“Mei 25–31. ‘Leum El Tulohkohnwack Sie Mwet in Molwelah: Judges 2–4; 6–8; 13–16,” Fahsruh, Fahsr Tukuk—Nuhke Lohm Sesr ac Alu ah: Wuhlweacng Mahtuh 2026 (2026)
“Mei 25–31. ‘Leum el Tulohkohnwack Sie Mwet in Molwelah,’” Fahsruh, Fahsr Tukuk: Wuhlweacng Mahtuh 2026
“I Will Surely Go with Thee”—Deborah the Prophetess, by Des Leavitt
Mei 25–31: “Leum el Tulohkohnwack Sie Mwet in Molwelah”
Judges 2–4; 6–8; 13–16
Kuht nuhkwewa etuh lah fuhkah orekma koluk uh, puhla koluk kac, na auliyak ac sulaclah in ekuhllah ohiyac lasr uh. Tuhsruhktuh pacl puhs kuht muhlkuhnlah ma kuht sulaclah met ah, ac, ke mwe sruhf tuhkuh, kuht konwekuhtyak sifacna lah kuht sulpacna oruh ma koluk sac. Pactuhn se inge sikyak pacl puhs ke puk lal Nuhnuhnkuh. Ukwoaclah luhlahlfongi ac alu luhn mwet Canan—suc pwayeiyac eltahl ac luhslah liki acn ah—mwet Israel ah kuhnahoslah wuhlweacng laltahl yurin Leum ac forlah liki alu nuh Sel Ma sikyak tohkoh, wacngihnlac karihnginyuck Lal nuh selos ac elos puhtatyang nuhke kapihr. Tuh pacl nuhkwewa ma se inge sikyak, Leum el sang nuh sin mwet wuhlweacng Lal pacl wo in auliyak ac sruhkwack mwet in molwelah se, mwet kol se ke solse pahngpahng sie “mwet nuhnuhnkuh.” Tiac mwet nuhnuhnkuh nuhkwewa ke puhk luhn Nuhnuhnkuh suwohswohs, tuhsruhk kuhtuh selos orekmakihn luhlahlfongi kuh in ahksukohsohkyelah tuhlihk nuhtin Israel ac fohlokuhnuloslac nuhke wuhlweacng inmahsrloltahl yurin Leum. Sramsram inge ahkacsmakihnye kuht lah tiac elyah lah meac uskuhtlac liki Jisus Kraist, El pa Mwet in Molwelah luhn Israel ac engan pacl nuhkwewa in tuhlwekuhtlac ac paing kuht ke kuht fohlohk nuh Yohrohl.
Liye puk luhn Judges nuhke mwe ahkuhtweyac “Judges, book of” ke Pwacpuhl Tiksinacri an.
Mwe nuhnak nuhke Lutlut e Lohm sesr ah ac Alu ah
Judges 2:1–19; 3:5–12
Leum el nuhnak muhnahs pacl nuhkwewa ke nga auliyak.
Puk lal Nuhnuhnkuh kuh in kwewana sie mwe sensen ac sie kahs in ahkkweye. Suk mwe sensen se inge ac kahs in ahkkweye ke kom ritiJudges 2:1–19; 3:5–12. Fuhkah puhla lom ke mwe sensen ac kahs in ahkkweye orekma in kom?
In mwe srihkasrak, fin Judges 2:19 ma nuh sum ac mwe sruhf lom liki na ma mahtuh Israel, meac kuh in fwack? Fin Mwet Nuhnuhnkuh 3:9 ma ke ma Leum el oruh in tuhlwekomlac, meac kuh in fwack?
Motko in riti kihsen siyuck ac top ke sra puk 9 ke Mwe Ahkkweye Mwet Fuhsr: Mwe Kolyuck nuhke Orwasclah Sulaclah. Fuhkah puhla lom muh ma se inge orekma nuhke ma sikyak nuh sin mwet Israel ke puk lal Nuhnuhnkuh? Meac ma se inge luti kom ke Jisus Kraist?
Judges 4:1–15
Nga kuh in mokle mwet sahyac in luhlahlfongi ke Leum.
Kuhtuh pacl uh luhlahlfongi luhn sie mwet kuh in mokle luhlahlfongi luhn mwet pucspucs sahyac. Ke Judges 4, mwet sac pa Deborah. Riti kacl ke Judges 4:1–15, ac esam eklac ma el oraclah nuh sin ma mwet weluhl. Kuhtuh pa inge kihsen siyuck in kahsre kom motko lah ma sikyak nuh sel inge kuh in orekmakihnyuck in moul lom.
-
Kom ac ahkuhtweyac fuhkah ohiyac se ma mwet Israel ah tuh oasr kac ke pacl sac? (liye verses 1–3). Meac kom liye oacna sie nuhke ohiyac mihsenge uh—ke kais sie ac un mwet?
-
Kahs kuh mukukui fuhkah lal Deborah ma ahkkahlwemye nuh sum lah oasr luhlahlfongi lal ke Leum? Luhlahlfongi lal ekuhllah fuhkah mwet sahyac? Meac pac kuhtuh ma kom fwefwelac sel kac uh?
-
Meac kom nuhnkuh ke kalmen kihsen siyuck lal Deborah ke verse 14: “Yac Leum el tiac somlah met liki kom?” Fuhkah tuh Leum el “somlah met liki” kom? (see Doctrine and Covenants 84:87–88).
Motko lah fuhkah luhlahlfongi lom ke Jisus Kraist kuh in ahkinsewowoye mwet sahyac ke ohiyac se luhlahlfongi lal Deborah ah ahkinsewowoyacl Barak ac mwet Israel sahyac. In kahsrwe kom nuhnkuh ke ma se inge, kom kuh in luti pweng sel Elder Neil L. Andersen “We Talk of Christ” (Liahona, Nov. 2020, 88–91). Suk pweng sac nuhke (1) srihpac in fahk yohk ke Mwet Lahngo ac (2) inkacnek in oruh.
Na kom kuh in oraclah soko tahk ke ma kom etuh ke Jisus Kraist—ke ma suhmuhslah, kahs sin mwet pahluh moul, ac ke puhla lom sifacna. Suc enenuh in etuh ma inge? Kom ac akacsruhi kac fuhkah?
Liye pac Matthew 5:14–16; 1 Peter 3:15; “Each Life That Touches Ours for Good,” Hymns, no. 293.
Suli akacsruhi. Kom fin mwet luti se—lohm ah kuh ke alu ac—“sang nuh sin mwet lutlut pacl wo in akacsruhi sie sin sie ke ma elos lotwelah ke Mwet Lahngo ac wosasuc Lal. Orekmakihn ma se inge kahsrweltahl in puhla ke ma pwacye ma lutiyuck nuh selos ac ahkkahlwemye” (Teaching in the Savior’s Way, 26). In mwe srikasrak, ke luti Mwet Nuhnuhnkuh 4 kwewana, kom kuh in sang nuh sin kais sie mwet lutlut ma suleyucklac in suk ke sapta ac suhlwaclos in akacsruhi yurin sie sin sie ma eltahl sokwack.
Mwet Nuhnuhnkuh 6–8
Leum el kuh orekma usrnguck ke nga luhlahlfongi inkacnek Lal.
Ke kom rit ke Mwet Nuhnuhnkuh 6–8, oraclah mwe suhmuhslah ke ma sikyak ke Leum el siyuck sel Gideon in luhlahlfongi ke sie ma suc sahp upac in sikyak. Yac el nuh siyuck sie ma oacna inge sum?
Meac kom puhla muh Leum el srihke in luti kom ke sramsram se inge? Fuhkah ke kom liye Leum oruh orekma Lal ke ohiyac ma sahp ahlohloh?
Judges 13–16
God el ahkkweyeyuc ke nga pwacye nuhke wuhlweacng luhk.
Samson el nuhkwanlah kwewana kuhiyacn mahno lal ac kuhiyacn ma kawihl lal mweyen el kuhnahoslah wuhlweacng lal nuh sin God, weacng ma orekmakihnyuck nuh sin mwet Nazareth muhkwena (for information about the Nazarites, see Numbers 6:1–6; Judges 13:7). Ke kom riti kacl Samson ke Judges 13–16, esam fuhs inge ahkkahlwemye lah Leum el weluhl Samson, oacpacna fuhs ma ahkkahlwemye lah Samson el tiac esaclwacng na pwaye nuh sin Leum.
Kom kuh in oacyacpac motko ke wuhlweacng kom oraclah yurin Leum. Wuhlweacng inge use fuhkah kuh Lal nuh in moul lom? Meac kom lotwelah ke ma sikyak nuh sel Samson ma mokle kom in moul pwacye nuhke wuhlweacng lom yurin God?
Sister Ann M. Dibb el luti: “Samson el isuslac yohk na pwacye sripacl. Olwelah nuh sin ninac kiacl ah, ‘el fah muhtwacwacack in molwelah Israel liki inpoun mwet Philistine [Judges 13:5]. Tuhsruhk ke Samson el mahtuhlah, el nget nuhke mwe sruhf luhn facluh likina inkacnek luhn God. El oraclah sulaclah mweyen eltahl ‘ahkengan [yacl] na pwacye’ [Judges 14:3] likina mweyen sulaclah ingoh pwacye. Kalweniac, ma suhmuhslah orekmakihn pohloh kahs se ‘ac el ikori’ [Judges 14:7] oacna eltahl fahk ke fuhfahsryucsr, orekma, ac sulaclah lal Samson. Likina in tuyak ac sang kahlwem in ahkfalye kuh se oasr in el, Samson el kuhtangyucklac sin facluh, nuhkanlah mwe sang kuh-sin God, ac sa misac ke sie ongaiyac” (“Arise and Shine Forth,” Liahona, Mei 2012, 118).
Liye pac Dallin H. Oaks, “Covenants and Responsibilities,” Liahona, Mei 2024, 93–96; Ulisses Soares, “Covenant Confidence through Jesus Christ,” Liahona, Mei 2024, 17–21.
Mwe nuhnak nuhke Luti Tuhlihk
Ke srihpen Sascnri se inge pa Sacnri se emet ke mahlwem,mwet luti ke U luhn Tuhlihk srihsrihk ngihsreyuck in orekmakihn mukuikui in lutlut ke“Appendix B: Preparing Children for a Lifetime on God’s Covenant Path.”
Judges 3:7–9, 12–15
Jisus Kraist el Mwet In Molwelah luhk.
-
Judges 3 ahkuhtweyac luhmah se ma luti ke kuh luhn Mwet Lahngo in molikuhtlac liki ma koluk. In kahsruh tuhlihk nuhtum an akihlen luhmah se inge, kom kuh in suhmuhslah pohloh kahs inge: “kuh ma koluk,” “tuhng nuh sin Leum,” ac “sruhkwack mwet in molwelah se.” Na tuhlihk nuhtum an kuh in suk pohloh kahs inge ke Judges 3:7–9 ac Judges 3:12–15. Meac kuht lotwelah ke Leum ke luhmah inge?
-
In oraclah muh yohk srihpac muh Jisus Kraist pa Mwet In Molwelah lasr uh, kom kuh in oracni kuhtuh petsac ke mwet, weacng petsac ke Jisus, ac ohnkiac nuhten. Lwelah tuhlihk nuhtum an in kais sie ekuhlwack petsac an. Ke eltahl konwacack petsa ke Jisus, yuck on soko Kacl, oacna “He Sent His Son” (Children’s Songbook, 34–35), ac sruhmuhn nuh sin tuhlihk an lah el molikomlac fuhkah.
Judges 4:1–15
Nga kuh in mokle mwet sahyac in luhlahlfongi ke Leum.
-
Kom kuh in orekmakihn “Deborah Muhtwacn Pahluh” ke Sramsram ke Wuhlweacng Mahtuh, 92–95, in sruhmuhn nuh sin tuhlihk nuhtum an sramsram soko nge Mwet Nuhnuhnkuh 4. Akacsruhi nuh sin sie sin sie ma kom luhngse kacl Deborah. Luhlahlfongi lal ke Leum ahkinsewowoye fuhkah mwet wiacl? Meac kuht kuh in oruh in kahsruh mwet sahyac in yohk luhlahlfongi la ke Jisus Kraist?
2:9Deborah the Prophetess
Judges 7:1–21
Leum el kuh in orekmakihn ma srihsrihk in oruh orekma yohk.
-
Orekmakihn Judges 7:4–7, sra puk in acktifity nuhke wik inge, kuh “The Army of Gideon” ke Sramsram ke Wuhlweacng Mahtuh, 96–99, in luti tuhlihk nuhtum ke Leum el tuh ahksrihkyelah u in mweun luhn Israel ah. Efuh kuh Leum el luhngse mwet mweun lal Gideon ah in arlac suhpuhs? (liye Judges 7:2).
2:37The Army of Gideon
-
Tuhlihk nuhtum an kuh in srolwaclah petsac ke katlas se, mwe lwoang, mwe ukuk, lahm, ac mwe nenyuck kof ac sramsramkihnlah piac kac sin ma inge eltahl ac enenuh ke sie mweun. Na eltahl kuh in riti Judges 7:16 in lotwelah ma Leum el fahk nuh sin mwet mweun lal Gideon in orekmakihn. Ke kom riti mweun ke Judges 7:19–21, akacsruhi nuh sin mwet sahyac ma kom lotwelah ke Leum ke sramsram soko inge.
Samson El Ikorinyac Sru uh, sel James Tissot and kuhtuh sahyac
Judges 13:5
Karuhnganwacng wuhlweacng uh acse kuh luhk.
-
Wuhlweacng lal Samson yurin Leum sang nuh sel kuh in mahno, oacpacna wuhlweacng acse nuh sesr kuh ke ma kawihl. Tuhlihk nuhtum an ac engan in oruh kuhtuh ahsrosr nuhke mahno ac sramsramkihn lah fuhkah ahsrosr el kuh in kahsreltahl oruh mahnoltahl in fokoko. Karuhnganwacng wuhlweacng lasr uh oruh fuhkah nguhn lasr uh in fokoko? (liye Mosiah 18:8–10; Doctrine and Covenants 20:77, 79).
Nuhke kuhtuh pac, liye ma nuhke mahlwem inge ke Friend mackuhsin.