Esrabók 1; 3–7; Nehemíabók 2; 3–6; 8

Eftir að Persía hafði lagt undir sig Babýlon, innblés Drottinn Kýrus Persakonung til að senda hóp Gyðinga til Jerúsalem til að endurreisa musterið. Þegar þið lesið Esrabók 1, gætið þá að því sem Kýrus gerði til að styðja Gyðinga í þessu mikilvæga verki. Hvernig sjáið þið Drottin vinna í gegnum karla og konur umhverfis, þar á meðal fólk sem ekki eru meðlimir í kirkju hans? Hvað kennir þetta ykkur um Drottin og verk hans?

Sjá einnig Jesaja 44:24–28.

Þegar Babýloníumenn réðust inn í Jerúsalem rændu þeir musterið og brenndu það til grunna (sjá 2. Konungabók 25:1–10; 2. Kroníkubók 36:17–19). Hvernig haldið þið að ykkur hefði liðið ef þið hefðuð verið meðal Gyðinganna sem urðu vitni að þessu? (sjá Sálmarnir 137). Gætið að því hvernig Gyðingunum leið, áratugum síðar, þegar þeir fengu að snúa aftur og endurbyggja musterið (sjá Esrabók 3:8–13; 6:16–22). Það gæti fengið ykkur til að hugleiða eigin tilfinningar til Drottins og húss hans. Af hverju er bygging musteris ástæða til fagnaðar?

Verk Drottins er sjaldan án andstöðu. Það átti við um verkið sem Serúbabel og Nehemía leiddu. Hér er einföld nálgun sem getur hjálpað ykkur að læra af þessum frásögnum og íhuga hvernig þið getið unnið verk Drottins þrátt fyrir mótlæti:

Verk Guðs fyrir Serúbabel (Esrabók 4:3):

Verk Guðs fyrir Nehemía (Nehemíabók 2:17–18):

Verk Guðs fyrir mig:

Andstaða sem Serúbabel stóð frammi fyrir (Esrabók 4:4–24):

Andstaða sem Nehemía stóð frammi fyrir (Nehemíabók 2:19; 3:33–35 og 4:1–2; 6:1–13):

Andstaða ég stend frammi fyrir:

Hvernig Serúbabel brást við (Esrabók 5:1–2):

Hvernig Nehemía brást við (Nehemíabók 2:20; 3:38 og 4:3; 6:3–15):

Hvernig ég get brugðist við:

Íhugið að miðla hluta af ræðu Dieters F. Uchtdorf forseta, „Við höfum mikið starf með höndum og getum því ekki komist ofan eftir“ (aðalráðstefna, apríl 2009), einkum tveimur síðustu hlutunum. Þegar þið hugsið um það verk sem Guð hefur falið ykkur, gætuð þið lært „þema Stúlknafélagsins“ eða „þema Aronsprestdæmissveita“ (Gospel Library). Þið gætuð líka þess í stað fundið sálm eins og „Við leitum til þín, Drottinn“ (Sálmar, nr. 118) eða „Þér öldungar fólksins“ (Sálmar, nr. 119).

Hvað þýðir það að vera „heils hugar“ í þjónustu frelsarans? (Nehemíabók 3:38). Hver gæti verið merking þess að „Guð heldur verndarhendi yfir [ykkur]“ þegar þið vinnið verk hans? (Nehemíabók 2:8; sjá einnig Nehemíabók 2:18; Esrabók 7:6, 9, 27–28). Hvernig hafið þið séð hönd hans í viðleitni ykkar til að þjóna honum?

Gyðingar höfðu verið í ánauð kynslóðum saman og höfðu takmarkaðan aðgang að „bókinni sem lögmál Móse var skráð á“ (Nehemíabók 8:1). Í Nehemíabók 8 les Esra lögmálið fyrir fólkið. Hvað finnið þið í þessum kafla sem sýnir hvað Esra og fólki hans fannst um Guð og orð hans? (sjá einkum vers 1–12). Hvað í lífi ykkar sýnir hvað ykkur finnst um Guð og orð hans?

Sjá einnig Teachings of Presidents of the Church: Ezra Taft Benson (2014), 115–24.

• Til að kenna börnum ykkar um gleðina sem Gyðingar upplifðu þegar musteri þeirra var endurreist, gætuð þið sýnt þeim mynd eins og hér að neðan. Ræðið hvers vegna þetta fólk gæti verið hamingjusamt að vera í húsi Drottins. Þið gætuð líka sagt börnum ykkar frá því af hverju musterið er gleðistaður fyrir ykkur. Hvernig hefur musterið hjálpað ykkur að finnast þið vera nær himneskum föður og frelsaranum?

• Þegar þið lesið Esrabók 3:10–13 með börnum ykkar, hjálpið þeim þá að finna orð sem lýsa því hvernig Gyðingum leið þegar verið var að endurbyggja musterið. Þegar þið komið að lokum vers 13, gætuð þið ef til vill hrópað af gleði saman. Hjálpið börnum ykkar að finna ástæður til að gleðjast yfir því að Drottinn hefur gefið okkur musteri. Hvernig getum við sýnt þessa gleði?

• Íhugið að syngja söng um musterið með börnum ykkar, eins og „Musterið“ í Barnasöngbókinni, 99. Eftir hverja línu, getið þið gert hlé og beðið barn að miðla einhverju sem það hefur unun af í musterinu. Þið gætuð líka skoðað myndir af musterum meðan þið syngið.

• Miðlið börnum ykkar sögunni um Nehemía (sjá Nehemíabók 2:17–20; 6:1–9; eða „Nehemía“ í Sögur úr Gamla testamentinu, 173–74). Þegar þið lesið Nehemíabók 2:20, gætuð þið og börn ykkar „hafist handa“ og þóst fara til að hjálpa við að reisa múra Jerúsalem. Börn ykkar gætu líka þess í stað haft gaman af því að byggja vegg úr kubbum eða öðrum hlutum. Þegar þau gera það, gætuð þið hjálpað þeim að hugsa um mikilvæga hluti sem himneskur faðir vill að við gerum.

  

  1:38

• Þegar þið lesið Nehemíabók 6:9, bjóðið þá börnum ykkar að rétta upp hönd þegar þau heyra ykkur segja: „En þá tók ég til hendinni svo um munaði.“ Segið börnunum frá því þegar þið funduð Guð styrkja hendur ykkar til að vinna verk hans.

• Lesið upphátt nokkur orðtök í Nehemíabók 8:2–3, 5–6, 8–9, 12 sem lýsa því hvað fólkið gerði þegar það heyrði Esra lesa ritningarnar. Þegar þið lesið, gætu börn ykkar leikið það sem þessi orðtök segja. Þið gætuð síðan miðlað hvert öðru hvernig ykkur líður við að lesa eða heyra ritningarnar.

• Þegar þið lesið saman Nehemíabók 8:8, gætuð þið spurt börn ykkar að því hvað hjálpi þeim að skilja ritningarnar. Sýnið þeim hvernig á að nota ritningarnámshjálp eins og Leiðarvísi að ritningunum og Topics and Questions (Gospel Library). Bjóðið börnum ykkar að miðla einhverju sem þau hafa lært í ritningunum um frelsarann.