“Eprel 27–Mei 3. ‘Muhtahl sin Leum God: Exodus 35–40; 15; 1; 4–16; 19,” Fahsruh, Fahsr Tukuk—Nuh Lohm Sesr ac Alu ah: Wuhlweacng Mahtuh 2026 (2026)
Epril 27–Mei 3. ‘Muhtahl sin Leum God,’” Fahsruh, Fahsr Tukuk: Wuhlweacng Mahtuh 2026
Tempuhl fin acn Rio de Janeiro Brazil
Eprel 27–Mei 3: “Muhtahl sin Leum God”
Exodus 35–40; Leviticus 1; 4; 16; 19
Som liki acn Egypt—yohk srihpac oacna met ah—tiacna ahkfalyelah kwewa srihpac luhn God nuh sin tuhlihk nuhtin Israel. Ac finne moul wowo se ke acn luhn wuhlweacng tiac pac ngetnget sahflah se luhn God nuh selos. Ma inge step se na nuhke ma God el arlac ke nuh sin mwet Lal: “Kom ac fah muhtahl: tuh Nga Leum God lom el muhtahl” (Leviticus 19:2). God el placni in oruh mwet Lal inge in muhtahl fuhkah tukun eltahl muhta in kohs ke fihl pucspucs? El sapkihn nuh selos in oraclah sie acn muhtahl yen mwesis—sie lohm in alu. El sang nuh selos wuhlweacng ac masap in kohluhltahl ke orekma lalos ac eklac luhn insiaclos. Ac El sapkihn nuh selos in orek kisac ke ma orahkrahk in lotwelos ke iwaclah luhn ma koluk lalos. Ac ma inge nuhkwewa ma oruh in kihfucs nuhnak lalos, insiaclos, ac moul nuh sin Mwet Lahngo. El pa inkacnek pwacye nuhke ohiyac muhtahl, nuh sin Mwet Israel ac nuhn sesr. Kuht nuhkwewa sislah kuhtuh pacl ke kohs luhn ma koluk, ac kuht nuhkwewa suliyuck in fihliac ma koluk ac fahsr tukihn Jisus Kraist, suc tuh olwelah, “Nga kuh in oraclah kom in muhtahl” (Doctrine and Covenants 60:7).
Liye puk luhn Levitticus nuhke mwe ahkuhtweyac “Leviticus” ke Pwacpuhl Tikisinacri an.
Mwe Nuhnak nuhke Lutlut e Lohm sesr ac Alu ah
Exodus 35–40; Leviticus 19
Leum el kena nga in eklac muhtahl.
Exodus 35–40 ahkuhtweyac ke Mwet Israel srihke in muhsahi sie lohm in alu, ma akwuck muhtahl fah kahsreltahl in eklac sie mwet muhtahl. Ke kom riti sapta inge, suk ke ma Leum el siyuck mwet Lal in fihliac lun lohm in alu sac. Meac ma inge ac kuh in ahol? Meac eltahl usot nuh sum in nuhkuh ke ahkyokye ma muhtahl? Kwacna motko fuhkah ma inge kihfucs nuhnak lom an nuh sin Mwet Lahngo. Sie tepuh oacna inge sahp kuh in kahsre kom.
|
Ma fuhkah kom sokwack? |
Meac el kuh in ahollah? |
|---|---|
Ma fuhkah kom sokwack? Ark luhn wuhlweacng (Exodus 37:1–9; 40:20–21) | Meac el kuh in ahollah? (Liye Exodus 25:20–22; Kolyuck nuhek ma Suhmuhslah, “Ark of the Covenant”) |
Ma fuhkah kom sokwack? Mwe loang ke ma kisac keng (Exodus 40:26–27; liye pac Exodus 30:1, 6–8) | Meac el kuh in ahollah? (Liye Revelation 8:3–4) |
Ma fuhkah kom sokwack? Sahk in kacntuhl soko kuh lahm tu se (Exodus 37:17–24) | Meac el kuh in ahollah? (Liye Matthew 5:14–16; John 8:12) |
Ma fuhkah kom sokwack? Mwe loang ke kisaclah (Exodus 38:1–7; liye pac Exodus 27:1; 29:10–14) | Meac el kuh in ahollah? (Liye mwe Kolyuhk nuhke ma Suhmuhslah, “Sacrifice”) |
Ma fuhkah kom sokwack? Laver (basin) in kof (Exodus 30:17–21) | Meac el kuh in ahollah? (Liye 2 Chronicles 4:6; Isaiah 1:16; Jeremiah 33:8) |
Ahok, ahksrihkyactwen ke acn muhtahl tiac oruh kuht muhtahl. Leviticus 19 ahkuhtweyac masap ac masap luhn Leum ma ituckyang in kahsruh tuhlihk nuhtin Israel in ahkyohkye ma muhtahl uh. Meac kom konwacack ke masap ma kuh in kahsre kom suk ma muhtahl luhn Leum inge? Meac kom puhla muh kom luhngse oruh in moulkihn na pwacye ma yohk inge?
Liye pac Henry B. Eyring, “Holiness and the Plan of Happiness,” Liahona, Nov. 2019, 100–103; “The Tabernacle” (video), Gospel Library.
The Tabernacle
Orekmakihn on muhtahl. On el fokoko na pwaye in suli eklac luhn Nguhn ac muhsahi luhlahlfongi ke Jisus Kraist. Pweng tuhkuh ke on uh kwacna ahkfokokoye mwe luti ke ma suhmuhslah. Fin pange, yuck soko on oacna “More Holiness Give Me” (Hymns, no. 131) kuh in ahkfokokoye kuhtuh pweng ma lutiyuck ke Leviticus 19. Ac kuh pac in kahsre kom in nuhnkuh lah meac kalmen eklac muhtahl in yohk oacna Mwet Lahngo ac motko lah El kahsre kom fuhkah in ahkyohkye ma muhtahl.
Exodus 35:4–35; 36:1–7
Leum el siyuck ngan oruh kisac luhk ke inse pwacye.
Ke yac se tukihn eltahl som liki acn Egypt, inmahsrlon tuhlihk nuhtin Israel ac Jehovah kuh in fahk muh eklac. Ac inge, ke kom riti Exodus 35:4–35 ac 36:1–7, esam lah fuhkah top luhn tuhlihk nuhtin Israel nuhke masap in muhsahi lohm nuknuk sac. Meac kom lotwelah sin Mwet Israel ma kuh in kahsre kom kuhlwacnsuhpuh Leum?
Sahp Elac tiac siyuck sum ke osra sacohk, nuknuk, kuh sahk nuh ke lohm nuknuk. Ma Leum el tuh usot nuh sum, ac meac Elac siyuck kom in sang? Ngac ma “insiom mokle [kom] yak in tuhkuh nuh ke orekma uh”?
Liye pac Sifac ac Kihsensiyuhk, “Sacrifice,” Gospel Library.
Tuhlihk nuhtin Israel sang mwe sang nuh ke lohm nuknuk ke “sie inse pwacye” (Exodus 35:5). Sroal sel Corbert Gauthier, © Lifeway Collection/licensed sin goodsalt.com
Exodus 40:12–14
Akwuck ke tempuhl tuh ituckyang ke pacl met ah.
Exodus 40:12–14 kapsruh nuhke akwuck pacl met ah ma oacyacpac sapkihnyuck ke pacl lasr uh in lohm sin Leum. Pa inge kuhtuh fuhs ituckyang ma kuh in kahsre kom lotwelah lah fuhkah akwuck inge fahkwack ke Jisus Kraist.
-
Ahknwacsnwacs: Psalm 51:2; Ezekiel 36:25–27
-
Nukum karmacn muhtahl: Isaiah 61:10; Matthew 22:11–14; Revelation 19:7–8
-
Mosrweyucklac: Luke 4:18–19; Acts 10:38
Leviticus 1:1–9; 4; 16
Ke srihpen kisackuhnlah luhn Jisus Kraist, nga kuh in eis nuhnak muhnahs.
Puhsiyen puk lal Leviticus sahp sasuc nuh sesr—kisac ke ma orahkrahk, alu wipac srah ac kof, ac masap karihngihn ma srihsrihk ke moul. Tuhsruhk alu ac masap inge srihpac uh pa in luti ke akwuck ma pwengpweng—auliyak, muhtahl, ac Iwaclah luhn Mwet Lahngo. In sokwack mwe luti inge ke kom riti Leviticus 1:1–9; 4; 16, motko kihsen siyuck oacna inge:
-
Kahs kuh pohloh kahs fuhkah ngac sokwack ma kuh in ahkacsmakihnyeyuc ke Jisus Kraist ac Iwaclah Kisackuhnlah Lal?
-
Meac nga lotwelah ke kisac inge ke kisackuhnlah luhn Mwet Lahngo?
-
Nga oacna mwet oraclah kisac inge fuhkah?
Leum el tiac sifil enenuh kisac ke ma orahkrahk. Tuhsruhk kisac el srackna sie ma yohk srihpac ke mwe luti ke wosasuc. In lotwelah ke kain in kisasc ma Leum el enenuh, luti 3 Nephi 9:19–20; Doctrine and Covenants 64:34. Kom kisasckihn fuhkah kain in kisac inge? Meac Moses 5:7 el luti kom kac lah kom enenuh in liye fuhkah mwe kisac lom an?
Liye pac “Mwe Nuhnak in Esamyac: Lohm Nuknuk ac Kisac.”
Mwe Nuhnak nuhke Luti Tuhlihk
Exodus 35:20–29; 36:1
God el acse nuh sihk mwe sang in kahsruh orekma Lal.
-
Ke sahflahiyen mwe kahsruh se inge pa petsac se ke lohm nuknuk yen mwesis sin Mwet Israel. Kom ac kuh in ngetwacng nuhkac wi tuhlihk nuhtum an ac siyuck lah kuhfa fuhkah tuh eneneyuck in sang muhsahi lohm in alu sac? Na komtacl kuh in tuhkweni riti Exodus 35:20–29 in konwacack lah kuhfa inge tuh ituckyang fuhkah. Fuhkah Leum el suli kuht in sang kahsruh in muhsai tohkohsrahi Lal.
-
Motko in rit yohrohlos Exodus 36:1 in konwacack lah meac Leum el sang nuh sel Bezaleel ac Aholiab in kahsreltahl muhsahelah lohm nuknuk sac. Na kom ac kuh in sramsram nuh sin tuhlihk nuhtum an lah meac kom puhla muh Leum el sang nuh seltahl in muhsahelah tohkohsrahi Lal. Kuht ac orekmakihn ma inge fuhkah in ahkinsewowoye mwet sahyac?
Tempuhl luhn Rome Italy
Exodus 40:17–34
Nga kuh in puhla oasr luhn Leum ke acn muhtahl.
-
Exodus 40:17–34 suhmuhslah ma tuh ipin lohm nuknuk luhn Mwet Israel ah. Sahp kom ac tuhlihk nuhtum an kuh in konwacack ke fuhs inge ac ke petsac ke lohm in alu ke sahflahiyen mwe kahsruh se inge. Sruhmuhn lah fuhkah kais sie ip ke lohm in alu sac luti ke Mwet Lahngo ac Pahpah Inkuhsrao. In mwe srihkasrak, fahkwack luhlahlfongi pwacye ke ark sac ahkacsmakihnye kuht ke masap luhn God, mwe loang sac ahkacsmakihnye kuht ke kisackuhnlah luhn Jisus Kraist ac kalweni na.
-
Meac acn muhtahl oasr yohrohsr mihsenge ma kuh in kahsre kuht in puhla fototo nuh yurin Leum? Oacna ipin sramsram se inge, komtahl kuh in tuhkweni liye fitio sac “Tempuhl” (Gospel Library). Kom kuh pac in yuck on soko oacna “Holy Places” (Gospel Library). Akacsruhi sie sin sie lah meac kom puhla ke acn muhtahl oacna tempuhl.
What Is a Temple?
Leviticus 1:1–4
Ke srihpen kisackuhnlah luhn Jisus Kraist, nga kuh in eis nuhnak muhnahs.
-
Kisac luhn ma orahkrahk ahkutweyucki ke Wuhlweacng Mahtuh ma oreklac in luti tuhlihk nuhtin Israel ke nuhnak muhnahs tuhkuh sin Jisus Kraist. Motko ke ritiyacn kisac inge kuh in orek oacpacna nuh sin tuhlihk nuhtum. Kom kuh in kohlwack petsac ke Jisus Kraist ke Gethsemane ac fin sahksin soko ah (liye Gospel Art Book, nos. 56, 57) ke kom rit yurin tuhlihk an Leviticus 1:1–4. Kahsreltahl konwacack kahs kuh pohloh kahs in ahkacsmakihnyacltahl ke kisackuhnlah luhn Jisus Kraist.
-
Kom ac kuh in tuhkweni riti 3 Nephi 9:19–20 in konwacack lah meac sapkinyuck nuh sesr in kisackihn sahyen ma orahkrahk. Meac kalmac in kisackihn ke sie insiac muhsahllah ac nguhn muhnahs nuh sin Leum? Liye mwe Kolyuhk nuhke ma Suhmuhslah, “Broken Heart” (Gospel Library) in kahsruh tohpohklah kihsensiyuhk soko inge.
Nuhke kuhtuh pac liye ma nuhke mahlwem inge ke Friend mackuhsin.