin te Uea. Ngkane ngkoe ma am ataei kam kona n tarai tamnein Iesu Kristo ngke e mena ibuakoia aomata (n ai aron ae inano ke n tamnei n te Gospel Art Book). Marooroakina te bwai ae ko ataia Ibukina ao Arona. Aikai tabeua kiibu aika kaotia bwa Iobi e kinaa te Uea: Iobi 12:10, 13, 16; 19:25–27. Bukin tera e kakaawaki ataakin bwaai aikai Ibukina?

• Iobi e titiraki te titiraki ae rangi ni kakawaki n Iobi 14:14. Tao kam kona ngkoe ao natim n tibauai ami kaeka nakon Iobi. Ko kona n karekei iango man Aramwa 11:42-44, n te witeo “In a Coming Day” (Gospel Library), n te anene iaon te Mangauti, n aron “Did Jesus Really Live Again?” (Aia Boki n Anene Ataei, 64).

1:11

• Ngke e rawawata Iobi, raoraona a taku bwa e a katuaeaki iroun te Atua ibukina bwa e a tia ni bure (taraa Iobi 22:5). Ngke ngaira raoraon Iobi, tina kanga n kataia ni buokia? A kanga ara taeka ni kakorakoraia tabeman n nanokawakiia? (taraa Iobi 16:5). Iangoia n kaota teuana ke raka riki tamnei man te kabwarabwara ae tauraoi ngkana kona marooro iaon titiraki aikai.

• Tuangiia ataei bwa a na korei anuan te rao ae raoiroi ao ni kakaea raoraoia ae iai irouna anua aikai. Ngkane kam kona n tara tamnein Iesu Kristo. N te aro raa ae Iesu bon te rao ae raoiroi nakoira n tatabameniira? Kam kona n iangoa temanna ae rinanon te rawawata. Baireia bwa kona kanga n riki bwa te rao n aron Kristo nakoia.

• I mwiin warekan Iobi 19:23–27, ko kona ni marooro ma am ataei bwa kam kanga n ataia bwa e maiu te Tia Kabooi Maiura. Kam kona ni botaki ni mwakuri ni kaoti ami taeka ni kakoaua (ke aia korotamnei ibukin te Tia Kamaiu) inanon te boki (taraa te kibu 23).

• Kam kona n anenea te kuna ae kakoaua Iesu Kristo, n aron “I Know That My Redeemer Lives” (Anene n Taromauri,,nambwa 136). Tibauai mwanewe man te anene n taromauri anne ae kakorakora am onimaki irouna. Bukin tera e kakawaki bwa ti na ataia bwa e maiu Iesu Kristo?