Ruth; 1 Samuel 1–7

Moul uh upac nuh sin katinmas ke oacna sie pacl. Tuhsruhk ke mukul tuhmwacl Rurh ac misac, ma el puhla ah arulacna upac. Facsin luhn Mwet Israel in pacl sac, wacngihn kuh luhn sie muhtacn fin wacngihnlac mukul tuhma kuh mukul nahtuh ac tiac arlac oasr inkacnek in sokwack enenuh lalos. Ke kom riti sramsram kacl Ruth, akihlen lah fuhkah Leum el ekuhllah mwe ongiyac nuhke mwe insewowo. Meac kom akihlen kacl Ruth muh pa tuh kahsrel ah? Boaz el molwellah Ruth fuhkah liki moul upac se lal ah? (liye Ruth 4:4–10). Kwewana Ruth ac Boaz oacna Jisus Kraist fuhkah?

See also “Be Still, My Soul,” Hymns, no. 124.

Sahp kom kuf ke mwe se lom wacngihnlac, oacna sikyak nuh sel Ruth ac Naomi (liyeRuth 1:1–5). Kuh sahp, oacna Hannah, kom kena ke mwe insewowo, kom sonna eis (liye 1 Samuel 1:1–10). Muhtwacn inge ahkkahlwemye fuhkah luhlahlfongi lalos nuh sin God? Meac kom lotwelah ke mwe srihkasrak lalos inge?

Ahok, tiac mwet nuhkwewa ma pruhe ke sie tuhlihk ituckyang sie, ac tiac mwet nuhkwewa ma mukul tuhma misac sifilpac pahyuckyak. Tuhsruhk mwet nuhkwewa ma forlah nuh sin Mwet Lahngo eis kahsruh ac kolyuck Sel. Motko lah fuhkah tuh kom “etuh in luhlahlfongi” ke Leum (Ruth 2:12) ke pacl upac nuh sum.

See also Amy A. Wright, “Abide the Day in Christ,” Liahona, Nov. 2023, 9–11.

Ke mwet lokoalok lalos mweun, Mwet Israel nuhnkuh na pwacye muh oasr luhn ark in wuhlweacng fah karuhnguhnuhlosyang. Ke kom riti 1 Samuel 4–6, nuhnkuh lah efuh ma sac tiacna orekma. (Esam pac orekma sesuwohs luhn wen natuhl Eli, suc kuhlwacnsap ekihn prist ke lohm nuknuk, ke 1 Samuel 2:12–25.) Meac kom nuhnku muh Leum el srihke in luti nuh sin mwet Lal? Meac kom lotwelah ke ma sikyak nuh sin Mwet Phillistine tukihn eslah ark sac? (liye chapters 5–6). Meac kom lotwelah ke moniuck luhn Mwet Israel in fohlohkuhnma karihngihnyuck lun Leum ke 1 Samuel 7?

Kom ac kuh in mokleyuck ke riti poem in kaksak lal Hannah ke 1 Samuel 2:1–10. Meac kom konwacack ke kahs lal ma kuh in kahsruh wen nahtuhl Eli ac inkaiyen Mwet Israel nuhkwea.

Oasr pacl, kom ac puhla oacna Samuel, suc lohng puhsren Leum tuhsruhk tiac akihlen. Oacna kuht nuhkwewa, Samuel el enenuh in lotwelah in akihlen fuhkah puhsren Leum. Ke kom luti 1 Samuel 3, meac kom lotwelah ke tuhlihk mukul fuhsr se inge ke lohng ac ahkos puhsren Leum? Kom ac kuh pac in suk tahfeyacn ma suhmuhslah inge ac oraclah lis ke mwe kolyuck ma kuh in kahsruh sie mwet in akihlen puhsren Leum: 1 Kings 19:11–12; Luke 24:15–32; 3 Nephi 11:3–7; Doctrine and Covenants 6:22–23; 8:2–3; 9:7–9.

Kuhtuh pacl sahyac, kom ac kuh in puhla muh kuhsrao kauli ac tuh God el tiac luhngse sramsram nuh sum. President Russell M. Nelson el fahk, “Yac God el arulacna ke sramsram nuh sum? Aok!” (“Revelation for the Church, Revelation for Our Lives,” Liahona, May 2018, 93–96). Ke kom luti pweng sel Prestuhn Nelson, meac kom konwacack mokle kom in lohng ac ahkos puhsren Leum? Meac Prestuhn Nelson el nguhsre kom in oruh, ac mwe insewowo fuhkah el olwelah? Kom kuh pac in konwacack nguhsr ac olwelah ke mwe insewowo ke fwackyuck ke “Walk in God’s light” (For the Strength of Youth: A Guide for Making Choices, 16–20). Motko in sulaclah sie ma kom kuh in oruh in “ahkyohkye kuhiyen ma kawihl yurum in eis fwackyuck.”

• Ke kom akacsruhi yurin tuhlihk nuhtum an sramsram kacl Ruth (kom kuh in orekmakihn “Ruth and Naomi” in Old Testament Stories, 100–103), ngihsre eltahl in sralwack paholtahl pacl nuhkwewa eltahl lohng ke orekma luhn kuhlwacng ke sramsram soko inge. Eltahl kuh pac in akacsruhi ke ma eltahl puhla ke mwet sahyac kuhlwacng nuh seltahl, kuh ke eltahl kuhlwacng nuh sin mwet sahyac. Mwet Lahngo el kuhlwacng fuhkah nuh sesr? Kuht ac ukoe srihkasrak Lal fuhkah? (liye “Kindness Begins with Me,” Children’s Songbook, 145).

  

  2:0

• Sramsram kacl Ruth ac Hannah kuh in mokle tuhlihk nuhtum an in muhtana ke luhlahlfongi ke pacl upac. Motko in kahsreltahl oraclac sie chart na fihsracsr ah ke sifac inge Ma upac, Orekma, Mwe insewowo. Na komtahl kuh in tuhkweni riti Ruth 1:3–5, 8, 16; 2:1–3, 8–12; 4:13–17; 1 Samuel 1:1–18 ac suhmuhslah ma eltahl konwacack ye sifac ma eltahl sokwack ke fuhs inge. Ruth ac Hannah ahkkahlwemye fuhkah luhlahlfongi laltahl ke Leum? Kom kuh tuhlihk nuhtum an kuh in akacsruhi ke mwe srihkasrak lah Leum el ahkinsewowoye kom fuhkah ke pacl upac.

• In lotwelah kacl Hannah, tuhlihk nuhtum an kuh in riti 1 Samuel 1:1–18 or “Hannah” ke Old Testament Stories (104–5) kuh liye “Hannah’s Faith” (video, Gospel Library). Ac pacr fin tol ball se nuh sin sie tuhlihk ac ngihsre eltahl in sruhmuhn ipin sramsram soko ah met liki pahselah ball sac nuh sin siena mwet. Meac kuht lotwelah ke pruhe ke mwe srihkasrak lal Hannah?

  

  1:15

  

  3:9

• Sahp sie sritacl-na-fihsrasr se kuh in kahsruh tuhlihk nuhtum an lotwelah ke ma sikyak nuh sel Samuel ke fwackyuck. Sie tuhlihk an oruh in muh Samuel ac sie kuh in oruh in muh Eli ke kom riti 1 Samuel 3:1–10 (liye pac “Samuel the Prophet” in Old Testament Stories, 106–9, or the video “Samuel and Eli,” Gospel Library). Meac kuht lotwelah sel Samuel lah fuhkah el lohng puhsren Leum? Kuht ac ahkkahlwemye fuhkah lah kuht luhngse lohng puhsren Leum ke El sramsram nuh sesr uh?

  

  2:10

  

  1:58

• Siyuck sin tuhlihk nuhtum an lah eltahl ac ahkuhtweyac fuhkah nuh sin sie mwet lah Leum el sramsram nuh selos. Kom kuh in kahsreltahl in suk top nuhkac ke Doctrine and Covenants 6:22–23; 8:2–3; 9:7–9.