Եսթեր

Նախագահ Դիտեր Ֆ. Ուխդորֆն ուսուցանել է, որ մեզանից յուրաքանչյուրը «կանգնած է եզակի տեղում և ունի կարևոր հանձնարարություն, որը միայն [ինքը] կարող է կատարել: … Տերը ձեզ պարտականություններ է տվել որոշակի պատճառով: Կարող են լինել մարդիկ և սրտեր, որոնց միայն դուք կարող եք հասնել և հուզել: Թերևս ուրիշ ոչ-ոք չէր կարող դա անել նույն ձևով» («Lift Where You Stand», Լիահոնա, նոյ. 2008, 56):

Կարդալով Եսթերի պատմությունը՝ խորհեք, թե ինչպես են այս տողերը վերաբերում նրան: Փնտրեք, թե ինչպես Տերը հնարավորություն տվեց նրան փրկել հրեաներին (օրինակ՝ տես Եսթեր 2․21–23, 3․10–14, 4․14–16)։ Այնուհետև խորհեք, թե ինչպես է Նա ձեզ հնարավորություններ տվել օրհնելու ուրիշներին: Որո՞նք են այն հանգամանքները կամ փոխհարաբերությունները, որոնցով Նա առաջնորդել է ձեզ «մի այսպիսի ժամանակի համար» (Եսթեր 4.14): Եթե դուք ունեք հայրապետական օրհնություն, կարող եք կարդալ այն՝ ավելի շատ բան իմանալու այն աշխատանքի մասին, որը Տերը պատրաստել է ձեզ համար: Ի՞նչ կարող եք անել՝ այդ աշխատանքը կատարելու համար:

Տես նաև «Մի այսպիսի ժամանակի համար» (տեսանյութ), ChurchofJesusChrist.org։

13:44

Եսթերի գրքում մենք դասեր ենք քաղում Եսթերի և Մուրթքեի հավատարմությունից, ինչպես նաև Համանի հպարտությունից և զայրույթից: Երբ կարդաք Եսթեր 3, 5․9–14 հատվածները, ուշադրություն դարձրեք Համանի զգացմունքներին, խոսքերին և գործողություններին: Ի՞նչ են դրանք բացահայտում նրա և նրա դրդապատճառների մասին: Ի՞նչ հետևանքների հանգեցրեց դա (տես Եսթեր 7)։ Կարդալով Համանի մասին՝ դուք կարող եք գնահատել, թե ինչն է նպաստում ձեր զգացմունքներին և գործողություններին: Դուք ոգեշնչվա՞ծ եք որևէ փոփոխություն կատարելու համար: Ինչպե՞ս կարող եք դիմել Երկնային Հորը օգնության համար:

Տես նաև Առակներ 16․32, Ալմա 5․28։

Ուշադրություն դարձրեք, թե ինչու Եսթերը և մնացած հրեաները որոշեցին ծոմ պահել (տես Եսթեր 3․13, 4․1–3, 10–17)։ Ծոմապահությունն ինչպե՞ս օրհնեց նրանց (տես Եսթեր 5․2–3, 8․11–12)։ Ինչո՞ւ է Տերը խնդրում մեզ ծոմ պահել (տես Թեմաներ և հարցեր «Ծոմ, Ծոմապահություն», Ավետարանի գրադարան)։ Մտածեք, թե ինչպես կարող եք ծոմապահությունը դարձնել ավելի մեծ օրհնություն ձեր կյանքում:

Տես նաև Եսայի 58․6–12, «Fasting: Young Single Adult Ward, Amanda» (video), ChurchofJesusChrist.org։

2:41

Երբ Մուրթքեն ու Եսթերը պաշտպանեցին իրենց համոզմունքները և իրենց ժողովրդին, նրանք վտանգի տակ դրեցին իրենց կյանքը: Մեր ընտրությունները կարող են ոչ այդքան ծանր հետևանքներ ունենալ, բայց ճիշտը գործելու համար, միևնուն է, խիզախություն է պահանջվում: Ի՞նչ եք սովորում Եսթեր 3․1–4, 4․10–17 հատվածներից՝ ճիշտը գործելու խիզախություն ունենալու մասին: Ուշադրություն դարձրեք, թե ինչպիսի տարբեր հետևանքներ զգացին Մուրթքեն և Եսթերը խիզախություն ցուցաբերելուց հետո (տես Եսթեր 3․5–11, 5․1–4)։ Ի՞նչ պետք է իմանային Եսթերն ու Մուրթքեն Աստծո մասին, որպեսզի կատարեին իրենց ընտրությունները:

Մտածեք այն իրավիճակների մասին, երբ ձեզ անհրաժեշտ է խիզախություն՝ պաշտպանելու ճիշտը: Ի՞նչ եք սովորում Եսթերից և Մուրթքեից, որը կարող է օգնել ձեզ խիզախություն գտնել Տիրոջ մեջ։

Եսթերի խիզախությունը հանգեցրեց «ուրախության օրվա» (տես Եսթեր 9.17–19): Ինչպե՞ս է քրիստոսանման խիզախությունը ձեզ «ուրախության օր» պարգևել:

Տես նաև «Խիզախություն», «Խիզախություն ունեցիր կանգնելու միայնակ» (տեսանյութեր), Ավետարանի գրադարան, «True to the Faith», Հիմներ, հմր. 254։

3:19

4:20

• Դուք կարող եք ոգեշնչված զգալ՝ օգտագործելու Եսթեր 2.7 հատվածը, որպեսզի ուսուցանեք ձեր երեխաներին օգնել ընտանիքի անդամներին, որոնք ունեն օգնության կարիք, ինչպես որ Մուրթքեն օգնեց Եսթերին: Կարող եք միասին կարդալ այդ հատվածը կամ ամփոփ ներկայացնել այն ձեր բառերով: Այնուհետև, դուք և երեխաները կարող եք մտածել ընտանիքի այն անդամների մասին, որոնք կարող են ձեր օգնության կարիքը ունենալ: Ծրագիր կազմեք նրանց օգնելու համար:

• Եսթերի և Մուրթքեի օրինակները կարող են օգնել ձեր երեխաներին հասկանալ, որ խիզախություն նշանակում է անել այն, ինչ ճիշտ է, նույնիսկ երբ վախենում ես։ Կարող եք գրել հետևյալ արտահայտությունները․ Մուրթքեն խիզախ էր, երբ նա … և Եսթերը քաջ էր, երբ նա … ։ Եսթերի պատմությունը միասին ուսումնասիրելիս ձեր երեխաները կարող են առաջարկել արտահայտություններն ավարտելու տարբերակներ: Կարող եք կարդալ Եսթեր 3․1–11, 4․10–17 հատվածները կամ «Եսթեր թագուհին» նյութը (Հին Կտակարանի պատմություններում,, 166–70) կամ նայեք այդ նյութի նկարները: Ապա գրեք Ես խիզախություն կդրսևորեմ … և խնդրեք երեխաներին թվարկել, թե Երկնային Հայրն ինչ է ուզում, որ իրենք անեն, որը խիզախություն է պահանջում: Կարող է օգտակար լինել մի երգ երգել խիզախության մասին, օրինակ՝ «Dare to Do Right» (Children’s Songbook, 158)։

  

  2:45

• Ուսուցանեք նաև այն դեպքերի մասին, երբ Հիսուս Քրիստոսը խիզախություն է դրսևորել, օրինակ՝ երբ Նա տառապեց մեր մեղքերի համար Գեթսեմանիում և խաչի վրա (տես Մատթեոս 26.36–39, 27.33–35): Խնդրեք ձեր երեխաներին կիսվել մի դեպքով, երբ նրանք խիզախ են եղել, կիսվեք նաև ձեր սեփական փորձառությամբ:

• Կարդացեք Եսթեր 4․1–3, 10–17 հատվածները․ դա կօգնի ուսուցանել երեխաներին ծոմապահության մասին։ Ինչո՞ւ Եսթերն ու հրեաները ծոմ պահեցին։ Ասացեք ձեր երեխաներին, թե ինչու եք դուք ծոմ պահում: Կարող եք նաև հարցնել նրանց, թե ինչպես կբացատրեն ծոմ պահելն իրենց ընկերոջը, որը նախկինում երբեք ծոմ չի պահել: Ինչպե՞ս կարող ենք օգնել մեր ընկերներին հասկանալ այն օրհնությունները, որոնք գալիս են ծոմից:

• Խրախուսեք ձեր երեխաներին մտածել մի բանի մասին, երբ իրենք կարող են Տիրոջ օգնության կարիքը ունենալ: Առաջարկեք նրանց ծոմի այդ մասը պահել ծոմապահության հաջորդ կիրակի:

• Օգնեք ձեր երեխաներին հասկանալ, որ երբ Եսթերը վախեցավ, Մուրթքեն քաջալերեց նրան՝ բացատրելով, որ Տերն օգնել է իրեն թագուհի դառնալ «այսպիսի ժամանակի համար» (Եսթեր 4․14)։ Ի՞նչ նկատի ուներ Մուրթքեն սրանով։ Խոսեք միմյանց հետ այն մասին, թե ինչպես էր Եսթերը գործիք Տիրոջ համար: Մենք ինչպե՞ս կարող ենք գործիքներ լինել Տիրոջ համար:

• Ինչպե՞ս կարող եք օգնել ձեր երեխաներին հասկանալ, թե ինչ է գործիքը: Կարող եք առաջարկել որևէ մեկին երաժշտական գործիքի վրա երգ նվագել կամ որևէ գործիք օգտագործող մարդու նկար ցուցադրել։ Այնուհետև խոսեք այն մասին, թե ի՞նչ է նշանակում գործիք լինել Աստծո ձեռքերում: