යෝෂුවා 1–8; 23–24

මෝසෙස් වෙනුවට යෝෂුවාව කැඳවීම මොන වගේ දෙයක් වෙන්න ඇද්ද කියා සිතා බලන්න. ඔහුව දිරිමත් කිරීම සඳහා යෝෂුවා 1:1–9 තුළ ස්වාමින්වහන්සේ පැවසූ දේ සැලකිල්ලට ගන්න. ඔබ මුහුණ දෙන දුෂ්කර අභියෝග ගැන සිතන්න; මෙම පදවල ඔබට ධෛර්යය ලබා දෙන්නේ මොනවාද?

යෝෂුවා (හෙබ්‍රෙව් භාෂාවෙන් යෙහෝෂුවා හෝ යෙෂුවා) යන නමේ තේරුම “යෙහෝවාවහන්සේ ගලවයි” යන්නයි. ඒවගේම යේසුස් යන නම පැමිණියේ යෙෂුවා යන නමෙන්. එමනිසා, ඔබ යෝෂුවා ගැන කියවන විට, ඉශ්‍රායෙල් පුත්‍රයන්ව යොර්දාන් ගඟෙන් එතෙර කර පොරොන්දු දේශයට ගෙනයාමේ ඔහුගේ කාර්යභාරය ගැන සලකා බලන්න. ඔහුගේ මෙහෙවර ක්‍රිස්තුස්වහන්සේ අප වෙනුවෙන් කරන දෙයට සමාන වූයේ කෙසේද?

ස්වාමින්වහන්සේ යෝෂුවාව දිරිමත් කරද්දි, උන්වහන්සේ යෝෂුවා 1:8 තුළ ශුද්ධලියවිලි නැතහොත් “ව්‍යවස්ථාවේ වචනය” ගැන උපදෙස් ලබාදුන්නා. යෝෂුවාගේ භාරදූර වගකීම ගැන සලකා බලන විට, මෙම උපදෙස විශේෂයෙන් ප්‍රයෝජනවත් වන්නට ඇත්තේ ඇයි?

ස්වාමින්වහන්සේ අපට ශුද්ධලියවිලි කියවීමට ආරාධනා කරන විට, උන්වහන්සේ බොහෝ විට කියවීමෙන් ඔබ්බට ගිය වචන භාවිතා කරනවා. ඒවගේම උන්වහන්සේ මහත් වූ ආශිර්වාද පොරොන්දු වෙනවා. පහත වගුව ඔබට මෙම ආරාධනා සහ පොරොන්දු වූ ආශිර්වාද සොයා ගැනීමට උදවු වෙයි:

ස්වාමින්වහන්සේ ඔබේ ජීවිතයේ මෙම පොරොන්දු ඉටු කර ඇත්තේ කෙසේද? ඔබගේ ශුද්ධලියවිලි අධ්‍යයන පුරුදු ඇගයීමට මේ වෙලාව හොඳ කාලයක් වෙන්න පුළුවන්. හොඳින් සිදුවන්නේ මොනවාද? දෙවියන්වහන්සේගේ වචනය සමඟ වඩාත් අර්ථවත් අත්දැකීම් ලබාගැනීමට ඔබට පෙළඹවීමක් දැනෙන්නේ කුමක් කිරීමටද?

අලුත් ගිවිසුමේ කිතුනුවන් රාහබ්ව දුටුවේ ඇදහිල්ලේ සහ ක්‍රියාවන් යන දෙකෙහිම බලයේ ආදර්ශයක් ලෙසයි (බලන්න හෙබ්‍රෙව් 11:31; යාකොබ් 2:25). ඔබ යෝෂුවා 2 කියවන විට, රාහබ්ගේ ඇදහිල්ලේ කාර්යභාරය සහ ඇයව, ඇගේ පවුලේ අය සහ ඉශ්‍රායෙල් ඔත්තුකරුවන්ව බේරාගැනීමේ ක්‍රියාවන් ගැන සලකා බලන්න. ක්‍රිස්තුස්වහන්සේ කෙරෙහි ඔබේ ඇදහිල්ල සහ ඔබේ ක්‍රියා ඔබටත් අන් අයටත් බලපෑම් කළ හැකි ආකාරය ගැන මෙය ඔබට උගන්වන්නේ කුමක්ද?

ස්වාමින්වහන්සේ තම සෙනඟව පොරොන්දු දේශයට ගෙන යන විට, ඔවුන් අතර පුදුමයන් කළ අතර ඔබ වෙනුවෙනුත් උන්වහන්සේට එසේ කරන්න පුළුවන්. යෝෂුවා 3–4 පිළිබඳ ඔබේ අධ්‍යයනයට මගපෙන්වීම සඳහා ප්‍රශ්න කිහිපයක් මෙන්න:

• ඔබ සිතන ආකාරයට, ඉශ්‍රායෙල්වරුන් යොර්දාන් ගඟෙන් එතෙර වීමට පෙර තමන්ව විශුද්ධ කළ යුතුව තිබුණේ ඇයි? (බලන්න යෝෂුවා 3:5).

• ගංගාව වෙන් වූයේ “පූජකයන්ගේ පතුල් යොර්දාන් ජලයේ තබන විට” පමණක් බව සැලකිල්ලට ගන්න (යෝෂුවා 3:13, 15). එය වැදගත් වන්නේ ඇයි?

• යොර්දාන් ගඟේ තවත් වැදගත් සිදුවීම් කිහිපයක් සිදු වුණා—බලන්න2 රාජාවලිය 2:6–15; 5:1–14; සහ මාර්ක් 1:9–11. මෙම සිදුවීම් අතර ඔබ දකින සම්බන්ධතා මොනවාද?

• ස්වාමින්වහන්සේ ඔබේ ජීවිතයේ “පුදුමයන්” කර ඇත්තේ කෙසේද? (යෝෂුවා 3:5). ඔබට එම පුදුමයන් නිතර නිතර අත්විඳිය හැක්කේ—හෝ හඳුනාගත හැක්කේ—කෙසේද? (උදාහරණයක් ලෙස, බලන්න යෝෂුවා 3:17).

යෝෂුවා 6–8 යෙරිකෝව සහ ආයි දේශයන් සම්බන්ධව ඇති සටන් ගැන කතා කරනවා. ඔබ මෙම පරිච්ඡේද කියවන විට, ඔබ පරීක්ෂාවට එරෙහිව සටන් කරන ආකාරය ගැන සලකා බලන්න (උදාහරණයක් ලෙස, බලන්න යෝෂුවා 7:10–13). දෙවියන්වහන්සේට ඔබට උපකාර කළ හැකි ආකාරය ගැන සහ උන්වහන්සේගේ බලයට ප්‍රවේශ වීමට ඔබ කළ යුතු දේවල් ගැන ඔබ ඉගෙන ගන්නේ මොනවාද? උදාහරණයක් වශයෙන්, යෙරිකෝව රැගෙන යාම සඳහා ස්වාමින්වහන්සේගේ උපදෙස් ගැන ඔබේ සිත් ඇදගන්නේ කුමක්ද?(බලන්න යෝෂුවා 6:1–5). සමහර විට යෝෂුවා 7 හි ඇති වාර්තාව ඔබේ ජීවිතයේ ඔබට ඉවත් කිරීමට අවශ්‍ය “ශාපලත් දෙයක් තිබේද” යන්න තීරණය කිරීමට ඔබව පොළඹවනු ඇත (යෝෂුවා 7:13).

යෝෂුවා 23–24 තුළ ඉශ්‍රායෙල්වරුන්ට යෝෂුවා ලබාදුන් අවසාන ඉගැන්වීම්වලට වැදගත් අනතුරු ඇඟවීම්, උපදෙස් සහ පොරොන්දු වූ ආශීර්වාද ඇතුළත් වෙනවා. සමහරවිට ඔබට සොයාගත හැකි වූ දේවල් ලැයිස්තුවක් සාදන්න පුළුවන්. ඉශ්‍රායෙල්වරුන් මුහුණ දුන් සෑම දෙයක් ගැනම සලකා බැලීමේදී, යෝෂුවා තම ජීවිතයේ අවසානයේදී මේ දේවල් ඔවුන්ට පැවසීමට තෝරාගත්තේ ඇයි කියා ඔබ සිතන්නේද? ඔබ සොයාගත් ආකාරයට “ස්වාමින්වහන්සේට ඇලී සිටීමට” ඔබව පොලඹවන්නේ මොනවාද? (යෝෂුවා 23:8).

තවත් බලන්න ඩේල් ජී. රෙන්ලන්ඩ්, “ඔබ මෙදිනම තෝරාගන්න,” ලියහෝනා, 2018 නොවැම්බර්, 104–6.

• යේසුස් ක්‍රිස්තුස්වහන්සේ තුළින් ඔබේ දරුවන්ට “ශක්තිමත්ව ධෛර්‍යවන්තව” සිටීමට උපකාර කිරීමට එක් ක්‍රමයක් මෙන්න (යෝෂුවා 1:6). යෝෂුවා 1:6, 9, සහ 18 තුළ නැවත නැවතත් සඳහන් කර ඇති වාක්‍ය ඛණ්ඩයක් සොයා ගැනීමට ඔවුන්ට ආරාධනා කර, එය ලියන්න හෝ කටපාඩම් කරන්න. යෝෂුවාට මෙන්, ඔබේ දරුවන්ටත් මෙම පණිවිඩය අවශ්‍ය විය හැකි අවස්ථා ගැන සිතීමට ඔවුන්ට උදව් කරන්න. ඔබට එකට එකතු වී යෝෂුවා 1–4; 6 තුළ ඇති සමහර කථා සමාලෝචනය කරන්න පුළුවන්. මෙම කතාවල සිටින අය ස්වාමින්වහන්සේ තුළ ධෛර්යය හා ශක්තිය පෙන්වූයේ කෙසේද?

  

  2:59

  

  1:39

• යෝෂුවා 1:8 කියවීමෙන් පසු ඔබේ දරුවන්ට එම ශුද්ධලියවිලි පාඨ තනිවම කියවීමට පෙළඹවීමක් වෙන්න පුළුවන්. අපි ශුද්ධලියවිලි කියවිය යුත්තේ කෙසේද සහ ඇයි කියා උගන්වන වචන මෙම පදයෙන් සොයා ගැනීමට ඔවුන්ට උපකාර කරන්න. ඔවුන්ට 1 නෙපී 15:23–24; 2 නෙපී 31:20; 32:3; යාකොබ් 4:6; හිලමන් 3:29–30. තුළත් එය සොයන්න පුළුවන්. ශුද්ධලියවිලි කියවීමට සැලැස්මක් සකස් කර, එය ක්‍රියාත්මක කිරීමට ඔවුන්ට උපකාර කරන්නටද ඔබට පුළුවන්.

• බව්තීස්මයේ සංකේතයක් ලෙස ඉශ්‍රායෙල්වරුන් යොර්දාන් ගඟෙන් එතෙර වූ—පාළුකරයේ අපගේ පැරණි ජීවිතය අත්හැර දෙවියන්වහන්සේ සමඟ ගිවිසුම් සබඳතාවයක් තුළ අලුත් ජීවිතයක් ආරම්භ කිරීමේ කතාව ඔබට භාවිතා කරන්න පුළුවන්. ඉන්පසු ඔබ එකට එකතු වී යෝෂුවා 3–4 කියවන විට, ඔබට යේසුස්වහන්සේ බව්තීස්ම වන පින්තූරයක් දෙස බලා ඉශ්‍රායෙල්වරුන් තරණය කළ එම ගංගාවේම යේසුස්වහන්සේ බව්තීස්ම වූ බව පැහැදිලි කරන්න පුළුවන්. බව්තීස්ම වීම යේසුස් ක්‍රිස්තුස්වහන්සේගේ රාජ්‍යයේ නව ජීවිතයක් ආරම්භ කිරීම හා සමාන වන්නේ කෙසේදැයි එකිනෙකා සමඟ බෙදාගන්න.

  

  2:59

• යෝෂුවා ඉශ්‍රායෙල්වරුන්ට ආරාධනා කළාක් මෙන්, යේසුස් ක්‍රිස්තුස්වහන්සේව අනුගමනය කිරීමට තෝරා ගැනීමට ඔබේ දරුවන්ට උපකාර කිරීමට ඔබට කළ හැක්කේ කුමක්ද? ඔබට ඔවුන්ට පහත පරිදි කිරීමට ආරාධනා කරන්න පුළුවන්:

  • යෝෂුවා 24:15 තුළ ඇති කෙටි වාක්‍ය ඛණ්ඩයක් කටපාඩම් කරන්න. ඔබේ දරුවන්ට එය විනෝදජනක කිරීමට උත්සාහ කරන්න. ඔවුන් කටපාඩම් කරන වචන ගණන ඔවුන්ගේ වයස අනුව තීරණය විය හැකිය.

  • යේසුස් ක්‍රිස්තුස්වහන්සේට සේවය කිරීමට තෝරාගත් අය පිළිබඳ කථා සොයන්න.

  • ගැලවුම්කරුවාණන්ව අනුගමනය කිරීමට සහ උන්වහන්සේට සේවය කිරීමට ඔවුන්ට තෝරා ගත හැකි අවස්ථා රඟ දක්වන්න.