Esterarbók

Dieter F. Uchtdorf forseti kenndi að sérhvert okkar „standi á sérstökum stað og hafi mikilvægt verkefni sem einungis [við] getum leyst af hendi. … Drottinn hefur falið ykkur þessa ábyrgð af ákveðinni ástæðu. Það kann að vera fólk eða hjörtu sem einungis þú getur náð til og snert. Ef til vill gat enginn annar gert það á nákvæmlega sama hátt“ („Lyftið þar sem þið standið,“ aðalráðstefna, október 2008).

Þegar þið lesið frásögnina um Ester, íhugið þá hvernig þessi orð eiga við um hana. Gætið að því hvernig Drottinn gerði henni mögulegt að bjarga Gyðingum (sjá t.d. Esterarbók 2:21–23; 3:10–14; 4:14–16). Ígrundið síðan hvernig hann hefur veitt ykkur tækifæri til að blessa aðra. Hvaða aðstæður eða sambönd finnst ykkur hann hafa leitt ykkur í „vegna þessara atburða“? (Esterarbók 4:14). Ef þið hafið patríarkablessun, íhugið þá að lesa hana til að læra meira um það verk sem Drottinn ætlar ykkur að vinna. Hvað getið þið gert til að vinna þetta verk?

Sjá einnig „For Such a Time as This“ (myndband), ChurchofJesusChrist.org.

13:44

Í Esterarbók lærum við um trúfesti Esterar og Mordekaí, en einnig um dramb og reiði Hamans. Þegar þið lesið Esterarbók 3; 5:9–14, gætið þá að tilfinningum, orðum og verkum Hamans. Hvað segja þau um hann og ásetning hans? Hvaða afleiðingum stóð hann frammi fyrir? (sjá Esterarbók 7). Að lesa um Haman gæti fengið ykkur til að íhuga af hverju tilfinningar ykkar og verk stjórnast. Eruð þið hvött til að gera einhverjar breytingar? Hvernig getið þið snúið ykkur til himnesks föður eftir liðsinni?

Sjá einnig Orðskviðirnir 16:32; Alma 5:28.

Gætið að ástæðu þess að Ester og hinir Gyðingarnir ákváðu að fasta (sjá Esterarbók 3:13; 4:1–3, 10–17). Hvernig varð fastan þeim til blessunar? (sjá Esterarbók 5:2–3; 8:11–12). Af hverju býður Drottinn okkur að fasta? (sjá Leiðarvísi að ritningunum, „Fasta,“ Gospel Library). Íhugið hvernig þið getið gert föstu að aukinni blessun í lífi ykkar.

Sjá einnig Jesaja 58:6–12; „Fasting: Young Single Adult Ward, Amanda“ (myndband), ChurchofJesusChrist.org.

2:41

Mordekaí og Ester settu sig í lífshættu með því að koma trú sinni og fólki sínu til varnar. Val okkar getur haft vægari afleiðingar, en það getur þó krafist hugrekkis að gera það sem rétt er. Hvað lærum við í Esterarbók 3:1–4; 4:10–17 um að hafa hugrekki til að gera það sem rétt er? Gætið að hinum ólíku afleiðingum sem Mordekaí og Ester upplifðu eftir að hafa sýnt hugrekki (sjá Esterarbók 3:5–11; 5:1–4). Hvað þurftu Ester og Mordekaí að vita um Guð til að geta tekið þessar ákvarðanir?

Hugsið um aðstæður þar sem þið þurfið hugrekki til að koma því til varnar sem rétt er. Hvað lærið þið af Ester og Mordekaí sem getur hjálpað ykkur að finna hugrekki í Drottni?

Hugrekki Esterar leiddi til „fagnaðar– og veisludags“ (sjá Esterarbók 9:17–19). Hvernig hefur kristilegt hugrekki veitt ykkur „fagnaðar– og veisludag“?

Sjá einnig „Courage,“ „Dare to Stand Alone“ (myndbönd), Gospel Library; „Sannir í trúnni,“ Sálmar, nr. 109.

3:19

4:20

• Þið gætuð fundið fyrir innblæstri til að nota Esterarbók 2:7 til að kenna börnum ykkar að hjálpa fjölskyldumeðlimum sem þess þarfnast, eins og Mordekaí gerði fyrir Ester. Þið gætuð lesið versið saman eða gert samantekt á því með eigin orðum. Þið og börn ykkar gætuð síðan hugsað um fjölskyldumeðlimi sem gætu þarfnast hjálpar ykkar. Gerið áætlun um að hjálpa þeim.

• Fordæmi Esterar og Mordekaí getur hjálpað börnum ykkar að skilja að hugrekki þýðir að gera það sem rétt er, jafnvel þegar við erum óttaslegin. Íhugið að skrifa orðin Mordekaí var hugrakkur þegar hann … og Ester var hugrökk þegar hún …. Þegar þið lærið söguna um Ester saman, gætu börn ykkar bent á leiðir til að ljúka setningunum. Þið gætuð lesið Esterarbók 3:1–11; 4:10–17 eða „Ester drottning“ (í Sögur úr Gamla testamentinu, 166–70) eða skoðað myndirnar í þessum lexíudrögum. Skrifið síðan Ég sýni hugrekki með því að … og bjóðið börnum ykkar að skrá þá hluti sem himneskur faðir vill að þau geri sem krefjast hugrekkis. Söngur um hugrekki, t.d. „Gjör allt þitt rétt“ (Barnasöngbókin, 80), gæti komið að gagni.

  

  2:45

• Þið gætuð líka lært um tilvik þegar Jesús Kristur var hugrakkur – t.d. þegar hann þjáðist fyrir syndir okkar í Getsemane og á krossinum (sjá Matteus 26:36–39; 27:33–35). Biðjið börn ykkar að segja frá tilvikum þegar þau voru hugrökk og miðlið líka eigin reynslu.

• Lestur Esterarbókar 4:1–3, 10–17 gæti hjálpað ykkur að kenna börnum ykkar um föstu. Af hverju föstuðu Ester og Gyðingarnir? Segið börnum ykkar frá ástæðu þess að þið fastið. Þið gætuð líka spurt þau að því hvernig þau myndu útskýra föstu fyrir vini sem hefur aldrei áður fastað. Hvernig gætum við hjálpað vinum okkar að skilja blessanirnar sem hljótast af föstu?

• Hvetjið börn ykkar til að hugsa um eitthvað sem þau gætu þurft hjálp Drottins við. Leggið til að þau geri þann hluta föstunnar á næsta sunnudegi.

• Hjálpið börnum ykkar að skilja að þegar Ester var hrædd, hvatti Mordekaí hana með því að útskýra að Drottinn hefði hjálpað henni að verða drottning „vegna þessara atburða“ (Esterarbók 4:14). Hvað átti Mordekaí við með þessu? Ræðið hvert við annað um það hvernig Ester var verkfæri Drottins. Hvernig getum við verið verkfæri Drottins?

• Hvernig gætuð þið hjálpað börnum ykkar að skilja hvað verkfæri er? Ef til vill gætuð þið boðið einhverjum að spila lag á hljóðfæri eða sýnt mynd af einhverjum að nota verkfæri. Þið gætuð síðan rætt hvað það þýðir að vera verkfæri í höndum Guðs.