“Aokati 31–Tebetembwa 6. ‘“Ke a Bane Ni Kamoamoa Iehova Akana Iai Ikeikeia”; Taian Areru 102–103; 110; 116–119; 127–128; 135–139; 146–150,” Nakomai, Iriirai—Ibukin te Mweenga ao te Taromauri: O Tetemanti 2026 (2026)
“Aokati 31–Tebetembwa 6. ‘Ke a Bane Ni Kamoamoa Iehova Akana Iai Ikeikeia,’” Nakomai, Iriirai—Ibukin te Mweenga ao te Taromauri: O Tetemanti 2026
Reverential Return, iroun Kelsy ao Jesse Lightweave
Aokati 31–Tebetembwa 6: “Ke a Bane Ni Kamoamoa Iehova Akana Iai Ikeikeia”
Taian Areru 102–103; 110; 116–119; 127–128; 135–139; 146–150
Aran ana boki Taian-Areru n te katei n I-Iutaia Tehillim, bon te taeka n Ebera are nanona “kamoamoaa.” E irekereke ma te takarua are, hallelujah, (nanona “kamoamoaa Iehova” ke “kamoamoaa te Uea”). Ngkana ko na rinea teuana te taeka ni kauarerekea oin te rongorongo inanon Taian Areru, kamoamoaa te rinerine ae tamaroa. Tabeua Taian Areru iai inanona te kakao ni “kamoamoaa te Uea” (taraa riki Taian Areru 146–50), ao ni kabane ngaia a kona ni kaunga te namakin n nebonebo ao ni kamoamoaa. E kaoira Taian Areru bwa ti na taraa riki mwakan te Uea, ke Ana nanoanga, ao iaon bwaai aika tamaroa aika E a tia ni karaoi. Ti aki kona ni kabwara ara tarau Irouna ibukin bwaai aikai, ma ti kona ni Kamoamoa ibukina. Te kamoamoa anne e kona ni kabwarabwaraaki ni kawai aika kaokoro ibukiia aomata aika kaokoro—e kona n irekereke ma te anene, tataro, ke te kaoti koaua. E kairi n tainako nakon te motinnano ae nano nakon te Uea ao n iri Ana reirei. Bwa tera nanon “kamoamoaan te Uea” ni maium, ko kona ni karekea riki te kamoamoa anne ngkana ko wareka ao n iangoi Taian Areru.
Iango ibukin te Kamatebwai n te Mweenga ao n te Taromauri
Taian Areru 102–3; 116
E kona te Uea ni karaua nanou n rawawatau.
Taraia bwa e kanga Taian Areru 102:1–11 ni kabwarabwarai namakin n tabeaianga ao ni kaokoroaki are e roko n tainako man rawawatam. Tao ngkoe ke tabeman aika ko kinaia a tia n rinanon te namakin anne. Ngkana ko wareka Taian Areru 102:12–28; 103; 116, tarai kibuntaeka are e na anganiko te onimaki bwa ko kona “ni wetea aran te Uea” ni katakim (Taian Areru 116:13). Ko na bae n tangiria ni mwaken, kauring, ke n tibwauai ma tabeman kibuntaeka ake e anganiko te onimaki Irouna.
Taraa naba Itaia 25:8; Ebera 2:17–18; Aramwa 7:11–13; Camille N. Johnson, “Iesu Kristo Bon Motikan Rawa,” Riaona, Meei 2023, 81–83; “Where Can I Turn for Peace?” (Anene n Taromauri, nambwa. 129).
Carl Heinrich Bloch (1834–1890), Christ Healing the Sick at Bethesda, 1883, oil on canvas, 100 ¾ x 125 ½ te inti. Brigham Young Iuniwetiri Miutiem ibukin Korobanna, e kabooaki n te mwane ae katauraoaki iroun Jack R. ao Mary Lois Wheatley, 2001.
Taian Areru 110; 118
Iesu Kristo e kakoroi nanon taeka ni burabeti inanon Taian Areru.
Iai inanon Taian Areru kibuntaeka aika a kaoti maiun ao ana mwakuri Iesu Kristo. Aikai tabeua katooto:
-
Taian Areru 110:1–4 (taraa Mataio 22:41–45; Ebera 5:4–10; 6:20)
-
Taian Areru 118:22 (taraa Mataio 21:42; Makuri 4:10–11; 1 Betero 2:7)
-
Taian Areru 118:25–26 (taraa Mataio 21:9)
Tera koaua aika e reireiniko kiibu aikai ibukin Iesu Kristo? Bukin tera e kakaawaki kona ataa Taekana?
Taian Areru 119
Ana taeka te Atua e kateimatoai inanon Kawaina.
Taian Areru 119 iai inanona kibuntaek aika mwaiti aika a kabotaui maiura nakon te mwananga n rikaaki nakon Tamara are i Karawa. Ngkana ko wareware, tarai taeka n aron “nakonako,” “te kawai,” “kawai,” “wae,” ao te “ririaki.” Iangoa kawaim inanoni maium—ko mena ia ngkoa, ko mena ia ngkai, ao te tabo raa ae ko nako iai. Tera ae ko reiakinna man te areru ibukin kawaim n okira mwengam? Tera ae koa tia n reiakinna man taraakin kawaia tabeman? Ni kaineti ma te areru aei, tera ae e a tia ni katauraoia te Atua ni buokiko n tiku iaon Kawaina?
Iangoa te tai teuana ngke ko iriira te kawai ke te mwabe n buokiko n karokoko raoi n te tabo teuana. Tera ae reireiniko te taneiai aio iaon iriiran kawain te Atua?
N taian koroboki aika tabu aika mwaiti, te Uea ao Ana burabeti a taetaekina te kawai. Aikai tabeua katooto inano. Iangoia n rinanon kiibu aikai ao n korei ke n tibauaia ma tabeman bwaai aika ko reiakini.
|
Koroboki Aika Tabu |
Bwaai ae I reiakinna iaon kawain te Atua |
|---|---|
Koroboki Aika Tabu Taekan Rabakau 4:11–19 | |
Koroboki Aika Tabu Mataio 7:13–14 | |
Koroboki Aika Tabu | |
Koroboki Aika Tabu | |
Koroboki Aika Tabu | |
Koroboki Aika Tabu |
A na kanga kibu aikai ni buokiko n teimatoa iaon kawain te Atua?
Tera ae ko kona n reiakinna riki man iran ana reirei Beretitenti Russell M. Nelson?
“Ngkana mwanangara ae abwabwaki n te maiu aei e na nakoraoi, ti riai n iri kaetieti mai eta. E taku te Uea, ‘Tanimai nakoiu n ami iango n taai nako; tai nanououa, tai maaku’ [Reirei ao Berita aika Tabu 6:36]. Ao te Tia anene e koroia, ‘Boni baeni waeu am taeka, ao otani kawaiu’ [Taian Areru 119:105]. …
“Inanon mwanangam rinanon te maiu, ko kaitara ma kangaanga aika mwaiti ao ni karaoi kaairua tabeua. Kairi ni koroboki aika tabu e buokiko ni atai kaairua ao ni karaoa kaetakina. Katoka nakom nakon te kawai ae bure. Kamatebwai raoi kawai aika a koreaki inanon koroboki aika tabu. Ngkanne waaki nako ma te rairannano ao te kaitiaki ae kainnanoaki bwa ko na nakonako n ‘te kawai ae e eti man irariki are e na kairi ngkami nakon te maiu ae akea tokina’ [2 Nibwaai 31:18]” (“Living by Scriptural Guidance,” Ensign, Nobembwa. 2000, 17).
Taraa naba Dieter F. Uchtdorf, “Te nati ae bakatae ao te kawai n oki rikaaki nakon te mwenga,” Riaona, Nobembwa 2023, 86–88.
Taian Areru 134–36
E mwaaka riki te Uea nakoia bouananti.
Taraa bukina aika kaotaki inanon Taian Areru 135:15–18, bwa bukin tera bon te nanobaba onimakinan atua aika kewe. Tera ae e na anaaki iai nanom n onimakina are ti tebo ma bouananti? Ko kona ni koroi rinanin bwaai aika mwaaka aika e kona ni karaoi te Uea, n aron are e kabwarabwaraaki inanon Taian Areru 134–36. Tera bwaai aika mwaaka ae E a tia ni karaoia ibukim?
Taian Areru 139
E atai nanora te Uea.
Tera ae ko kunea n Taian Areru 139 ae e buokiko ni kamataatako bwa bukin tera te Uea e ataiko—am iango ao mwakuri, korakoram ma memerem? E kanga te koaua aei n roota maium ma am rinerine?
Taian Areru 146–50
“Kamoamoaa te Uea.”
Ngkana ko wareki kabanean kibuntaeka n taian areru aikai, iangoi bukina ngkai ko na riai ni kamoamoaa te Uea. Bukin tera e kakawaki bwa ko na anga te karinerine nako Ina? Tera kawai aika ko kona ni Kamoamoaa iai?
Ibukin iango riki tabeua, taraa te beeba ni kaongora n te namwakain aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Taian Areru 102:1-2
Te Uea e anganai te kabebete ao te kantaninga.
-
Ngkoe ke temanna am ataei kam kona n wareka Taian Areru 102:1-2, n kakaei anga are te Uea e buokiko iai inanon taai n rawawata. Ti na kanga ni karekea Ana ibuobuoki? Ko kona naba n tibwaia imarenami ami taneiai are kam kainanoa te ibuobuoki ao n namakinna bwa e ongo am tataro te Atua.
Taian Areru 119:105
Ana taeka te Atua kaanga ai aron te ota.
-
Am ataei a kona n unga n maroroakina aia namakin ngkana a tiku inanon te rootongtong. Ke n maroroakinii bwaai aika kangaanga karaoaia n te rootongtong. Ko na konaa ni kaoia bwa ana kataia ni karaoa te bwai teuana ni kamakii mataia, n aron korean te tamnei. Tera ae ti reiakinna man Taian Areru 119:105 iaon ootan ao ana taeka te Atua?
-
Tararai bwaai ae Tamara are i Karawa ea tia n anganiira bwa buokara n teimatoa iaon Kawaina n kiibu aikai: Taian Areru 119:47–48; 119:105; 1 Nibwaai 11:25; 2 Nibwaai 31:20. Tera ae ti kona ni karaoia n teimatoa iaon kawain te Atua?
-
Am ataei a na kona n unga n taratarai tamnein bwaai ake a taekinaki n Taian Areru 119:105. A kona n barongai tamnei n aia tai n wareka te kibu. Kam kona n anenea te anene ae kaeineti nakon te reirei aei, n aron “Teach Me to Walk in the Light” (Aia Boki n Anene Ataei, 177) ke “I Will Walk with Jesus” (Gospel Library).
Taian Areru 139:1–3, 23-24
Tamara are i Karawa ao Iesu Kristo a kinaai ao a tangirai.
-
Karaoa am riiti ni karinani bwaai ake ko atai n ibukiia am ataei n tatabemaniia. Ngkai ko wareka te riiti teuana imwin teuana, tuangiia ataei ni ketinna antai are e kabwarabwaraki. Ngkane, imwiin warekan Taian Areru 139:1-3 n ikotaki, kam kona n karinanii bwaai aika e ataia ibukimi Tamara are i Karawa ao Iesu.
-
Korea taekan Taian Areru 139:23-24 iaon te mwakoro n beebwa ke te burakibooti. Kaoia am ataei bwa ana korei rain iaan taeka ake a kabwarabwarai bwaai aika e kona te Atua n karaoia ibukira. Bukin tera ti tangira te Atua bwa e na karaoi bwaai aikai?
Taian Areru 146:1, 5–9
I kona n kamoamoa te Uea.
-
Tao am ataei a kona n tibauaia aia taneiai iaon temanna ae tia n kamoamoaia ke n tuangiia bwa e nakoraoi te bwai ae a karaoia. Tibwai tabeua bwaai aika a tamaroa man Taian Areru 146:6–9 are te Uea e a tia ni karaoi (buokiia am ataei n kaotaia n taeka ake a boou irouia). Kaoia am ataei bwa ana maroroakinii bwai riki tabeua ake E karaoia ibukira. Ti na kanga ni kaota ara kakaitau Nakoina ibukin bwaai aikai?
Reiakinna n te mwenga; tibauaia ma tabeman. Beretitenti Russell M. Nelson e a tia n reirei bwa te mweenga e riai n riki bwa te tabo ae “boboto iai reiakinan te euangkerio” (“Riki bwa Aomata Aika Itiaki ni Boong aika Kaitira,” Riaona, Nobembwa. 2018, 13). Tera ae ko kona ni karaoia n te wiiki aei ae ena nano iai oin am kamatebwai ke am kamatebwai n te utu iaon Taian Areru? Imwiin am kamatebwai, iangoia n tibaua ma tabeman bwaai ake ko reiakinna ao n namakinna. Ko kona n karaoia rinanon te marooro, te reitaki iaon bwaai n reitaki ke te intaneta, ke n te taromauri.
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.