Job 1–3; 12–14; 19; 21–24; 38–40; 42

Mme ntɔŋɔ ibuot Job esɔŋɔ, ke usuŋ uto, edinam Satan nte asua mme andidori nnyin uyo; mmɔ itiŋke ibaŋa ata ebuana Abasi ye Satan. Nte afo okotde se Satan eketiŋde abaŋa Job (se Job 1:9–11; 2:4–5), afo emekeme ndibup idem fo ete “Ntak emi ami nkade iso mbuɔtidem ke Abasi?” Ntak emi edide idiɔk ndikop item nnɔ Ͻbɔŋ ikpɔŋ kabaŋa ntak emi Satan ɔnɔde ekikere?

Nso ŋkpɔ ituk fi ibaŋa mme ibɔrɔ Job kabaŋa mme idomo esie? (se Job 1:20–22; 2:9–10).

Mme ufan Job ema enɔ ekikere ete ke Abasi ɔkɔnɔ enye ufen (se Job 4–5; 8;11). Mme nso mfana ke afo okut ke ekikere emi? Kot ibɔrɔ Job ke mme ibuot 12–13. Nso ke Job ɔkɔfiɔk abaŋa Abasi emi akanamde enye aka iso enyene idorenyin? Nso ke afo ɔfiɔk abaŋa Abasi emi anwamde fi ndiyɔ mme mfina?

Usuk ini nnyin ikpep mme akpanikɔ emi efɔnde ekan ke mme ata mkpɔsɔŋ ini nnyin. Kere baŋa mme idomo emi Job etiŋde abaŋa ke Job 19:1–22 ye mme akpanikɔ emi enye emende owut ke mme ufaŋ 23–27. Didie ke afo ɔfiɔk ete ke Andifak fi oduwem? Nso utɔ ukpuhɔde ke ifiɔk emi anam ke uwem fo?

Kere baŋa ndikwɔ mme ndikpaŋ utɔŋ nnɔ ikwɔ emi abaŋade Jesus Christ, utɔ nte “I Know That My Redeemer Lives” (Hymns, no 136). Afe mme ikɔ ke ikwɔ emi etiŋ abaŋ mme ekikere nnyin abaŋa Enye?

Se ŋko Doctrine ye Covenants 121:1–12; 122.

Ke Job 21–24, afo oyokot abaŋa efaŋa ke ufɔt Job ye mme ufan esie. Ke esit efaŋa emi ekedi mbume emi ediwak owo ekebupde: Ntak emi ndinen owo usuk ini esibɔde ufen?

Okposukedi ke nnyin inyeneke ofuri ibɔrɔ, ke gospel Jesus Christ emi ekefiakde emen edi, nnyin iminyene usuk akpanikɔ emi ekemede ndinwam nnyin ifiɔk ibaŋa usua ye ufen. Ke idak emi edi mme ŋwed Abasi eyo emi emi ɔdɔŋde mme usuk akpanikɔ emi. Nso ke mme ŋwed Abasi emi ekpep fi abaŋa Ete ke Heaven ye uduak Esie?

• 2 Nephi 2:11–13

• Mosiah 23:21–23; 24:10–16

• Ether 12:27

• Doctrine ye Covenants 58:3–5

• Abraham 3:22–26

Afo ŋko emekeme ndikot mme ukpep-ŋkpɔ President Spencer W. Kimball emi abaŋade usua ke “Tragedy or Destiny?” (Teachings of Presidents of the Church: Spencer W. Kimball [2011]), 11–21).

Ke asaŋade ye se afo ekekpepde, didie ke afo ekeme ndibɔrɔ mbume nte “Ntak emi Abasi ayakde ndinen owo ebɔ ufen?”

Ke ɔbɔde ikpan oto mme ndori uyo mme ufan esie (se Job 16:1–5; 19:1–3), Job aka iso obup Abasi ntak emi anade nte enye ɔbɔ ufen ntem (se Job 19:6–7; 23:1–9;31). Ͻbɔŋ ikinɔhɔ nnen nnen ibɔrɔ ke ŋwed Job. Edi Enye ama ekpep akpan ukpep-ŋkpɔ ke mme ibuot 38–40. Didie ke afo edinam etop oro edi ibibio? Ke nte uwut-ŋkpɔ, nso ke afo ekpep oto mme mbume Ͻbɔŋ ke Job 38:1–7, 18–24?

Afo oyokut ete ke Ͻbɔŋ ama etiŋ ikɔ ɔnɔ Job abaŋa usuk mme ŋkpɔ emi Enye okobotde ye mme ikpɔ utom efen (se Job 38–39). Afo emekeme ndise usuk mme ŋkpɔ emi ekebotde (mme mme ndise mmɔ). Didie ke mme ŋkpɔ emi enwam fi enyene nsio-nsio ekikere abaŋa Abasi? abaŋa mme idomo fo? Didie ke mmɔ ekekpuhɔde usuŋ ukere-ŋkpɔ Job? (se Job 42:1–6; se ŋko Moses 1:8–10).

Se emi edi etop akwa mbono iba emi ekemede ndiŋwam ndikpuhɔ ukere-ŋkpɔ nnyin: Tamara W. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Think Celestial!” (Liahona, Nov. 2023, 117–20). Ke etop emi kiet kiet, yom ŋkpɔ emi afo ediyomde nditi ini efen emi mme idomo fo etiede nte ekpon ekan fi. Didie ke afo editi idem fo ibaŋa se afo ekekpede?

• Nnam nditɔ fo edɔhɔ fi se mmɔ efiɔkde ebaŋa Job. Edieke mmɔ eyomde unwam, afo emekeme ndidɔhɔ mmɔ ese Job 1:1, 13–22; 2:7–10 mme “Job” (ke Mme Mbuk Akani Testament, 145–47). Didie ke Job ɔkɔyɔ mme mfina? (se Job 1:21; 2:10).

  

  1:55

• Job ama enyene mbuɔtidem ke mme mfina esie koro enye ama ɔfiɔk abaŋa Ͻbɔŋ. Afo ye nditɔ fo emekeme ndise mme ndise Jesus Christ nte odude ye mbon efen (nte enye emi odude mi ke idak mme mme ndise ke Gospel Art Book). Tiŋ baŋa se afo ɔfiɔkde abaŋa Enye ye nte Enye etiede. Emi edi usuk mme ufaŋ emi ewutde se Job ɔkɔfiɔkde abaŋa Ͻbɔŋ: Job 12:10, 13, 16; 19:25–27. Ntak emi enyenede ufɔn ndifiɔk mme ŋkpɔ emi mbaŋa Enye?

• Job ama obup akpan mbume ke Job 14:14. Ndien afo ye nditɔ fo emekeme ndibuana ye kiet eken nte mbufo edibɔrɔde Job. Afo emekeme ndiyom mme ifiɔk ke Alma 11:42–44, ke ndise oro “In a Coming Day” (Gospel Library), mme ke ikwɔ abaŋade Ediset ke mkpa, utɔ nte “Did Jesus Really Live Again?” (Children’s Songbook, 64).

1:11

• Ke ini Job mikinemke esit, mme ufan esie ema edɔhɔ ete ke Abasi ɔkɔnɔ enye ufen ke ntak emi enye akanamde idiɔk-ŋkpɔ (se Job 22:5). Edieke nnyin ikidide mme ufan Job, didie ke nnyin ikpikidomo ndinwam enye? Didie ke mme ikɔ nnyin ekeme ndiŋwam mbon efen ke ini esit minemke mmɔ ? (se Job 16:5). Kere baŋa ndiwut ndise kiet mme iba ke ebiet emi nte afo enemede mme mbume emi.

• Kere baŋa ndidɔhɔ nditɔ fo ete ebat mme ido eti ufan enyuŋ esiak ufan emi enyenede mme ido emi. Ndien afo emekeme ndise ndise Jesus Christ. Didie ke Jesus edi eti ufan ɔnɔ nnyin kiet kiet? Afo emekeme ndikere mbaŋa owo emi odude ke ɔkpɔsɔŋ ini. Kere baŋa nte ekemede ndidi ufan nte Christ nnɔ enye.

• Ke ini ama okot Job 19:23–27ama, afo ye nditɔ fo emekeme ndineme baŋa nte mbufo efiɔkde ke Anifak nnyin odu ke uwem. Mbufo emekeme ndidiana kiet ndisin ikɔ ntiense (mme mme ndise Andinyaŋa) ke ŋwed ufaŋ 23).

• Afo ŋko emekeme ndikwɔ ikwɔ emi etiede ntiense abaŋa Jesus Christ, utɔ nte “I Know That My Redeemer Lives” (Hymns, no 136). Buana mme ibio ikɔ ke ikwɔ oro emi anamde mbuɔtidem fo ke Enye ɔsɔŋ. Ntak emi edide akpan ndifiɔk nte ke Jesus Christ odu uwem?