“August 31–September 6. ‘Yak Ofuri Ŋkpɔ Emi Enyenede Uwem Etoro Jehovah’”: Psalms 102–103; 110; 116–119; 127–128; 135–139; 146–150,” Di, Tiene Mi—Eke Ufɔk ye Ufɔk Abasi: Akani Testament 2026 (2026)
“August 31–September 6. ‘Yak Ofuri Ŋkpɔ Emi Enyenede Uwem Etoro Jehovah’” Di, Tiene Mi: Akani Testament 2026
Reverential Return, emi Kelsy ye Jesse Lightweave ewetde
August 31–September 6: “Yak Ofuri Ŋkpɔ Emi Enyenede Uwem Etoro Jehovah”
Psalms 102–103; 110; 116–119; 127–128; 135–139; ; 146–150
Enyi eset Jew eke ŋwed mme Psalm edi Tehillim, ikɔ Hebrew emi ɔwɔrɔde “mme itoro.” Enye abuana ŋkpɔ ye mkpo emi hallelujah (emi ɔwɔrɔde “toro Jehovah” mme “toro Ͻbɔŋ”). Edieke anade nte emek ikɔ kiet ndida nnɔ akpan etop mme Psalm, itoro edidi eti edimek. Usuk mme psalm edɔŋɔ mme ikot “mbufo etoro Ɔbɔŋ” (se akpan akpan Psalms 146–50), ndien ofuri mmɔ enɔ uko ndikpono nyuŋ ntoro. Mme Psalm ekot nnyin ete ikut odudu Ͻbɔŋ, mbɔm Esie, ye mme ikpɔ ŋkpɔ emi Enye anamde. Nnyin ikemeke ndikpe Enye mbaŋa ŋkpɔ emi ndomo kiet, edi nnyin imikeme nditoro Enye. Itoro oro ekeme ndidi ke nsio nsio usuŋ ɔnɔ nsio nsio owo—ekeme ndisine ndikwɔ ikwɔ, ndibɔŋ akam, mme ndinɔ ikɔ ntiense. Enye ediwak ini esida aka ntɔtuŋɔ nsin-ifik nnɔ Ͻbɔŋ ye nditiene mme ukpep-ŋkpɔ Esie. Se ekpededi emi “toro Ͻbɔŋ” ɔwɔrɔde ke uwem fo, afo emekeme ndikut uko ndinam enye nte afo okotde mme Psalm.
Mme Ekikere Ndikpep-ŋkpɔ ke Ufɔk ye Ufɔk Abasi
Psalms 102–3; 116
Ͻbɔŋ ekeme ndidɔŋ mi esit ke ufen mi.
Se nte Psalm 102:1–11 etiŋde abaŋa ekikere nyomonsia ye ikpɔŋ emi esidude ke mme ini afanikɔŋ. Ekeme ndidi ke afo mme mbon efen emi afo ɔfiɔkde enyene mme utɔ ekikere oro. Nte afo okotde Psalms 102:12–28; 103;116,yom mme ibio ikɔ emi ɔnɔde fi uko ndikot enyiŋ Ͻbɔŋ” ke mme idomo fo (Psalm 116:13). Afo emekeme ndinim ndo, mmum nsin ke ibuot, mme ndibuana ye mbon efen mme ibio ikɔ emi ɔnɔde idorenyin ke Enye.
Se ŋko Isaiah 25:8; Hebrews 2:17–18; Alma 7:11–13; Camille N. Johnson, “Christ Is Relief,” Liahona, May 2023, 81–83; “Where Can I Turn for Peace?” (Hymns, no. 129)
Carl Heinrich Bloch (1834-1890), Christ Ͻkɔkde Owo Udɔŋɔ ke Bethesda, 1883, oil on canvas, 100 3/4 × 125 1/2 inches. Brigham Young University Museum of Art, emi edepde eto okuk emi Jack R. and Mary Lois Wheatley ɔnɔde, 2001.
Psalms 110; 118
Jesus Christ ama anam mme eŋwɔŋɔ esu oto ke ŋwed Psalm.
Mme Psalm edɔŋɔ mme etop emi ewutde uwem ye utom Jesus Christ. Emi edi mme uwut-ŋkpɔ ifaŋ:
-
Psalm 110:1–4 (se Matthew 22:41–45; Hebrews 5:4–10; 6:20)
-
Psalm 118:22 (see Matthew 21:42; Acts 4:10–11; 1 Peter 2:7)
-
Psalm 118:25–26 (see Matthew 21:9)
Nso ke mme ufaŋ emi ekpep fi abaŋa Jesus Christ? Ntak emi edide akpan-ŋkpɔ ndifiɔk ŋkpɔ emi mbaŋa Enye?
Psalm 119
Ikɔ Abasi eyenim mi ke usuŋ Esie.
Psalm 119 esine ediwak mbio-mbio ikɔ emi odomode uwem nnyin ye isaŋ ndinyɔŋ ntiene Ete ke Heaven. Nte afo okotde, yom mme ikɔ nte “saŋa,” “usuŋ,” “ikpat,” ye “mkpaidem.” Kere baŋa isaŋ uwem fo—ebiet emi afo okodude, ebiet emi afo odude idahaemi, ye ebiet emi afo akade. Nso ke afo ekpep oto psalm emi abaŋa isaŋ fo ndifiak nnyɔŋ ufɔk? Nso ke afo ekpep ke ndise mme usuŋ mbon efen? Nte asaŋade ye psalm emi, nso ke Abasi ɔnɔ ndiŋwam fi man odu ke usuŋ Esie?
Kere baŋa ini emi nditiene usuŋ mme ŋwed ndausuŋ akaŋwamde fi ndisaŋa nka ebiet nnen nnen. Nso ke ekikere oro ekpep fi abaŋa nditiene usuŋ Abasi?
Ke ediwak ŋwed Abasi efen, Ͻbɔŋ ye mme prophet Esie etiŋ ebaŋa usuŋ. Ke idak emi edi mme uwut-ŋkpɔ ifaŋ. Kere baŋa ndiduŋɔde mme ufaŋ emi ye ndiwet mme ndibuana ye mbon efen se afo ekpepde.
|
Ŋwed Abasi |
Se ami mkpepde mbaŋa usuŋ nditiene Abasi |
|---|---|
Ŋwed Abasi Proverbs 4:11–19 | |
Ŋwed Abasi Matthew 7:13–14 | |
Ŋwed Abasi | |
Ŋwed Abasi | |
Ŋwed Abasi | |
Ŋwed Abasi Doctrine and Covenants 25:2 |
Didie ke mme akpanikɔ emi enwam fi ndidu ke usuŋ Abasi?
Mme nso ifiɔk efen ke afo ekeme ndikpep nto item President Russell M. Nelson emi?
“Edieke anade nte isaŋ nnyin ke uwem edieti, ana nte nnyin itiene ndausuŋ spirit. Ͻbɔŋ ɔkɔdɔhɔ ete, ‘Ese mi ke kpukpru ekikere; ekuyihe, ekufehe ndik’ [Doctrine ye Covenants 6:36]. Ndien andiwet Psalm ɔkɔdɔhɔ ete, ‘Ikɔ fo edi utuenikaŋ ɔnɔ ukot mi, ye uŋwana ɔnɔusuŋ mi’ [Psalm 119:105]. …
“Ke isaŋ fo ke uwem, afo omoso-bo ye ediwak ubiɔŋɔ onyuŋ anam usuk ndudue. Ndausuŋ ŋwed Abasi eyeŋwam fi ndikut ndudue nyuŋ nehede nte eyomde. Afo etre ndika ke idiɔk usuŋ. Afo etim ekpep ŋwed ndausuŋ eke ŋwed Abasi. Ndien afo akaiso ye edikabade esit ye ndikpe isɔn emi eyomde man edu ke ‘nnen nnen ye mfafaha usuŋ emi adade aka nsinsi uwem’ [2 Nephi 31:18]” (“Living by Scriptural Guidance,” Ensign, Nov. 2000, 17).
Se ŋko Dieter F. Uchtdorf, “The Prodigal and the Road That Leads Home,” Liahona, Nov. 2023, 86–88.
Psalm 134– 36
Ͻbɔŋ enyene odudu akan edibot-ŋkpɔ ndomo kiet.
Kut ntak, nte asaŋade ye Psalm 135:15–18, ndidori enyin ke mme nsunsu abasi. Nso ke afo ekeme ndiyom ndidori enyin emi edide ukem ukem ye edibot-ŋkpɔ? Afo emekeme ndiwet udim mme ŋkpɔ emi Ͻbɔŋ ekemede ndinam, nte andiwet psalm akanamde ke Psalms 134–36. Nso enyene odudu ŋkpɔ ke Enye anam ɔnɔ fi?
Psalm 139
Ͻbɔŋ ɔfiɔk esit mi.
Nso ke afo okut ke Psalm 139 emi anwamde fi ndifiɔk nte ke Ͻbɔŋ ɔfiɔk fi—mme ekikere ye mme edinam fo, mme ukeme ye mme mmem-idem fo? Didie ke akpanikɔ emi otuk uwem fo ye mme edimek fo?
Psalms 146–50
“Mbufo etoro Ͻbɔŋ.”
Nte afo okotde mme akpatre psalm itoro emi, kere baŋa mme ntak emi anade nte otoro Ͻbɔŋ. Ntak emi edide akpan nditoro Enye? Nso idi usuk mme usung emi afo ekemede nditoro Enye?
Ke se iwakde ikan emi, se Liahona eke ɔfiɔŋ emi ye For the Strength of Youth magazines.
Mme Ekikere Ndikpep Nditɔ-ɔwɔŋ
Psalm 102:1–2
Ͻbɔŋ ɔdɔŋ mi esit onyuŋ ɔnɔ mi idorenyin.
-
Afo mme eyen fo kiet ekeme ndikot Psalm 102:1–2, oyom nte Abasi aŋwamde nnyin ke mme mfina nnyin. Didie ke nnyin ikeme ndikut uŋwam Esie? Afo ŋko emekeme ndibuana ye kiet eken mme ini efen emi afo okoyomde unwam ndien ekere ete ke Abasi ama okop mme akam fo.
Psalm 119:105
Ikɔ Abasi etie nte uŋwana.
-
Nditɔ fo ekeme ndikop inemesit ke nditiŋ mbaŋa nte etiede ndidu ke ekim. Midighe mmɔ ekeme nditiŋ mbaŋa mme ŋkpɔ emi ɔsɔŋde ndinam ke ekim. Afo emekeme ndikot mmɔ ete ebɔp enyin edinam ŋkpɔ, nte ndimiŋ ndise. Nso ke nnyin ikpep ito Psalm 119:105 kabaŋa unwana ye ikɔ Abasi?
-
Yom ŋkpɔ emi Ete ke Heaven ɔnɔde nnyin ndinwam nnyin idu ke usuŋ Esie ke mme ufaŋ emi: Psalms 119:47–48; 119:105; 1 Nephi 11:25; 2 Nephi 31:20. Nso ke nnyin ikeme ndinam ndidu ke usuŋ Abasi?
-
Nditɔ fo ekeme ndima ndise mme mme ŋkpɔ emi etiŋde ebaŋa ke Psalm 119:105. Mmɔ ekeme ndinim mme ndise oro ntiene nte mmɔ ekotde ufaŋ oro. Mbufo ŋko emekeme ndikwɔ ikwɔ emi asaŋade kiet utɔ nte “Teach Me to Walk in the Light” (Children’s Songbook, 177) or “I Will Walk with Jesus” (Gospel Library).
Psalm 139:1–3, 23–24
Ete ke Heaven ye Jesus Christ efiɔk mi enyuŋ ema mi.
-
Kere baŋa ndiwet ibio ŋwed eke mme ŋkpɔ emi afo ɔfiɔkde abaŋa nditɔ fo. Nte afo okotde ŋwed oro kiet ke ini kiet, dɔhɔ yak nditɔ fo esiak owo emi etiŋde ebaŋa. Ndien, ke ama okot Psalm 139:1–3 kiet ama, afo emekeme ndiwet udim mme ŋkpɔ emi Ete ke Heaven ɔfiɔkde abaŋa nnyin.
-
Wet mme ikɔ Psalm 139:23–24 ke ŋwet mme ke obukpɔk. Dɔhɔ nditɔ fo ete emiŋ mme ikɔ emi etiŋde abaŋa mme ŋkpɔ emi Abasi ekemede ndinam nnɔ nnyin. Ntak emi nnyin iyomde Abasi anam mme ŋkpɔ emi?
Psalm 146:1, 5–9
Ami mekeme nditoro Ͻbɔŋ.
-
Ekeme ndidi ke nditɔ fo ekeme ndibuana mme ifiɔk emi owo okotorode mmɔ mme ɔkɔdɔhɔde ete ke mmɔ ema eti utom. Buana usuk mme ŋkpɔ ke Psalm 146:6–9 emi Jehovah anamde (ŋwam nditɔ fo efiɔk mme mbufa ikɔ). Dɔhɔ nditɔ fo ete etiŋ ebaŋa mme ŋkpɔ efen emi Enye anamde ɔnɔ nnyin. Didie ke nnyin ikeme nditoro Enye ke mme ŋkpɔ oro?
Kpep ke ufɔk; buana ye mbon efen. President Russell M. Nelson ekpeb ete ke ufɔk ana edi “ufut ɔnɔ ukpepŋkpɔ ikɔ Abasi.”(“Becoming Exemplary Latter-day Saints,” Liahona, Nov. 2018, 13). Nso ke ekeme ndinam udua emi ndinam ndikpep mme psalm ke idem mme ke ufɔk emana ɔtuŋɔ? Ke ama ekpep ama, kere baŋa ndibuana ye mbon efen se afo ekekpepde onyuŋ enyenede ntuk. Afo emekeme ndinam emi ke nneme, ke ndiwewet mme ke social media, mme ke ufɔk Abasi.
Ke se iwakde ikan emi, se ke Friend magazine eke ɔfiɔŋ emi.