Joshua 1–8; 23–24

Susu mbrɛ nna osi tse ma Joshua dɛ wɔfrɛɛ no dɛ ɔnhyɛ Moses n’ananmu. Hwɛ dza Ewuradze kãa no wɔ Joshua 1:1–9 mu dze hyɛɛ no nkuran. Dwen nkõdzen a ihyia ho; ebɛnadze na ɔwɔ nyiyimu yinom mu a ɔma wo akokodur?

Dzin Joshua (Yehoshua anaa Yeshua wɔ Hebrew mu) n’ase kyerɛ dɛ “Jehovah gye nkwa.” Na dzin Jesus no fi Yeshua mu bae. Ntsi ber a ekenkan Joshua no ho asɛm no, hwɛ n’asɛdze dɛ odzii Israelmba enyim ma wotwaa Jordan Esutsen dze kɔr anohoba asaase no do. Nna no somdwuma no si dɛn sɛ dza Christ yɛ ma hɛn no?

Ber a ɔhyɛɛ Joshua nkuran no, Ewuradze maa afotu wɔ Joshua 1:8 fa kyerɛwsɛm, anaa “mbra nwoma’’ no ho. Erohwɛ Joshua n’asodzii duudur no a, ebɛnadze ntsi na afotu yi nkanka noara botum ayɛ mfaso?

Sɛ Ewuradze to nsa frɛ hɛn dɛ yɛnkenkan kyerɛwsɛm no a, Ɔtaa dze nkasafua a ɔtra yɛrekenkan ara. Ɔsan so bɔ nhyira kɛse ho anohoba. Nhyehyɛɛ no a ɔwɔ ase no botum aboa wo ma ehu ɔfrɛ na anohoba nhyira yinom:

Ewuradze esi dɛn ahyɛ anohoba horow yinom mã wɔ w’abrabɔ mu? Sesei botum ayɛ mber papa dɛ edze beker wo kyerɛwsɛm adzesũa suban. Ebɛnadze na ɔrokɔ yie? Ebɛnadze na etse ho nkenyan dɛ yɛ fa nya Nyankopɔn n’asɛm sũahu horow a ɔyɛ mfaso yie?

San so hwɛ “As I Search the Holy Scriptures,’’ Asɔr Ndwom, nkanee 277.

Ahyɛmu Fofor Christianfo hun Rahab dɛ gyedzi nye ndwuma nyina ho tum fasusu (hwɛ Hebrewfo 11:31; James 2:25). Ber a ekenkan Joshua 2 no, hwɛ dwuma a Rahab ne gyedzi na no ndwuma dzii ma ɔdze gyee noho, n’ebusua, na Israel aweɔmfo no nkwa. Ebɛnadze na iyi kyerɛkyerɛ wo fa mbrɛ wo gyedzi wɔ Christ mu na wo ndwuma no besi botum enya nhyɛdo wɔ wankasa na binom do ho?

Ewuradze yɛɛ anwanwa dwuma wɔ No nkorɔfo no mu ber a Odzii hɔn enyim kan kɔr anohoba asaase no do, na Obotum ayɛ dɛmara ama wo. Nsɛmbisa bi nye yi a ɔbɛyɛ kwankyerɛ ama w’adzesũa wɔ Joshua 3–4 ho:

• Edwen ho a nna ebɛnadze ntsi na Israelfo no hia dɛ wɔtsew hɔn ho ansaana woetwa Jordan Esutsen no? (hwɛ Joshua 3:5).

• Hyɛ no nsew dɛ esutsen no mu paa ekyir no nko a “asɔfo … no hɔn anan sii nsu no nkɔkɔnoa no” (Joshua 3:13, 15). Ebɛnadze ntsi na dɛm yi yɛ soronko?

• Dza nna ɔyɛ soronko beberee sisii wɔ Jordan Esutsen no ho—hwɛ 2 Ahemfo 2:6–15; 5:1–14; na Mark 1:9–11. Ebɛn nkitahodzi na ihu wɔ dza osisii yinom ntamu?

• Ewuradze esi dɛn ayɛ “anwawandze” wɔ w’abrabɔ mu? (Joshua 3:5). Ibesi dɛn botum ataa enya—anaa ehu—anwanwadze no yie? (mfatoho, hwɛ Joshua 3:17).

Joshua 6–8 hwɛ akõkõekõ wɔ Jericho na Ai asaase do. Ber a ekenkan etsir yinom no, hwɛ mbrɛ isi nye nsɔhwɛ dzi akõ (mfatoho, hwɛ Joshua 7:10–13). Ebɛnadze na isũa fa mbrɛ Nyankopɔn besi botum aboa wo ho na dza ihia a ɔwɔ dɛ eyɛ dze nya No tum no? Mfatoho, ebɛnadze na ɔyɛ wo ahomka fa Ewuradze ne nkyerɛkyerɛ fa Jericho ne mfae ho? (hwɛ Joshua 6:1-5). Bia asɛm a ɔwɔ Joshua 7 mu no bekenyan wo ma esi pi sɛ “adze a wɔadom no bi” wɔ w’abrabɔ mu a ihia dɛ iyi fi hɔ a (Joshua 7:13).

Kɔkɔbɔ, afotu, na anohoba nhyira horow kã Joshua ne nkyerɛkyerɛ a ɔwɔ Joshua 23–24 mu no a odzi ewiei ma Israelfo no ho. Bia ibotum akyerɛw dza ihu no nkorkor. Ehwɛ ndzɛmba nyinara a nna Israelfo afa mu no a, edwen ho a ebɛnadze ntsi na Joshua saan mu yii dɛ ɔbɛkã ndzɛmba yinom akyerɛ hɔn wɔ n’abrabɔ n’ewiei? Ebɛnadze na ihu a okenyan wo ma “etakyer Ewuradze’’? (Joshua 23:8)

Hwɛ Dale G. Renlund, “Choose You This Day,’’ Liahona, Ɔberɛfɛw 2018, 104–6 so.

• Kwan kor a edze bɔboa wo mbofra no ma wɔnam Jesus Christ do “[wɔa]hyɛ dzen na [woe]nya akokodur” (Joshua :5–6) nye yi. To nsa frɛ hɔn ma wɔnhwehwɛ asɛnsin a woesi do wɔ Joshua 1:6, 9, na 18 mu, na wɔnkyerɛw nto hɔ anaa wɔmfa ngu hɔn tsir mu. Boa wo mbofra no ma wɔndwendwen gyinabew horow ho a wobotum ehia asɛm yi, dɛmara dɛ Joshua yɛe no. Wobotum so abɔ mu abobɔ nsɛm binom do wɔ Joshua 1–4; 6 mu (hwɛ “Joshua the Prophet” na “Rahab and the Spies” wɔ Old Testament Stories, 85–91 mu so). Nkorɔfo a wɔwɔ nsɛm yinom mu no sii dɛn kyerɛɛ akokodur na ahoɔdzen wɔ Ewuradze mu?

  

  2:59

  

  1:39

• Wɔrekenkan Joshua 1:8 botum ekenyan wo mbofra ma hɔnara wɔakenkan kyerɛwsɛm no. Boa hɔn ma wɔnhwehwɛ nkasafua wɔ nyiyimu yi no mu a ɔkyerɛkyerɛ hɔn mbrɛ wonsi nkenkan na siantsir a ɔwɔ dɛ yɛkenkan kyerɛwsɛm no. Wobotum ahwehwɛ adze kor noara wɔ 1 Nephi 15:23–24; 2 Nephi 31:20; 32:3; Jacob 4:6; Helaman 3:29–30 mu. Ibotum so aboa hɔn ma wɔayɛ na woedzi nhyehyɛɛ do a wɔdze bɛkenkan kyerɛwsɛm no.

• Ibotum dze Israelfo a worutwa Jordan Esutsen asɛm no edzi dwuma dɛ enuma ho sɛnkyerɛdze—yerigyaa hɛn abrabɔ dadaw no mu wɔ sar no do na yɛrehyɛ fofor ase wɔ yɛnye Nyankopɔn ahyɛmudzi nkitahodzi mu. Ntsi ber a wɔbɔ mu kenkan Joshua 3–4 (anaa “Joshua the Prophet” wɔ Old Testament Stories mu no, 85–89), ibotum so ahwɛ Jesus a worunuma no mfonyin na akyerɛkyerɛ mu dɛ wonumaa Jesus wɔ esutsen kor noara a Israelfo twae no mu. Nkyii hom botum atow ndwom bi tse dɛ “Baptism” (” (Children’s Songbook, 100-101). Hom nye homho nkyɛ mbrɛ worunuma wo si tse dɛ erehyɛ abrabɔ fofor ase wɔ Jesus Christ n’ahenman no mu.

  

  2:59

• Ebɛnadze na ibotum ayɛ dze aboa wo mbofra no ma woesũa dɛ wɔbɛsan mu eyi dɛ wɔbɛkã Jesus Christ do, dɛ mbrɛ Joshua too nsa frɛɛ Israelfo dɛ wɔnyɛ no. Ibotum ato nsa afrɛ hɔn dɛ:

  • Wɔmfa nsɛnsin tsiabaa bi ngu hɔn tsir mu a ofi Joshua 24:15. Bɔ mbɔdzen ma ɔnyɛ enyikã mma wo mbofra no. Nsɛmfua no dodow a wɔdze bogu hɔn tsir mu no gyina hɔn mfe a woedzi do.

  • Hwehwɛ nsɛm a ɔfa nkorɔfo a wɔsan mu yii dɛ wɔbɔsom Jesus Christ ho. Wobotum ahwɛ Friend dawurbɔ krataa no mu, Gospel Art Book, anaa Old Testament Stories na kyerɛwsɛm mu nsɛm mbuukuu bi so mu.

  • Yɛ gyinabew horow ho ɔyɛkyerɛ a wobotum asan mu eyi dɛ wɔbɛkã Agyenkwa no do na wɔasom no.