Taian Areru 1–2; 8; 19–33; 40; 46

Ngkana ko wareka Taian Areru, ko na bae ni kunea aroia taan koroboki ni kaota te maaku, te nanokawaki, ke te ingainga n nano. Naano aikanne bon bwaai aika e tataneiai te aba iai, riki ibukiia aomatan te onimaki. Ma ae kaunganano man Taian Areru bwa a bon anga kaeka aika kaunganano, n raonaki ma bwaninin onimakinan te Uea. Ngkana ko wareka Taian Areru 1; 23; 26-28;46, korei:

• Kakao n onimakina te Uea.

• Taian taeka aika a Kabwarabwaraa.

• Taian taeka aika a kabwarabwara te rau, te korakora, ao kakabwaia riki tabeua aika E katauraoi.

• Taian taeka aika e kabwarabwaraia naake a Onimakinna.

Ao taratarai naba taeka aika katamneia ma kanikinaa aika kabonganaaki n Taian Areru n reireiniira taekan te Tia Kamaiu. Ibukin te katooto,n Taian Areru 23, tera ae uoti kibuntaeka n aron “kaweneai n tawana n uteute” ke “raan aika a rau” (verse 2) bwa ti na iangoi? Tera ae te “kai” ao te “oko” ni karaunano (te kibu 4) a tei ibukina? Tera ae nanonaki n ae ara “mwangko” (te kibu 5) e taonako?

Tabeua man taian areru a kairiira nakon maiun Iesu Kristo ae mamate. Kiritian n tain te Nu Tetemanti a noora irekereken aio. Iangoia n wareki kibuu aika taekinaki aikai. Kakaea irekereken taeka n taian areru ma maiun te Tia Kamaiu:

• Taian Areru 2:1–3 ao Mwakuri 4:24–28

• Taian Areru 2:7 ao Mwakuri 13:30-33

• Taian Areru 22:1 ao Mataio 27:45-46

• Taian Areru 22:7–8 ao Mataio 27:39-43

• Taian Areru 22:16 ao Ruka 23:32–33

• Taian Areru 22:18 ao Mataio 27:35

• Taian Areru 31:5 ao Ruka 23:46

Tera ae ko reiakinna man kamatebwaian irekerekeia kiibu aikai? Tera taeka ni burabeti ma berita n kiibu aikai aika tuai koro nanoia? Tera ae ko karekea man berita aikai ae anganiko te kaantaninga ibukin taai aika ana roko?

Warekan Taian Areru 8; 19; 33 e na kaungako bwa ko na iangoi ana karikibwai te Uea aika mwaiti. Mutiakin am iango nakon am namakin ngkana ko karaoia. Ko kona n anenea ke ni iangoi inanom taekan te kuna ae irekereke ma taian areru, n aron “How Great Thou Art” (Anene n Taromauri,, 86). E kanga ana karikibwai te Uea ni “katanoata mimitongin te Atua” nakoim? (Taian Areru 19:1).

Aikai tabeua riki anene n taromauri aika anaaki man Taian Areru:

• Taian Areru 23: “The Lord Is My Shepherd” (Anene n Taromauri, nambwa. 108)

• Taian Areru 23:6; 150: “Praise to the Lord, the Almighty” (Anene n Taromauri, nambwa. 72)

• Taian Areru 26:8: “We Love Thy House, O God” (Anene n Taromauri, nambwa. 247)

• Taian Areru 27:1: “The Lord Is My Light” (Anene n Taromauri, nambwa. 89)

• Taian Areru 33:1–6; 95:1–6: “For the Beauty of the Earth” (Anene n Taromauri, nambwa. 92)

• Taian Areru 37:3–9: “Be Still, My Soul” (Anene n Taromauri, nambwa. 124)

• Taian Areru 148: “All Creatures of Our God and King” (Anene n Taromauri, nambwa. 62)

Inanon Taian Areru, taeka n aron te kakoaua, te boua ae kaaraki, te tua, ao motikitaeka a kona n nanonaki bwa ana taeka te Uea. Urinnga te bwai anne ngkana ko wareki Taian Areru 19:7–11. Tera ae e kaotia nakoim kibuntaeka aikai ibukin ana taeka te Uea? Tera ae reireiniko Taian Areru 29 ibukin Bwanaana? N am taneiai, e kanga ana taeka ke bwanaan te Uea ni botau ma kabwarabwara aikai?

Bukina bwa te tembora i Ierutarem e kateaki iaon te tabuki, te kibuntaeka “ana maunga Iehova” (Taian Areru 24:3) e kona n nanonaki bwa te tembora ke te nako matan te Atua. Tera ae te bwai ae karaka otam inanon Taian Areru 24? Tera ae nanonaki iroum ni karekei “baai aika aki bareka, ao te nano ae itiaki”? (te kibu 4). Ngkai ko wareka Taian Areru 26–27, tera ae ko reiakinna i aon ana auti te Uea?

N taai tabetai, ti kona n bwarannano n ongo ae ti kainanoia bwa tina itiaki n tei imatan te Atua. Bwa ibuakon anne, ti rawawata, ao akea ibuakora ae kororaoi. Tera te kantaninga ae kona n karekeaki man ana rongorongo Unimwaane David a. Bednar “Baai aika aki Bareka ao te Nano ae Itiaki”? (Riaona, Nobembwa 2007, 80–83). Ko na kangaa ni kabonganaa ana rongorongo aio n buoka temanna ae e namakinna bwa ea rarawata n tangiran kakororaoana? Iangoia bwa ko na kanga n karekea ana ibuobuoki te Tia Kamaiu n am mwakuri n karekei “baai aika aki bareka, ao te nano ae itiaki.”

Taraa naba Brardley R.Wilcox, “Te Aro n Tau Bon Tiaki ae A na Akea Barekam,” Riaona, Nob. 2021, 61–67.

• Iangoa korean Te Uea bon … Kaoia ataei bwa kakaei anga n kabwanina te kibuntaeka anne ni kabongaia kiibu aikai: Psalms 23:1; 27:1; 28:1; 28:7; 32:7; 46:1. Tera ae a reireiniira kiibu aikai n aron te Uea n kona n buokiira?

• Ko kona n marooroakina ma am ataei bwa tera aekainanoia te tibu te teei bwa ena mano man marurung. Ngkane, ngkana kam ikotaki n wareka Taian Areu 23, buokiia am ataei bwa ana kabootaua ana mwakuri te tia kawakin tibu ibukin te tibu te teei ao ae karaoia Iesu ibukira. Tera ae ti kainnanoia n riki ni mano ao marurung n te maiu n tamnei? Ikotaki n anenea te anene are e n konaa n anganiia iango, n aron “I Feel My Savior’s Love” (Aia Boki n Anene Ataei,, 74–75).

• Ngkana kam ikotaki n wareka Taian Areru 24:3 am ataei ana kona n tatarai taeka aika ena kauringiia aekan te tembora. A kona naba n taraa tamnein te tembora. Ngkanne ikotaki n wareka kibu 4 n reiakinna bwa antai ae kona n rin n te tembora. Ko kona n marooro iaon baai aia bareka ao tina kanga ni kaitiaki. E kanga n bareka tamneira? E kanga n buokiira te Tia Kamaiu n kaitiaki tamneira?

• Kaoiia ataei bwa aongkoa a tang ngkai ko wareware man Taian Areru 30:5, “Tao e tang te aba ni kangaina.” Ngkanne tuangiia bwa a na kimwareirei ngkai ko wareka, “Ma te kimwareirei e roko inanon te ingabong.” Kaokioka te mwakoro aei tabeua te tai.

• Kaota tamnein te Tia Kamaiu, ao tuangiia ataei taekan tabeua bwaai are E a tia ni karaoi ibukim are e uota te kimwareirei. Angania ataei n tatabeman aia tai n taua te tamnei ao tibwaia bwa tera ae karaoia Iesu ni uota te kimwareirei nakoia.

• Buokiia ataei ni kamatenukuna te moan rain man Taian Areru 46:10: “Tei Moa, ao kam na atai bwa Ngai te Atua.” Tera ae nanonaki n ae “tei moa”? Ko kona n anaa teutana te tai n tekateka n rau moa. Ko kona naba n tibwaia imarenami ami taneiai ngke kam “tei moa” n kakorakora reitakim ma te Atua. Buokiia ataei n iangoi taai inanon aia bong ngkana a kona ni kataia n “tei moa” ao namakina te kaan nakon Tamara are i Karawa.