“June 8–14. ‘Leum El Liye ke Insiyac ’: 1 Samuel 8–10; 13; 15–16,” Fahsruh, Fahsr Tukuk—Nuhke Lohm Sesr ac Alu ah: Wuhlweacng Mahtuh 2026 (2026)
“June 8–14. ‘Leum El Liye ke Insiac,’” Fahsruh, Fahsr Tukuk: Wuhlweacng Mahtuh 2026
Sisken Kof Mihs, sel Simon Dewey
June 8–14: “Leum El Liye ke Insiac”
1 Samuel 8–10; 13; 15–16
Saul el mwet liacacng tohngki El finne loes kuh kahto, el tuh “srihklac ke [liye] lal sifacna” ac nuhnkwaclah ke mwe kahsruhp luhn sucu lal ah. (see 1 Samuel 9:2–3, 21; 15:17). Ke lwen se ma tuh oreklac el ye muhtuhn Israel ekihn tohkohsrah laltahl, el tiacna sikyak, el tuh arulacna tuhfal el “okanuhllah sifacna” (1 Samuel 10:21–22). Ngetwacng liyacl Saul, kom ac tiac luhlahlfongi muh el kuh in kol mwet Israel ah in kuhtanglah fin mwet lokoalok lalos ah—kuh elac eklac tok inse fuhlwact ac lain Leum.
David el mwet liacacng sip. El tiacna kuh in mahno oacna tuhlihk mahtuh itkohsr wiacl ah. Sie lwen ah Samuel el tuhkuh in sule sie tohkohsrah luhn Israel, tiac ma wowo se in motkwacl David inmahsrlon mwet liyeyuck muh sollac, ohinge fihliyucki el in imac ah yurin sip ac. Ngetwacng liacl David, kom ac tiac motko muh ac oasr luhlahlfongi yohrohl ac puhlaik in uniyac mwet luhlahp se ac eklac tohkohsrah pwengpweng se emet luhn Israel.
Tuhsruhk Leum el liye ahluhkwelah mwe akucl lasr, ohiyen luhkuh, ac inse srihsrihk. El liye, na, “ke insiac” (1 Samuel 16:7). Ac finne ke insiacsr tiac wo, kuht fin luhngse, El fah use nuh sesr “siepac insiac” (1 Samuel 10:9).
Mwe Nuhnak nuh ke Lutlut Lohm ah ac ke Alu
1 Samuel 8
Jisus Kraist el Tohkohsrah luhk.
1 Samuel 8 sruhmuhn ke sie ma sikyak ma ac fah ekuhllah sahflahiyen Mwet Israel ma pahtpaht. Nuh ke karihngihnyuck nuh ke mwet lokoalok lalos, Mwet Israel luhngse ma mwet tuhlan laltahl ah oruh—sie tohkohsrah in leum faclos. Ke kom riti ke nguhsr lalos ac top luhn Leum, nuhnkuh lah suc kom ac nget nuh se nuhke karihngihnyuck ac kol. Motko lah meac kalmac in lwelah Leum lan “leum [fom]” (1 Samuel 8:7).
Ke kuhtuh wik fahsruh, kom ac fah riti ke kuhtuh tohkohsrah pahngpahng in kol Israel. Ke kom lotwelah kaclos, motko kihsen siyuck tohkoh inge:
-
Mwe sensen luhn Leum ahkpwacye fuhkah ke 1 Samuel 8:10–18?
-
Tuhlihk nuhtin Israel tuh eklac fuhkah ke sulaclah in oasr tohkohsrah facluh se?
-
Jisus Kraist el eklac fuhkah nuh ke tohkohssrah facluh? Motko ke ma luhn facluh ma kom ac enenuh in sislah liki moul lom in lwelah Kraist elan Tokohsrah lom.
Liye pac “Enganwack, Leum pa Tohkohsrah!,” On in alu, no. 66.
1 Samuel 9–10; 16:1–13
God el pahngon mwet ke palye in kuhlwacnsap ke tohkohsrahi Lal.
Riti ke fuhkah God el sulaclah tohkohsrah luhn Mwet Israel ke 1 Samuel 9–10 ac 16 (see especially 9:15–17; 10:1–12; 16:1–13). Suk pohloh kahs ma kahsre kom in kahlwem ke kalmac in “pahng sin God, ke palye” ke Alu luhn Leum mihsenge (Articles of Faith 1:5). Kom kuh in motko in fihlikowi ke acn luhn mwet kol ma tafwelah pahng sac (Samuel), mwet ma pahmgonyuck ah (Saul ac David), ac mwet ma eltahl pahngonyuck in kahsruh (Mwet Israel ah). Meac kom lotwelah ke kahs ac mukuikui lalos ke sapta inge?
Ahkuhtweyucki ke Samuel el akmuhsraellah Saul, sel P. Mann, © Lifeway Collection/licensed from goodsalt.com
1 Samuel 13:5–14; 15
“Ahkos el wo liki kisaci.”
Motko fuhkah luhpan sahngengtoht lal Saul ke 1 Samuel 10, mwe lut in riti ke “seahkos” ac “lihkkeke” lal tukun el tohkohsrah lac. (1 Samuel 15:23). Kom nuhnkuh tuh efuh ma se inge sikyak? Ke 1 Samuel 13:5–14, ohiyac ac elah fuhkah kom liye ma kol nuh ke puhtatlac lal?
Ke 1 Samuel 15, kom riti ke sie ma sap sin Leum ma Saul el tiac ahkos mweyen el nuhnkuh muh oasr srihpac wo se lal. In lotwelah ke sulaclah tiac wo lal Saul, liye ke verse 22 ac aholah kahs se inge “kihsac” ac “fat luhn ma wacp” ke ma liyeyuck muh wo tuhsruhk tiac yohk srihpac oacna lohng ac ahkos Leum. Kom ahkinsewowoyeyuck fuhkah ke kom fihliac met luhngse luhn Leum in moul lom?
1 Samuel 16:6–12
“Leum el liye ke insiac.”
Yac kom nuh oraclah sulaclah se wiwi na “ma liyeyuck ke luhkuh” ke ma se kuh mwet se, konwacack tok lah kom tahfonglac? Sahp kom kanglah sie ma tiac arlac wo oacna ke kom liye uh. Kuh sahp kom nuhnuhnkuh se mwet tiac fal.
Ke Samuel el suk sie tohkohsrah sasuc luhn Israel, Leum el lotwel, ke sie inkacnek wo. Riti ke 1 Samuel 16:6–7, ac motko in oraclah lis se ke inkacnek ma mwet uh nuhnuhnkuh mwet sahyac ke “ma liyeyuck ke luhkuh ah.” Kom kuh in sokwack mwe srihkasrak ke pweng sel Elder Christophe G. Giraud-Carrier “We Are His Children” (Liahona, Nov. 2023, 114–16). Meac kalmac in liye “ke insiac,” oacna ke Leum el oruh? (1 Samuel 16:7). Kom kuh in sokwack mwe srihkasrak ke ma se inge, pac ke pweng sel Elder Giraud-Carrier. Sahp kom kuh in nuhnkuh kuhtuh pacl ma Leum el ngetlah liki luhkuhn sie mwet. (Liye, oacna mwe srihkasrk, Mark 12:41–44; Luke 5:1–11; 19:1–9; John 4:5–30; Moses 6:31–36.) Meac kom lotwelah ke mwe srihkasrak inge?
Kom ac ukoe fuhkah srihkasrak luhn Mwet Lahngo ke ohiyac ma kom liye mwet sahyac—ac kom sifacna? Oruh ma inge ac kuh in ekuhllah fuhkah asruoki lom nuh sin mwet sahyac? Motko in fahk nuh sin sie mwet ke wo ma kom liye insiaclos.
See also Ulisses Soares, “Tamuhlwel ac Tahmtahel ke Kraist,” Liahona, Nohfohmpuh. 2023, 70–73.
For more, see this month’s issues of the Liahona and For the Strength of Youth magazines.
Mwe Nuhnak nuh ke Luti Tuhlihk
1 Samuel 8
Jisus Kraist el Tohkohsrah luhk.
-
Ke kom riti 1 Samuel 8 yurin tuhlihk nuhtum an, kasreltahl konwacack srihpac Samuel el fahk nuh sin Mwet Israel lah oasr tohkohsrah lalos tiacna nuhnak wowo se. Efuh kuh woiyac uh Jisus Kraist elan tohkohsrah lasr? Sahp kom ac kuh in tuhkweni oracla sie twefuroh pwepuh ah ac kais sie eis pacl la in sunyac ac akacsruhi ke sie ma kuht kuh in oruh in fahkwack lah kuht luhngse Jisus elan Tohkohsrah lasr. (Liye pac Jeremiah 23:5; Doctrine and Covenants 45:59.)
1 Samuel 8:6; 9:15–17; 10:1–24; 16:1–13
Mwet ma kuhlwacnsap ke Alu uh elos pahng sin God.
-
Ma suhmuhslah ke God sullallah Saul ac David in tohkohsrah kuh in kahsruh tuhlihk nuhtum an in kahlwem kac lah mwet uh pahng sin God in kuhlwacnsap ke Alu mihsenge ke fwackyuck. In luti nuh selos sramsram inge, kom kuh in suhmuhslah ma sikyak ke sramsram ke ipin pwepuh srihsrihk, ac tuhlihk nuhtum an kuh in tahkuhnlah ke acn na pwacye laltahl ke komtacl tuhkweni riti pohloh kahs ke ma suhmuhslah (liye “Young David” ke Sramsram ke Wuhlweacng Mahtuh, 110–11). Na kom kuh in sruhmuhn ke pacl God el ahkinsewowoye kom ke kuh luhn ma kawihl in akfalye sie kunohkohn kuh pahng (liye 1 Samuel 10:9–10).
1:16Young David
-
Ma se inge kuh pac in pacl wowo se in luti tuhlihk nuhtum an ke article of faith ahklimekohsr. Sruhmuhn nuh seltahl lah kom eis pahng lom ke Alu uh fuhkah. Kom etuh fuhkah lah kom pahngonyuck sin God?
Mwet Pahluh Samuel El Akmuhsraellah David elan Tohkohsrah fin acn Bethlehem, sel Balage Balogh
1 Samuel 16:1–13
Leum el liye ke insiac.
-
Lesin ke ma kuh in kahsruh tuhlihk nuhtum an in kahlwem ke ip yohk ke 1 Samuel 16:7. In mwe srihkasrak, kom kuh in oruh eltahl in liye kuhtuh mwe mongo kuh sie puk wi mwe nuk kuh kafa ma tena ma nuhke koano ah. Ma 1 Samuel 16:7 ac ma ke lesin se inge nuhnkuh lah kuht enenuh in liye kuht sifacna ac mwet sahyac fuhkah? Yuck soko on ma srwelah ke ip yohk se inge, oacna ke “Love One Another” (Children’s Songbook, 136).
Orekmakihn ma ke lesin Ke oasr ma tuhlihk nuhtum an kuh in liye ac kahlyac kuhpahsr nuh ke ip yohk ke wosasuc, eltahl ac arulacna esamyac. In mwe srihke, ke kom riti 1 Samuel 16:7 yohrohlos, kom kuh in lwelah eltahl in sokwack srihkasrak ke mwe ngetnget in ahkuhtweyac srihpac se oruh kuht enenuh in srihke liye oacna Leum el oruh—in liye “ke insiac”—likina in nuhnuhnkuh ke “ma kom liye ke luhkuh ah.”
-
Kom ac tuhlihk nuhtum an kuh in akacsruhi ke ma sikyak ma oruh kom in lotwelah lah efuh kom enenuh in “liye insiac,” ac in tiac “ma kom liye luhkuh ah” (fuhs 7). Kom kuh pac in ayaol sruhmuhn nuh sin kais sie ma wowo kom liye ke insian kais sie.
Nuhke kuhtuh pac, liye ma oreklac nuhke mahlwem inge ke Friend magazine.