Oekyuck 11–14; 20–24; 27

Ke Oekyuck 11:11–17, 24–29, akihlen ma upac se sikyak nuh sel Moses ac mwe kahsruh se God El sruhkwack. Meac kom nuhkuh ke kalmen fahk se lal Moses el fahk muh el finsrak “mwet nuhkwewa luhn Leum in mwet pahluh”? (verse 29). Ke kom motko ke kihsen siyuck se inge, suk top ma fal ke pweng lal Prestuhn Russell M. Nelson “Revelation for the Church, Revelation for Our Lives” (Liahona, Mei 2018, 93–96).

Fahk muh kuht nuhkwewa kuh in eis fwackyuck, tuhsruhktuh, tiac kalmac pa kuht nuhkwewa kuh in kohllah mwet luhn God ke ohiyac ma Moses el tuh oruh ah. Ma sikyak ke Oekyuck 12 oraclah kahlwem. Mwe mwe sensenkackihn kom liye ke sapta se inge? Meac kom puhla Leum el kena kom in kahlwem ke fwackyuck lom sifacna ac fahsr tukihn mwet pahluh Lal?

Liye pac 1 Nephi 10:17; Doctrine and Covenants 28:1–7; Dallin H. Oaks, “Two Lines of Communication,” Liahona, Nov. 2010, 83–86.

Puhs mwet lut kac lah Moses, mwet kol fokoko suc tu ye muhtahl Pharoah ac oruh ma usrnhuck ke kuh luhn Leum, oacyacpac tuh “arulacna puhsisacl” (Oekyuck 12:3). Meac kalmeyac in puhsisacl? Motko in luti ke ahkuhtweyac lal Elder David A. Bednar ke “Meek and Lowly of Heart” (Liahona, May 2018, 30–33) kuh “Meek, Meekness” in Guide to the Scriptures (Gospel Library).

Meac kom lotwelah ke mwe srihkasrak lal Moses ke inse puhsisacl ke Exodus 18:13–25; Oekyuck 11:26–29; Oekyuck 12; Hebrews 11:24–27; and Moses 1:10–11? Kom kuh pac in motko lah fuhkah Mwet Lahngo el ahkkahlwemye inse puhsisacl (liye Matthew 11:29; 27:11–14; Luke 22:41–42; John 13:4–5). Meac mwe srihkasrak inge luti nuh sum?

Ke kom riti Oekyuck 13–14, srihke in fihlikowi ke acn luhn Mwet Israel ah. Efuh kom nuhnkuh muh eltahl ke “fohlohklac nuh Egypt”? (Oekyuck 14:3). Kom ac ahkuhtweyac fuhkah “nguhn” se sahyac ma oasr sel Caleb ah? Oekyuck 14:24). Meac kom puhla ke luhlahlfongi lal Caleb ac Joshua, ac kom ac orekmakihn fuhkah srihkasrak laltahl nuhke ohiyac ma kom puhlakihn?

Mwet pahluh ke puk luhn Mormon etuh ke sramsram soko konweyuckyak ke Numbers 21:4–9 ac kahlwem ke ma yohk srihpac luhn nguhn. Riti ke mwe luti laltahl ke sramsram soko inge ke 1 Nephi 17:40–41; Alma 33:18–22; and Helaman 8:13–15. Pa inge kutuh kihsen siyuck kom kuh in motko ke kom oruh.

• Meac sihrpen prahs soko ah kuh in ahol?

• Meac wet ngalngucl soko ah ahol?

• Mwet Israel tuh enenuh in “[ngetack] nuhke sihrpen prahs soko ah” (Oekyuck 21:9) in kwelac. Efuh kom nuhnkuh tuh kuhtuh mwet ah sruhnga ngetack? Kuh oasr kain se inge sikyak nuh sum?

• Meac kom puhla muh mokle kom in oaru in “ngetack nuh sin Wen nuhtin God ke luhlahlfongi” ac kwelac? Helaman 8:15).

Riti pohloh kahs inge kuh in ahkacsmakihnye kom ke kuhtuh pacl ke ma suhmuhslah ke mwet uh enenuh in muhta na in Kraist. In mwe srihkasrak, kapsruh pweng ke Oekyuck 21:4–9 with Mattu 14:25–31 ac 1 Nephi 8:24–28 (liye pac petsac ke ma tahklac ke sahflahiyacn wik inge). Meac kuh in uskuhtlac liki Kraist? El ahkinsewowoye fuhkah mwet ma muhta na in El?

Liye pac “Jesus, the Very Thought of Thee” (Hymns, no. 141).

Ke Balak, tohkohsrah luhn Moab, etwacack lah Mwet Israel ah apkuhran me, el pahnglol Balaam, sie mwet etweyuck ke sang mwe insewowo ac selngawi. Balak el kena elan selngawi Mwet Israel ah. Akihlen lah fuhkah Balak el srihke in pahtkol Balaam (liye Oekyuck 22:5–7, 15–17), ac nuhnkuh ke mwe sruhf ma kom sahp puhla in sang lain ma luhngse luhn God. Meac kom nuhnkuh ke top lal Balaam ke Oekyuck 22:18, 38; 23:8, 12, 26; 24:13? Koluk ohiyac, Balaam el fuhlweack ke sahflaiyac ke srihpen wakreyuck el ac tuhkahkuhnwack Mwet Israel (liye Oekyuck 31:16; Jud 1:11). Motko lah kom ac srackna ahkostwen nuh sin Leum fuhkah ke oasr ma tuhkuh in fungulkom uh.

• Siyuck sin tuhlihk nuhtum an lah eltahl esam ke mwenmwen ma Leum El tuh oruh in kahsruh Mwet Isarel ah (liye “The Plagues of Egypt” and “The Passover” ke Old Testament Stories, 67–74). Na kom kuh in ahkfototoyelah nuh seltahl Oekyuck 11:4–10, ahkuhtweyac lah Mwet Israel ah muhlkuhnlah mwe insewowo laltahl ah ac tuh tohrkahskahs. Mwe insewowo fuhkah kuht muhlkuhnlah kuhtuh pacl uh?

• Ke kom yuck kuh lohng soko on ke kaksak, oacna ke “Count Your Blessings” (Hymns, no. 241), tuhlihk nuhtum an kuh in srolaclah petsac ke mwe insewowo ma Leum El sang nuh seltahl.

• In ahkuhtweyac Oekyuck 12, kom kuh in fahk nuh sin tuhlihk nuhtum an lah Leum El tuh tiacna engan sel Aaron ac Miriam, tamuhlwel ac tahmtahel wiacl Moses. Ngihsre eltahl in riti Oekyuck 12:1–8 in konwacack lah efuh. Motko in orekmakihn Gospel Art Book in kahsruh tuhlihk nuhtum an sokwack srihkasrak luhn mwet lihn ma suhmuhslah ma ahkfuhlwactye mwet pahluh luhn Leum ac tuh ahkinsewowoyeyuck. Kuht ahkinsewowoyeyuck fuhkah ke kuht fahsr tukihn mwet pahluh luhn God?

• Kom kuh in orekmakihn “Moses and the Brass Serpent” ke Sramsram ke Wuhlweacng Mahtuh, 83–84, in kahsruh tuhlihk nuhtum an in lotwelah ke ma sikyak ke Oekyuck 21:6–9. Sihrpen prahs el oacna Jisus Kraist fuhkah? (liye John 3:14–15). Tuhlihk nuhtum an sahp ac luhngse oraclah soko sihrpen ah ke pwepuh ac suhmuhslah kuhtuh ma fihsracsr eltahl kuh in oruh in “Nget nuh sin Wen nuhtin God ke luhlahlfongi” (Helaman 8:15).

  

  1:2

• Tuhlihk mahtuh kuh in sulaclah sie sin ma suhmuhslah inge ac akacsruhi ma weacng ma eltahl etuh ke sramsram soko ah: 1 Nephi 17:41; Alma 33:18–20; Helaman 8:13–15; Doctrine and Covenants 6:36.

• Ahkfototoyelah Oekyuck 22:1–18 nuh sin tuhlihk nuhtum an, ahkuhtweyac lah fuhkah Balaam el sruhnga selngawi God luhn mwet ah, finne Balak, tohkohsrah luhn Moab, sang nuh sel wal ac kahsruhp. Na kom kuh in kahsruh tuhlihk nuhtum an in sokwack fuhs nuhke pohloh kahs ma eltahl puhla muh ahkkahlwemye lah Balaam el luhngse fahsr tukihn God: Oekyuck 22:18; 23:26; 24:13. Sahp tuhlihk nuhtum an kuh in sulaclah pohloh kahs eltahl luhngse ac suhmuhslah ke kart se in kahsreltahl esam in ahkos Leum.