“Mei 18–24. ‘Sanap Strong na Yu Noken Pret, na Yu Noken Surik: Josua 1–8; 23–24,” Kam, Bihainim Mi—Bilong Haus na Sios: Olpela Testamen 2026 (2026)
“Mei 18–24. ‘Sanap Strong na Yu Noken Pret, na Yu Noken Surik,’” Kam, Bihainim Mi: Olpela Testamen 2026
Moses Ordaining Joshua, Darnell Thomas i mekim (detail)
Mei 18–24: “Sanap Strong na Yu Noken Pret, na Yu Noken Surik”
Josua 1–8; 23–24
Bihain long planti lain pikinini bilong Israel i kamap, na promis bilong Bikpela i laik kamap tru: ol lain bilong Israel bai kisim graun God promis long givim ol. Tasol Wara Jordan, banis bilong taun Jeriko, na ol strongpela lain husat i givim baksait long Bikpela, i pasim rot bilong ol (lukim 1 Nifai 17:35). Na ol bai go insait long olgeta dispela taim Moses i no stap moa na go pas long ol. Ating dispela i mekim sampela bilong ol Israel i pilim olsem ol nogat strong na ol i pret, tasol Bikpela i tok, “[Yupela] mas sanap strong na [yupela] i noken pret, na [yupela] i noken surik long wanpela samting.” Wanem as bilong ol i noken pret? I no long strong bilong ol yet—o bilong Moses o Josua—tasol “God, Bikpela bilong [yupela], bai mi go wantaim [yupela] long olgeta hap” (Josua 1:9). Taim i gat sampela wara yumi mas brukim long en, o banis yumi laik rausim kam daun, ol gutpela samting bai kamap long laip bilong yumi, long wanem, “Bikpela bai i mekim ol bikpela mirakel namel long [yumi]” (Josua 3:5).
Long lukim wanem ol samting stap insait long buk bilong Josua, lukim “Joshua, book of” insait long Bible Dictionary.
Ol Sampela Tingting bilong Lainim long Haus na long Sios
Joshua 1:1–9
God bai stap wantaim mi taim mi bilip na bihainim Em moa.
Tingim Josua bai pilim olsem wanem taim ol makim em long kisim ples bilong Moses. Lukim wanem samting Bikpela i tok long Josua 1:1–9 long strongim Josua. Tingim ol bikpela hevi i kamap long yu; wanem samting insait long ol dispela ves i strongim yu?
As bilong dispela nem Josua (Long tokples bilong ol Hibru ol i tok Yehoshua o Yeshua) em “Jiova i save kisim bek.” Na dispela nem Jisas i kam long Yeshua. Olsem na taim yu ritim stori bilong Josua, lukim wok em mekim long go pas long ol Israel, long kisim ol Israel go hapsait long Wara Jordan na go insait long graun God promis long givim ol. Wok bilong em i wankain long wok Krais mekim bilong yumi olsem wanem?
Josua 1:8
Tok bilong God ken givim mi planti samting taim mi wokabaut.
Taim God strongim Josua, Em givim tok stia long Josua 1:8 long tok bilong Em, o “tok i stap long lo.” Tingim bikpela wok bilong Josua, na skelim wanem as na dispela tok stia i helpim em tru?
Taim Bikpela i askim yumi long ritim tok bilong Em, Em i save tok sampela tok we i abrusim wok bilong ritim yumi mekim long en. Em i promis tu long givim ol bikpela blesing. Dispela list aninit i ken helpim yu painim wanem God i askim yu long mekim, na ol blesing Em promis long givim:
|
God askim mi long mekim wanem? |
Em promis long givim wanem kain blesing? | |
|---|---|---|
|
Josua 1:8 | God askim mi long mekim wanem? Beten long de na nait | Em promis long givim wanem kain blesing?
|
God askim mi long mekim wanem?
| Em promis long givim wanem kain blesing?
| |
God askim mi long mekim wanem?
| Em promis long givim wanem kain blesing?
| |
God askim mi long mekim wanem?
| Em promis long givim wanem kain blesing? Kisim biknem na planti samting long dispela graun | |
God askim mi long mekim wanem?
| Em promis long givim wanem kain blesing?
| |
|
Doktrin na ol Kavanen 84:85 | God askim mi long mekim wanem?
| Em promis long givim wanem kain blesing?
|
|
Russell M. Nelson, “Hear Him,” Liahona, Mei 2020, laspela ol toktok long pes 89 | God askim mi long mekim wanem?
| Em promis long givim wanem kain blesing?
|
Bikpela i inapim ol dispela promis long laip bilong yu olsem wanem? Nau em gutpela taim bilong yu skelim pasin yu save mekim long ritim na lainim tok bilong God. Wanem ol samting i go gut? Bel bilong yu i kirap long mekim wanem samting long save gut long as bilong ol samting insait long tok bilong God?
Lukim tu “As I Search the Holy ScripturesHymnsno. 277.
Josua 2
Long God kisim bek yu, yu mas bilip na mekim ol gutpela pasin.
Ol Kristen long taim bilong Nupela Testamen i lukim olsem Rahap i soim strong bilong bilip na gutpela pasin (lukim Hibru 11:31; Jems 2:25). Taim yu ritim Josua 2, tingim wok bilong bilip na gutpela pasin bilong Rahap, long stap gut bilong em, famili bilong em, na ol Israel husat i go lukstil long Kenan. Dispela i skulim yu wanem, long wanem rot bilip bilong yu long Krais i ken senisim yu yet na ol narapela?
Rahap i stap long windua. Waiting for the Promise, Elspeth Young i mekim (detail)
Josua 3–4
Taim mi bilip long Jisas Krais, mi ken lukim ol “mirakel” bilong God.
Bikpela i mekim ol mirakel namel long ol manmeri taim Em kisim ol go long graun Em promis long givim ol, na Em ken mekim wankain long yu. Hia em ol sampela askim bilong stiaim yu taim yu ritim Josua 3–4.
-
Yu ting bilong wanem na ol Israel i stretim ol yet na kamap klin long ai bilong God bipo long ol brukim Wara Jordan go long hapsait? (lukim Josua 3:5).
-
Wara i bruk long namel bihain long “ol pris … i putim lek go daun long wara” (Josua 3:13, 15). Bilong wanem na dispela em bikpela samting?
-
Sampela bikpela samting tu i kamap long Wara Jordan—lukim 2 Kings 2:6–15; 5:1–14; na Mak 1:9–11. Wanem samting i wankain insait long ol dispela samting i kamap?
-
Bikpela i mekim ol “mirakel” insait long laip bilong yu olsem wanem? (Josua 3:5). Yu bai lukim—o luksave—long ol dispela mirakel moa yet olsem wanem? (kain olsem long Josua 3:17).
Josua 6–8
Mi bai bringim strong bilong God long laip bilong mi sapos mi harim na bihainim tok bilong Em.
Josua 6–8 i stori long pait bilong ol Israel long kisim graun long Jeriko na Ai. Taim yu ritim ol dispela sapta, skelim wanem rot yu save pait long abrusim ol traim (kain olsem long Josua 7:10–13). Yu lainim wanem samting, long wanem rot God i ken helpim yu, na yu mas mekim wanem long kisim strong bilong Em? Kain olsem, wanem samting insait long toktok bilong God long ol Israel long kisim Jeriko i givim tingting long yu? (lukim Josua 6:1–5). Ating stori long Josua 7 bai mekim yu bel kirap long skelim sapos i gat sampela “samting [God] i tambuim” insait long laip bilong yu we yu mas rausim klia (Josua 7:13).
Joshua 23–24
“Yupela i tingting gut nau. Bai yupela i lotu long husat?”
Josua i givim ol tok lukaut, tok stia, na ol blesing God promis long givim insait long laspela tok skul bilong em go long ol Israel, long Josua 23–24. Ating yu ken mekim wanpela lista bilong ol samting yu painim. Tingim olgeta samting i kamap long ol Israel, yu ting bilong wanem na Josua i toktok long ol dispela samting long taim klostu laip bilong em pinis? Wanem samting yu painim i mekim yu bel kirap long “pas gut wantaim Bikpela”? (Josua 23:8).
Lukim tu Dale G. Renlund, “Choose You This Day,” Liahona, Nov. 2018, 104–6.
Ol Sampela Tingting bilong Lainim ol Pikinini
Josua 1–4; 6
“Sanap strong na yu noken pret, na yu noken surik.”
-
Hia em wanpela rot bilong helpim ol pikinini bilong yu “sanap strong na noken pret, na noken surik.” (Josua 1:6) wantaim strong bilong Jisas Krais.: Askim ol long painim wanpela hap tok we i kamap planti taim long Josua 1:6, 9, na 18, na raitim go daun o tingim. Helpim ol pikinini bilong yu tingim sampela taim we dispela tok bai helpim ol, kain olsem Josua. Yupela ken ritim gen sampela ol stori long Josua 1–4; 6 (lukim tu “Joshua the Prophet” and “Rahab and the Spies” in Old Testament Stories, 85–91). Ol dispela manmeri insait long ol dispela stori i soim olsem ol i no pret na strong bilong ol insait long Bikpela olsem wanem?
2:59Joshua the Prophet
1:39Rahab and the Spies
Josua 1:8
Bikpela bai blesim mi taim mi ritim tok bilong Em.
-
Taim yupela ritim Josua 1:8, dispela i ken kirapim bel bilong ol pikinini bilong yu long ritim tok bilong God ol yet. Helpim ol painim ol sampela tok insait long dispela ves we i skulim ol olsem wanem na bilong wanem yumi mas ritim tok bilong God. Ol i ken painim ol wankain toktok insait long 1 Nifai 15:23–24; 2 Nifai 31:20; 32:3; Jekop 4:6; Hilaman 3:29–30. Yu ken helpim ol mekim na bihainim wanpela plen bilong ritim tok bilong God.
Josua 3–4
Mi mas kisim baptais long go insait long kingdom bilong heven.
-
Ating yu ken yusim stori bilong ol Israel brukim Wara Jordan go long hapsait, olsem dispela i makim yumi kisim baptais—yumi givim baksait long olpela bel na pasin long ples i drai na statim nupela taim yumi mekim kontrak wantaim God na stap wantaim Em. Olsem na taim yupela ritim wantaim Josua 3–4 (o “Joshua the Prophet” insait long Old Testament Stories, 85–89), yupela ken lukim piksa bilong Jisas i kisim baptais long Wara Jordan, na tok klia olsem Jisas i kisim baptais long dispela wara ol Israel bin brukim go long hapsait. Yu ken singim tu wanpela song olsem “Baptism“ (Children’s Songbook, 100–101). Toktok namel long yupela olsem taim yupela kisim baptais, em i olsem yupela statim nupela laip insait long kingdom bilong Jisas Krais.
2:59Joshua the Prophet
Joshua 24:15
Mi ken bihainim na mekim wok bilong Jisas Krais.
-
Yu bai mekim wanem long helpim ol pikinini bilong yu lainim long bihainim Jisas Krais, olsem Josua i askim ol Israel long mekim? Yu ken askim ol long:
-
Tingim wanpela liklik hap tok long Josua 24:15. Mekim olsem yupela i pilai. Krismas bilong ol bai skelim amaspela tok ol i ken tingim.
-
Painim ol stori bilong ol manmeri husat i bihainim Krais na mekim wok bilong Em. Ol ken painim insait long Friendpiksa buk, Gospel Art Book, o Old Testament Stories na sampela piksa buk bilong tok bilong God.
-
Mekim ol drama bilong ol i laik long bihainim na mekim wok bilong Jisas Krais.
-
Mekim planti ol pilai. “Olgeta pikinini i no wankain, na taim ol i grow, samting ol i laikim bai senis. Skulim ol long kainkain rot, bilong ol bai save gut” (Teaching in the Savior’s Way, 31).
Long kisim sampela moa tingting, lukim Friend piksa buk bilong dispela mun.