Niemaia

O Niemaia e dua na Jiu ka bula voli mai Perisia. O koya a nona dauveiqaravi nuitaki na tui. Ena dua na siga a rogoca o Niemaia ni ra sa kune rarawa tiko na Jiu e Jerusalemi. Na bai ka dau taqomaki Jerusalemi sa vakarusai ka se bera ni taraicake tale. Sa vakarerevaki sara o Jerusalemi. A lolo ka masumasu o Niemaia me veivuke na Turaga.

Niemaia 1

A tarogi Niemaia na tui se cava na vuna sa rui rarawa kina vakalevu. A tukuna vua na tui na leqa sa tiko mai Jerusalemi. A kaya na tui ni rawa ni veivuke. A kerea o Niemaia me lako ki Jerusalemi ka tara tale na bai. A sa qai cakava na tui me dua na iliuliu o Niemaia ka solia vua na iyaya e gadreva.

Niemaia 2:2–8

Sa tekivu me tara tale na bai kei Jerusalemi o Niemaia kei ira na Jiu. Ia era sa veiwalitaki ira na nodra meca ka tovolea me ra tarovi ira.

Niemaia 2:17–20

Era tovolea na meca me ra lawakitaki Niemaia me biuta na korolevu. Ia a sega ni via biubiu o Niemaia. E a vakararavi vua na Turaga. A cakava tiko e dua na cakacaka cecere.

Niemaia 6:2–4

Sa tukuna vei ira na nona tamata o Niemaia me ra kakua ni rere. Era a biuti ira na yadra ena bai mera taqomaka. Era a tomana tikoga na tara bai na Jiu. Sa solia na Turaga vei ira na Jiu na kaukauwa, ka ra vakaotia na bai ena 52 na siga. Sa taqomaki vinaka tale o Jerusalemi.

Niemaia 4:6–15; 6:5–9, 15–16