Nkanee 11–14; 20–24; 27

Nkanee 11:11–17, 24–29 mu no, hwɛ nsɛnhia a Moses hyiaa na nyiano a Nyankopɔn susui. Ebɛnadze na edwen ho dɛ nna Moses kyerɛ mber a ɔkãa dɛ “ɔka mo nko a nkyɛ “Ewuradze ne man nyinara ayɛ nkɔnhyɛfo”? (nyiyimu 29). Ber a edwendwen asɛmbisa yi ho no, hwehwɛ nyiano a ɔbɛyɛ yie wɔ President Russell M. Nelson n’asɛm “Revelation for the Church, Revelation for Our Lives” mu, (Liahona, Esusow Aketseaba 2018, 93–96).

Ɔrekã dɛ hɛn nyinara yebotum enya nyikyerɛ no, nnkyerɛ dɛ hɛn nyinara na yebotum edzi Nyankopɔn no nkorɔfo enyim wɔ kwan a Moses yɛe no do. Dza osii wɔ Nkanee 12 mu no da iyi edzi pefee. Ebɛn kɔkɔbɔ na ihu no wɔ tsir yi mu? Ebɛnadze na etse nkã dɛ Ewuradze pɛ dɛ etse ase fa ankorankor nyikyerɛ ho na erekã No nkɔnhyɛnyi do ho?

Hwɛ 1 Nephi 10:17; Nkyerɛkyerɛ na Ahyɛmudzi 28:1-7; Dallin H. Oaks, “Two Lines of Communication,” Liahona, Ɔberɛfɛw 2010, 83–86 so.

Ɔyɛ binom hu dɛ Moses, banodzinyi kunyin a ogyinaa Pharaoh n’enyim na ɔdze Ewuradze no tum yɛɛ ahobow anwanwadze no, nna ɔsan so “dwe dodoodow’’ (Nkanee. 12:3). Edwe n’asekyerɛ nye dɛn? Hwɛ dɛ ibosũa Elder David A. Bednar ne nkyerɛkyerɛmu wɔ “Meek and Lowly of Heart mu” (Liahona, Esusow Aketseaba 2018, 30–33) anaa “Meek, Meekness” wɔ Guide to the Scriptures mu (Asɛmpa Nwoma Korabea).

Ebɛnadze na isũa fi Moses no ɔdwe fasusu mu wɔ Exodus 18:13–25; Nkanee 11:26–29; Nkanee 12; Hebrewfo 11:24–27; na Moses 1:10–11 mu? Ibotum so adwendwen mbrɛ Agyenkwa no sii kyerɛɛ ɔdwe su (hwɛ Matthew 11:29; 27:11–14; Luke 22:41–42; John 13:4–5). Ebɛnadze na fasusu yinom kyerɛkyerɛ wo?

Ber a ekenkan Nkanee 13–14 no, bɔ mbɔdzen na fa woho hyɛ Israelfo no hɔn ananmu. Ebɛnadze ntsi na edwen dɛ nna wɔpɛ dɛ “wɔsan hɔn ekyir kɔ Egypt”? (Nkanee 14:3). Ibesi dɛn akã “sunsum” bi no a Caleb nyae no ho asɛm? (Nkanee 14:24). Ebɛnadze na ɔyɛ wo ahomka fa Caleb na Joshua hɔn gyedzi ho, na ibesi dɛn botum dze hɔn fasusu no dzi edzi dwuma wɔ gyinabew horow a ihyia mu?

Nna Mormon Nwoma no nkɔnhyɛfo nyim asɛm a yehu no wɔ Nkanee 21:4–9 mu no nna wɔtse no sunsum mu ho hia tsitsir ase. Kenkan hɔn nkyerɛkyerɛ fa asɛm yi ho wɔ 1 Nephi 17:40–41; Alma 33:18–22; na Helaman 8:13–15 mu. Nsɛmbisa bi nye yi a ebɔdwendwen ho ber a ekenkan:

• Ebɛnadze na boran abowatsena no gyina hɔ ma?

• Ebɛnadze na mbowatsena akeka no gyina hɔ ma?

• Nna ɔwɔ dɛ Israelfo no “[hwɛ] boran abowatsena no” (Nkanee 21:9) ma woeenya ayarsa. Ebɛnadze ntsi na edwen dɛ nkorɔfo binom poow dɛ wɔbɔhwɛ? Ana biribi a ɔnye no sɛ ato wo pɛn?

• Ebɛnadze na inya nkenyan dɛ yɛ ama “[aa]hwɛ Nyankopɔn ne Ba no wɔ gyedzi mu” na enya ayarsa? (Helaman 8:15).

Erekenkan nsɛnsin yinom botum abɔ wo nkaa afa mber bi wɔ kyerɛwsɛm no mu ho a nna nkorɔfo hia dɛ wotsim wɔ Christ do. Mfatoho, fa Nkanee 21:4–9 no mu asɛm toto Matthew 14:25–31 na 1 Nephi 8:24–28 ho (san so hwɛ mfonyin a ɔwɔ dapɛn yi n’apɔwdo n’ewiei no). Ebɛnadze na ɔyɛ a ɔtwe hɛn fi Christ ho? Osi dɛn hyira nkorɔfo a wotsim wɔ No do no?

San so hwɛ “Jesus, the Very Thought of Thee” (Asɔr Ndwom, nkanee 141).

Mber a Balak, Moab hen no, sũae dɛ Israelfo no rebɛn no, ɔfrɛɛ Balaam, ɔbarimba a wonyim no dɛ ohyira na ɔdom. Nna Balak pɛ dɛ ɔdom Israelfo no. Hwɛ mbrɛ Balak sii bɔɔ mbɔdzen dɛ ɔbɛdaadaa Balaam (hwɛ Nkanee 22:5–7, 15–17), na dwen nsɔhwɛ a ibotum ehyia ho dɛ tsia Nyankopɔn ne pɛ. Ebɛnadze na ɔyɛ wo ahomka fa Balaam no mbuae ho wɔ Nkanee 22:18, 38; 23:8, 12, 26; 24:13 mu? Awerɛhow mu ara, ewiei no Balaam gyaa noho mu maa nhyɛ na oyii Israel mae (hwɛ Nkanee 31:16; Jude 1:11). Dwendwen mbrɛ ibesi bɔkɔ do ayɛ nokwafo ama Ewuradze a binom hɔn nhyɛ mmfa ho.

• Bisa wo mbofra no sɛ wɔkaa anwanwadze a Ewuradze yɛe dze boaa Israelfo no mu bi a (hwɛ “The Plagues of Egypt” na “The Passover” wɔ Old Testament Stories mu, 67–74). Nykii ibotum abɔ Nkanee 11:4–10 tɔw ama hɔn, na etsĩ mu dɛ nna Israelfo no hɔn werɛ efir hɔn nhyira na woruhwinhwin. Ebɛn nhyira na ɔtɔfabi a hɛn werɛ fir?

• Ber a hom tow anaa hom tsie ndwom fa ndaase ho, tse dɛ “Count Your Blessings” (Asɔr Ndwom, nkanee 241) no, wo mbofra no botum adorɔw nhyira a Ewuradze dze ama hɔn no no ho mfonyin.

• Ibobue Nkanee 12 enyi no, ibotum akã akyerɛ wo mbofra no dɛ nna Ewuradze n’enyiwa nngye Aaron na Miriam, a wɔyɛ Moses no nuabanyin na n’akyerɛbaa ho. To nsa frɛ hɔn ma wɔnkenkan Nkanee 12:1–8 mfa nhwehwɛ siantsir no. Hwɛ dɛ edze Gospel Art Book no bedzi dwuma ma ɔaboa wo mbofra no ma wɔdze ahwehwɛ nkorɔfo a wɔwɔ kyerɛwsɛm no mu a wodzii Ewuradze no nkɔnhyɛfo nyi na wohyiraa hɔn no. Wosi dɛn hyira hɛn ber a yɛkã Ewuradze no nkɔnhyɛfo do?

• Ibotum dze “Moses and the Brass Serpent” wɔ Old Testament Stories mu, 83–84 bedzi dwuma, dze aboa wo mbofra no ma woesũa dza osii no wɔ Nkanee 21:6–9 mu. Boran abowatsena no si dɛn tse dɛ Jesus Christ? (hwɛ John 3:14-15). Wo mbofra no enyi bɛgye dɛ wɔdze krataa reyɛ abowatsena na wɔakyerɛw ndzɛmba a ɔnnyɛ dzen wɔ do a wobotum ayɛ dze “ahwɛ Nyankopɔn ne Ba no wɔ gyedzi mu” (Helaman 8:15).

  

  1:2

• Mbofra mpanyimfo no botum asan mu eyi kyerɛwsɛm a odzidzi do no kor na wɔakyɛ dza ɔdze kã hɔn ntseasee ho fa asɛm no ho: 1 Nephi 17:41; Alma 33:18–20; Helaman 8:13–15; Nkyerɛkyerɛ na Ahyɛmudzi 6:36.

• Bɔ Nkanee 22:1–18 tɔw ma wo mbofra, a iritsĩ mbrɛ Balaam sii pow dɛ ɔbɔdom Nyankopɔn no nkorɔfo mu, mpo dɛ Balak, Moab hen, dze enyimnyam na ahonyadze maa no. Nkyii ibotum aboa wo mbofra no ma wɔahwehwɛ nyiyimu a odzidzi do no dze enya nsɛnsin a wɔtse nkã dɛ ɔkyerɛ dɛ nna Balaam pɛ dɛ ɔkã Nyankopɔn no do: Nkanee 22:18; 23:26; 24:13. Bia wo mbofra no botum eyi asɛnsin kor a wɔpɛ na wɔakyerɛw no wɔ krataa dzen do dze aboa hɔn ma wɔakaa dze ayɛ setsie ama Ewuradze.