1 Tui 12–13; 17–22

O na vakamacalataka vakacava na cala a cakava o Tui Riopoami, na luvei Solomoni, ena 1 Tui 12:1–14? Na ivakarau Vakarisito cava a rawa beka ni vukei Riopoami me vakabula na nona matanitu? (raica na tikina e 7; Maciu 20:25–28; Mosaia 2:10–21). E rawa vakacava mo vakayagataka na ivakarau oqo me vaka e dua na iliuliu—se ena dua na veikacivi ena Lotu se vaka-iliuliu ni nomu bula ga?

A kerea na parofita o Ilaija e dua na yada me solia vua na kakana kei na wai ni bera ni vakani koya kei na luvena tagane e viakana tu. Na cava me a cakava kina o Koya na ka o ya? Ia na kerekere nei Ilaija e rawa ni raici vaka dua na veivakalougatataki ki na matavuvale lailai oqo. Erau a gadreva na veivakalougatataki ni Turaga, ka ni solibula e dau kauta mai na veivakalougatataki—oka kina na veivakalougatataki ni vakabauta e kaukauwa cake.

Ni o wilika na 1 Tui 17:8–16, raitayaloyalotaka mada ni o iko na yada oqo. Na cava e vakauqeti iko me baleti koya? E rawa talega ni o cakava e dua na lisi ni digidigi ka gadrevi kina na vakabauti Jisu Karisito (me kena ivakaraitaki, raica na Me iSakisaki ni iTabagone: Dua na iDusidusi ni Vakayaco Digidigi [2022]). Na cava o vulica mai vua na yada oqo me baleta na cakacakataki ni vakabauta?

E tautauvata vakacava na ivalavala nei Ilaisa ena 1 Tui 19:19–21 kei na nona ivalavala na yada?

Vakasamataka na solibula eso o sa cakava mo muria kina na iVakabula. Na cava e vakavulica vei iko na 1 Tui 17:8–16; 19:19–21 me baleta na solibula oqo? Ena vukei iko vakacava na nomu kila na iVakabula ni sa kerei iko mo solibula? Sa vakalougatataki iko vakacava o Koya?

Raica talega na Maciu 4:18–22; 6:25–33; Luke 4:24–26; “Elijah and the Widow of Zarephath” (vidio), Valenivola ni Kosipeli; “Ni Tudei Na Vakabauta,” Sere ni Lotu, naba 70.

10:13

Era a nanuma beka na Isireli ni tiko na vuna vinaka mera qaravi Peali kina, a kilai tu me kalou ni cava kei na uca. Ni oti e tolu na yabaki ni lauqa, era a gadreva sara ga vakalevu na uca. Ka a ciqomi vakavinaka ka vakadonui mai vei rau na tui kei na ranadi na qaravi Peali. Ni o wilika na 1 Tui 18, vakasamataka na vuna ena rairai lomalomarua kina e dua ena noda gauna me muria na Turaga. Ena wase oqo, na cava o nanuma ni a tovolea tiko na Turaga me vakavulica me baleti Koya? Na veika cava soti o sa sotava sa vukei iko mo yalataka mo muria na iVakabula?

Raica talega na D. Todd Christofferson, “Digidigi kei na Dinata” (lotu e vuravura raraba me baleti ira na itabagone qase cake, 12 ni Janu., 2020), Valenivola ni Kosipeli.

E ka ni rarawa, ni cakamana ena Ulunivanua o Kameli a sega ni vakarawarawataka na ilesilesi nei Ilaija. Na ka dina, a vakaleqai na nona bula, me lai vuni kina ena dua na qara ena lekutu. E kea, ni sasaga voli ena galili kei na yalolailai, a sotava e dua na ka vata kei na Turaga ka duidui sara mai na ka a yaco ena ulunivanua o Kameli. Na cava e vakavulica vei iko na veika a sotava o Ilaija ena 1 Tui 19:1–18 me baleta na sala e veitaratara kina kei iko na Turaga ena nomu gauna ni leqa eso?

Vakasamataka vakatitobu na gauna eso o vakila kina ni sa vosa vei iko na Turaga. O na vakamacalataka vakacava na ivakarau ni Nona veitaratara kei iko? Cava beka erau sala vinaka kina me vakamacalataka na domo ni Yalotabu na vosa “lailai” kei na “e vinaka”? Na vosa cava tale o kunea ena Ilamani 5:30; Vunau kei na Veiyalayalati 6:22–23; 11:12–14? Na cava mo cakava mo ciqoma kina vakawasoma na Nona veidusimaki na Turaga?

Raica talega Na Same 46:10.

• Me vukei ira na luvemu mera vulica na italanoa ni vakabauta ena 1 Tui 17, sa rawa mo vakaraitaka vei ira na iyaloyalo se iyaya me vakaraitaka na italanoa, me vaka na manumanu vuka, madrai, se dua na gonetagane. Ni o tukuna vei ira na luvemu na italanoa oqo, sureti ira mera raica na iyaloyalo se iyaya e salavata kaya na italanoa yadua. Na “Ilaija na Parofita” (ena iTalanoa eso mai na Veiyalayalati Makawa, 121–24) ena rawa ni vukei iko mo tukuna na italanoa eso oqo. Na cava e vakavulica vei keda na italanoa yadua me baleta na vakaraitaki ni vakabauti Jisu Karisito?

  

  1:58

• Vukei ira na luvemu mera vakasamataka na sala eso e rawa ni ra vakaraitaka kina na nodra vakabauti Jisu Karisito. Lagata vata kei ira e dua na sere me baleta na vakabauta, me vaka na “I Have Faith in the Lord, Jesus Christ” (Valenivola ni Kosipeli), ka veiwaseitaka na veika o ni vulica me baleta na vakabauta mai na sere.

• De dua e rawa ni ra droinitaka na luvemu e dua na iyaloyalo ni veika a kerea na Turaga vua na yada me solia vei Ilaija (raica na 1 Tui 17:12–13) kei na veika a ciqoma lesu na yada (raica na 1 Tui 17:15–16). (Raica talega na tabana ni itaviqaravi ena macawa oqo.) E rawa talega ni ra vaqara na kedra iyaloyalo eso tale na tamata ka ra solia e dua na ka era vinakata me baleta e dua na ka e vinaka cake. Sureti ira na luvemu mera raica na iyaloyalo ena iVola ni iYaloyalo Vakosipeli se Lako Mai, Mo Muri Au. Na cava e kerea vei keda na Turaga meda solibula kina? E dau vakalougatataki keda vakacava o Koya?

• Ni o wilika vata na 1 Tui 18:17–39, sa rawa vei ira na luvemu mera digia e dua na tikina ka droinitaka e dua na iyaloyalo ni veika e vakamacalataka. E rawa ni ra vakayagataka na nodra iyaloyalo mera tukuna kina na italanoa ena nodra vosa ga. (Raica talega na “Ilaija kei ira na Bete i Peali,” ena iTalanoa eso mai na Veiyalayalati Makawa, 125–28.)

  

  2:17

• Vukei ira mera vakasamataka na ituvaki eso era na gadreva beka kina me vakatulewataka mera muri Jisu Karisito se sega. De dua e rawa ni ra droinitaka na kedra iyaloyalo ena nodra digidigi dodonu. Wasea vakai kemuni na vuna o ni digitaka kina mo ni muri Jisu.

• Ni o vakalekalekataka na 1 Tui 19:9–12, sureti ira na luvemu mera matanataka na cagi kaukauwa, na uneune, kei na bukawaqa. Qai sureti ira mera dabe lo ni o ni kaya vata, ena domo malua, “ni sa oti na bukawaqa, sa qai rogo mai e dua na domo lailai e vinaka” (tikina e 12). (Raica talega na “Sa Vosa na Turaga vei Ilaija,” ena iTalanoa eso mai na Veiyalayalati Makawa, 129–31.) Tukuna vei ira na luvemu na gauna o sa sotava kina na domo lailai, e vinaka ni Yalo Tabu.

  

  1:48

• Lagata vakamalua e dua na sere me baleta na Yalotabu, me vaka na “The Still Small Voice” (Children’s Songbook106-7). Na cava e rawa ni vagolei keda tani mai na noda vakila na Yalotabu? Na cava e rawa ni vukei keda meda rogoci Koya?