“Mme Ekikere Ndinyene ke Esit: Ndikot Uto ke Akani Testament,” Di, Tiene Mi—Eke Ufɔk ye Ufɔk Abasi: Akani Testament 2026 (2026)
“Ndikot Uto ke Akani,” Di, Tiene Mi: Akani Testament 2026
Mme Ekikere Ndinyene ke Esit
Ndikot Uto ke Akani Testament
Ke mme ŋwed Genesis tutu Esther ke Akani Testament, nnyin ikut mme mbuk—mme mbuk emi etiŋde ebaŋa mme ŋkpɔ ntibe eke eset ke usuŋ eke spirit. Noah ama ɔkɔŋ ubom, Moses ama anam Israel ebɔhɔ, Hannah ama ɔbɔŋ akam oyom eyen, ye mme efen. Ɔtɔŋɔde ye Job, nnyin ikut nsio-nsio usuŋ uwet-ŋkpɔ. Ke mme ŋwed emi, mme andiwet Akani Testament eŋwɔŋɔde etiene usem uto ke nditiŋ mbaŋa mme ntɔtuŋɔ ekikere mme mme ikpɔ prophecy ke usuŋ emi etide.
Nnyin imikut uwut-ŋkpɔ ifaŋ kaŋa nte esimede uto ke ofuri mme ŋwet eset eke Akani Testament. Tɔŋɔ ke ŋwed Job ka iso, nnyin iyikut ediwak efen. Mme ŋwed Job, mme Psalm, ye mme Nke edi uto ekpri ayak ke ofuri, ukem nte mme ubak ke mme ŋwed prophecy nte Isaiah, Jeremiah, ye Amos. Ke ntak emi ndikot uto enyenede ukpuhɔde ye ndikot mbuk, oyom nsio-nsio usuŋ ndinam enye aŋwaŋa. Emi edi usuk ekikere emi ekemede ndinam fi okut se iwɔrɔde efen ke uto Akani Testament.
Ndifiɔk Uto Hebrew
Akpa, ayaŋwam fi ndifiɔk nte ke uto Hebrew ke Akani Testament ke mme ikɔ isaŋake ukem-ukem, nte mme utɔ uto efen. Ndien okposuk edi ke mme ikɔ ndisaŋa kiet, mbre ikɔ, ye ndifiak ntiŋ mme uyo ikɔ edi mme ŋkpɔ emi ewakde ke uto Hebrew eke eset, mme ŋkpɔ emi esop ke usuŋ ukabade ikɔ. Ŋkpɔ kiet emi afo edikutde , edi, edi edifiak ntiŋ mme ekikere, emi usuk ini ekotde “ndisaŋa ukem ukem.” Emi edi ekpri uwut-ŋkpɔ otode Isaiah:
Sine odudu fo, O Zion;
Sine ndiye ɔfɔŋ fo O Jerusalem. (Isaiah 52:1)
Psalm 29 enyene ediwak udim—nte uwut-ŋkpɔ:
Uyo Ͻbɔŋ enyene odudu;
Uyo Ͻbɔŋ ɔyɔhɔ ue ubɔŋ. (Psalm 29:4)
Emi edi kiet ndifiɔk ete ke ɔyɔhɔ udim iba ndisaŋa ukem ukem ye akpa anam edi mmem mmem ndifiɔk.
Ami ŋko mɔnɔ mbufo edisana edet ke kpukpru mme obio mbufo,
ye unana uyo ke kpukpru mme ebiet mbufo. (Amos 4:6)
Ke mme uwut-ŋkpɔ emi, ewet uto afiak etiŋ ekikere kiet ke ekpri nsio-nsio usuŋ. Usuŋ unam ŋkpɔ emi ekeme ndisɔŋɔ ekikere emi efiakde etiŋ emi ndien ada mme ukpuhɔde emi nditim nnam aŋwaŋa.
Ke mme ebiet efen, mme udim ikɔ iba emi esaŋade ukem ukem emi eda ukem ukem usem ewut mme ekikere emi misaŋake kiet, nte ke uwut-ŋkpɔ emi:
Suŋ-suŋ ibɔrɔ ɔwɔŋɔre ifiopesit efep:
edi uyat ikɔ edemere iyatesit. (Mme Ŋke 15:1)
Utɔ edisaŋa kiet emi ikitibeke ke unana ntak. Mme andiwet ekɔfiɔfiɔk ewet. Anwam mmɔ etiŋ mme ekikere spirit mme mme akpanikɔ ye odudu ye uyai mbiba. Ke ntre ke ini okutde edisaŋa ukem ukem ke ŋwet Akani Testament, bup idem fo nte enye aŋwamde fi ndifiɔk etop andiwet. Ke nte uwut-ŋkpɔ, nso ke Isaiah akanwana nditiŋ ke ndinam “odudu” ye “ukeme” esaŋa kiet ye “ndiye ɔfɔŋ” ye “Zion” ye “Jerusalem”? (Isaiah 52:1) Nso ke nnyin ikeme ndisio ke esit ibio ikɔ emi “suŋ-suŋ ibɔrɔ” edieke nnyin ifiɔkde ite ke “mme uyat ikɔ” edi nsak-iso esie? (Mme Ŋke 15:1)
Enye Edemede Ukpɔŋ Mi, emi Walter Rane ewetde
Uto Hebrew nte Obufa Ufan
Usuk mme owo eda ndikot uto edomo ye ndisobo ye obufa owo. Ndikot uto eke Akani Testament, ŋko, ekeme nditie nte ndisobo owo emi otode anyan ebiet ye esen ido emi esemde usem isio ye nnyin—ye emi edide isua emi awakde akan tɔsin iba. Owo emi ekeme nditiŋ mme ŋkpɔ emi minwaŋake nnyin ke akpa, edi oro iwɔrɔke ite ke mmɔ inyeneke akpan-ŋkpɔ nditiŋ. Ana nte nnyin idu ye mmɔ, idomo ndikut mme ŋkpɔ nte mmɔ ekutde. Nnyin imikeme ndikut ite ke mme esit nnyin, ke nnyin imifiɔk se kiet etiŋde. Ndien edieke nnyin inyenede ime ye ima, owo emi nnyin imeghede obufa emi ekeme ndikabade ndi edima ufan.
Ke ntre ke ini okotde etop ke Isaiah, ke nte uwut-ŋkpɔ, se enye nte akpa ini ndisobo ye obufa owo. Bup idem fo ete, “Nso idi ekikere mi?” Didie ke etop anam fi okop ke idem—okposuk edi ke ofuri ikɔ iŋwaŋake fi? Ndien fiak kot enye, ediwak ini edieke akande. Kere baŋa ndikot enye uyo ɔwɔrɔ; usuk mme owo enyene ntɔtuŋɔ ifiɔk eto utɔ usuŋ emi. Se mme saŋa-saŋa ikɔ emi Isaiah emekde, akpan-akpan mme ikɔ emi ewutde ndise ke esit fo. Mme ndise emi enam fi ekere nso? Nso Ke mmɔ enɔ ekikere ebaŋa mme ifiɔk Isaiah? Nte afo akade iso ekpep mme ikɔ mme andiwet Akani Testament emi, ntre ke afo edikut ke mmɔ efɔfiɔk esio mme ikɔ ye mme usuŋ unam-ŋkpɔ mmɔ man ewut ntɔtuŋɔ etop spirit.
Mme uto ekeme ndidi nti ufan koro mmɔ enwam enam mme ekikere ye mme ifiɔk nnyin enwaŋa. Mme uto ke Akani Testament enyene akpan ufɔn koro mmɔ enwam nnyin ndifiɔk mme ekikere ye ifiɔk nnyin emi efɔnde ekan—mbon emi esaŋade ye ebuana nnyin ye Abasi.
Nte afo ekpepde uto ke Akani Testament, ti ete ke ndikpep ŋwed Abasi etim ɔfɔn ke ini emi enye adade nnyin aka Jesus Christ. Yom mme idiɔŋɔ, ndise, ye mme akpanikɔ emi ekɔride mbuɔtidem fo ke Enye. Kpaŋ-utɔŋ ndikop ndausuŋ nto Edisana Spirit nte afo ekpepde.
Mbuk Ɔniɔŋ
Ikpehe uto ke Akani Testament kiet edi se mme nta-ifiɔk ekode “mbuk ɔniɔŋ.” Job, mme Nke, ye Ecclesiastes edu ke ikpehe emi. Ke ini mme psalm etiŋde ebaŋa mme ekikere itoro, mfuhɔ, ye ukpono, mbuk ɔniɔŋ etiŋ abaŋa item anana utit mme ntɔtuŋɔ, mbume eduwem. Ŋwed Job, ke nte uwut-ŋkpɔ, ese abaŋa edinen ido eke Abasi ye mme ntak emi owo ɔbɔde ufen. Mme Nke enɔ item nte owo ekemede ndidu eti uwem, esine mme ikɔ ɔniɔŋ emi ekebɔde ke eset enyuŋ eyakde enɔ mme emana emi ekebemde ido edu. Ndien Ecclesiastes obup abaŋa ntak uwem ke idem esie—ke ini kpukpru ŋkpɔ etiede nte efefehe ye amama, mmɔŋ ke nnyin idikut ata akpanikɔ? Afo emekeme ndikere mbaŋa mbuk ɔniɔŋ nte mme nneme emi ekerede ebaŋa ye mme adausuŋ emi ebɔde odudu emi eyomde ndibuana se ekutde ebaŋa Abasi ye ererimbot emi Enye okobotde—ndien ekeme ndidi ke eyenwam ndinam efiɔk mme ŋkpɔ emi ekan akpa.