Yoshua 1–8; 23–24

Fikiria jinsi ambavyo ingalikuwa kwa Yoshua kuitwa kuwa mbadala wa Musa. Angalia nini Bwana alichosema katika Yoshua 1:1–9 ili kumpa moyo. Fikiria kuhusu changamoto ngumu unazokabiliana nazo; kuna nini katika mistari hii kinachokupatia ujasiri?

Jina Yoshua (Yehoshua au Yeshua kwa Kiebrania) humaanisha “Yehova anaokoa.” Na jina Yesu linatoka katika neno Yeshua. Kwa hiyo unaposoma kuhusu Yoshua, fikiria wajibu wake katika kuwaongoza wana wa Israeli kuvuka Mto Yordani na kuingia nchi ya ahadi. Ni kwa jinsi gani misheni yake ilikuwa sawa na kile Kristo anachofanya kwa ajili yetu?

Alivyomtia moyo Yoshua, Bwana alitoa ushauri katika Yoshua 1:8 kuhusu maandiko, au “neno la sheria.” Ukizingatia majukumu mazito ya Yoshua, kwa nini ushauri huu ungeweza kuwa hususani wenye msaada?

Wakati Bwana anapotualika tusome maandiko, mara nyingi Yeye hutumia maneno ambayo huenda zaidi ya kusoma tu. Yeye pia anaahidi baraka kubwa. Jedwali hapa chini linaweza kukusaidia kugundua mialiko hii na baraka zilizoahidiwa:

Ni kwa jinsi gani Bwana ametimiza ahadi hizi katika maisha yako? Sasa unaweza kuwa wakati mzuri wa kutathmini tabia zako za kujifunza maandiko. Nini kinaendelea vizuri?” Je, unahisi kutiwa msukumo kufanya nini ili kuwa na uzoefu wa maana zaidi wa neno la Mungu?

Ona pia:“Ninapopekua Maandiko Matakatifu,” Nyimbo za Dini, na. 159.

Wakristo wa Agano Jipya walimwona Rahabu kama mfano wa nguvu ya vyote viwili imani na matendo (ona Waebrania 11:31; Yakobo 2:25). Unaposoma Yoshua 2, fikiria wajibu wa imani ya Rahabu na matendo katika kujiokoa mwenyewe, familia yake, na wapelelezi wa Kiisraeli. Hili linakufundisha nini wewe kuhusu jinsi imani yako katika Kristo na matendo yako vinavyoweza kukushawishi wewe na wengine?

Bwana alifanya maajabu miongoni mwa watu Wake alipowaongoza hadi kwenye nchi ya ahadi, na Yeye anaweza kufanya vivyo hivyo kwako. Haya ni baadhi ya maswali ya kukuongoza katika kujifunza kwako juu ya Yoshua 3–4:

• Kwa nini unafikiri Waisraeli walihitaji kujitakasa wenyewe kabla ya kuvuka Mto Yordani? (ona Yoshua 3:5)

• Kumbuka kwamba mto uligawanyika tu baada ya “nyayo za makuhani … zitakaposimama katika maji ya ukingoni” (Yoshua 3:13, 15). Je, kwa nini, hiyo ilikuwa yenye umuhimu?

• Matukio mengine kadhaa muhimu yalitokea katika Mto Yordani—ona 2 Wafalme 2:6–15; 5:1–14; na Marko 1:9–11. Miunganiko gani unayoiona kati ya matukio haya?

• Ni kwa jinsi gani Bwana ametenda “maajabu” maishani mwako? (Yoshua 3:5). Unawezaje kupata uzoefu—au kutambua—maajabu hayo mara kwa mara? (kwa mfano, ona Yoshua 3:17).

Yoshia 6–8 inahusika na vita juu ya nchi ya Yeriko na Ai. Unapozisoma, sura hizi, fikiria jinsi unavyopambana na majaribu (kwa mfano, ona Yoshua 7:10–13). Unajifunza nini kuhusu jinsi Mungu anavyoweza kukusaidia na nini unahitaji kufanya ili kuzifikia nguvu Zake? Kwa mfano, ni nini kinakuvutia kuhusu maelekezo ya Bwana kwa ajili ya kuitwaa Yeriko? (ona Yoshua 6:1–5). Labda maelezo katika Yoshua 7 yatakushawishi wewe kuamua ikiwa “kuna kitu kilicholaaniwa” katika maisha yako unachohitaji kuondoa (Yoshua 7:13).

Mafundisho ya mwisho ya Yoshua kwa Waisraeli katika Yoshua 23–24 yanajumuisha maonyo muhimu, ushauri, na baraka zilizoahidiwa. Pengine ungeweza kutengeneza orodha ya kile unachokipata. Kwa kuzingatia kila kitu ambacho Waisraeli walikuwa wamepitia, kwa nini unafikiri Yoshua aliamua kuwaambia mambo haya wakati wa siku za mwisho za uhai wake? Unapata nini ambacho kinakutia msukumo wa “kuambatana na Bwana” (Yoshua 23:8).

Ona pia Dale G. Renlund, “Chagueni Hivi Leo,” Liahona, Nov. 2018, 104–6.

• Hapa kuna njia moja ya kuwasaidia watoto wako “kuwa hodari na moyo wa ushujaa” (Yoshua 1:6) kupitia Yesu Kristo. Waalike watafute kirai ambacho kimerudiwa katika Yoshua 1:6, 9, na 18, na kukiandika au kukikariri. Wasaidie watoto wafikirie hali ambazo wanaweza kuhitaji ujumbe huu, kama vile Yoshua alivyofanya. Mngeweza pia kurejelea pamoja baadhi ya hadithi katika Yoshua 1–4; 6 (ona pia “Yoshua Nabii” na “Rahabu na Wapelelezi” katika Hadithi za Agano la Kale, 85–91). Ni kwa jinsi gani watu katika hadithi hizi wanaonyesha ushujaa na nguvu katika Bwana?

  

  2:59

  

  1:39

• Kusoma Yoshua 1:8 kungeweza kuwapa msukumo watoto wako wa kusoma maandiko wao wenyewe. Wasaidie watafute maneno katika mstari huu ambayo yanawafundisha jinsi gani na kwa nini tunapaswa kusoma maandiko. Wangeweza kutafuta kitu hicho hicho katika 1 Nefi 15:23–24; 2 Nefi 31:20; 32:3; Yakobo 4:6; Helamani 3:29–30. Ungeweza pia kuwasaidia kutengeneza na kutekeleza mpango wa kusoma maandiko.

• Unaweza kutumia hadithi ya Waisraeli kuvuka Mto Yordani kama ishara ya ubatizo—kuacha maisha yetu ya zamani nyikani na kuanza upya katika uhusiano wa agano na Mungu. Kwa hiyo mnaposoma pamoja Yoshua 3–4 (au “Yoshua Nabii” katika Hadithi za Agano la Kale, 85–89), mngeweza pia kuangalia picha ya Yesu akibatizwa na kuelezea kwamba Yesu alibatizwa katika mto ule ule Waisraeli waliovuka. Kisha mngeweza kuimba wimbo kama vile “Baptism” (Kitabu chaNyimbo za Watoto, 100–101). Shiriki na kila mmoja jinsi kubatizwa ni kama kuanza maisha mapya katika ufalme wa Yesu Kristo.

  

  2:59

• Ungeweza kufanya nini ili kuwasaidia watoto wako wajifunze kuchagua kumfuata Yesu Kristo, kama Yoshua alivyowaalika Waisraeli kufanya? Unaweza kuwaalika ku:

  • Kariri kirai kifupi kutoka kwa Yoshua 24:15. Jaribu kuifanya iwe ya burudani kwa ajili ya watoto wako. Idadi ya maneno wanayokariri yanaweza kutegemea umri wao.

  • Tafuta hadithi kuhusu watu waliochagua kumtumikia Yesu Kristo. Wanaweza kuangalia katika jarida la Rafiki, Kitabu cha Sanaa ya Injili, au Hadithi za Agano la Kale na vitabu vingine vya hadithi za maandiko.

  • Igiza hali ambazo wanaweza kuchagua kumfuata na kumtumikia Mwokozi.