“September 7–13. ‘Enye Eyekpeme Usuŋ Fo’: Mme Ŋke 1–4; 15–16; 22; 31;Ecclesiastes 1–3; 11–12” Di, Tiene Mi—Eke Ufɔk ye Ufɔk Abasi: Akani Testament 2026 (2026)
“September 7–13. ‘Enye Eyekpeme Usuŋ Fo’,’” Di, Tiene Mi: Akani Testament 2026
Jesus ye Nditɔ-ɔwɔŋ., emi Dilleen Marsh ewetde
September 7–13: “Enye Eyekpeme Usuŋ Fo”
Proverbs 1–4; 15–16; 22; 31; Ecclesiastes 1–3; 11–12
Afo emekeme ndikere mbaŋa ŋwed Mme Ŋke nte item ɔniɔŋ emi etaŋde edian kiet eto ndima ete ye eka (se Proverbs 1:8). Akpan etop esie edi ke edieke afom oyomde ɔniɔŋ—akpan akpan ɔniɔŋ eke Abasi—uwem eyesaŋa nte ɔfɔnde. Edi edi ŋwed Ecclesiatws etiene Proverbs, emi etiede nte ke edɔhɔ ete, “Imemke nte ekerede.” Ɔkwɔrɔ ikɔ emi etiŋde se enye eketiŋde ke Ecclesiastes okut ete ke enye “ama ɔnɔ esit [esie] man enyene ɔniɔŋ” edi osuk okut “iyaresit ke spirit” ye “ediwak ukut” (Ecclesiastes 1:17–18). Ke ediwak usuŋ, ŋwed obup ete “Ndi ata ibɔrɔ ekeme ndidu ke ererimbot emi kpukpru ŋkpɔ etiede nte ikpikpu, ke idahaemi, ye minyeneke iwuk?”
Ndien edi, ke ini mme ŋwed iba emi esede uwem ke nsio nsio usuŋ, mmɔ ekpep mme ukem ukem akpanikɔ. Ecclesiaste ɔdɔhɔ ete “Yak nnyin ikop utit ofuri ŋkpɔ: Bak Abasi nyuŋ nnim mbet Esie: koro emi edi ofuri utom owo” (Ecclesiastes 12:13). Emi edi ukem ukpep-ŋkpɔ emi ekutde ke ofuri Mme Ŋke: “Buɔtidem ke Jehovah ke ofuri esit fo” (Mme Ŋke 3:5; se ŋko ufaŋ 7). Uwem ɔfɔn akan kpukpri ini—edieke mifɔnke ima—ke ini nnyin idoride enyin inyuŋ itienede Christ.
Ke ndise ke usɔp mbaŋa mme ŋwed emi, se “Mme Ŋke, ŋwed” ye “Ecclesiastes” ke the Bible Dictionary.
Mme Ekikere Ndikpep-ŋkpɔ ke Ufɔk ye Ufɔk Abasi
Proverbs 1–4; 15–16; Ecclesiastes 1–3; 11–12
“Kpaŋ utɔŋ fo nnɔ ifiɔk.”
Mme ŋwed Proverbs ye Ecclesiastes eyɔhɔ ye mme ifiɔk abaŋade ɔniɔŋ. Kere baŋa ndinim ndo ke ikɔ emi “ɔniɔŋ” ye mme ikɔ esaŋade ye enye, nte “ifiɔk” ye “ndinwaŋa” nte afo okutde mmɔ ke Mme Ŋke 1–4; 15–16; Ecclesiastes 1–3; 11–12. Didie ke mme ibuot emi otuk se afo ekerede abaŋa ɔniɔŋ? Ke asaŋade ye se afo okutde, didie ke afo ekpetiŋ abaŋa ɔniɔŋ emi “Jehovah ɔnɔde”? (Mme Ŋke 2:6). Mme nso edidiɔŋ idu ke ɔniɔŋ Abasi?
Se ŋko Matthew 7:24–27; 25:1–13.
Ŋwam mbon emi ebɔde ukpep ndibuana se mmɔ ekpepde. “Nnɔ mbon emi ebɔde ukpep mme ufaŋ ndibuana ye kiet eken se mmɔ ekpepde ebaŋa Andinyaŋa ye ikɔ-Abasi Esie. Ndinam emi eyenwam mmɔ emum mme akpanikɔ emi ekpepde mmɔ enyuŋ etiŋ mmɔ. Oro eyeŋwam mmɔ ŋko ndinyene uko ke ukeme mmɔ ndibuana mme akpanikɔ ke ndaha efen” (Teaching in the Savior’s Way, 26). Ke nte uwut-ŋkpɔ, afo emekeme ndikot mbon emi ebɔde ukpep-ŋkpɔ ete ewet mme usuk ikɔ emi esaŋade ye Proverbs ye Ecclesiastes emi mmɔ ekutde mme ifiɔk ebaŋa ɔniɔŋ Abasi. Ndien kot mbon emi ebɔde ukpep ete etiŋ ebaŋa se mmɔ ekekpepde.
Mme Ŋke 1:7; 2:5; 3:7; 15:33; 16:6; 31:30; Ecclesiastes 12:13
“Kunam asian ke enyin fo: bak Abasi.”
Ibuot ikɔ efen emi ekude ke Mme Ŋke ye Ecclesiastes edi “ndibak Abasi.” Yom ibio ikɔ emi nte afo okotde. Afo ekere ke ɔwɔrɔ nso ndibak Abasi? Yom mme ifiɔk ke etop David A. Bednar “Therefore They Hushed Their Fears” (Liahona, May 2015, 46–49). Didie ke mbak Abasi enyene ukpuhɔre ye mme utɔ mbak efen?
Se ŋko Mme Ŋke 8:13.
Mme Ŋke 3:5–7; 4
“Buɔt idem ke Ͻbɔŋ ye ofuri esit fo.”
Didie ke afo ekeme ndinam owo ke ɔfɔn “ndidori enyin ke Abasi” akan “ndiberedem … ke ifiɔk [nnyin]”? (Mme Ŋke 3:5) Nso utɔ mme ŋkpɔ ndidomo mme ŋkpɔ ukpep-ŋkpɔ ke afo edikama? Nte afo ekerede abaŋa Proverbs 3:5–7, kere baŋa mme usuŋ emi afo ekemede ndinam mme usem nte eyɔhɔ: Ndibuɔt idem ke Abasi etie nte … ndiberede ke ifiɔk nnyin etie nte …
Ntak emi mifɔnke ndidori enyin ke ifiɔk nnyin? Didie ke afo okut ke Ͻbɔŋ edi se ebuɔtde idem?
Kpa ntre, nnyin imikeme ndikere ke ɔsɔŋ ndibuɔt idem ke Ͻbɔŋ usuk ini. Ntak edide ntre? Elder Gerrit W. Gong ɔnɔ ekikere abaŋa usuk mme ntak, ye mme item emi edinwamde, ke “Trust Again” (Liahona, Nov. 2021, 97–99). Mme nsutɔ mbuk mme mme ukpep-ŋkpɔ ke afo okut ke etop emi emi ekemede ndinwam owo afiak enyene idorenyin ke Ͻbɔŋ?
Proverbs 3:6 ye Proverbs 4 mbiba edomo uwem ye “usuŋ.” Afo ekere ke ɔwɔrɔ nso ndiyak Abasi “ada [fi] usuŋ”? (Proverbs 3:6) Nso ke afo okut ke ibuot 4 emi aŋwamde fi “ekere abaŋa usuŋ ikpat [fo]”? (verse 26). Ke nte uwut-ŋkpɔ, nso ke mme ufaŋ 11–12 ye 18–19 ekpep ebaŋa mme edidiɔŋ ntiene nnen nnen usuŋ? Nso ke mme mme ufaŋ 26–27 ewɔrɔ enɔ fi?
Se ŋko 2 Nephi 31:18–21; “Lord, I Would Follow Thee,” Hymns, no. 220.
Proverbs 15; 16:24–32
“Suŋ-suŋ ibɔrɔ ɔwɔŋɔre ifiopesit efep.”
Usuk mme ekikere ke Proverbs 15–16 ekeme ndinɔ fi uko ndinam ɔfɔn akan akpa ke usuŋ emi afo enemede nneme ye mbon efen, akpan akpan mbon amade. Ke nte uwut-ŋkpɔ, kere baŋa mme saŋ-saŋa akpan ini emi “suŋ-suŋ ibɔrɔ” ekenwamde “[ndiwɔŋɔre] ifiopesit mfep” (Proverbs 15:1).
Afo ŋko emekeme ndikere baŋa mme ini emi Andinyaŋa ekemende mme ukpap-ŋkpɔ ke Proverbs 15:1–4, 18 (se Mark 12:13–17; John 8:1–11). Didie ke afo ekeme nditiene uwut-ŋkpɔ Esie nte afo osobode ye mbon efen?
Didie ke item emi ke Proverbs 15; 16:24–32 asaŋa kiet ye uwem utiŋ ikɔ mfin? Se me afo emekeme ndikut ufaŋ ke mme ibuot emi emi afo ekemede ndifiak ntiŋ nte item mbaŋa ndineme nneme ke social media mme ke ndiwewet.
Se ŋko Neil L. Andersen, “Following Jesus: Being a Peacemaker,” Liahona, May 2022, 17–20; Ronald A. Rasband, “Words Matter,” Liahona, May 2024, 70–77; For the Strength of Youth: A Guide for Making Choices (2022), 11–12.
Anie ekeme ndikut eti aŋwan? II, emi Louise Parker ewetde
Proverbs 31:10–31
“Ŋwan emi abakde Ͻbɔŋ, eyetoro enye.”
Proverbs 31:10–31 etiŋ abaŋa “eti aŋwan,” mme ŋwan emi enyenede akamba odudu spirit, ukeme, ye ntuk. Afo emekeme ndinam ɔmuhɔ ke mme ikɔ fo se mme ufaŋ emi kiet kiet etiŋde abaŋa eti aŋwan. Afe ke otu mme ido emi ke afo ekeme nditiene nnam?
Ecclesiastes 1–3; 12
Uwem isɔŋ edi ke esisit ini.
Ntak emi edide akpan ɔnɔ fi nditi se iwakde ntem ke ererimbot emi, nte Ecclesiastes 1–2 etiŋde, edi “ikpikpu” (mme eke ini ndien ediwak ini isinyeneke ufɔn)? Nso ke afo okut ke Ecclesiastes 12 emi ɔnɔde nsinsi ufɔn?
Ke se iwakde ikan emi, se Liahona eke ɔfiɔŋ emi ye For the Strength of Youth magazines.
Mme Ekikere Ndikpep Nditɔ-ŋwɔŋ
Proverbs 1:7; 2:5; 15:33; 16:6; Ecclesiastes 12:13
“Ndibak Abasi” ɔwɔrɔ ndima nyuŋ ŋkop item Esie.
-
Man aŋwam nditɔ fo ndifiɔk mme etop abaŋade ndibak Abasi, afo emekeme ndikpuhɔ ikɔ emi “bak” ye mme ikɔ nte ukpono, ima, mme nkop item (se ŋko Hebrew 12:28). Didie ke emi otuk usuŋ nte nnyin ikerede ibaŋa mme ufaŋ emi? Didie ke nnyin iwut ite ke nnyin imibak Ͻbɔŋ?
Proverbs 3:5–7
Ami mekeme ndidori enyin ke Ͻbɔŋ ye ofuri esit mi.
-
Afo ye nditɔ fo emekeme ndinam mme edinam ndisaŋa ye Proverbs 3:5–7, nte ndinam esit ye mme ubɔk mbufo, ndiberedem nnɔ ŋkaŋ kiet, ndisaŋa ke ebiet, ye ndinyaŋ mme enyin mbufo ubɔk. Didie ke nnyin ikeme ndiwut ite ke nnyin imibuɔt idem ke Christ ye ofuri esit nnyin?
-
Ndiwut se iwɔrɔde “nditre ndiberedem ke ifiɔk fo” (Proverbs 3:5), kere baŋa ndikot nditɔ fo ete ebere ke ŋkpɔ asatde onyuŋ ɔsɔŋde idem, nte ibibene. Ndien mmɔ ekeme ndidomo ndibere ke ŋkpɔ emi misatke, nte anyaŋ. Midighe mmɔ ekeme ndiberi eto mme pencil ke mme ŋkpɔ emi enyenede nsio-nsio nsɔŋidem nte ŋwed mme ikpa ŋwed. Ntak emi edide akpan “ndibuɔt idem ke Ͻbɔŋ” (ufaŋ 5) ndien idighe ke “ifiɔk nnyin”?
Ndikpep ndibuɔt idem ke Ͻbɔŋ, emi Kathleen Peterson ewetde
Proverbs 15:1, 18
Ami mekeme nditiŋ mme suŋ-suŋ ikɔ.
-
Ndien afo ye nditɔ fo emekeme ndikere mbaŋa mme idaha emi afo mme mmɔ ekemede ndyaresit. Ekot Proverbs 15:1 kiet, nyuŋ nwam nditɔ fo ndida mme ufaŋ emi nsin ke mme idaha emi mmɔ ekerede ebaŋa. Ekeme ndidi ke mmɔ ekeme ndikpep usuk “suŋ-suŋ ibɔrɔ.” Ikwɔ emi abaŋade mbɔm, nte “Love Is Spoken Here” (Children’s Songbook, 190–91), ekeme ndisɔŋɔ ukpep-ŋkpɔ emi
-
Ndikpep se ɔwɔrɔde “nditre ndisɔp iyaresit” (Proverbs 15:18), afo ye nditɔ fo emekeme ndibuana mme ini emi afo (mme owo emi afo ɔfiɔkde) akayatde esit edi emek ndifɔn ido. Wam nditɔ fo ekere ebaŋa mme ŋkpɔ emi nnyin ikemede ndisɔp nnam edieke nnyin “itrede ndisɔp iyaresit.” Ke nte uwut-ŋkpɔ, nnyin imikekeme ndisɔp nkere mbaŋa Jesus, ndibeŋe unwam nto Ete ke Heaven, ndikere mbaŋa ikwɔ Primary, mme, edieke ekande, ndisaŋa ndaha.
Ke se iwakde ikan emi, se ke Friend magazine eke ɔfiɔŋ emi.