Psalms 1–2; 8; 19–33; 40; 46

Nte afo okotde Psalms, oyokut ediwak ini emi mme andiwet etiŋde ebaŋa ndik, ukut, ye nyomonsia. Mme utɔ ifiɔk emi edi nnen nnen, ɔnɔ kpa mbon mbuɔyidem. Edi sinamde Psalms enyene uko edi ke mmɔ enɔ mme ibɔrɔ uko, emi esinede ofuri idorenyin ke Ͻbɔŋ. Nte okotde Psalms 1; 23; 26–28; 46,:, ɔsuhɔde:

• Mme ikot ndidori enyin ke Ͻbɔŋ.

• Mme ikɔ emi enamde Enye aŋwaŋa.

• Mme ikɔ emi etiŋde ebaŋa emem, odudu, ye mme edidiɔŋ efen emi Enye ɔnɔde.

• Mme ikɔ emi etiŋde ebaŋa mme owo emi edoride enyin ke Enye.

Ŋko yom mme nnen nnen ndise ye se idade inɔ emi Psalms edade ekpep ebaŋa Andinyaŋa. Ke nte uwut-ŋkpɔ, ke Psalm 23, nso ke mme ibio ibio ikɔ nte “nsuhɔde nna ke awawa mbiet” mme “mmɔŋ nduɔk-odudu” (ufaŋ 2) anam ikere? Nso ke mme ikɔ ndɔŋ-esit “eto” ye “esaŋ” (ufaŋ 4) eda enɔ? Nso ke ɔwɔrɔ ɔnɔ “cup” (ufaŋ 5) ndiyɔhɔ nduɔhɔ?

Ediwak mme psalm ewut uwem eke ikpɔ idem Jesus Christ. Mme Christian ke mme ini Obufa Testamant ema ekut edidiana kiet emi ŋko. Kere baŋa ndikot mme ŋwed Abasi emi. Yom mme ebuana ke mme ikɔ emi ke mme psalm emi ye uwem Andinyaŋa.

• Psalm 2:1–3 ye Acts 4:24–28

• Psalm 2:7 ye Acts 13:30–33

• Psalm 22:1 ye Matthew 27:45–46

• Psalm 22:7–8 ye Matthew 27:39–43

• Psalm 22:16 ye Luke 23:32–33

• Psalm 22:18 ye Matthew 27:35

• Psalm 31:5 ye Luke 23:46

Nso ke afo ekpep oto ke ndikpep mme ebuana emi? Nso nditiŋ nte prophet ke ŋwed Abasi ye mme eŋwɔŋɔ miwɔrɔke isu kaŋa? Nso ke afo okut ke mme eŋwɔŋɔ emi emi ɔnɔde fi idorenyin abaŋa ini iso?

Ndikot Psalm 8; 19;33 ekeme ndinɔ fi uko ndikere mbaŋa ediwak ŋkpɔ emi Jehovah obotde. Kpaŋ-utɔŋ nnɔ mme ekikere fo nte afo anamde ntre. Afo ŋko emekeme ndiyom ndikwɔ mme nkere mbaŋa mme ikɔ ikwɔ emi asaŋade ye mme psalm emi, utɔ nte “How Great Thou Art” (Hymns, 86). Didie ke se Jehovah obotde “ekwɔrɔ ubɔŋ Abasi” enɔ fi? (Psalm 19:1)

Emi edi usuk mme ikwɔ emi mme Psalm enɔde ifiɔk:

• Psalm 23: “The Lord Is My Shepherd” (Hymns, no. 108)

• Psalms 23:6; 150: “Praise to the Lord, the Almighty” (Hymns, no. 72)

• Psalm 26:8: “We Love Thy House, O God” (Hymns, no. 247)

• Psalm 27:1: “The Lord Is My Light” (Hymns, no. 89)

• Psalms 33:1–6; 95:1–6: “For the Beauty of the Earth” (Hymns, no. 92)

• Psalm 37:3–9: “Be Still, My Soul” (Hymns, no. 124)

• Psalm 148: “All Creatures of Our God and King” (Hymns, no. 62)

Ke mme Psalm, mme ikɔ nte ikɔ ntiense, mme ewuhɔ, ibet, ye mme ubiere ikpe ekeme ndidi ikɔ Ͻbɔŋ. Nim oro ke esit nte afo okotde Psalm 19:7–11. Nso ke mme ufaŋ emi enɔ fi ekikere ebaŋa ikɔ Ͻbɔŋ? Nso ke Psalm 29 ekpep fi abaŋa uyo Esie? Ke ifiɔk fo, didie ke ikɔ mme uyo Ͻbɔŋ asaŋa ye mme ikɔ ndinam enwaŋa emi?

Ke ntak emi ekebɔpde temple ke Jerusalem ke enyɔŋ obot, ibio ikɔ emi “obot Ͻbɔŋ” (Psalm 24:3) ekeme ndidi temple mme iso Abasi. Nso ke emi adian ke ifiɔk fo abaŋa Psalm 24? Nso ke ɔwɔrɔ ɔnɔ fi ndinyene “edisana ubɔk, ye edisana esit”? (verse 4). Nte afo okotde Psalms 26–27, nso efen ke afo ekpep abaŋa ufɔk Ͻbɔŋ?

Ke mme usuk ini, ekeme ndisin nnyin uko ndikop ete ke ana nte nnyin idi edisana man iduk iso Abasi. Koro, kpukpru nnyin idodomo, ndien owo nnyin ndomo kiet ifɔnke ima. Nso idorenyin ke afo okut ke etop Elder David Bednar emi “Clean Hands and a Pure Heart”? (Liahona, Nov. 2007, 80–83). Didie ke afo ekeme ndida etop emi ŋwam owo emi ekerede ke uwem akan enye emi oyomde ndifɔn-mma? Kere baŋa nte afo ekemede ndibɔ uŋwam Andinyaŋa ke mme udomo fo ndinyene “edisana ubɔk, ye edisana esit.”

Se ŋko Bradley R. Wilcox, “Ndidot Idighe Ndinana Ndudue,” Liahona, Nov. 2021, 61–67.

• Kere baŋa ndiwet Jehovah edi … Kot nditɔ ete eyom mme usuŋ ndinam usem emi ɔyɔhɔ ke ndikama mme ŋwed Abasi nte utɔ emi: Psalm 23:1; 27:1; 28:1; 28:7; 32:7; 46:1. Nso ke mme ufaŋ emi ekpep nnyin abaŋa nte Jehovah ekemede ndiŋwam nnyin?

• Afo emekeme ndineme ye nditɔ fo ntak emi anade nte eyenerɔŋ ɔbɔhɔ onyuŋ odu ke nsɔŋidem. Ndien, nte mbufo ekotde Psalm 23kiet, ŋwam nditɔ fo ndidomo se ekpeme erɔŋ anamde ɔnɔ erɔŋ ye se Jesus anamde ɔnɔ nnyin. Ntak emi anade nte nnyin ibɔhɔ ke spirit inyuŋ idu ke nsɔŋidem? Ekwɔ ikwɔ emi ekemede ndinɔ mmɔ ifiɔk ɔtɔkiet, utɔ nte “I Feel My Savior’s Love” (Children’s Songbook, 74–75).

• Nte mbufo ekotde Psalm 24:3 kiet, nditɔ fo ekeme ndiyom mme ikɔ emi etide mmɔ abaŋa temple. Mmɔ ŋko ekeme ndise ndise temple. Ndien mbufo emekeme ndikot ufaŋ Inaŋ kiet ndikpep mbaŋa owo emi ekemede ndiduk temple. Afo emekeme nditiŋ mbaŋa nte ubɔk edehede ye nte nnyin ikemede ndinam mmɔ esana. Didie ke nnyin idihe ke spirit? Didie ke Andinyaŋa anwam nnyin isana ke spirit?

• Edieke afo enyenede mkpri nditɔ, afo emekeme ndidɔhɔ mmɔ ete enam nte etatua ke ini afo okotde oto Psalm 30:5, “Eyet eyedaŋ ke mbubreyo.” Ndien dɔhɔ mmɔ ete ewut idaresit nte afo okotde “edi idara edi ke usenubɔk.” Fiak kot ibio ikɔ emi ke ŋkpɔ nte ini ifaŋ.

• Wut ndise Andinyaŋa, ndien dɔhɔ nditɔ fo se Enye anamde ɔnɔ fi emi ɔnɔde fi idaresit. Afo ŋko emekeme ndinɔ eyen kiet kiet ufaŋ ndikama ndise oro nyuŋ mbuana se Jesus anamde emi ɔnɔde mmɔ idara.

• Nwam nditɔ emum akpa udim eke Psalm 46:10; “Edobo, eyuŋ efiɔk ete ke Ami ndi Abasi” ke ibuot. Nso ke ɔwɔrɔ “ndidobo”? Etie nte ke emekeme ndida ekpri ini mkpep nte edobode. Afo ŋko emekeme ndibuana ye kiet eken mme ifiɔk ke ini “ndidobode” ɔkɔsɔŋɔde ye Abasi. Ŋwam nditɔ fo ekere ebaŋa mme ini ke usen emi mmɔ ekemede “ndidobo” man ekpere Ete ke Heaven.