Isaiah 1–12

Andinyaŋa ama ekpep ete “Kpukpru mme ŋkpɔ emi [Isaiah] eketiŋde etibe ndien eyetibe, kpa nte asaŋade ye mme ikɔ emi enye eketiŋde” (3 Nephi 23:3). Nte afo ekpepde ŋwed Isaiah, kere baŋa ndiwet mme prɔfesi ye mme ibuot ntem: Eyo Isaiah, Utom uwem isɔŋ eke Andinyaŋa, ye Mme ukperedem usen. Kpeme ete ke ediwak prɔfesi Isaiah esu ke usuŋ awakde akan kiet )se Bible Dictionary, “Isaiah”).

President Dallin H. Oaks ama ekpep ete ke “Ŋwed Isaiah ɔdɔŋɔ ediwak prɔfesi emi enyene ediwak edisu. Kiet esine mbon eyo Isaiah mme mme idaha mbon emana ini iso. Nte ɔwɔrɔde ke usuŋ efen, ediwak esida ɔnɔ ŋkpɔ efen, etie nte etiŋ ebaŋa mme edinam ke ini meridian, ke ini emi ekesobode Jerusalem ndien esuan ikɔt esie ke ini ekewotde Eyen Abasi. Ŋko se ɔwɔrɔde efen mme edisu ukem prɔfesi emi etie nte asaŋa ye mme edinam emi ebaŋade Udiana Edidi Andinyaŋa. Ke ntak emi ediwak mme prɔfesi emi ekemede ndiwɔrɔ ediwak ŋkpɔ anam edi akpan ntak emi anade iyom ediyarede ito Edisana Spirit man anwam nnyin akabade mmɔ ” (“Scripture Reading and Revelation,” Ensign, Jan. 1995, 8).

Nte mme prophet ke ofuri eyo, Isaiah ama aka iso akpan mme owo abaŋa idaha spirit mmɔ. Nte afo okotde Isaiah 1; 3;5, yom mme ibio ikɔ emi etiŋde abaŋa nte mme owo ekedude ke spirit (se, nte uwut-ŋkpɔ, Isaiah 1:2–4, 21–23; 3:9, 16–17; 5:11–12, 20–23). Mme nso ukem mfina ke afo okut ke eyo nnyin? Afo ŋko emekeme ndiyom mme ufaŋ emi ekpande ebaŋa utip mme idaha spirit eke nditɔ Israel (utɔ nte Isaiah 1:7; 3:17–26; 5:5–7, 13–15).

Ke ediande ke mme ikpan emi, Isaiah ama ɔnɔ mme etop idorenyin abaŋa edifak otode Andinyaŋa (se, nte uwutŋkpɔ, Isaiah 1:16–19, 25–27; 3:10; 4). Nso ke afo ekpep oto Abasi ke mme etop emi? Didie ke mme etop Abasi ke mme ufaŋ emi ɔkpuhɔde ɔkpɔŋ se Satan oyomde nnyin ete inim?

Nte Isaiah, mme prophet mfin ekpan nnyin ebaŋa idiɔkŋkpɔ ye mme utip esie, ndien mmɔ enɔ mme etop idorenyin otode Jesus Christ. Mme nso utɔ uwut-ŋkpɔ ke afo ekeme ndikere mbaŋa? Afo emekeme ndifiak ŋkot etop eke akwa mbono emi ekebede, oyom mme utɔ edikpan ye mme eŋwɔŋɔ oro.

Ediwak prɔfesi Isaiah ewɔrɔ saŋa-saŋa ŋkpɔ enɔ eyo nnyin. Man okut mmɔ, yom mme ikɔ edinam ini iso (utɔ nte “eyedi” mme “eyeka”). Ke nte uwutŋkpɔ, yom mme ikɔ edinam emi nte afo okotde Isaiah 2; 4; 11–12. Afo emekeme ndikpuhɔ mmɔ ye mme ikɔ edinam eke idahaemi (nte edi mme eyedi). Efe mme prɔfesi enehede etuk fi? Nso ke afo ekpep oto mme prɔfesi emi kabaŋa Zion, ndibɔp mme temple, ye ndibok Isarel?

Isaiah 2:2–3 enyene ufɔn akpan-akpan ɔnɔ mbon Latter-day Saint. Didie ke mme prɔfesi emi esu? Nso ke afo ekpep abaŋa “usuŋ” Jehovah ke ufɔk Esie? (ufaŋ Ita).

Se ŋko Isaiah 5:26; “High on the Mountain Top,” Hymns, no. 5.

Ke Isaiah 6, Isaiah etiŋ abaŋa ikot esie ndidi prophet. Nte afo okotde ibuot emi, nso ŋkpɔ ituk fi kabaŋa ifiɔk Isaiah? Didie ke ibuot emi otuk usuŋ emi afo ekerede abaŋa Ͻbɔŋ, mme prophet Esie, ye utom emi ekotde mmɔ edinam?

Ke ini utom Isaiah, Israel ama ekediana kiet ye Syria ndikpeme idem esie mbaŋa Assyria. Israel ye Syria ekeyom ndiyik Ahaz, edidem Judah, ete adiana ye mmɔ. Edi Isaiah ama ama etiŋ prɔfesi ete ke edidiana kiet oro eyebiara ndien editeme Ahaz ete ɔbuɔtidem ye Abasi (Isaiah 7:7–9; 8:12–13).

Ke ini Isaiah ɔkɔnɔde Ahaz item, enye ama etiŋ ediwak mme prophecy emi efiɔkde, utɔ nte mbon emi ekutde ke Isaiah 7:14; 8:13–14; 9:2, 6–7. Se ekpededi emi mme prophecy emi ekewɔrɔde enɔ Ahaz, mmɔ ekebaŋa Jesus Christ nnen nnen (se ŋko Matthew 1:21–23; 4:16; 21:44; Luke 1:31–33). Ntak emi “Immanuel” edide eti udori enyiŋ ɔnɔ Andinyaŋa? (se ŋko Matthew 1:23). Didie ke Enye edi “Ɔnɔ Item” mme “Ɔbɔŋ Emem” ɔnɔ fi? (Isaiah 9:7). Nso efen ke afo ekpep abaŋa Andinyaŋa ke mme ufaŋ emi?

• Ke Isaiah Isaiah 1:2–4, afo ye nditɔ fo emekeme ndinyene mme ntak ete ke Ͻbɔŋ ikinemke esit ye mme owo. Kpeme ndidomo ye mme unam ke ufaŋ 3—anie idi “andikpeme” nnyin? Didie ke nnyin iwut ite ke nnyin imifiɔk Enye?

• Ke ndiset Isaiah 1:16–18, afo ye nditɔ fo emekeme ndise ŋkpɔ emi ayamade iduot-iduot ye ŋkpɔ emi edide edisana afia. Mme midighe mbufo emekeme ndida kiet nyet ŋkpɔ? Didie ke nnyin ikabade idehe ke spirit? Didie ke Jesus aŋwam nnyin ikabade isana? Nso ke nnyin ikpep ibaŋa Andinyaŋa ke mme ufaŋ emi? Buana ye nditɔ fo se afo ekerede abaŋa Enye ye se Enye anamde ɔnɔ fi.

• Isaiah ama okut ini emi “obot ufɔk Ͻbɔŋ” edikotde mme owo ito “kpukpru mme idut” (Isaiah 2:2). Didie ke afo ekeme ndinwam nditɔ fo ekop inemesit ebaŋa ndika ufɔk Ͻbɔŋ? Afo emekeme ndikot mmɔ ete emiŋ ndise ufɔk mmɔ. Ndien ekot kiet Isaiah 2:2, nyuŋ kot mmɔ ete emiŋ ndise “ufɔk Ͻbɔŋ,” emi edide temple. Ekot Isaiah 2:3 kiet. Kot mmɔ ete esin ke ndise mmɔ ediwak owo nte edide temple, esinede mbon ufɔk emana mmɔ.

• Mbufo ŋko emekeme ndikot Isaiah 2:2–3 kiet enyuŋ ekut ŋkpɔ emi esinde fi ye nditɔ ifik ndika temple. Ndien, ke ema ekot Isaiah kiet ema, afo emekeme ndineme nte temple adade emem ɔsɔk mmɔ. Kere baŋa ndikwɔ ikwɔ abaŋade temple utɔ nte “I Love to See the Temple” (Children’s Songbook, 95). Nwam nditɔ fo eyom mme ikɔ ke ikwɔ oro emi ekpepde se temple edide ye se nnyin inamde do.

• Ke ndimen mme prophecy Isaiah eke Christ ŋwut, afo ye nditɔ fo emekeme nditiŋ mbaŋa mme udori enyiŋ mme owo, nte president, bishop, mme teacher. Nso ke mme udori enyin emi ɔdɔhɔ nnyin abaŋa mme owo oro? Nwam nditɔ fo eyom mme udori enyiŋ Jesus Christ ke Isaiah 7:14 ye 9:6–7 (se ŋko ikpa ŋwed edinam eke udua emi). Nso ke mme udori enyiŋ emi kiet kiet ekpep ebaŋa Enye? Nso efen ke nnyin ikpep ibaŋa Jesus Christ ke mme ufaŋ emi?

• Afo ŋko emekeme ndibuana ye nditɔ fo “Isaiah the Prophet” (ke Old Testament Stories, 150–51). Tre ke ini ke ini ndibup se Isaiah ɔkɔfiɔkde abaŋa Jesus Christ ediwak isua mbemiso Enye amana. Afo emekeme ndida Matthew 1:21–23; Luke 1:31–33 nditiŋ mbaŋa nte mme prɔfesi Isaiah ke Isaiah 7:14; 9:6–7 ekesude.

  

  1:18