“Jun 15–21. ‘Meun Sac Ma Luhn God’: 1 Samuel 17–18; 24–26; 2 Samuel 5–7,” Fahsruh, Fahsr Tukuk—Nuhke Lohm ac Alu: Wuhlweacng Mahtuh 2026 (2026)

“Jun 15–21. ‘Mweun Sac Ma luhn Leum,’” Fahsruh, Fahsr Tukuk: Wuhlweacng Mahtuh 2026

David ac Goliath, sel Steve Nethercott

Jun 15–21: “Mweun Sac Ma luhn Leum”

1 Samuel 17–18; 24–26; 2 Samuel 5–7

E kena pacl se ma sruf luhn Israel tuh akwucki ke acn wuhlweacng, mwet Philistine elos ahklokwoalokye muhtwacnguhlos. Leum el molweloslac pacl pucspucs ke pacl somlah, tuhsruhk ingena mwet mahtuh Israel sap ke kuh, “Kuht enenuh sie tohkohsrah … [in] fahsr met liki kuht, ac mweuni mweun lasr” (1 Samuel 8:19–20). Na Saul el akmuhsralah tohkohsrah. Ac ke koht ahksahngeng se Goliath el sasa ke kasrkuhsrak nuh sin mwet mweun luhn acn Israel, Saul—oacna inkaiyen mwet mweun lal—tuh “arulacna sahngeng” (1 Samuel 17:11). In lwen sac, tiac Tohkohsrah Saul pa molwelah Israel tuhsruhk sie tuhlihk mukul puhsisacl liacacng kosro pahngpahng David, suc tiac nukum mwe lwoang tuhsruhk nuknukyang ke luhlahlfongi kuh ke Leum. Mweun se inge ahkpwacye nuh sin Israel, ac nuh sin oacna sie suc oasr mweun luhn ma kawihl in mweuni, tuh“Leum el tiac molwelah ke katlas ac pihsr” ac tuh “mweun sac ma luhn Leum” (1 Samuel 17:47).

Mwe nuhnak nuhke Lutlut Lohm ah ac Alu ac

1 Samuel 17

Ke kahsruh luhn Leum, nga kuh in kuhtanglah kuhtwena ma upac.

Sramsram kacl David ac Goliath pa sie sramsram pwengpweng-etweyuck ke ma suhmuhslah uh. Ahok, kuht lohacng nuh sel David pacl nuhkwewa. Tuhsruhk pacl se inge, ke kom luti 1 Samuel 17, motko pac mwet sahyac ke sapta se inge (see the list below). Meac kom lotwelah kacltahl ac mukuikui laltahl? Meac kom lotwelah kacl David? El sielikina fuhkah?

Goliath: fuhs 8–10, 43–44
Eliab: fuhs 28
Saul: fuhs 33
David: fuhs 26, 32, 34–37, 39, 45–47

Sramsram keim, finne tiac pwengpweng oacna ma lal David, ac wo in ituckyang luhpahl- Goliath suc upac in kuhtanglah ac pacl wo in orekmakihn luhlahlfongi ke Leum. Meac srihkasrak lal David luti kom ke kom sun ma upac ke sramsram keim? Kom kuh in riti pac pweng sel President Camille N. Johnson “Suli Kraist Lan Mwet Sihm Ke Sramsram Lom An” (Liahona, Nov. 2021, 80–82) ke sie sin ma upac in nuhnak lom an. Suk top nuhke kihsen siyuck oacna nge: Leum el luhngse ngan liye ma upac nuh sihk inge fuhkah? El kahsreyuc fuhkah ke pacl somlah ah? Ngac ahkkahlwemye fuhkah lah nga luhlahlfongi Kacl in suhmuhslah sramsram luhk uh?

Sahp kom etuh tari lah oasr kuhtuh mwe ahsor ke sapta tok ke sramsram kacl David (liye, nuhke mwe srihkasrak, 2 Samuel 11). Fin pa oasr pacl wo lom in sang kahs in kahsruh nuh sel David tukihn mweun lal nuh sel Goliath ah, meac kom ac fahk? Kahs in kahsruh inge ac kuh in orekma fuhkah in moul lom?

Liye pac “Leum El Fah Moliyuclac ” (video), Gospel Library.

1 Samuel 17:26–50

Sie mwet oasr luhlahlfongi la ke Kraist kuh in oraclah sie eklac.

In tahfwelah ke ma upac lom sifacna, kuht oacyacpac sun ma yohk, ohiac pucspucs ma ekuhllah facluh nohfohn. Ke kuh luhn ma koluk el“tuhkweni nuh sie … in mweun” lain kuh luhn ma wo (1 Samuel 17:1), kuht kuh in motko lah fuhkah srihke lasr kais sie kuh in sahp oraclah eklac se. Meac kom konwacack ke sramsram kacl David ma usot finsrak lom?

Liye pac “Let Us All Press On,” On in Alu, no. 243.

Jonathan ac David — Kawuck Pwacye ac Ahkfuhlwactye- Sifacna, sel Wilson Ong (detail)

1 Samuel 18

“Jonathan el luhngse [David] oacna moul lal sifacna.”

Ke kom riti 1 Samuel 18, motko siena lal Saul ac wen nahtuhl Jonathan (suc, fin tiac kacl David, kuh in nuhnkuh muh el pa tohkohsrah se tok). Saul ac Jonathan mukuikui fuhkah ke kuhtanglah lal David ac? Meac kom lotwelah ke ma sikyak inge?

Meac kom konwacack ke ohiyacl Jonathan ac mukuikui lal ma ahkacsmakihnye kom ke Jisus Kraist?

“Kapsruh nuhke Ma Suhmuhslah” (1 Nephi 19:23). Ma suhmuhslah el oraclah ohiac wowo in lotwelah ke luhngse oruh kuh mukuikui luhn mwet oacna David, Jonathan, ac Saul. Kom ac konwacack lah wacngih mwet ke ma suhmuhslah uh suwohs. Na ke kom rit, mwe srihkasrak se, ke sulaclah pwacye lal David, ikacklah in lotwelah ke ma tahfonglac lal. Oruh ohinge kuh in akihlen kuhiyen muhnahs lasr ac“lotwelah in lahlmwetmwetm likina [mwet sahyac] ma isuslac tari” (Mormon 9:31).

1 Samuel 24–26

Nuhnak muhnahs pa inkacnek pwacye nuhke mislac ac ahkkweyelah.

Ke 1 Samuel 24–26, suk lesin ke insefuhlwact, nuhnak muhnahs, ac kuh in kutong. Kom kuh in motko in riti pac ke pweng sel Elder Mark A. Bragg “Christlike Poise” ke ipin lutlut lom an (Liahona, May 2023, 60–63). Fuhkah tuh David, Abigail, ac kuhtuhpac sahyac ahkpwacye—kuh muhnahs in ahkpwacye—wolacna ke luhn Kraist ke sapta inge? Ohiyac fuhkah ma oasr yurum in ahkkahlwemye wolacna luhnn Kraist?

Sister Kristen Yee’s message “Beauty for Ashes: The Healing Path of Forgiveness” (Liahona, Nohf. 2022, 36–39) kuh in kahsruh luti 1 Samuel 25. Abigail el luhngse Jisus fuhkah?

2 Samuel 5:17–25

Leum el kuh in acse nuh sihk kolyuck.

Finne tukihn David el unilyac Goliath, ma upac lal yurin mwet Philistine sonna sahflah. Ke kom riti 2 Samuel 5:17–25, motko ke mwe srihkasrak lal David ma kuh in kahsrwe kom ke ma upac kom sun (liye pac 1 Samuel 23:2, 10–11; 30:8; 2 Samuel 2:1). Kom ahkinsewowoyeyuck fuhkah ke kom orekmakihn fahkyuck utuckot nuh sum uh?

2 Samuel 7

Ma oyac “lohm” se Leum el tuh olwelah nuh sel David?

Ke David el srihke in muhsahi sie lohm , kalmac tempuhl se, nuh sin Leum (liye 2 Samuel 7:1–3), Leum el tohpohkuhl David muh wen nahtuhl pa ac muhsahi uh (liye verses 12–15; liye pac 1 Kronikel 17:1–15). Leum el fahk pac muh in fohlohkihn El fah muhsahi sie “house,” sel David kalmac fihl nuhkwewa se, ac tron lal fah oan ma pahtpaht (liye 2 Samuel 7:11, 16, 25–29; Psalm 89:3–4, 35–37). OLwelah se inge ahkpwacyeyuck ke Jisus Kraist, Tohkohsrah lasr Ma Pahtpaht, suc ma ke tuhlihk nahtuhl David (liye Mattew 1:1; Luke 1:32–33; John 18:33–37).

For more, see this month’s issues of the Liahona and Ke Kuh luhn Mwet fuhsr mackuhsin.

Mwe nuhnak nuhke Luti Tuhlihk

1 Samuel 17:20–54

Luhlahlfongi ke Jisus Kraist kuh in kahsreyuc in puhlaik.

Sahp kom ac luhngse orekmakihn “David ac Goliath” in Sramsram Ke Wuhlweang Mahtuh, 112–16, in kahsruh tuhlihk nuhtum an in etwaclah ke ma sikyak ke 1 Samuel 17:20–54. Na kom kuh in lwelah eltahl in sulpac sruhmuhn sramsram ah orekmakihn petsac kuh line ma srwoallah ke ma oreklac inge. Siyuck seltahl lah meac eltahl nuhnkuh tuh Leum el kena eltahl in lotwelah ke sramsram soko inge.

2:36
David and Goliath
Kom ac tuhlihk nuhtum an kuh pac in oraclah tahk soko ke ma upac sahp eltahl sun ke moul laltahl. Na kahsrweltahl konwacack ma David el fahk muh kuh in kahsrewltahl ke ma upac inge (liye 1 Samuel 17:26, 32, 34–37, 45–47). Akacsruhi lah Jisus Kraist el kahsrwe kom fuhkah in pacl upac.
Tuhlihk nuhtum an kuh in mahs oacna eltahl in som in acnwuck nuh sel Goliath ke elos yuck soko on ke puhlaik, oacna ke “I Will Be Valiant” (Children’s Songbook, 162).

1 Samuel 18:1–4

Kawuck wowo kuh in mwe insewowo sin God me.

Kom ac kahsruh fuhkah tuhlihk nuhtum an in lotwelah ke kawuck lal David ac Jonathan? Sie inkacnek uh pa sang nuh sin kais sie tuhlihk pwepuh heart luo, sie aholyacl David ac ma se sahyac aholyacl Jonathan. Na tuhkweni riti pohloh kahs se ke 1 Samuel 18:1–4 ma ahkuhtweyac ke luhngse ma kawuck luo inge puhla nuh sin sie sin sie. Tuhlihk nuhtum an kuh in suhmuhslah kuh srolwaclah pwepuh heart laltahl ah ahkkahlwemye fuhkah luhngse nuh sin sie kawuck.

2 Samuel 5:19, 23

Nga fin enenuh kahsruh, nga kuh in siyuck sin Pahpah Inkuhsrao.

Ke sapta inge, David el eklac tohkohsrah luhn Israel. Ac pwacr fin tuhlihk nuhtum an oruh in muh eltahl tohkohsrah kuh kasra. Ma sap fuhkah eltahl ac oraclah? Eltahl ac som nuh oyac nuhke kahsruh? Kahsruh tuhlihk nuhtum an in konwacack lah ke David el enenuh kahsruh, el “siyuck kac,” kuh pruhe, nuhke top. In mwe srihkasrak, ke kom riti 2 Samuel 5:19, 23, suli tuhlihk nuhtum an in porongo kahs se“siyuck kac” ac in oracni paohtahl nuh sie ke eltahl lohngwack uh. Efuh kuh David el enenuh kahsruh luhn Leum ke wal sasuc se lal inge?
Luti sie sin sie ke pacl ma kom pruhe ke kahsruh luhn Pahpah Inkuhsrao. Meac tuh eklac kah oruh Elan kahsrwe kom?

2 Samuel 7:16–17

Jisus Kraist el Tohkohsrah luhk Wacngihn Sahflahiyac.

Tohkosrah kuht riti kac ke Wuhlweacng Mahtuh nohfohnna oasr ma tahfonglac laltahl, ac tohkohsrahi laltahl kwewa sahflah. Tuhsruhk Jisus Kraist el Tohkohsrah na wowo se ac fah kol nuh tok ma pahtpaht. Kom kuh in kahsruh tuhlihk nuhtum an in konwacack ma se inge ke komtahl tuhkweni riti ma mwet pahluh Nathan el fahk nuh sel Tohkohsrah David ke 2 Samuel 7:16–17. Fuhkah tuh tohkohsrahi lal David wacngihn sahflah kac? Kahsruh tuhlihk nuhtum an konwacack ac riti ma sihmlac ke ma suhmuhslah ma luti lah Jisus Kraist, el tuhkuh ke tuhlihk nahtuhl David, pa Tohkohsrah lasr, oacna ke Luke 1:32–33; John 18:33–37; ac Fwackyuck 19:16. Jisus el siena liki tohkohsrah facluh fuhkah? Kuht ahkfuhlwactye fuhkah Jisus Kraist ekihn Tohkohsrah lasr wacngihn sahflahiyac?

Nuhke kuhtuh pac, liye ma nuhke mahlwem inge ke Friend mackuhsin.

David ac Goliath — Sroal kacl David, sel Dileen Marsh

sra puk in mukuikui luhn U luhn Tuhlihk Srihsrihk: Luhlahlfongi ke Jisus Kraist kuh in kahsrweyuc in puhlaik — Sroal kacl David, sel Dileen Marsh