Eka

O Eka a dauveiqaravi nei Sera. Sa qase sara o Sera ka sega tu na luvena. A tukuna vei watina, o Eparaama, me vakamautaki Eka me rawa ni rau vakaluveni. Erau a vakamau o Eparaama kei Eka, ka sega ni dede sa kunekune o Eka.

Na iVakatekivu 16:1–3

Erau sa tekivu veicati tiko vakai rau o Eka kei Sera. A digitaka o Eka me dro ki na vanua dravuisiga.

Nai Vakatekivu 16:4–6

Ni sa lako tiko o Eka, sa wawale sara ka viagunu. Sa qai yaco ki na dua na vanua ka tiko kina na wai ka mai cegu e kea.

Nai Vakatekivu 16:7

Sa kila tu na Turaga na leqa nei Eka ka sa tu na nona ituvatuva me vukei koya. A tala mai e dua na agilosi me kerei koya me lesu tale vei Eparaama kei Sera. A yalataka ni matavuvale nei Eka ena tubu me levu. A kaya ni gone ena vakasucuma ena tagane ka dodonu me na vakayacani koya ko Isimeli.

Nai Vakatekivu 16:7–14

Sa vakararavi o Eka vua na Turaga ka talairawarawa vua na agilosi. A lesu tale vei Eparaama kei Sera. A vakasucuma o Eka e dua na gonetagane, ka yacana o Isimeli. A kila o Eka ni Turaga sa dau wanonovi koya tiko.

Na iVakatekivu 16:11, 15