Գ Թագավորների 12–13, 17–22

Ինչպե՞ս կբնութագրեք Սողոմոնի որդի Հերոբաաղին թագավորի սխալը, որը նկարագրված է Գ Թագավորների 12․1–14 հատվածներում։ Քրիստոսանման ո՞ր հատկանիշները կարող են օգնել Հերոբաաղին փրկել իր թագավորությունը (տես հատված 7, Մատթեոս 20․25–28, Մոսիա 2․10–21)։ Ինչպե՞ս կարող եք օգտագործել այս հատկանիշները ձեր առաջնորդության մեջ՝ լինի դա Եկեղեցու կոչման մեջ, թե ձեր անձնական կյանքում:

Եղիա մարգարեն այրի կնոջը խնդրեց իրեն ուտելիք և ջուր տալ իր քաղցած որդուն կերակրելուց առաջ: Ինչո՞ւ էր նա դա անում: Եղիայի խնդրանքը կարող էր օրհնություն համարվել այս փոքր ընտանիքի համար: Նրանց անհրաժեշտ էին Տիրոջ օրհնությունները, և զոհաբերությունն օրհնություններ է բերում, այդ թվում՝ ավելի ուժեղ հավատքի օրհնություն:

Գ Թագավորների 17․8–16 հատվածները կարդալիս պատկերացրեք, որ դուք այդ այրին եք: Ի՞նչն է ձեզ տպավորում նրա մեջ: Կարող եք նաև գրել այնպիսի ընտրություններ, որոնք պահանջում են հավատք առ Հիսուս Քրիստոս (օրինակ՝ տես Երիտասարդներին զորացնելու համար. ուղեցույց ընտրություն կատարելու համար [2022])։ Ի՞նչ սովորեցիք այդ այրուց հավատք գործադրելու մասին:

Ինչո՞վ են Գ Թագավորների 19․19–21 հատվածներում նկարագրված Եղիսեի գործողությունները նման այրու գործողություններին:

Մտածեք այն զոհաբերությունների մասին, որոնք արել եք Փրկչին հետևելու համար: Գ Թագավորների 17․8–16, 19․19–21 հատվածներն ի՞նչ են ուսուցանում ձեզ այդ զոհաբերությունների մասին: Ինչպե՞ս է ձեզ օգնում Փրկչի մասին ձեր գիտելիքը, երբ Նա խնդրում է ձեզ զոհաբերություններ կատարել: Ինչպե՞ս է Նա օրհնել ձեզ։

Տես նաև Մատթեոս 4.18–22, 6․25–33, Ղուկաս 4․24–26 հատվածները, «Elijah and the Widow of Zarephath» (տեսանյութը), Gospel Library հավելվածում, «When Faith Endures» օրհներգը, Հիմներ, հ. 128։

10:13

Իսրայելացիները հավանաբար մտածում էին, որ Բահաղին երկրպագելու լավ հիմքեր ունեն, որը հայտնի էր որպես փոթորիկների և անձրևի աստված։ Երեք տարվա երաշտից հետո նրանց անձրև էր անհրաժեշտ։ Եվ Բահաղին երկրպագելն ընդունվեց հանրության կողմից և խրախուսվեց թագավորի ու թագուհու կողմից: Գ Թագավորների 18 գլուխը կարդալիս մտածեք, թե ինչու մեր օրերում մարդը կարող է տատանվել Տիրոջը հետևելու հարցում: Ըստ ձեզ, այս բաժնում Տերը ի՞նչ էր փորձում ուսուցանել Իր մասին: Ինչպիսի՞ փորձառություններ են օգնել ձեզ Փրկչին հետևելու ընտրություն կատարել:

Տես նաև Դ. Թոդ Քրիստոֆերսոնի «Choice and Commitment» ուղերձը (Համաշխարհային հոգևոր հավաք չափահաս երիտասարդների համար, ունվ. 12, 2020), Gospel Library հավելվածում։

Ցավոք, Կարմեղոս լեռան վրա կատարվող հրաշքն ավելի հեշտ չդարձրեց Եղիայի միսիան: Իրականում նրա կյանքին վտանգ էր սպառնում, և նա ստիպված էր թաքնվել անապատում գտնվող քարանձավում։ Այնտեղ տանջվելով մենությունից և հուսահատությունից, նա մի փորձառություն ունեցավ Տիրոջ հետ, որը շատ էր տարբերվում Կարմեղոս լեռան վրա ունեցած փորձառությունից: Գ Թագավորների 19․1–18 հատվածներում նկարագրված Եղիայի փորձառությունն ի՞նչ է ձեզ ուսուցանում այն մասին, թե ինչպես է Տերը հաղորդակցվում մեզ հետ կարիքի ժամանակ։

Խորհեք այն դեպքերի շուրջ, երբ զգացել եք, որ Տերը խոսել է ձեզ հետ: Ինչպե՞ս կնկարագրեք Նրա շփումը ձեզ հետ: Ինչո՞ւ են «մեղմ» և «բարակ» բառերը լավ նկարագրում Հոգու ձայնը: Ի՞նչ այլ բառեր գտաք Հելաման 5․30, Վարդապետություն և Ուխտեր 6.22–23, 11․12–14 հատվածներում։ Ի՞նչ պետք է անեք, որպեսզի ավելի հաճախ ստանաք Տիրոջ առաջնորդությունը:

Տես նաև Սաղմոս 46․10-ը։

• Որպեսզի օգնեք ձեր երեխաներին սովորել Գ Թագավորների 17 բաժնում ներկայացված հավատքի մասին պատմությունը, կարող եք ցույց տալ նրանց պատմությունները նկարագրող նկարներ կամ առարկաներ, օրինակ՝ թռչուններ, հաց կամ տղա: Ձեր երեխաներին այս պատմությունները պատմելիս առաջարկեք նրանց գտնել այն նկարը կամ առարկան, որը համապատասխանում է յուրաքանչյուր պատմությանը: «Եղիա մարգարեն» պատմությունը (Հին Կտակարանի պատմություններ գրքից, 121–24) կարող է օգնել ձեզ պատմել այդ պատմությունները: Ի՞նչ է մեզ ուսուցանում յուրաքանչյուր պատմություն Հիսուս Քրիստոսի հանդեպ հավատք ցուցադրելու մասին։

  

  1:58

• Օգնեք ձեր երեխաներին մտածել այն մասին, թե ինչ կարող են անել՝ Հիսուս Քրիստոսի հանդեպ իրենց հավատքը ցուցադրելու համար։ Նրանց հետ երգեք հավատքի մասին «I Have Faith in the Lord, Jesus Christ» երգը (Gospel Library հավելված) և կիսվեք միմյանց հետ, թե ինչ սովորեցիք հավատքի մասին երգից:

• Ձեր երեխաները կարող են նկարել, թե Տերը ինչ է խնդրել, որ այրին տա Եղիային (տես Գ Թագավորների 17․12–13) և ինչ ստացավ այրին դրա դիմաց (տես Գ Թագավորների 17․15–16)։ (Տես նաև այս շաբաթվա գործնական աշխատանքի էջը։) Նրանք կարող են նաև փնտրել այլ մարդկանց նկարներ, որոնք հրաժարվել են իրենց ուզածից ավելի լավ բան ստանալու համար: Ձեր երեխաներին առաջարկեք գտնել նկարներ Ավետարանի պատկերագրքում կամ Եկ, հետևիր ինձ ձեռնարկում։ Ի՞նչ է Տերը խնդրում մեզ զոհաբերել: Ինչպե՞ս է Նա օրհնում մեզ:

• Գ Թագավորներ 18․17–39 հատվածները միասին կարդալիս ձեր երեխաները կարող են ընտրել մի հատված և նկարել այն, ինչ նկարագրված է այնտեղ: Նրանք կարող են օգտագործել իրենց նկարները և պատմել պատմությունն իրենց բառերով: (Տես նաև «Եղիան և Բահաղի քահանաները» պատմությունը Հին Կտակարանի պատմություններ գրքից, 125–28։)

  

  2:17

• Օգնեք ձեր երեխաներին մտածել այն իրավիճակների մասին, երբ պետք է որոշեն՝ հետևել Հիսուսին, թե՝ ոչ։ Նրանք կարող են նկարել իրենց՝ ճիշտ ընտրություն կատարելիս։ Կիսվեք միմյանց հետ, թե ինչու եք Հիսուսին հետևելու ընտրություն կատարել:

• Գ Թագավորների 19․9–12 հատվածներն ամփոփ ներկայացնելիս առաջարկեք ձեր երեխաներին կատարել ուժեղ քամի, երկրաշարժ և հրդեհ խորհրդանշող գործողություններ: Ապա առաջարկեք նրանց հանգիստ նստել, մինչ դուք միասին մեղմորեն կարտասանեք հետևյալը. «կրակից հետո մի մեղմ ու բարակ ձայն» (հատված 12)։ (Տես նաև «Տերը խոսում է Եղիայի հետ» պատմությունը Հին Կտակարանի պատմություններ գրքից, 129–31։) Պատմեք ձեր երեխաներին այն դեպքերի մասին, երբ զգացել եք Սուրբ Հոգու մեղմ, բարակ ձայնը:

  

  1:48

• Հանգիստ երգեք Սուրբ Հոգու մասին «The Still Small Voice» երգը (Մանկական երգարան, 106-7)։ Ի՞նչը կարող է շեղել մեզ, որ ճանաչենք Հոգուն: Ի՞նչը կարող է օգնել մեզ լսել Նրան: