Esther

President Dieter F. Uchtdorf ama ekpep ete ke nnyin kiet kiet “ida ke saŋa saŋa ebiet inyuŋ inyene akpan utom emi [nnyin] ikpɔŋ ikemede ndinam. … Ͻbɔŋ ɔkɔnɔ fi mme ubiɔŋ utom fo ye ntak. Mme owo ye mme esit ekeme ndidu emi afo ekemede ndisime nyuŋ ntuk. Ekeme ndidi ke owo efen ikemeke ndinam enye ke ukem usuŋ oro” (“Lift Where You Stand,” Liahona, Nov. 2008, 56.

Nte afo okotde mbuk Esther, kere baŋa nte ikɔ emi ebehede enye. Yom mme usuŋ emi Abasi anamde ndiŋwam mme Jew (se, nte uwutŋkpɔ, Esther 2:21–23; 3:10–14; 4:14–16). Ndien kere baŋa nte Enye ɔnɔde fi mme ubiŋ utom ndiŋwam mbon efen. Nso idi mme usuk idaha mme mme ebuana emi Enye adade fi usuŋ aka “abaŋa utɔ ini ntem”? (Esther 4:14). Edieke afo enyenede patriarchal blessing, kere baŋa ndikot enye man ɔfiɔk abaŋa utom emi Abasi enyenede ɔnɔ fi ndinam. Nso ke afo ekeme ndinam man anam utom emi?

Se ŋko “Abaŋa Utɔ Ini Ntem” (vidIo), ChurchofJesusChrist.org

13:44

Ke ŋwed Esther, nnyin ikpep ito mbuɔtidem Esther ye Mordecai, edi nnyin ikpep ŋko ito ntaŋidem ye iyaresit Haman. Nte afo okotde Esther 3; 5:9–14, se mme ekikere, mme ikɔ, ye mme edinam Haman. Nso Ke mmɔ eyarade ebaŋa enye ye mme uduak esie? Nso utɔ utit ke enye okokut? (se Esther 7). Ndikot mbaŋa Haman ekeme ndinam fi afiak ese se ikarade mme ekikere ye mme edinam fo. Ndi afo emenyene udɔŋ ndinam ukpuhɔde ndomo kiet? Didie ke afo ekeme ndiwɔŋɔde ntiene Ete ke Heaven nyom unwam?

Se ŋko Proverbs 16:32; Alma 5:28.

Se ntak emi Esther ye mme Jew efen eketrede udia (se Esther 3:13; 4:1–3, 10–17). Didie ke utre udia akaŋwam mmɔ? (se Esther 5:2–3; 8:11–12). Ntak emi AbasiI ɔdɔhɔde ete nnyin itre udia? (se Mme Ibuot-ikɔ ye Mbume, “Fasting and Fast Offerings,” Gospel Library). Kere baŋa nte afo ekemede ndinam utre udia enyene akamba edidiɔŋ ke uwem fo.

Se ŋko Isaiah 58:6–12; Fasting: Young Single Adult Ward, Amanda (video), ChurchofJesusChrist.org.

2:41

Ke ini Mordecai ye Esther ekesɔŋɔde eda ke ntak mbuɔtidem mmɔ ye ikɔt mmɔ, mmɔ ema esin uwem mmɔ ke idomo. Se nnyin imekde ekeme ndinyene se idiwɔrɔde, edi ndinam eti ŋkpɔ ekeme ndisuk nyom uko. Nso ke afo ekpep oto Esther 3:1–4; 4:10–17 kabaŋa ndinyene uko ndinam eti ŋkpɔ? Se mme nsio nsio ŋkpɔ emi Mordecai ye Esther ekekutde ke ini ema ekewut uko (se Esther 3:5–11; 5:1–4). Nso ke akana nte Esther ye Mordecai efiɔk ebaŋa Abasi man mmɔ enam mme edimek emi mmɔ ekenamade?

Kere baŋa mme idaha emi afo oyomde uko man ada ɔnɔ se idide akpanikɔ. Nso ke afo ekpep oto Esther ye Mordecai emi ekemede ndinwam fi enyene uko ke Ͻbɔŋ?

Uko Esther ama ada ekesim “usen idaresit” (se Esther 9:17–19). Didie ke uko nte Christ ɔnɔ fi “usen idaresit”?

Se ŋko “Courage,” “Dare to Stand Alone” (videos), Gospel Library; “True to the Faith,” Hymns, no. 254.

3:19

4:20

• Afo emekeme ndiyom ndikama Esther 2:7 mkpep nditɔ fo mbaŋa nte enwamde mbon ufɔk emana emi eyomde unwam, nte Mordecai akanamde ɔnɔ Esther. Afo emekeme ndikot ufaŋ emi kiet mme anam enye edi ibio-ibio ke mme ikɔ fo. Ndien afo ye nditɔ fo emekeme ndikere mbaŋa mbon ufɔkemana emi ekemede ndiyom unwam nto mbufo. Nnam ekikere baŋa ndiŋwam mmɔ.

• Mme uwut-ŋkpɔ Esther ye Mordecai ekeme ndiŋwam nditɔ fo efiɔk ete ke uko ɔwɔrɔ ndinam se idide eti kpa ke ini ndik anamde fi. Kere baŋa ndiwet mme ibio ikɔ Mordecai ama enyene uko ke ini enye … ye Esther ama enyene uko ke ini enye … . Nte mbufo okotde mbuk Esther kiet, nditɔ fo ekeme ndinɔ mme usuŋ ndinam mme ikɔ oro eyɔhɔ. Afo emekeme ndikot Esther 3:1–11; 4:10–17 mme “Queen Esther” (ke Mbuk Akani Testament, 166–70) mme se ke mme ndise ke ibio ibuot. Ndien wet Ami nyenyene uko … , nyuŋ kot nditɔ fo ewet mme ŋkpɔ emi Ete ke Heaven oyomde mmɔ enam emi oyomde uko. Ikwɔ emi abaŋade uko, nte “Dare to Do Right” (Children’s Songbook, 158), ekeme ndinwam.

  

  2:45

• Afo ŋko emekeme ndikpep mbaŋa mme ini emi Jesus ekenyenede uko—nte uwut-ŋkpɔ, ke ini Enye ɔkɔbɔde ufen ke ntak idiɔkŋkpɔ nnyin ke Gethsemane ye ke cross (se Matthew 26:36–39; 27:33–35). Dɔhɔ yak nditɔ fo ebuana ini emi mmɔ ekenyenede uko, nyuŋ buana mme ifiɔk fo ŋko.

• Ndikot Esther 4:1–3, 10–17 ekeme ndiŋwam fi ndikpep nditɔ fo mbaŋa utre udia. Ntak emi Esther ye mme Jew eketrede udia? Dɔhɔ nditɔ fo ntak emi afo etrede udia. Afo ŋko emekeme ndibup mmɔ nte mmɔ ekemede ndinam utre udia aŋwaŋa ufan emi akananam minamke enye akpa. Didie ke nnyin ikeme ndiŋwam aŋwaŋa ufan nnyin mme edidiɔŋ emi etode utre udia?

• Ŋwam nditɔ fo ekere ebaŋa ŋkpɔ emi mmɔ ediyomde uŋwam ito Abasi ibaŋa. Nnɔ ekikere ete mmɔ enam oro nte ubak utre udia mmɔ ke Sunday efen.

• Ŋwam nditɔ fo efiɔk ete ke ini Esther ekenyenede ndik, Mordecai ama ebere ye enye ke ndinam aŋwaŋa ete ke Jehovah ama aŋwam enye edi ɔbɔŋ-anwan “ɔnɔ utɔ ini ntem” (Esther 4:14). Nso ke edinam Mordecai emi ɔkɔwɔrɔ? Nneme ye kiet eken baŋa nte Esther ekedide ŋkpɔ-utom ɔnɔ Jehovah. Didie ke nnyin ikeme ndidi ŋkpɔ-utom nnɔ Jehovah?

• Didie ke afo ekeme ndinwam aŋwaŋa nditɔ fo se ŋkpɔ-utom edide? Afo emekeme ndikot owo ete edibre ikwɔ ke ŋkpɔ ubre-ikwɔ mme owut ndise owo emi ada ŋkpɔ-utom anam utom. Afo emekeme ndien nditiŋ mbaŋa se iwɔrɔde ndidi ŋkpɔ-utom ke mme Abasi.