2 Ihe e mere 14–20; 26; 30

Mgbe Asa bụ eze nke Judah, o zutere ọtụtụ ịma aka—dị nnọọ ka anyị niile na-ezute taa. Dị ka ị na-agụ banyere mnwale niile o zutere, mata ebe ọ tụkwasịrị obi ya na otu nke ahụ siri gbanwee n’oge.

Gịnị mere mgbe ụfọdụ anyị akwụsị ịtụkwasị obi na Onyenwe anyị? Kedụ ihe ọzọ ị mụtara site na ndụ nke Asa?

Lee kwa Okenye D. Todd Christofferson, “Mmekọrịta Anyị na Chineke,” Liahona, Me 2022, 78–80.

Onye amụma Maịkaya dịịrị ka ọ nwetere ọtụtụ nkwagide ibu amụma ọganiihu nke eze Jehoshafat na Ahab n’agha ha megide Syria. Chọọ maka ihe aka ebe nke nkwagide ahụ dị niime 2 Ihe e mere 18:1-12. Kedụ ihe aka ebe ị na-achọta na-egosi ike na iguzosi ike n’ezi ihe nke Maịkaya niime amaokwu ndịa 13-27? (Mata na niime amaokwu 14, Maịkaya na-enye azịza mkparị; ezigbo azịza ya dị niime amaokwu nke 16.) Kedụ otu okwu niile nke Maịkaya ji mezuo niime amaokwu ndịa 28–34?

Gịnị bụ ụfọdụ ọnọdụ nke i nwere ike izute nkwagide dị ka Maịkaya zutere? Kedụ ihe na-enye gị mgbam ume iguzosi ike maka Onyenwe anyị na nkuzi Ya niile?

Dị ka ị na-agụ 2 Ihe e mere 20:1–12, chọọ ihe Eze Jehoshafat mere mgbe ọtụtụ mba bịara ibuso Judah agha. Kedụ otu i ga-esi etinye omume ya niile n’ọrụ n’ọnọdụ ịma aka niile ị na-ezute?

Azịza nke Onyenwe anyị nye ekpere nke Jehoshafat ka achọtara niime amaokwu ndịa 14–17. Kedụ nkebiokwu ndị ị na-achọta nwere ike ịkasi gị obi ma ọ bụ onye ị maara n’oge niile siri ike?

Ụbọchị soterenu, ndị Jerusalem pụrụ izute otu ndị agha na-ebuso agha. Dị ka ị na-agụ 2 Ihe e mere 20:20, chọọ maka ozi Jehoshafat nyere ndị Jerusalem. Kedụ otu okwu niile ya si mezuo? (lee amaokwu ndịa 22–23). Kedụ otu Chineke si gọzie gị maka ikwere na Ya na isoro ndị amụma Ya?

Onyeisi Russell M. Nelson kwuru: “Nhụmiihe m bụ na ozugbo ị kwụsịrị itinye akara ajụjụ na-azụ nkwuputa niile nke ndị amụma ma kama tinye akara iti mkpu, ma mee ya, ngọzi niile na-awụpụta nnọọ. Ọ dịghị mgbe m jụrụ onwe m, ‘Kedụ mgbe onye amụma na-ekwu dị ka onye amụma na kedụ mgbe ọ dịghị ekwu?’ Mmasị m abụrụwo, ‘Kedụ otu m nwere ike i si dịrị ka ya karịa?’” (niime Lane Johnson, “Russell M. Nelson: Ihe Mmụta maka Nrube isi,” Ensign, Aug. 1982, 24).

Lee kwa Ozizi na Ọgbụgba ndụ niile 21:4–6; “Ihe Njigide Siri ike” (vidiyo), Ọba akwụkwọ Ozi ọma; “Mee Nhọrọ ndị na-akpate mmụọ,” Maka Ume nke ndị Ntoroọbịa: Odudu maka Ime Nhọrọ niile (2022), 4–5.

3:37

Dị ka ọ dị ọtụtụ ndị eze ndị ọzọ nke Judah, ọchịchị nke Uzaya malitere jiri nnukwu mmepụta ihe mana jiri ihe ọjọọ bịa na ngwụcha. Chọọ maka usoro nke a niime 2 Ihe e mere 26. Kedụ ihe ị ga-ekwu bụ oge ntụgharị nke ndụ nke Uzaya?

Dị ka ị na-agụ amaokwu ndịa 16-23, buru n’uche na n’oge nke a, naanị ndị nchụaja nwere ohere imunye ihe nsure ọkụ nwere isi ụtọ ọkụ niime tempụl. Gịnị mere i jiri na-eche na Eze Uzaya erubeghị isi nye Chineke? Kedụ ihe ị na-amụta site na nhụmiihe ọjọọ nke a?

Lee kwa “Dịrị Umeala,” Abụ, no. 130.

Niime 2 Ihe e mere 30, Hezekaya bụ eze nke Judah. Ọ kpọkuru Alaeze ndị iro nke Izrel ịgbakọta na Jerusalem ime ememe Emume Ngabiga—ihe Ndị Izrel enwebeghị ike ime ruo ọtụtụ afọ (lee amaokwu ndịa 1-12). Kedụ ihe na-amasị gị banyere ọkpụkpọ oku na otu e siri nata ya—ma site n’aka ndị ọbịa Ndị Izrel ma site n’aka ndị na-akpụ ọbịa niime Judah?

Niihi na o tewo aka nke ukwuu, ụfọdụ ndị ọbịa bịara Jerusalem amachaghị nke ọma uju niile nke otu esi esonye na Emume Ngabiga. Dị ka ị na-agụ 2 Ihe e mere 30:18–27, kedụ ihe ị na-amụta site n’azịza nke Hezekaya na nsonazụ nke azịza ya?

Lee kwa Russell M. Nelson, “Ndị Ome Udo Ka A Chọrọ,” Liahona, Me 2023, 98–101.

• Idubata nchepụta nke ịtụkwasị obi na Onyenwe anyị, i nwere ike gosi ụmụ gị ihe ị tụkwasịrị obi idebe gị akọrọ mgbe mmiri na-ezo, dị ka nche anwụ ma ọ bụ jaket. Kwe ha kwuo okwu banyere ihe mere anyị nwere ike iji tụkwasị obi na ihe ndị a. Mgbe ahụ nyere ha aka tụnyere nke ahụ na ntụkwasị obi anyị na Onyenwe anyị. Gịnị mere anyị ji atụkwasị obi na Ya idebe anyị na nchekwa ime mmụọ?

• I nwere ike nyere ụmụ gị aka chọpụta otu Eze Asa na Eze Jehoshafat siri zaghachi nye ịma aka niile site na-ịtụkwasị obi na Onyenwe anyị (lee 2 Ihe e mere 14:11; 20:3–5, 12). Kesaara ibe unu ụzọ ndị ọzọ i nwere ike i si gosi Onyenwe anyị na gị tụkwasịrị obi na Ya.

• Ihu akwụkwọ ihe omume izu ụka nke a nwere ike nyere ụmụ gị aka ghọta akụkọ ekpere nke Jehoshafat na azịza nke Onyenwe anyị. Gị na ụmụ gị nwere ike kesaa oge niile mgbe Chineke nụrụ ma za ekpere gị niile. Tụlee ịgụnye oge niile mgbe azịza niile bịara n’ụzọ ma ọ bụ n’oge ndị ịtụghị anya ya. Otu egwu banyere ekpere, dị ka “Ekpee M n’Okwukwe” (Akwụkwọ Ukwe Ụmụntakịrị, 14), nwere ike nyere gị aka wulite okwukwe nke ụmụ gị.

• Ịmụ banyere ihe egwu nke mpako, ụmụ gị nwere ike jiri okwute ma ọ bụ ụmụ obere iko ji wuo tọwa. Dị ka ha tụkwasịrị okwute ma ọ bụ iko nke ọbụla n’elu tọwa ahụ, nyere ha aka chọpụta otu niime mmepụta niile nke Uzaya site na 2 Ihe e mere 26:3–15. Mgbe ha rụsịrị tọwa ahụ, kwurịta gị na ụmụ gị otu Uzaya nwere ike iji debe ya ogologo ma sie ike. Gịnị nwere ike ime ya adaa? Emesịa, dị ka unu na-agụ amaokwu 16, unu nwere ike kwuo banyere ihe ọ pụtara inwe obi anyị “ebuliri elu ruo na mbibi [anyị].” Kesaara ụmụ gị ihe mere Uzaya niime amaokwu ndịa 16–23. Ka ha kụda tọwa ha. Kwuo okwu banyere ihe anyị nwere ike ime iji dịrị umeala.

• Foto dị n’elu na-egosi mgbe Hezekaya kpọkuru ndị agbata obi nke Judah sitere n’Alaeze nke Izrel ime ememe Emume Ngabiga ha na ha. I nwere ike lee anya na eserese nke a gị na ụmụ gị ma gụọ 2 Ihe e mere 30:18–19, nke na-akọwa na ụfọdụ ndị ọbịa asabeghị onwe ha dị ka otu iwu nke Mosis siri dị. Gịnị ka Hezekaya mere? Kedụ otu nke a gaara esi emetụta ndị ọbịa ahụ? Nyere ụmụ gị aka chee maka otu ha nwere ike i si adị ka Hezekaya n’ụzọ ha si emeso ndị ọzọ.