“August 24–30. ‘Ami Nyetiŋ Se Enye Anamde ɔnɔ Ukpɔŋ Mi’: Psalms 49–51; 61–66; 69–72; 77–78; 85–86,” Di, Tiene Mi—Eke Ufɔk ye Ufɔk Abasi: Akani Testament 2026 (2026)
“August 24–30. ‘Ami Nyetiŋ Se Enye Anamde ɔnɔ Ukpɔŋ Mi,’” Come, Follow Me: Old Testament 2026
Ndinyaŋa Enye Emi Okosopde, emi Michael Malm ewetde
August 24–30: “Ami Nyetiŋ Se Enye Anamde ɔnɔ Ukpɔŋ Mi”
Psalms 49–51; 61–66; 69–72; 77–78; 85–86
Mme andikiwet Psalm ebuana mme ntɔtuŋɔ ifiɔk ke uto mmɔ. Mmɔ ema ewet ebaŋa mmem-idem, ndik, ye ŋkpɔfiɔk. Usuk ini, mmɔ ema ekere ke Abasi esin mmɔ, ndien usuk mme psalm enyene idaha mbiara mme ŋkimenyin. Edieke edide ke afo akananam modu ke utɔ idaha oro, ndikot mme Psalm ekeme ndinwam fi ɔfiɔk ete ke afo idighe ikpɔŋ. Edi afo ŋko oyokut mme psalm emi ekemede ndinɔ fi uko ke ini afo enyenede mme utɔ ekikere oro, ke ntak emi edide ke mme andiwet mme psalm ŋko ema etoro Jehovah ke ntak etido Esie, ekpaidem ebaŋa odudu Esie, enyuŋ edaresit ke mbɔm Esie. Mmɔ ema efiɔk ete ke nnyin ibiom-mbiomo idiɔk ye idiɔkŋkpɔ edi ke Jehovah “ɔfɔn, onyuŋ ebeŋeidem ndifen-nnɔ” (Psalm 86:5). Mmɔ ema efiɔk ete ke ndibuɔtidem ke Jehovah iwɔrɔke ite ke afo udunyeneke oyomo-nsia, idiɔkŋkpɔ, mme ndik. Ɔwɔrɔ ete ke afo ɔmɔfiɔk owo emi anade nte ebine ke ini anamde.
Mme Ekikere Ndikpep-ŋkpɔ ke Ufɔk ye Ufɔk Abasi
Psalms 49; 62–12
Edifak oto Jesus Christ ikpɔŋ.
Psalm 49 enyene etop ɔnɔ “ifin ye owo uko, enyene ŋkpɔ ye ubuene mbiba” (ufaŋ 2). Nso ke afo ekere ke etop emi edi? Nso ke afo ekere ke Psalm 62:5–12 adian ke etop oro?
Ndikot mme psalm emi ekeme ndinɔ fi uko ndikere mbaŋa mme usuŋ emi edomode nnyin ndidori enyin ke ŋkpɔ efen emi midighe Abasi iyom edifak (se Psalm 49:6–7). Didie ke uwem fo enyene ndausuŋ oto ikɔ ntiense fo ete ke “Abasi eyefak ukpɔŋ [fo] osio ke odudu udi”? (Psalm 49:15).
Psalms 51; 85–86
Ke ntak mbɔm Andinyaŋa, ekeme ndifen nnɔ mi.
Edidem David ekewet Psalm 51 ke ini enye okokutde ke ima iyom erifen nnɔ—usuk ini kpukpru nnyin imiyom. Mme ufaŋ efe etiŋ abaŋa mme ekikere emi afo ekenyenede? Nso ke afo okut ke psalm emi emi ɔnɔde fi idorenyin abaŋa erifen nnɔ?
Afo ŋko emekeme ndiduŋɔde Psalm 51 oyom mme usuŋ abaŋade se iwɔrɔde ndikabare-esit. Wet ibat ŋkpɔ se afo okotde. Se mme afo emekeme ndidian ke ibat oro ke ndiduŋɔde etop Russell M. Nelson, “We Can Do Better and Be Better,” (Liahona, May 2019, 67–69).
Didie ke afo ekeme nditiŋ mbaŋa nte etiede ndibɔ edifen nnɔ nto Christ? Edieke afo oyomde unwam nditiŋ mbaŋ mme ekikere fo, afo emekeme ndise Psalms 51:1–2, 7–12; 85:2–9. Usuk mme owo ema ndiwet mme ndiyom mme ndise ndiwut mme ekikere mmɔ, afo emekeme ndidomo oro nse. Afo ŋko emekeme ndikwɔ mme akpaŋ utɔŋ ɔnɔ ikwɔ abaŋade Andinyaŋa, utɔ nte “I Stand All Amazed” (Hymns, no 193).
Man ikabade esit, nnyin imoyom mbuɔtidem ite ke idighe ke Jesus Christ ekeme ndinam nnyin isana ikpɔŋ edi ŋko ke Enye ayanam. Nso ke afo okut ke Psalm 86:5, 13, 15 emi aŋwamde fi ndifiɔk ke Andinyaŋa ekeme onyuŋ enyene ukeme ndifen nnɔ?
Se ŋko Alma 36; Peter F. Meurs, “He Could Heal Me!,” Liahona, May 2023, 39–41.
Psalms 51:13–15; 66:5–20; 71:15–24
Ikɔ ntiense mi kabaŋa Jesus Christ ekeme ndinwam mbon efen edi etiene Enye.
Kere baŋa nte ekenyenede ikɔ ntiense fo abaŋa Jesus Christ ye odudu usio-isop Esie. Ndien, nte afo ekpepde Psalms 51:13–15; 66:5–20; 71:15–24, kere baŋa nte afo ekemede ndikot mbon efen ete “edise mme utom Abasi” (Psalm 66:5). Edieke anade nte afo “etiŋ se [Ͻbɔŋ] anamde ɔnɔ ukpɔŋ [fo]” (Psalm 66:16), nso ke afo ekpetiŋ?
Nso ke ɔwɔrɔ ɔnɔ fi “nditiŋ mbaŋa edinen ido [Esie] ke ofuri usen? (Psalm 71:24).
Se ŋko Alma 26.
“Edi edikop, … ndien ami nyetiŋ se [Abasi] anamde ɔnɔ ukpɔŋ mi” (Psalm 66:16).
Psalms 63; 69; 77–78
Abasi eyeŋwam mi ke ini nyomde uŋwam.
Ediwak psalm etiŋ nte etiede ndida nsan-nsan ye Abasi ndien enehede eyom uŋwam Esie (se Psalm 63:1, 8; 69:1–8, 18–21; 77:1–9). Ke Psalm 63;69; 77–78, nso ke afo okut emi ɔnɔde mme andiwet psalm idorenyin?
Ke ini odude ke mfuhɔ, didie ke aŋwam fi “nditi utom Abasi” ye “mme utibede ŋkpɔ eset” Esie? (Psalm 77:11). Etiŋ ebaŋa usuk mme utibe ŋkpɔ oro ke Psalm 78. Nte afo okotde abaŋa mmɔ, kere baŋa se iŋwamde fi “odori enyin [fo] ke Abasi“ufaŋ Itiaba).
Ke se iwakde ikan emi, se Liahona eke ɔfiɔŋ emi ye For the Strength of Youth magazines.
Mme Ekikere Ndikpep Nditɔ-ɔwɔŋ
Ke ntak emi Sunday emi edide ɔyɔhɔ Sunday ition ke ɔfiɔŋ emi, edɔhɔ ete yak mme andikpep Primary ekama mme edinam ukpep ŋkpɔ ke “Appendix B: Preparing Children for a Lifetime on God’s Covenant Path.”
Psalm 51; 86:5, 13, 15
Ke ini nnamde idiɔk edimek, Jesus ekeme ediŋwam mi ndikpuhɔre.
-
Man eŋwam nditɔ fo ekut mme akpanikɔ ebaŋa edikabade esit ke Psalm 51, afo emekeme ndiwet akamba esit. Ndien afo emekeme ndinwam nditɔ fo ewet ke ufɔt esit oro mme idiɔk emi Satan odomode nnyin ete inam. Didie ke nnyin idisio mme ŋkpɔ emi ke esit nnyin? Dɔhɔ yak nditɔ fo eyom ikɔ emi “esit” ke Psalm 51:10, 17. Tiŋ baŋa se mme ufaŋ emi ekpepde ebaŋa ŋkabade esit. Yak nditɔ fo esɔhi mme ikɔ oro ke ufɔt esit oro esio ndien ewet mme obufa ikɔ emi etiŋde abaŋa mme usuŋ emi Jesus ekemede ndikpuhɔde nnyin ke ini nnyin ikabarede esit.
-
Afo emekeme ndiŋwam nditɔ fo ekpep ebaŋa se ɔwɔrɔde ndinyene “esit emi ɔbuŋɔde ye emi anuahade” (Psalm 51:17). Mmɔ ekeme ndida kiet kiet ebom ŋkpɔ emi enyenede nsat ikpɔk, utɔ nte nsen-unen mme isip. Afo emekeme ndinwam mmɔ eda ikpɔk oro edomo ye mme ŋkpɔ ekpande nnyin ndikop ima Ete ke Heaven. Didie ke nnyin ikeme ndiberede esit nnyin inɔ Enye?
-
Mbufo ŋko emekeme ndise ndise Andinyaŋa kiet ndien obup nditɔ fo mme ikɔ emi mmɔ ekemede ndida ntiŋ mbaŋa Enye. Dɔhɔ mmɔ ete eyom mme ikɔ emi etiŋde abaŋa Enye ke Psalm 86:5, 13, 15. Ntak emi edide akpan ndifiɔk mme ŋkpɔ emi mbaŋa Enye?
Psalm 61:2–3
Jesus Christ edi itiat mi.
-
Nditɔ fo ekeme ndima ndiwet mme ndise emi edade enɔ ŋkpɔ efen ke Psalm 61:2–3. Didie ke Jesus Christ etie nte ŋkoŋkoŋ “itiat” (ufaŋ 2), “ebiet ubɔhɔ,” ye ,“ɔkpɔsɔŋ tower”? (ufaŋ 3).
“Afo edi ebiet ubɔhɔ ɔnɔ mi, ye ɔkpɔsɔŋ tower” (Psalm 61:3).
Psalms 66:16; 77:11; 78:6–7
“Ami nyeti mme utom Ͻbɔŋ.”
-
Dɔhɔ yak nditɔ fo ebuana usuk mme ŋwed Abasi emi mmɔ emade ekan (mme ndise emi etode Gospel Art Book ekeme ndiŋwam). Nso ke mme mbuk emi ekpep nnyin ebaŋa Abasi? Mbufo emekeme ndikot kiet Psalm 66:16 ndien kiet kiet ebɔrɔ mbume emi “Nso ke Jehovah anam ɔnɔ ukpɔŋ mi”?
-
Nte mbufo okotde Psalm 77:11; 78:6–7 kiet, mbufo emekeme ndibuana ye kiet eken nte mbufo edomode “nditi mme utom Ͻbɔŋ” (Psalm 77:11), ye mme utom Esie ke uwem mbufo. Didie ke sacrament anwam nnyin “nditi kpukpru ini”? (Moroni 4:3; 5:2)
Psalm 71:8
Ami mekeme nditiŋ mbaŋa Jesus Christ nnɔ mbon efen.
-
Ke ama okot Psalm 71:8 ye nditɔ fo ama, dɔhɔ mmɔ ete ewet akamba inua. Dɔhɔ mmɔ ete enwam fi “eyɔhɔ” inua oro ye mme ndise mme mme ikɔ emi edade enɔ mme ŋkpɔ emi nnyin ikemede nditiŋ mbaŋa Jesus Christ.
-
Afo emekeme ndiwut ndise Jesus Christ. Owo emi akamade ndise oro ekeme nditiŋ ŋkpɔ kiet emi mmɔ efiɔkde ebaŋa Enye. Didie ke nnyin ikeme ndiŋwam mbon efen efiɔk mme ŋkpɔ emi?
Nditɔ enyene ediwak ŋkpɔ ndibuana. “Ke ini nditɔ ekpepde obufa ŋkpɔ, mmɔ eyom ndibuana enye ye mbon efen. Nnɔ udɔŋ emi uko ke ndinɔ nditɔ mme ufaŋ ndikpep mbon efen, mbon ufɔk emana mmɔ, ye mme ufan mmɔ mme ido gospel. Ŋko dɔhɔ mmɔ ete ebuana mme ekikere, mme ifiɔk, ye mme edinam mmɔ emi asaŋade kiet ye mme ido emi afo ekpepde ye afo. Afo eyekut ke mmɔ enyene mbufiɔk emi edide memm-mmem, edisana, onyuŋ enyene odudu ” (Teaching in the Savior’s Way, 32).
Psalm 86:7
Ete ke Heaven okop onyuŋ ɔbɔrɔ mme akam mi.
-
Ediwak mme psalm etie nte mme akam enɔ Abasi. Nte afo okotde mme Psalm ye nditɔ fo, afo emekeme ndiwut mmɔ mme ŋkpɔ emi nnyin ikemede ndida nneme nneme ye mme owo emi edude ke anyan usuŋ, utɔ nte phone mme letter. Ndien kot Psalm 86:7. Didie ke nnyin “ikot” Ete ke Heaven? Didie ke Enye ɔbɔrɔ nnyin?
-
Mbufo emekeme ndikwɔ kiet abaŋade akam ɔtɔkiet, utɔ nte “A Child’s Prayer” (Children’s Songbook, 12–13; se ŋko Susan H. Porter, “Pray, He Is There,” Liahona, May 2024, 77–79). Tiŋ nnɔ kiet eken baŋa mme ini emi Abasi ɔkɔbɔrɔde mme akam fo.
Ke se iwakde ikan emi, se ke Friend magazine eke ɔfiɔŋ emi.
Di Tiene Christ, emi Casey Childs ewetde