“Mei 11–17. ‘Yupela Lukaut Gut Bai Yupela i No Lusim Tingting long Bikpela’: Lo 6–8; 15; 18; 29–30; 34,” Kam, Bihainim Mi—Bilong Haus na Sios: Olpela Testamen 2026 (2026)
“Mei 11–17. ‘Yupela Lukaut Gut Bai Yupela i No Lusim Tingting long Bikpela,’” Kam, Bihainim Mi: Olpela Testamen 2026
Moses on Mount Nebo, John Steel i mekim, © Providence Collection/laisens kam long goodsalt.com
Mei 11–17: “Yupela Lukaut Gut Bai Yupela i No Lusim Tingting long Bikpela”
Lo 6–8; 15; 18; 29–30; 34
Wok bilong Moses antap long dispela graun i stat antap long wanpela maunten, taim God toktok long em long wanpela diwai paia lait long en (lukim Kisim Bek 3:1–10). Na wok bilong em i pinis tu antap long wanpela maunten, bihain long 40-pela yia, taim God soim em graun God i promis long givim ol Israel, antap long maunten Nebo (lukim Lo 34:1–4). Olgeta taim long laip bilong Moses, em i redim ol pikinini bilong Israel long go insait long graun God i promis long givim ol. Buk bilong Lo i toktok long ol toktok, ol toktok bilong tingting, ol toktok bilong strongim, na ol strongpela toktok long ol Israel Moses i givim. Taim yu ritim ol tok bilong Moses, em bai mekim yumi klia moa long trupela as bilong wok Moses i mekim—em wok bilong redim ol manmeri. Dispela wok em i no bilong lainim rot bilong stap laip long ples i drai, bilong winim ol birua, o kirapim wanpela kantri. Dispela wok em bilong lainim long laikim tru God, harim na bihainim Em, na pas olgeta taim wantaim Em. Dispela tasol em wok redi yumi mas mekim long go insait long dispela graun God promis long givim yumi, em dispela hap bilong stap gut oltaim oltaim. Olsem na Moses i no putim lek long dispela “graun i gat planti gris na ol kaikai i save kamap gutpela tumas,” (Kisim Bek 3:8) tasol em i gat bikpela bilip tru. Long dispela as, em i go insait long ples God redim bilong husat ol i bihainim Em.
Long lukim ol liklik toktok bilong olgeta samting insait long buk bilong Lo, lukim “Deutoronomy” insait long Bible Dictionary.
Ol Sampela Tingting bilong Lainim long Haus na long Sios
Lo 6:4–7; 8:2–5, 11–17; 29:18–20; 30:6–10, 14–20
“Yupela i mas laikim tumas God, tru long bel bilong yupela.”
Lo bilong Moses i toktok tu long ol sampela wok bilong lotu, we em i kamap long bodi. Tasol taim yu ritim tokskul bilong Moses insait long buk bilong Lo, Bikpela i tok strong long spirit bilong ol manmeri bilong Em tu—spirit bilong ol i stap stret o nogat.
Insait long ol dispela ves i stap aninit, painim dispela tok bel, na tingting long dispela tok i makim wanem samting tru. Ol dispela ves i ken stap bilong skelim bel bilong yu. Yu bai skelim yu yet olsem wanem? Wanem samting bai yu mekim long stretim gut bel bilong yu? Raitim go daun ol sampela tingting yu gat long en:
-
Lo 6:4–7:
-
Lo 8:2–5:
-
Lo 8:11–17:
-
Lo 29:18–20:
-
Lo 30:6–10:
-
Lo 30:14–20:
Wanpela rot bilong raitim ol tingting bilong yu, yu ken droim wanpela lewa na raitim insait long en ol samting Bikpela i tok i mas stap long bel bilong yu. Long autsait, raitim ol samting yumi noken kisim go insait long bel bilong yu.
Yu bai soim Bikpela olsem yu laikim em wantaim bel bilong yu olsem wanem? Long kisim sampela moa tingting, lukim “Love God, love your neighbor” insait long For the Strength of Youth: A Guide for Making Choices, 10–12.
Lukim tu M. Russell Ballard, “Lovest Thou Me More Than These?,” Liahona, Nov. 2021, 51–53.
Painim ol gutpela tingting bilong helpim sol bilong yu. Kam, Bihainim Mi i gat ol ves na ol as toktok long luksave insait long tok bilong God, tasol yu noken ritim ol dispela samting tasol. Taim yu ritim buk bilong Lo, ating yu bai painim sampela as toktok i no stap insait long hia. Larim Holi Spirit i stiaim yu go long wanem samting yu mas lainim long en.
Lo 6: 4–12, 20–25
“Yupela lukaut gut bai yupela i no lusim tingting long Bikpela.”
Planti bilong ol Israel husat bai go insait long graun God promis long givim ol, i no bin lukim ol hevi kamap long kantri Isip, o ol i no brukim Ret Si. Moses i save olsem ol—na husat ol kamap bihain—i mas tingim ol mirakel na lo bilong God long ol bai stap olsem ol manmeri bilong God.
Wanem ol tok stia yu painim insait long Lo 6:4–12, 20–25 bai helpim yu tingim ol bikpela samting God i mekim long yu? Bel bilong yu i kirap long mekim wanem, bai yu “tingim” tok bilong God wan wan de? (ves 6).
Yu ken ritim tu tok bilong Brata Jan E. Newman “Preserving the Voice of the Covenant People in the Rising Generation” (Liahona, Nov. 2023, 36–38) na skelim wanem rot bai yu soim bilip bilong yu long Krais i go long ol lain i kamap bihain, bai ol i ken bihainim.
Lukim tu Lo 11:18–21; Dale G. Renlund, “Consider the Goodness and Greatness of God,” Liahona, Mei 2020, 41–44; Bible Dictionary, “Frontlets or phylacteries.”
Lo 15:1–15
Sapos yu laik helpim ol narapela, bel na han bilong yu mas laik long givim.
Yumi i no kamap yet long dispela de we “nogat wanpela man, bai i sot long ol samting” Lo 15:4, olsem na ol as toktok bilong helpim ol narapela insait long Lo 15 em i bikpela tru, wankain long taim ol samting i senis. Lukim wanem samting ves 1–15 i skulim yumi long wanem as yumi mas helpim ol manmeri i sot na pasin bilong yumi i mas stap olsem wanem long mekim dispela wok.
Wanem as bilong yumi “givim, ol samting” long ol man i sot? (ves 8, 11). Yu lainim wanem samting long pasin Bikpela i mekim long helpim ol manmeri i sot long en? (lukim ves 15).
Lukim tu “Have I Done Any Good?,” Hymns, no. 223.
Lo 18:15–19
Moses i “olsem” Jisas Krais.
Pita, Nifai, Moronai, na Jisas Krais yet, olgeta i mekim sampela toktok long tok profet i stap long Lo 18:15–19 (lukim Aposel 3:20–23; 1 Nifai 22:20–21; Joseph Smith—History 1:40; 3 Nifai 20:23). Yu lainim wanem samting long Jisas Krais insait long ol dispela ves? Tingting long wanem yu ritim, long Moses, long ol wik pastaim inap nau. Moses i “olsem” Jisas Krais olsem wanem?
Jisas Krais i tokim ol manmeri bilong Em long Amerika long bipo olsem, “Mi dispela man tasol, husat profet Moses i bin toktok long en” (3 Nifai 20:23).
Lo 29:9; 30:15–20
Bikpela i askim mi long makim na bihainim gutpela pasin o pasin nogut.
Ating yu ken skelim ol tok bilong Moses long Lo 29:9; 30:15–20 wantaim sampela ol laspela tok skul bilong Lihai long famili bilong em long 2 Nifai 2:26–29; 4:4. Lihai i tok klia moa long tok skul bilong Moses olsem wanem? Yu painim wanem long ol dispela ves we i mekim yu bel kirap long “bihainim rot bilong i stap gut”? (Lo 30:19).
Ol Sampela Tingting bilong Lainim ol Pikinini
Lo 6:5
Mi ken laikim God wantaim bel bilong mi.
-
Long helpim ol pikinini bilong yu save gut long Lo 6:5, yu ken droim wanpela lewa, bodi bilong man, na wanpela strongpela han. Ol pikinini bilong yu ken poinim ol dispela piksa taim yu ritim ol dispela tok “bel,” “tingting,” na “strong” insait long dispela ves. Yumi bai soim Bikpela olsem yumi laikim Em wantaim bel, tingting, na strong olsem wanem?
Lo 6:6–15
Mi ken putim tok bilong God long bel bilong mi.
-
Ritim wantaim ol pikinini bilong yu tok stia bilong Bikpela go long ol Israel long putim ol ves bilong tok bilong God long wanpela hap ol i ken lukim olgeta de (lukim Lo 6:6–9). Dispela i ken mekim bel bilong yu na ol pikinini bilong yu kirap long tingim ol rot bilong yupela noken “lusim tingting long Bikpela” (ves 12) na long tingim olgeta samting Em mekim bilong yu.
-
Yu ken soim olsem Lo 6:13, 16 na 8:3 i bin helpim Jisas Krais long wanpela bikpela taim long laip bilong Em. Long lukim dispela i kamap olsem wanem, ritim wantaim Matyu 4:1–10. Bihain, yupela ken toktok namel long yupela ol ves i helpim yupela taim yupela i sot.
Lo 18:15–18
Ol profet i save skulim yumi long Jisas Krais.
-
Taim yupela ritim Lo 18:18 wantaim, helpim ol pikinini bilong yu olsem dispela Profet olsem Moses insait long dispela ves em Jisas Krais. Ating yupela ken lukim ol piksa bilong wanem samting Moses i mekim, na ol samting Jisas Krais i mekim, na larim ol pikinini bilong yu i soim olsem dispela i wankain (lukim Gospel Art Book, nos. 15, 16, 38, 39). Profet bilong yumi nau i skulim yumi wanem samting long Jisas Krais?
Lo 29:12–13; 30:8–10
Mi wanpela bilong ol manmeri bilong God, long wanem, mi mekim ol kontrak wantaim Em.
-
Taim yupela toktok long Lo 29:12–13 yu wantaim ol pikinini bilong yu ken toktok long ol kontrak ol i bai mekim, o ol i mekim pinis wantaim Papa long Heven. Wanem as bilong stap olsem ol manmeri bilong God? Ol promis bilong yumi i mekim yumi kamap manmeri bilong God olsem wanem? (lukim ves 13; lukim tu Mosaia 18:8–10).
-
Sapos ol pikinini laikim yu long tok klia moa long wanem em kontrak, yu ken tokim ol painim as bilong dispela tok “Covenant” insait long Guide to the Scriptures (Gospel Library). God wantaim ol Israel i mekim wanem ol promis wantaim ol yet, long Lo 30:8–10? Yumi mekim wanem ol promis wantaim God? (lukim Doktrin na ol Kavaven 20:37, 77). Ol dispela promis i bungim yumi wantaim Em olsem wanem? Yupela ken singim wanpela song i toktok long ol kontrak, kain olsem “Standing on the Promises” (Gospel Library).
Long kisim sampela moa tingting, lukim Friend piksa buk bilong dispela mun.