1 Ndị Eze 12–13; 17–22

Kedụ otu ị ga-esi akọwa njehie Eze Rehoboam, ọkpara Solomọn, mere niime 1 Ndị Eze 12:1–14? Kedụ njirimara ndị yiri Kraịst gaara enwe ike enyere Rehoboam aka chekwaa alaeze ya? (lee amaokwu 7; Matiu 20:25–28; Mozaya 2:10–21). Kedụ otu i nwere ike i si jiri njirimara ndị a dị ka onye ndu—ma n’ọkpụkpọ oku Nzukọ nsọ ma ọ bụ dị ka onye ndu nke ndụ nke onwe gị?

Onye amụma Elijah rịọrọ nwanyị isi mkpe inye ya ihe oriri na mmiri tupu inye onwe ya na nwa ya nwoke bu ọnụ ihe oriri. Gịnị mere ọ ga-eji mee nke ahụ? Arịrịọ nke Elijah ka e nwere ike ịhụta dị ka ngọzi maka ezi na ụlọ nta nke a. Ha nwere mkpa ngọzi niile nke Onyenwe anyị, ma ịchụ aja na-ewete ngọzi niile—gụnyere ngọzi nke okwukwe siri ike karịa.

Dị ka ị na-agụ 1 Ndị Eze 17:8–16, chegodị na ịbụ nwanyị isi mkpe nke a. Kedụ ihe na-amasị gị banyere ya? I nwekwara ike depụta nhọrọ niile na-achọ okwukwe niime Jizọs Kraịst (ịma atụ, lee Maka Ume nke Ndị Ntoroọbịa: Odudu ruo Na-ime Nhọrọ niile [2022]). Kedụ ihe ị na-amụta site na nwanyị isimkpe nke a banyere itinye okwukwe n’ọrụ?

Kedụ otu omume niile nke Elisha dị niime 1 Ndị Eze 19:19–21 siri yie omume niile nke nwanyị isimkpe ahụ?

Chee banyere aja niile i chụworo iji soro Onye Nzọpụta. Gịnị ka 1 Ndị Eze 17:8–16; 19:19–21 na-akuziri gị banyere aja ndị a niile? Kedụ otu mmata ihe gị banyere Onye Nzọpụta si enyere gị aka mgbe Ọ rịọrọ gị ịchụ aja? Kedụ otu O siworo gọzie gị?

Lee kwa Matiu 4:18–22; 6:25–33; Luk 4:24–26; “Elijah na Nwanyị Isimkpe nke Zarefath” (vidiyo), Ọba akwụkwọ Ozi ọma; “Mgbe Okwukwe Nagidere,” Abụ, no. 128.

10:13

Ndị Izrel nwere ike ha echewo na ha nwere ebumnuuche ndị dị mma iji fee Baal, onye a maara dị ka chi nke ebili mmiri na mmiri ozuzo. Mgbe afọ atọ nke oke ọkọchị gasịrị, ha chọsiri mmiri ozuzo ike. Ma ife Baal ofufe ka anabatara n’ihu ọha ma akwadoo ya site n’aka eze na eze nwanyị. Dị ka ị na-agụ 1 Ndị Eze 18, chee banyere ihe mere mmadụ n’ụbọchị anyị nwere ike na-enwe obi abụọ banyere isoro Onyenwe anyị. N’isi nke a, kedụ ihe i chere Onyenwe anyị naara agbalị ikuzi banyere Onwe Ya? Kedụ nhụmiihe ndị nyeworo gị aka kpebie isoro Onye Nzọpụta?

Lee kwa D. Todd Christofferson, “Nhọrọ na Nkwa” (worldwide devotional for young adults, Jan. 12, 2020), Ọba akwụkwọ Ozi ọma.

Na mwute, ọrụ ebube n’elu Ugwu Carmel emeghị ozi mgbasa ozi nke Elijah adị mfe karịa. N’ezie, ndụ ya nọ n’egwu, ma ọ bịara zoo niime oghere dị n’okwute dị niime alaịkpa. Ebe ahụ, ị na-ahụju anya ịnọrọ naanị ya na ndakpọ olileanya, o nwetere nhụmiihe ya na Onyenwe anyị nke dịịrị ezigbo iche site na nhụmiihe n’elu Ugwu Carmel. Gịnị ka nhụmiihe nke Elijah niime 1 Ndị Eze 19:1–18 na-akuziri gị banyere otu Onyenwe anyị si agwa gị okwu n’oge mkpa gị niile?

Tụlee oge niile mgbe i chere na Onyenwe anyị agwawo gị okwu. Kedụ otu i ga-esi akọwa ụzọ O si ekwuru gị okwu? Gịnị mere mkpụrụokwu ndị a “duu” na “ntakịrị” si bụrụ ụzọ ndị dị mma iji kọwaa olu nke Mmụọ? Kedụ mkpụrụokwu ndị ọzọ ị na-achọta niime Helaman 5:30; Ozizi na Ọgbụgba ndụ niile 6:22–23; 11:12–14? Kedụ ihe i nwere mkpa ime iji natakwuo odudu nke Onyenwe anyị mgbe niile?

Lee kwa Abụ ọma 46:10.

• Iji nyere ụmụ gị aka mụta akụkọ niile nke okwukwe niime 1 Ndị Eze 17, i nwere ike gosi ha foto niile ma ọ bụ ihe mkpanaka iji gosipụta akụkọ niile, dị ka nnụnụ dị iche iche, achịcha, ma ọ bụ nwantakịrị nwoke. Dị ka ị na-akọrọ ụmụ gị akụkọ ndị a, kpọkuo ha ịchọta foto ma ọ bụ ihe mkpanaka na-adaba n’akụkọ nke ọbụla. “Elijah Onye amụma” (niime Akụkọ niile nke Agba Ochie, 121-24) nwere ike inyere gị aka kọọ akụkọ ndị a. Gịnị ka akụkọ nke ọbụla na-akuziri anyị banyere igosi okwukwe niime Jizọs Kraịst?

  

  1:58

• Nyere ụmụ gị aka chee maka ụzọ ndị ha nwere ike iji gosi okwukwe ha niime Jizọs Kraịst. Soro ha gụọ egwu banyere okwukwe, dị ka “E nwere M Okwukwe niime Onyenwe anyị, Jizọs Kraịst” (Ọba akwụkwọ Ozi ọma), ma kesaara ibe unu ihe ị mụtara banyere okwukwe site n’egwu ahụ.

• Elemaanya ụmụ gị nwere ike see foto nke ihe Onyenwe anyị rịọrọ nwanyị isimkpe inye Elijah (lee 1 Ndị Eze 17:12–13) na ihe nwanyị isimkpe natara niihi ya (lee 1 Ndị Eze 17:15–16). (Lee kwa ihu akwụkwọ ihe omume izu ụka nke a.) Ha nwere ike chọọ foto nke ndị ọzọ ndị nyefere ihe ha chọburu maka ihe dịtụ mma karịa. Kpọkuo ụmụ gị ịchọta foto niile niime Akwụkwọ Nka Ozi ọma ma ọ bụ Bịanụ, Soro M. Gịnị ka Onyenwe anyị chọrọ ka anyị ji chụọ aja? Kedụ otu O si agọzi anyị?

• Dị ka unu na-agụkọta 1 Ndị Eze 18:17–39 ọnụ, ụmụ gị nwere ike họrọ otu amaokwu ma see foto nke ihe ọ na-akọwa. Ha nwere ike jiri foto ha niile ji kọọ akụkọ ahụ n’okwu nke onwe ha. (Lee kwa “Elijah na Ndị Nchụaja Baal,” niime Akụkọ niile nke Agba Ochie, 125–28.)

  

  2:17

• Nyere ụmụ gị aka chee maka ọnọdụ niile mgbe ha nwere ike ịchọ ikpebi ma ma ọ bụ ghara isoro Jizọs Kraịst. Ikekwe ha nwere ike see foto nke onwe ha na-eme ezi nhọrọ. Kesaara ibe unu ihe mere iji họrọ isoro Jizọs.

• Dị ka ị na-achịkọta 1 Ndị Eze 19:9–12, kpọkuo ụmụ gị ime omume iji gosipụta ufufe mmiri siri ike, ala ọma jijiji, na ọkụ. Emesịa kpọkuo ha ịnọdụ jụụ dị ka unu na-ekwukọrịta, n’olu dị nwayọ, “mgbe ọkụ gasịrị olu nta dị jụụ” (amaokwu 12). (Lee kwa “Onyenwe anyị Na-agwa Elijah okwu,” niime Akụkọ niile nke Agba Ochie, 129–31.) Gwa ụmụ gị banyere oge niile mgbe i nwere nhụmiihe olu nke Mmụọ Nsọ dị jụụ, dị nta.

  

  1:48

• Jiri olu dị jụụ gụọ otu egwu banyere Mmụọ, dị ka “Olu Nta Dị jụụ” (Akwụkwọ Ukwe Ụmụntakịrị, 106–7). Kedụ ihe nwere ike ịdọpụ uche anyị site na-ịmata Mmụọ ahụ? Kedụ ihe nwere ike inyere anyị aka nụrụ Ya?