Ezra 1; 3–7; Nehemaya 2; 4–6; 8

Mgbe Persia merichara Babilọn, Onyenwe anyị kpakere eze ndị Persia, Cyrus, iziga otu otù ndị Juu ịga Jerusalem iwuzigharị tempụl ahụ. Dị ka ị na-agụ Ezra 1, hụba ama ihe Cyrus mere iji kwadoo ndị Juu nʻọrụ nke a dị mkpa. Kedụ otu i si ahụ Onyenwe anyị si arụ ọrụ site naka ndị nwoke na ndị nwanyị nọ na gburugburu gị, gụnyere ndị ahụ na-abụghị ndị otù Nzukọ nsọ Ya? Gịnị ka nke a na-atụziri gị banyere Onyenwe anyị na ọrụ Ya?

Lee kwa Aịzaya 44:24-28.

Mgbe ndị Babịlọn wakporo Jerusalem, ha bụsasịrị ihe dị na tempụl ahụ ma kpọọ ya ọkụ ruo nʻala (lee 2 Ndị Eze 25:1–10; 2 Ihe e mere 36:17–19). Kedụ ihe ichere gaara emetụta gị nʻobi ma ọ bụrụ na ịbụ otu niime ndị Juu ndị hụrụ ihe a?(lee Abụ ọma 137). Mata otu o jiri metụta ndị Juu ahụ nʻobi, mgbe ọtụtụ iri afọ gasịrị, mgbe ahapụrụ ha ịlọghachi ma wuzigharịa tempụl ahụ (lee Ezra 3:8–13; 6:16–22). Nke ahụ nwere ike kpalie gị itule nʻuche mmetụta nke gị onwe gị banyere Onyenwe anyị na ụlọ Ya. Gịnị kpatara iwu tempụl jiri bụrụ ihe eji an̄ụrị ọn̄ụ?

Ọrụ nke Onyenwe na-ara ahụ adịghị enwekarị mmegide. Nke a bụ eziokwu maka mbọ niile nke Zerubbabel na Nehemaya duru. Nke a bụ ụzọ dị mfe nke nwere ike inyere gị aka mụta ihe site nʻakụkọ ndị a ma tulee otu inwere ike iji rụọ ọrụ nke Onyenwe anyị na-agbanyeghị mmegide:

Ọrụ nke Chineke maka Zerubbabel (Ezra 4:3):

Ọrụ nke Chineke maka Nehemaya (Nehemaya 2:17-18):

Ọrụ Chineke maka m:

Mmegide Zerubbabel zutere (Ezra 4:4–24):

Mmegide Nehemaya zutere (Nehemaya 2:19; 4:1–3, 7–8; 6:1–13):

Mmegide m na-ezute:

Otu Zerubbabel jiri zaghachi (Ezra 5:1–2):

Otu Nehemaya jiri zaghachi (Nehemaya 2:20; 4:6, 9; 6:3–15):

Otu m ga-esi azaghachi:

Maka enyemaka ịtụnyere nhụmihe nke Nehemaya na ndụ gị, inwere ike mụọ ozi nke Onyeisi Dieter F. Uchtdorf “Anyị Na-arụ Nnukwu Ọrụ ma Anyị Enweghị ike Agbada Ala” (Liahona, Me 2009, 59–62), kachasị nkeji abụọ ndị ikpeazụ. Dị ka ị na-eche banyere ọrụ Chineke nyeworo gị, ịnwere ike mụọ “Isiokwu Ndị Iyom Nta” ma ọ bụ “Isiokwu Ndị Kworum Ọkwa Nchụaja nke Erọn” (Ọba akwụkwọ Ozi ọma). Ma ọ bụ inwere ike chọọ niime abụ dị ka “Dị ka Ụmụnne ndị nwanyị N’ime Zayọn” (Abụ, no. 309) ma ọ bụ “Unu Ndị Okenye nke Izrel” (Abụ,, no. 319).

Kedụ ihe i chere ọ pụtara inwe “uche ịrụ ọrụ” nʻije ozi nke Onye Nzọpụta? (Nehemaya 4:6). Gịnị ka o nwere ike ịpụta inwe “aka ọma nke Chineke nʻelu isi [gị]” dị ka ị na-arụ ọrụ Ya? (Nehemaya 2:8; lee kwa Nehemaya 2:18; Ezra 7:6, 9, 27–28). Olee otu i siworo hụ aka Ya niime mbọ niile gị ijere Ya ozi?

Maka ndudugandu ndị a nọ na ndọkpụ n’agha, ndị Juu nwere obere ohere nye “akwụkwọ nke iwu nke Mosis” (Nehemaya 8:1). Na Nehemaya 8, Ezra gụụrụ ndị mmadụ iwu ahụ. Kedụ ihe ị na-achọta nime isi nke a na-egosi otu Ezra na ndị ya si nwee mmetụta banyere Chineke na okwu Ya? (lee kacha nke amaokwu ndịa 1–12). Kedụ ihe na ndụ gị na-egosi otu ị na-eche banyere Chineke na okwu Ya?

Lee kwa Nkuzi niile nke Ndịisi Nzukọ nsọ: Ezra Taft Benson (2014), 115–24.

• Maka ikuziri ụmụ gị banyere ọn̄ụ nke ndị Juu nwetere mgbe ewuzigharịchara tempụl ha, ịnwere ike gosi ha foto dị ka nke nọ nʻokpuru. Kwuo okwu banyere ihe kpatara ndị a nwere iji nwee obi ụtọ ịnọ nʻụlọ nke Onyenwe anyị. I nwerekwara ike gwa ụmụ gị ihe kpatara tempụl ahụ jiri bụrụ ebe ọn̄ụ dị maka gị. Kedụ otu tempụl siworo nyere gị aka nwee mmetụta ịbịaru Nna nke Eluigwe na Onye Nzọpụta nso?

• Dị ka ị na-agụ Ezra 3:10-13 gị na ụmụ gị, nyere ha aka chọpụta okwu ndị na-egosi otu ndị Juu siri nwee mmetụta mgbe a na-ewuzigharị tempụl ahụ. Mgbe iruru na njedebe nke amaokwu 13, ikekwe unu nwere ike tikọta mkpu ọn̄ụ ọnụ. Nyere ụmụ gị aka chee maka ihe niile ekwesịrị iji maka ha nwee an̄ụrị niihi na Onyenwe anyị enyewo anyị ọtụtụ tempụl? Kedụ otu anyị ga-esi egosi ọn̄ụ ahụ?

• Tulee ịbụ otu abụ banyere tempụl gị na ụmụ gị, nke dị ka ọdịnọọgbara nke abụọ nke “Nnọnụ Nʻebe Obibi” (Ọba akwụkwọ Ozi ọma). Mgbe agụsịrị otu ahịrị, i nwere ike kwụsịtụ ka ị gwa otu nwata ka ọ kesaa otu ihe ọ hụrụ naanya banyere tempụl. Ị nwekwara ike lee anya na foto niile nke tempụl niile mgbe unu na-abụ abụ.

• Kesaara ụmụ gị akụkọ nke Nehemaya (lee Nehemaya 2:17–20; 6:1–9; ma ọ bụ “Nehemaya” niime Akụkọ niile nke Agba Ochie, 173–74). Dị ka unu na-agụ Nehemaya 2:20, gị na ụmụ gị nwere ike “bilie” ma mee ka agasị na unu na-enye aka ewu mgbidi niile nke Jerusalem. Ma ọ bụ na ụmụ gị nwere ike nwee obi ụtọ iwu mgbidi jiri okwute ma ọ bụ mkpanaka ndị ọzọ. Dị ka ha na-eme, i nwere ike nyere ha aka chee banyere ihe ndị dị mkpa Nna nke Eluigwe chọrọ ka anyị mee.

  

  1:38

• Dị ka unu na-agụ Nehemaya 6:6, kpọkuo ụmụ gị ka ha welie aka ha mgbe ha nụrụ ka ikwuru “gbaa aka m ume.” Gwa ụmụntakịrị ahụ banyere oge mgbe ịnwetere mmetụta na Chineke na-agba aka gị ume ịrụ ọrụ Ya.

• Gụpụta n’olu dara ụda ụfọdụ nkebiokwu sitere na Nehemaya 8:2–3, 5–6, 8–9, 12 nke na-akọwa ihe ndị mmadụ mere mgbe ha nụrụ ka Ezra gụpụtara akwụkwọ nsọ. Dị ka ị na-agụ, ụmụ gị nwere ike mee ejije nkebiokwu ndị a. Mgbe ahụ unu nwekwara ike kesakọrịta onwe unu otu unu siworo chee mgbe ịgụrụ ma ọbụ nụ akwụkwọ nsọ.

• Dị ka unu na-agụkọta Nehemaya nke 8:8ọnụ, i nwere ike jụọ ụmụ gị ihe na-anyere ha aka ịghọta akwụkwọ nsọ. Gosi ha otu esi ejiri enyemaka niile nke ọmụmụ akwụkwọ nsọ dị ka Odudu ruo na Akwụkwọ nsọ na Isiokwu niile na Ajụjụ niile (Ọba akwụkwọ Ozi ọma). Kpọkuo ụmụ ntakịrị gị ikesa otu ihe ha mụtara banyere Onye Nzọpụta site na akwụkwọ nsọ.