Joshua 1–8; 23–24

Nuhnkuh lah oacna fuhkah nuh sel Joshua in pahngonyuck el lacn aholuhllah Moses. Akihlen ma Leum fahk ke Joshua 1:1–9 in ahkkweyacl. Nuhnkuh ke ma upac kom puhla; meac lihn fuhs inge usot puhlaik lom?

Ine se inge Joshua (Yehoshua kuh Yeshua ke Hibru) means “Jehovah El Molwelah.” Ac ine se Jisus tuhkuh ke Yeshua. Ke kom riti kacl Joshua, nuhnkuh ke kunohkohn se lal in kohllah tuhlihk nuhtin Israel fahsr sahslah infacl Jordan ac nuhke acn in wuhlweacng. Misin lal ah oacna sie fuhkah nuhke ma Kraist El oruh nuh sesr?

Oacna ke El ahkkweyacl Joshua, Leum el use kahsruh ke Joshua 1:8 ma suhmuhslah uh, kuh “kahs ke masap u.” Motko ke kunohkohn toasr se lal Joshua inge, efuh kuh mwe kahsruh se inge na yohk tuh kahsreang?

Ke Leum El ngihsre kuht in riti ma suhmuhslah, el kwacna orekmakihn kahs ma som yohkliki rit na. El oacyacpac olwelah mwe insewowo yohk. Tepuh soko ten inge kuh in kahsre kom sokwack solsol inge ac mwe insewowo ma olwelah.

Leum El ahkfalye fuhkah olwelah inge in moul lom? Ingena sahp pacl wo se in lihklihkiyac aten lutlut ma suhmuhslah lom an. Meac fahsr wo? Meac kom puhla mokle kom in oruh in oasr ma yohk srihpac kom puhla ke kahs luhn God?

Liye pac “Ke Nga Riti Ma Suhmuhslah Muhtahl,” On in Alu, no. 277.

Mwet Kristian ke Wuhlweacng Sasuc liyacl Rahab oacna sie mwe srihkasrak ke kuh luhn kwewana luhlahlfongi ac orekma (liye Hibru 11:31; Jemes 2:25). Ke kom riti Joshua 2, motko ke ipin luhlahlfongi ac orekma lal Rahab ke el molwellah sifacna, ac sucu lal, ac mwet kalngeyuck luhn mwet Israel ah. Meac ma se inge luti nuh sum ke luhlahlfongi lom ke Kraist ac fuhkah orekma lom kuh in ekihlkomlac ac mwet sahyac?

Leum El orek usrnguck inmahsrlon mwet Lal oacna ke el kohlohltahl nuhke acn in wuhlweacng, ac el kuh in oruh oacpacna nuh sum. Pa inge kuhtuh kihsen siyuck ma ac kol nuhke ma kom luti ke Joshua 3–4:

• Efuh kom nuhnkuh tuh mwet Israel ah enenuh in ahknwacsnwacsyeltahl met liki eltahl tuh fahsr sahslah Infacl Jordan? (liye Joshua 3:5).

• Esam lah Infacl soko ah maelihk muhkwena tukihn “falken prist ac … tuh isohsuh nuh fin kof ah” (Joshua 3:13, 15). Efuh kuh yohk srihpac?

• Kuhtuh pac ma sikyak yohk srihpac ke Infacl Jordan—liye 2 Tohkohsrah 2:6–15; 5:1–14; ac Mark 1:9–11. Meac kuhpahsr kom liye inmahsrlon ma sikyak inge?

• Leum El oruh fuhkah “usrnguck” in moul lom? (Joshua 3:5). Kom ac puhla—kuh akihlen—ma usrnguck fusus inge fuhkah? (mwe srihkasrak, liye Joshua 3:17).

Joshua 6–8 el mukuikui ke mweun fin acn Jericho ac Ai. Ke kom riti sapta inge uh, motko ke kom lain mwe sruhf (mwe srihkasrak, liye Joshua 7:10–13). Kom lotwelah lah fuhkah God El kuh in kahsre kom ac ma kom enenuh in eis lwelah ke kuh Lal? Mwe srihkasrak, meac kom nuhnkuh ke ahkuhtweyac luhn Leum nuhke eslah Jericho? (liye Joshua 6:1–5). Sahp ma suhmuhslah se ke Joshua 7 kuh in mokle kom in sulaclah fin“oasr ahngyahng” in moul lom ma kom enenuh in sislah (Joshua 7:13).

Luti sahflah lal Joshua nuh sin mwet Israel ke Joshua 23–24 weacng mwe sensen yohk srihpac, mwe kahsruh, ac olwelah ke mwe insewowo. Sahp kom kuh in oracla sie lis ke ma kom konwacack. Motko ma nuhkwea ma sikyak nuh sin mwet Israel ah, kom nuhnkuh tuh efuh Joshua el sulaclah in fahk nuh seltahl ma inge ke sahflahiyen moul lal? Meac kom konwacack muh moklekom in “srihpsrihplac nuh sin Leum”? (Joshua 23:8).

Liye pac Dale G. Renlund, “Oraclah Sulaclah Lom Ke Lwen Se IngeLiahona,Nohf. 2018, 104–6.

• Pa inge sie ohiyac in kahsruh tuhlihk nuhtum an “in fokoko ac puhlaik” (Joshua 1:6) kacl Jisus Kraist. Ngihsre eltahl in sokwack pohloh kahs se ma kalweniyuck ke Joshua 1:6, 9, ac 18, ac suhmuhslah in esamyac. Kahsruh tuhlihk nuhtum an in nuhkuh sie ma sikyak ma eltahl sahp enenuh pweng inge, oacna ke Johua el tuh oruh. Kom kuh pac in sulpac tuhkweni liye kuhtuh sin sramsram ke Joshua 1–4; 6 (liye pac “Joshua Mwet Pahluh sac” ac “Rahab ac Mwet Kalngeyuck ah” in Sramsram Ke Wuhlweacng Mahtuh, 85–91). Mwet ke sramsram inge ahkkahlwemye fuhkah puhlaik ac kuh ke Leum?

  

  2:59

  

  1:39

• Riti Joshua 1:8 kuh in mokle tuhlihk nuhtum an in sifacna riti ma suhmuhslah. Kahsreltahl in sokwack kahs ke fuhs inge ac luti nuh seltahl fuhkah ac efuh kuht riti ma suhmuhslah. Eltahl kuh in suk ma se pacna inge ke 1 Nephi 15:23–24; 2 Nephi 31:20; 32:3; Jacob 4:6; Helaman 3:29–30. Kom kuh pac in kahsreltahl akiac ac oraclah plwacn se in riti ma suhmuhslah

• Kom kuh in orekmakihn sramsram soko ke mwet Israel ahluhkwekah Infacl Jordan oacna akucl luhn pacptais—fuhlweack moul lasr met ke yen mwesis ac muhtwacwacack sie ma sasuc ke kuhpahsr ke wuhlweacng yurin God. Na ke komtacl tuhkweni rit Joshua 3–4 (kuh “Joshua Mwet Pahluh sac” ke Sramsram Ke Wuhlweacng Mahtuh, 85–89), kom kuh pac in liye petsac ke Jisus ke El pacptaislac ac ahkuhtweyac lah Jisus El tuh pacptaislac ke infacl soko pacna ma mwet Israel fahlac kac ah. Na kom kuh in yuck on soko oacna “Pacptais” (Puk In On Luhn Tuhlihk Srihsrihk, 100–101). Akacsruhi nuh seltahl lah pacptaislac el oacna ke muhtwacwacack luhn sie moul sasuc ke tohkohsrahi luhn Jisus Kraist.

  

  2:59

• Meac kom kuh in oruh in kahsruh tuhlihk nuhtum an in lotwelah in fahsr tukihn Jisus Kraist, oacna Joshua el ngihsre mwet Israel ah in oruh? Kom kuh in ngihsraclos in:

  • Esamyac sie pohloh kahs ke Joshua 24:15. Srihke in oruh pacr sin tuhlihk nuhtum an. Pihsen kahs eltahl esamyac kuh in wiwina matwacltahl.

  • Sokwack Sramsram ke mwet ma sulaclah in kuhlwacnsap nuh sin Jisus Kraist. Eltahl kuh in liye ke Kawuck mackuhsin, ke Gospel Art Book, kuh Sramsram Ke Wuhlweacng Mahtuh ac puk in sramsram ke ma suhmuhslah sahyac.

  • Ohiyac in-srihkeyuck ke ma eltahl kuh in sulaclah in ukoe ac kuhlwacnsuhpuh Mwet Lahngo.