“Mei 11–17. ‘Sensenkihn Kom In Tiac Mulkuhnlah Leum’: Deuteronomy 6–8; 15; 18; 29–30; 34,” Fahsruh, Fahsr Tukuk—Nuh Lohm ac Alu: Wuhlweacng Mahtuh 2026 (2026)
“Mei 11–17. ‘Sensenkihn Kom In Tiac Muhlkuhnlah Leum,’” Fahsruh, Fahsr Tukuk: Wuhlweacng Mahtuh 2026
Moses ke Finohl Nebo, sel John Steel, © Providence Collection/licensed sin goodsalt.com
Mei 11–17: “Sensenkihn In Tiac Muhlkuhnlah Leum”
Deuteronomy 6–8; 15; 18; 29–30; 34
Kuhlwacnsap lal Moses fin facluh muhtwacwacack ke finohl soko, ke God el sramsram nuh sel ke insack fihrihr se (liye Exodus 3:1–10). Oacyacpac sahflah ke soko finohl, puhs liki yac 40 tohkoh, ke God el sang nuh sel in liye kuhtuh ip ke acn in wulweacng ke Finohl Nebo (liye Deuteronomy 34:1–4). Moses el sislah moul lal in ahkolah tuhlihk nuhtin Israel in utyak nuhke acn in wuhlweacng, ac ke puk lal Deuteronomy suhmuhslah kahs in kahsruh sahflah, mwe acsmakihnye, ahkkweye, ac kwacfe yurin Mwet Israel. Riti kahs lal oruh kahlwem lah ma pwacye se ke kuhlwacnsap lal Moses ac—ahkolah se ma mwet ah enenuh ah—tiac ke moullac yen mwesis, kuhtanglah mwet lokoalok, kuh muhsahi sie muhtuhnfahl. Pa ke lotwelah in luhngse God, Ahksol, ac sruokyacna pwacye lom nuh Sel. Pa inge ahkolah se kuht nuhkwewa enenuh in utyak nuhke acn in wuhlweacng ke moul wacngihn sahflahiyac. Tuhsruhk finne Moses el tiacna tuh longyac “acn suc sohrohr ke mil ac uni” (Exodus 3:8), ke srihpen luhlahlfongi ac ahkosten lal, el utyak nuh ke acn in wuhlweacng se God el ahkolah nuh sin el suc sulaclah in fashr Tohkohl.
Ke sie ahkuhtweya fototo ke Deuteronomy, liye “Deuteronomy” ke Pwacpuhl Tiksineri.
Mwe Nuhnak nuhke Lohm ac Alu
Deuteronomy 6:4–7; 8:2–5, 11–17; 29:18–20; 30:6–10, 14–20
“Luhngse Leum God lom ke insiom kwewa.”}
Oasr ahkfuhlwact luhn puhkanten alu ac alyalu ke masap lal Moses. Oacna kowos liye ke mwe kahsruh lal Moses ke Deuteronomy, Leum el oacyacpac nuhnkuh ke ma lun insian mwet Lal— ohiyac luhn ma kawihl insialos.
Ke pohloh kahs se ten inge, suk kahs se inge insiac, ac motko lah meac el ahol uh. Kom kuh in nuhnkuh ke pohloh kahs inge oacna sie lohlngohk luhn ma kawihl ke insiom. Palyeack fuhkah kom ac usot nuh sum sifacna? Mwe ahkkweye fuhkah kom ac suhmuhslah in ahkwoye ma kawihl ke mas luhn insiom? Suhmuhslah ma kom puhla:
-
Deuteronomy 6:4–7:
-
Deuteronomy 8:2–5:
-
Deuteronomy 8:11–17:
-
Deuteronomy 29:18–20:
-
Deuteronomy 30:6–10:
-
Deuteronomy 30:14–20:
Sie inkacnek in akiac nuhnak lom an pa in sruhlwaclah sie at ah ac suhmuhslah loac ma Leum El fahk muh enenuh in oan insiom uh. Na kom kuh in suhmuhslah luhkuh ah ma enenuh kom in fihliac lihkihn insiom uh.
Kom ac ahkkahlwemye fuhkah lah kom luhngse God ke insiom kwewa? Nuhke mwe nuhnak, liye “Luhngse God, luhngse mwet tuhlan lom” in Nuhke Kuh luhn Mwet Fuhsr: Sie Mwe Kolyuck nuhke Orek Sulaclah, 10–12.
Liye pac M. Russell Ballard, “Kom Luhngse Nga Yohk Liki Ma Inge?,” Liahona, Nov. 2021, 51–53.
Suk mwe etacack lom sifacna ke ma kawihl. Fahsruh, Fahsr Tukuk tohuyak pohloh kahs ac ip yohk in lohacng nuhke ma sumuhslah, tuhsruhk nimwet lwelah in tuh ahksrihkyelah lutlut lom an. Ke kom riti Deuteronomy, kom ac kuh in konwacack ip yohk se ma tiacna kahlwem inge. Lwelah Nguhn lan kol kom nuhke ma kom enenuh in luti.
Deuteronomy 6:4–12, 20–25
“Sensenkihn kom in tiac muhlkuhnlah Leum.”
Puhs sin mwet Israel ma fah utyak nuhke acn in wuhlweacng tuh tiacna liye mwe ongaiyac fin acn Egypt kuh fahsr sahslah Meoa Sruhsrah. Moses el etuh lah eltahl—ac fihl fahsruh—ac enenuh in esam usrnguck luhn God ac masap luhn God in srackna mwet luhn God.
Mwe kahsruh fuhkah kom konwacack ke Deuteronomy 6:4–12, 20–25 ma kuh in kahsre kom esam ma yohlacna God El oruh nuh sum? Meac mokle kom in oruh tuh kahs luhn Leum lwen nuhkwewa fah “oan insiom”? (verse 6).
Kom kuh pac in luti ke pweng lal Tamuhlwel Jan E. Newman “Karuhnganwacng Puhsra luhn Mwet Wuhlweacng ke Fihl Kapkapwack se” (Liahona, Nov. 2023, 36–38) ac motko lah kom ac tahfwelah luhlahlfongi lom ke Kraist fuhkah nuh sin fihl fasruh uh.
Liye pac Deuteronomy 11:18–21; Dale G. Renlund, “Motko ke Ma Wowo ac Yohklacna luhn God,” Liahona, Mei 2020, 41–44; Pwacpuhl Tiksineri, “Frontlets or phylacteries.”
Deuteronomy 15:1–15
Kahsruh mwet enenuh oracni pac kuhlwacng ke paho ac inse engan.
Kuht sonna sun lwen sac “ke ac wahngihnlac mwet suhkahsruhp inmahsrlowos” (Deuteronomy 15:4), tuh ip yohk ke kahsruh mwet muhnahs ke Deuteronomy 15 srackna sacohkihnyuck, finne kuhtuh mwe srihkasrak tuh eklac. Esam ma fuhs 1–15 luti kac lah efuh kuht kahsruh mwet enenuh ac fuhkah ohiyac lasr ke kuht oruh.
Meac kalmac in “ikacselihk poum in yohk” nuh sin mwet enenuh? (fuhs 8, 11). Meac kom lotwelah ke mwe srihkasrak luhn Leum ke kahsruh mwet suc enenuh? (liye verse 15).
Liye pac “Have I Done Any Good?,” On in Alu, no. 223.
Deuteronomy 18:15–19
Moses el tuh “oacna” Jisus Kraist.
Peter, Nephi, Moroni, ac Mwet Lahngo sifacna nohfohnna sruhmuhn ke palye ke Deuteronomy 18:15–19 (see Orekma 3:20–23; 1 Nephi 22:20–21; Joseph Smith—Sramsram Mahtuh1:40; 3 Nephi 20:23). Meac kom lotwelah ke Mwet Lahngo ke fuhs inge? Nuhnkuh ke ma kom riti kacl Moses ke wik ekahsr somlah ah. Moses el “oacna” Jisus Kraist fuhkah?
Jisus Kraist le fahk nuh sin mwet Lal fin acn Macrike pacl met ah, “Nga pa mwet se ma mwet pahluh Moses el tuh sramsram kac ah” (3 Nephi 20:23).
Deuteronomy 29:9; 30:15–20
Leum el siyuck sihk in sulaclah inmahsrlon ma wo ac ma koluk.
Ac ma wowo se in kapsruh kahs lal Moses ke Deuteronomy 29:9; 30:15–20 ke kuhtuh luti sahflah lal Lehi nuh sin sucu lal ah ke 2 Nephi 2:26–29; 4:4 Lehi el ahkyohkyaclihk fuhkah ma Moses el tuh lutiac? Meac kom konwacack ke pohloh kahs inge ma mokle kom in“sulaclah moul”? (Deuteronomy 30:19).
Mwe Nuhnak nuhke Luti Tuhlihk
Deuteronomy 6:5
Nga kuh in luhngse God ke insiuck kwewa.
-
In kahsruh tuhlihk nuhtum an etuh Deuteronomy 6:5, kom kuh in sruhlwaclah sie at ah, ahkuhtweyac fototo ke mahno se, ac paho fokoko se. Tuhlihk nuhtum an kuh in srihsrngi petsac sac ke kom riti kahs se “insiac,” “nguhna,” ac “kuh” ke fuhs inge. Kuht ac ahkkahlwemye fuhkah nuh sin Leum lah kuht luhngse El ke insiacsr, nguhnasr, ac kuh lasr kwewa?
Deuteronomy 6:6–15
Nga kuh in sruokyac kah luhn God insiuck.
-
Rit yurin tuhlihk nuhtum an ke kahsruh luhn Leum nuh sin mwet Isarel in fihliac pohloh kahs ke ma suhmuhslah ke acn eltahl kuh in liye lwen nuhkwewa (liye Deuteronomy 6:6–9). Ma se inge kuh in mokle kom ac tuhlihk nuhtum an in nuhnkuh ke kuhtu ohiyac in oruh na pwacye kom in tiac “muhlkuhnlah Leum” (fuhs 12) ac in esam ma El oruh nuh sum.
-
Kom kuh in ahkuhtweyac lah Deuteronomy 6:13, 16 ac 8:3 tuh kahsruh Mwet Lahngo ke sie pacl yohk srihpac in moul Lal. In liye lah fuhkah, tuhkweni riti Matthew 4:1–10. Na kon kuh in akacsruhi nuh selos kutuh pohloh kahs ke ma suhmuhslah ma tuh kahsre kom ke pacl enenuh.
Deuteronomy 18:15–18
Mwet Pahluh luti kuht ke Jisus Kraist.
-
Ke kom riti Deuteronomy 18:18 toeni, kahsruh tuhlihk nuhtum an in etuh lah Mwet Pahluh se oacna Moses ke fuhs se inge pa Jisus Kraist. Sahp kom kuh in suk petsac ke ma Moses el tuh oruh ac ma Jisus Kraist el tuh oruh, ac sang tuhlihk nuhtum an oracltahleni nuh sie (liye Puk In Sroal Ke Wosasuc, nos. 15, 16, 38, 39). Meac mwet pahluh lasr mihsenge luti nuh sesr ke Mwet Lahngo?
Deuteronomy 29:12–13; 30:8–10
Ke srihpen wuhlweacng luhk, Nga ip ke Mwet luhn God.
-
Sramsram ke Deuteronomy 29:12–13 oraclah pacl wo se nuh sum ac tuhlihk nuhtum an in sramsram ke wuhlweacng eltahl fah oruh kuh oraclah tari yurin Pahpah Inkuhsrao. Meac kalmac in ekihn mwet luhn God? Olwelah lasr uh oruh fuhkah kuht in mwet luhn God?(liye fuhs 13; liye pac Mosiah 18:8–10).
-
Fin tuhlihk nuhtum an enenu kahsruh in etuh lah meac se wuhlweacng uh, nuhnkeack eltahl in sokwack kalmac ke “Wuhlweacng” ke mwe Kol nuhke Ma Suhmuhslah (Gospel Library). Olwelah fuhkah God ac mwet Israel tuh oraclah yurin sie sin sie ke Deuteronomy 30:8–10? Olwelah fuhkah kuht tuh oraclah yurin God? (liye Doctrine and Covenants 20:37, 77). Olwelah inge kuhpahsri kuht nuh yohrohl fihkah? Motko in tuhkweni yuck soko on ke wuhlweacng, oacna “Standing on the Promises” (Gospel Library).
For more, see this month’s issue of the Kawuck mackuhsin.