“Tebetembwa 7–13. ‘E na Kaeti Kawaim’: Taeka n Rabakau 1–4; 15–16; 22; 31; Te Minita 1–3; 11–12,” Nakomai, Iriirai—Ibukin te Mweenga ao te Taromauri: Te O Tetemanti 2026 (2026)
“Tebetembwa 7–13. ‘E na Kaeti Kawaim,’” Nakomai, Iriirai: Te O Tetemanti 2026
Iesu ma Ataei, iroun Dilleen Marsh
Tebetembwa 7–13: “E na Kaeti Kawaim”
Taeka n Rabakau 1–4; 15–16; 22; 31; Te Minita 1–3; 11–12
Ko na bae n iangoa te boki ae Taeka n Rabakau bwa bon rikorikoan taeka n reirei aika a wanawana mairouia kaaro aika a tangiraki (taraa Taeka n Rabakau 1:8). Oin ana rongorongo bwa ngkana ko ukora te wanawana—moarara riki wanawanan te Atua—e na nakoraoi aron te maiu. Ma Taeka n Rabakau e rimwiiaki n ana boki Te Minita, are e taraa n taekina, “E aki beebete.” Te Tia Kabwarabwara e taekinna n Te Minita are e noraki bwa e “anga nano[na] bwa e na ataa te rabakau” ma e teimatoa ni karekea “uruan te tamnei” ao “te maraki ae bati” (Te Minita 1:17–18). N aro aika a mwaiti, te boki e titiraki, “E kona n iai raoi nanon te maiu n te aonaaba ike bwaai ni kabane a taraa aki boongana, aki teimaan, ao aki koaua?”
Ma e ngae n anne, ngkai booki aika uoua a taraa te maiu man taratara aika a kakaokoro, a reirei te koaua aika ti te arona. Te Minita e taeknna: “Ongo te aba baikai ni kabane: maaka te Atua, ao tou mwin ana tua; ba bon anne kabanean te aro ae riai irouia aomata” (Te Minita 12:13). Aio te reirei ae titebo are e kuneaki rinanon Taeka n Rabakau: “Ko na onimakina Iehova n nanom ni kabane” (Taeka n Rabakau 3:5; taraa naba te kibu 7). E tamaroa te maiu n taainako—ngkana e aki tamaroa te maiu n taainako—ngkana ti onimakina ao n iriira te Uea Iesu Kristo.
Ni kakimototoan booki aikai, taraa “Taeka n Rabakau, bokin” ao “Te Minita” n te Rikitinari n te Baibara.
Iango ibukin te Kamatebwai n te Mweenga ao n te Taromauri
Taeka n Rabakau 1–4; 15–16; Te Minita 1–3; 11–12
“Katanimaia taningam nakon te rabakau.”
Bokin Taeka n Rabakau ao te Minita a kaonaki n iango ao taeka n wanawana. Iangoia ni mwakena te taeka “rabakau” ao taeka ake a irekereke, n aron “wanawana” ao “ataibai,” ngkana ko kunei inanon Taeka n Rabakau 1–4; 15–16; Te Minita 1–3; 11–12. A kanga kiibu aikai n roota aron am iango ibukin te rabakau? Ni boboto iaon are ko kunea, kona kanga ni kabwarabwara te rabakau are “e anga te Uea”? (Taeka n Rabakau 2:6). Tera te kakabwaia ae e reke man rabakaun te Atua?
Taraa naba Mataio 7:24–27; 25:1–13.
Buokia taan reiakinaki bwa a na tibwa te bwai are a reiakinna. “Anganiia taan reiakinaki te tai n tibwatibwa imarenaia n te bwai are a reiakinna iaon te Tia Kamaiu, ao Ana euangkerio. Ni karaoan aei e na buokiia ni iangoia inanoia taian koaua ake a reiakinaki ao ni kaotia. E na buokiia naba ni karekea bon onimakinaia n aia konabwai n tibwai koaua inanon waaki tabeua” (Reirei n ana Kawai te Tia Kamaiu, 26). N aron te katooto, ko kona n kaoiia taan reiakinaki bwa a na korei tabeua bwaai n ibuobuoki man Taekan Rabakau ke te Minita ike a kunei nonoori ibukin wanawanan te Atua. Ngkanne kaoiia bwa a na taekina te bwai are a reiakinna.
Taeka n Rabakau 1:7; 2:5; 3:7; 15:33; 16:6; 31:30; Te Minita 12:13
“Tai bakanrabakau i matam: ko na maaka Iehova.”
Teuana te botoniango ae kuneaki ni kabutaa Taeka n Rabakau ao te Miinita “maakan te Uea.” Tataraa te kibuntaeka aei ngkana ko wareware. N am namakin tera ae e nanonaki bwa ko na maaka Iehova? Kakaei atatai n ana marooro Unimwaane David A. Bednar’“Therefore They Hushed Their Fears” (Riaona, Meei 2015, 46–49). E kangaa maakan Iehova ni kaokoro ma aekakin maaku riki ake tabeua?
Taraa naba Taekan Rabakau 8:13.
Taeka n Rabakau 3:5–7; 4
“Ko na onimakina Iehova n nanom ni kabane”
Ko na kanga ni kataia ni kairoroa temanna bwa e raoiroi riki n “onimakina Iehova” n aki “mwiokoa … oin [ara] ataibai”? (Taeka n Rabakau 3:5). Tera kabotau ke reirei ma bwaai ni kabotau aika ko na kabonganai? Ngkai ko iangoa inanom Taeka n Rabakau 3:5–7, iangoi kawai are ko na kona ni katiai tiententi aikai n aron aikai: Onimakina te Uea titebo ma …Mwiokoan oin ara ataibwai titebo ma …
Bukin tera bwa te iango ae aki tamaroa ni bon onimakina oin ara ataibwai? Ko na kanga ni kunea ae te Uea iai onimakinana?
E ngae n anne, ti na bae ni kunea kangaangan onimakinan te Uea n tabetai. E aera bwa e na riki anne? E kaoti tabeua bukina Unimwaane Gerrit W. Gong, n ikotaki ma taeka n reirei aika a rangi n ibuobuoki inanon “Onimaki Riki” (Riaona, Nob. 2021, 97–99). Tera karaki ke anga reirei ake ko kunei inanon te rongorongo aei are e na kona ni buoka temanna ni manga kaoka ana onimaki iroun te Uea?
Ni kauoua Taeka n Rabakau 3:6 ao Taeka n Rabakau 4 kabotaua te maiu nakon “te kawai” ke te “anga.” N am iango tera ae nanonaki ni kariaia te Uea bwa e na “kaeti [kawaim]”? (Taeka n Rabakau 3:6). Tera ae ko kunea n te mwakoro 4 are e buokiko “n iangoia ni kaeta kawain [waem]”? (te mwakoro 26). Te katooto, tera ae e reirei kiibu 11–12 ao 18–19 iaon kakabwaia n irakin te kawai ae eti? Tera ae e nanonaki ni kiibu 26 ao 27 iroum?
Taraa naba 2 Nibwaai 31:18–21; “Lord, I Would Follow Thee,” Anene n Taromauri, nambwa 220.
Taeka n Rabakau 15; 16:24–32
“E raira nako te un te kaeka ae nimamanei.”
Tabeua iango n Taeka n Rabakau 15–16 ae na kona ni kaunga arom n reitaki ma tabeman, riki naake ko tangiriia. N aron te katooto, iangoi taai aika a onoti ngke “te taeka ae nimamannei” e ibuobuoki n “[raira] nako te un” (Taeka n Rabakau 15:1).
Ko na kona naba n iangoi taai ngke te Tia Kamaiu e anga te katooto n taian reirei n Taeka n Rabakau 15:1–4, 18 (taraa Mareko 12:13–17; Ioane 8:1–11). Ti na kanga n ira Ana katooto ngkana ko karaoa am reitaki ma tabeman?
E kanga taeka n reirei n Taeka n Rabakau 15; 16:24–32 ni kaeineti ma aron te reitaki iaon bwaai aika a maiu man te iti inanon boong aikai? Taraia ngkana ko kona ni kunea te kibu inanon mwakoro aikai are ko kona ni manga kabwarabwara bwa kanga te taeka n reirei ibukin karaoan te reitaki iaon bwaai ni kaongora ke rinanon kanakoan te rongorongo.
Taraa naba Neil L. Andersen, “Following Jesus: Being a Peacemaker,” Riaona, Meei 2022, 17–20; Ronald A. Rasband, “Words Matter,” Riaona, Meei 2024, 70–77; Ibukin Kakorakoraia Kairake: Te Kairi ibukin Karaoan Rinerine (2022), 11–12.
Ai Antai ae E Kona ni Kunea te Aine ae Riai? II, iroun Louise Parker
Taeka n Rabakau 31:10–31
“E na kamoamoaki te aine ae e mamaka Iehova.”
Taeka n Rabakau 31:10–31 e kabwarabwara “te aine ae riai,” ke te aine ae korakora, konabwai, ao e kaira te nano. Ko na bae ni kataia ni kauarerekea n oin am taeka tera mai buakon kiibu aikai are e taetae ibukin te aine ae riai. E ngaa mai buakon anua aikai ae ko kona ni katotoonga?
Te Minita 1–3; 12
Te maiu n rabwata e aki teimaan.
Bukin tera e kakawaki iroum bwa kona uringnga anne n te aonaaba aei, n aron Te Minita 1–2 te taetae ni matoatoa, bon “te kainikatonga” (ke aki teimatoa ao n angin te tai e aki kakaawaki)? Tera ae ko kunea n te Minita 12 are e anga kakaawakin te maiu ae akea tokina?
Ibukin iango riki tabeua, taraa te beeba ni kaongora n te namwakaina aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Taeka n Rabakau 1:7; 2:5; 15:33; 16:6; Te Minita 12:13
Ni “maaka te Atua” nanona n tangiria ao n ongotaeka Irouna.
-
Ni buokiia am ataei bwa aonga ni mataata n taian ikota ni kibuntaeka ibukin maakan te Atua, ko kona ni oneamwiin te taeka ae “maaka” ma taeka n aron karinerine, tangira, ke ongotaeka (taraa naba Ebera 12:28). E kanga aron aei n roota aron ara iango ibukin kibu aikai? Ti na kanga ni kaotia bwa ti maaka te Uea?
Taeka n Rabakau 3:5–7
I kona n onimakina te Uea ma nanou ni kabane.
-
Ko kona ngkoe ma am ataei ni te oin ami takakaro ni waaki ma Taeka n Rabakau 3:5–7, n aron karaoan te aati ma baim, n rara nakon iteram are te iterana, nakonako n te tabo, ao ni kotea matam. Tina kanga ni kaotia bwa ti onimakina Iesu Kristo ma nanora ni kabane?
-
Ni kaota bwa tera ae nanonaki n “aki mwiokoa oin ara ataibwai” (Taeka n Rabakau 3:5), iangoia kaoiia am ataei bwa a na raraa nakon te bwai ae matoa n aki kona ni mwaing, n aron te oo. Imwiina a kona ni kataia n raraa te bwai teuana ae aki matoa, n aron te kai n iaaki. Ke a kona ni kataia ni kararaa te kai ke te bentira ni katuruia ma bwaai aika a kakaokoro matoaia, n aron te boki ke te mwakoro ni beeba. Bukin tera e kakawaki “onimakinan te Uea” (te kibu 5) ao tiaki “oin ara ataibai”?
Reiakinna n Onimakina te Uea,, iroun Kathleen Peterson
Taeka n Rabakau 15:1, 18
I kona ni kabonganai taeka n akoi.
-
Tao ko kona ma am ataei n iangoi aaro ake a tia nriki ngke ko namakina te un ke ngaiia. Wareka Taeka n Rabakau 15:1 ni kabane, ao buokiia am ataei ni kamwakura te kibu aei nakon aaro ake a iangoi. Tao a kona ni kamwakuri tabeua “taeka aika aamaraui.” Te anene iaon te akoi n aron,“Love Is Spoken Here” (Aia Boki n Anene Ataei,, 190–91), e kona ni kamatoaa te rongorongo aei.
-
N reiakinna bwa tera ae nanonaki n ae ko na “waeremwe n un” (Taeka n Rabakau 15:18), ko kona ngkoe ma am ataei n tibwauai taai are ngkoe (ke temanna ae ko ataia) ae e un ma e rineia bwa e na akoi. Buokiia am ataei bwa a na iangoi bwaai ake ti konaa ni waekoa n karaoi ngkana ti “waeremwe n un.” N aron te katooto, ti kona ni waekoa n iangoa taekan Iesu, ni butiia Tamara are i Karawa ibukin buokara, n iangoa anenen te Moanrinan, ke, ngkana e riai, ni waekoa n taonnako.
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.