Sa Vosa na Turaga vei Ilaija

A tukuna na Tui o Eapi vei Ranadi Jesepeli ni Turaga a vakadrukai ira na bete i Peali. A cudru kina o Jesepeli ka kaya ni na vakamatei Ilaija na parofita.

1 Tui 19:1–2

Me taqomaki tiko, a biubiu kina o Ilaija mai na vanua o Isireli. A lako tiko me 40 na siga ka 40 na bogi, ka lolo voli ni lako tiko. Sa qai lako mai ki na Ulunivanua o Saineai ka kunea e dua na qara vatu me vuni kina. A kaya na Turaga vei Ilaija me gole ki na dela ni ulunivanua me rawa ni vosa kina vei Ilaija o Koya.

1 Tui 19:3, 8–11

A liwa mai e dua na cagi kaukauwa ka vorolaka vakamatailalai na vatu e wavokita na qaravatu. Ni oti o ya, e a kuretaka na qele e dua na uneune. Sa qai tekivu me waqa mai e dua na buka. A rogoca o Ilaija na rorogo levu ni cagi, uneune, kei na bukawaqa. Ia na domo ni Turaga a sega ni tiko ena veirorogo levu o ya.

1 Tui 19:11–12

A qai rogoca o Ilaija e dua na domo malumu, malua, ka lailai. Sa kila sara o koya ni Turaga. A tarogi Ilaija na Turaga se na cava e cakava tiko e kea.

1 Tui 19:12–13

A kaya o Ilaija ni a vuni tiko me taqomaki koya kina. Era sa vakamatei kece na parofita, ka ra sa cata na Turaga na tamata.

1 Tui 19:14

A vakacegui Ilaija na Turaga ka tukuna vua ni levu na Isireli era se sokalou tiko ga vua na Turaga. A kerei Ilaija na Turaga me lesu ki vale me laki lumuta e dua tale na parofita. Na yaca ni parofita vou oqo ko Ilaisa.

1 Tui 19:15–18