Na-agụ Abụ niime Agba Ochie

Nke mbụ, ọ nwere ike nyere gị aka ịmata na abụ Ndị Hibru niime Agba Ochie adabereghi na ndakọrịta, dị ka ụfọdụ abụ ndị ọzọ. Ma na-agbanyeghị na ndanuusoro, okwu egwuruegwu, na nkwugharị ụda bụ ihe ndị ama ama so na abụ Ndị Hibru mgbe ochie, ihe ndị a efuwo nnọọ na ntụgharị asụsụ. Otu ejirimara ị ga-achọpụta, agbanyeghi, bụ nkwugharị nke echiche ma ọ bụ uche niile, mgbe ụfọdụ akpọrọ “kwunkwugha.” Nke a bụ otu ọmụmaatụ dị mfe sitere na Aịzaya:

Abụ ọma 29 nwere ọtụtụ ahịrị myiemetụ—iji maatụ:

Ma nke a bụ otu ọmụmaatụ nke ịmata na ahịrị nke abụọ bụ nyiemetụ nye nke mbụ ahụ na-eme edereede akacha dịrị mfe nghọta.

Niime ọmụmaatụ ndị a, odee abụ ahụ kwugharịrị otu echiche jiri obere ndịiche. Usoro a nwere ike kwusie ike echiche ahụ ekwuru ugboro ugboro ma jiri ọtụtụ ndịiche iji kọwaa ma ọ bụ hiwe ya nke ọma.

N’ọnọdụ ndị ọzọ, ahịrịokwu myiemetụ abụọ ahụ na-eji asụsụ yiri ibe ha iji wepụta echiche dị iche iche, dị ka na ọmụmaatụ nke a:

Ụdị kwunkwugha nke a anaghị eme na mberede. Ndị odee ha kpachara anya mee ya. O nyeere ha aka gosipụta mmetụta ma ọ bụ eziokwu nke ime mmụọ jiri ma ike ma ịma mma. Niihi ya mgbe ị hụtara kwunkwugha niime edereede nke Agba Ochie, jụọ onwe gị otu nke a nwere ike iji nyere gị aka ghọta ozi nke odee ahụ. Iji maatụ, kedụ ihe Aịzaya na-agba mbọ ikwu site na ịtụnyere “ume” ya na “gamentị mara mma” na “Zayọn” ya na “Jerusalem”? (Aịzaịah 52:1). Gịnị ka anyị ga-echepụta banyere nkebiokwu ahụ “azịza dị nro” ma ọ bụrụ na anyị maara na “okwu ọjọọ” bụ ihe na-emegide ya? (Ilu 15:1).

Ụfọdụ ndị na-atụnyere ịgụ abụ ya na izute onye ọhụrụ Ịgụ abụ Agba Ochie, ma emesịa, nwere ike dịrị ka izute otu onye si mba dị anya na omenaala mba ọzọ onye na-asụ asụsụ dị iche site na nke anyị—na onye dị nnọọ ka ọ gbara karịa puku afọ abụọ. Onye nke a nwere ike kwuo ihe ndị anyị anaghị aghọta na mbụ, mana nke a apụtaghị na ha enweghi ihe bara uru ha ga-ekwu. Anyị kwesịrị nnọọ ịnọnyetụrụ ha, na-agba mbọ ị hụ ihe site na anya ha ji ahụ ihe. Anyị nwere ike chọpụta na niime obi anyị, anyị nʻezie na-aghọta onwe anyị nke ọma. Ma ọ bụrụ nʻanyị nwee ndidi na ọmịiko, enyi ọhụrụ anyị ga-emesị bụrụ enyi ọma anyị.

Niihi ya mgbe ị na-agụ site nʻotu ederede nke Aịzaya, na-ịmaatụ, were ya na ọ bụ ndubata mbụ a na-egosi gị otu onye ọhụrụ. Jụọ onwe gị, “Gịnị bụ mmetụta izugbe m na-enwete?” Kedụ otù edereede ahụ ji emetụta gị—ọbụnadị mgbe ị nʻadịghị aghọta okwu niile? Mgbe ahụ gụgharịa ya ọzọ, ọtụtụ mgbe ma okwe omume. Tulee ị gụpụta ya agụpụta; ụfọdụ ndị na-achọta mpụtara agbakwunyere site nʻụzo ahụ. Hụba ama kpọm kwem mkpụrụokwu ndị Aịzaya họọrọ, kacha nke mkpụrụokwu ndị na-ese ihe osise niime uche gị. Kedụ otu foto ndị ahụ ji emetụta gị? Gịnị ka ha na-atụpụta nye gị banyere mmetụta niile nke Aịzaya? Dị ka ị na-amụtakwu mkpụrụokwu nke ndị odee Agba Ochie karịa, otu ahụ ka ị ga-eji amatakwu na ha kpachaara anya họrọ okwu ha niile na usoro ndị ha ji egosipụta ozi nke ime mmụọ miri emi.

Abụ nwere ike ịbụ ndị enyi ọma niihi ha na-enyere anyị aka ghọta mmetụta na nhụmiihe niile anyị. Abụ niile nke Agba Ochie kacha nke dị oke ọnụ ahịa nihi na ha na-enyere anyị aka ghọta mmetụta niile na nhụmihe niile kachasị dị mkpa—ndị ahụ metụtara njikọta anyị na Chineke.

Dị ka ị na-amụ abụ dị niime Agba Ochie, cheta na ọmụmụ akwụkwọ nsọ kachasị baa uru mgbe ọ na-eduba anyị ruo na Jizọs Kraịst. Chọo ọdịmara niile, ihe oyiyi, na eziokwu ndị na-ehiwe okwukwe gị na Ya. Gee ntị maka mkpatemmụọ sitere na Mmụọ Nsọ dị ka ị na-amụ ihe.