Ranadi o Esiteri

Eso na Isireli era vakatokai me Jiu. O Esiteri e dua na Jiu ka bula voli mai Perisia. Rau sa mate na nona itubutubu, ka sa qaravi koya tiko na ganena o Moatekai. E sureti o koya ki na vale ni tui kei ira eso tale na goneyalewa ena matanitu. E vinakata na tui e dua na ranadi vou, ka digitaki Esiteri o koya.

Esiteri 2:2–7, 16–17 

Na tui e tiko e dua na nona italai ka yacana o Emani ka a toso cake ki na kaukauwa cecere. Ea vukea na tui ko Emani me lewa na vanua. Ea vakavuna na tui me ra cuva kecega na tamata vei Emani.

Esiteri 3:1–2 

Ia o Moatekai ena sega ni via cuva vei Emani. E dau cuva ga o Moatekai vua na Turaga. Oqo ea cudru kina o Emani. Ea vinakata o koya me totogitaki Moatekai kei ira kece na Jiu.

Na Lako Yani 20:5;Esiteri 3:5–6, 8

Ea tukuna o Emani vua na tui ni o ira na Jiu era sega ni muria na lawa ni tui. A sa laiva na tui me bulia o Emani e dua na lawa vou: ena dua na siga, me ra na vakamatei kece na Jiu.

Esiteri 3:8–11, 13 

A kerei Esiteri o Moatekai me vosa vua na tui. Sa rawa vua na tui me veisautaka na lawa i Emani ka vakabulai ira na Jiu. Ia ea rere o Esiteri. Ena so na gauna ea vakamatei ira na tamata na tui ka ra mai vosa vua ka sega ni sureti.

Esiteri 4:5–11

Ea kerei Esiteri o Moatekai me vakasamataki ira na Jiu era na vakamatei. E kaya o Moatekai ni Turaga e rawa sara ga ni biuti Esiteri ena vale ni tui me vakabulai ira na Jiu.

Esiteri 4:13–14

E kila o Esiteri ni dodonu me vosa vua na tui, kevaka mada ga e kena ibalebale me na vakamatei. Ea kerei ira kece na Jiu kei ira na nona italai o Esiteri me ra lolo vata kei koya.

Esiteri 4:15–16 

Ni oti na lolo me tolu na siga, a vakarautaki koya o Esiteri ka laki raica na tui.

Esiteri 5:1

Ni toro yani o koya vua na tui, sa dodoka mai na nona ititoko. Oqo e kena ibalebale ni marau na tui ni raici koya ka na sega ni biuti koya me mate. Ea tarogi koya se cava e vinakata. Ea tukuna o Esiteri vua na tui ni ra sa sotava na nona tamata na veika rerevaki. Ena vuku ni lawa nei Emani, ena vakamatei o koya kei ira kece na Jiu ena matanitu.

Esiteri 5:2–3; 7:4–6

Sa cudruvi Emani na tui, ka vakavuna me vakamatei. Ea cakava na tui e dua na lawa vou ka taqomaki ira na Jiu. Ia oqo sa vakatarai me ra taqomaki ira kevaka e dua sa via vakacacani ira.

Esiteri 7:9–10;8:10–11

Na nona vakabauta na Turaga kei na nona yaloqaqa o Esiteri me vosa vua na tui sa vakabulai ira na nona tamata. Sa isosomi ni mate kei na rarawa, sa yaco e dua na kana magiti. Era sa mamarau na Jiu.

Esiteri 8:16–17; 9:18–32