Deuteronomy 6–8; 15; 18; 29–30; 34

Abowano guado adzeyɛ na atɔrmuadze pii kã Moses mbra no ho. Dɛ mbrɛ ibohu no wɔ Moses n’afotu mu wɔ Deuteronomy mu no, nna No nkorɔfo hɔn mu gyinabew san so haw Ewuradze—hɔn akoma no sunsum mu tsebea.

Nsɛnsin a ɔwɔ ase mu no, hwehwɛ kasafua akoma, na dwendwen dza ne sɛnkyerɛdze botum ayɛ ho. Ibotum adwendwen nsɛnsin yinom ho dɛ w’akoma no susum mu nhwehwɛmu. Ebɛn yarba na edze bɛma woho? Ebɛn nduryɛ na edze bɛma ma woeetu w’akoma no sunsum mu apɔwmudzen mpon? Kyerɛw wo nkenyan to hɔ:

• Deuteronomy 6:4-7:

• Deuteronomy 8:2-5:

• Deuteronomy 8:11-17:

• Deuteronomy 29:18-20:

• Deuteronomy 30:6-10:

• Deuteronomy 30:14-20:

Kwan kor a edze bɛhyehyɛ w’adwendwen nye dɛ ibotum adorɔw akoma na akyerɛw ndzɛmba a Ewuradze se wo dɛ ɔwɔ dɛ inya no wɔ w’akoma mu no wɔ mu. Nkyii ibotum akyerɛw wɔ n’abowano no ndzɛmba a onnyi dɛ ɔkɔ w’akoma no mu.

Isi dɛn kyerɛ dɛ edze w’akoma nyinara dɔ Nyankopɔn? Epɛ adwenkyerɛ binom a, hwɛ “Love God, love your neighbor’’ wɔ For the Strength of Youth: A Guide for Making Choices mu, 10–12.

Hwɛ M. Russell Ballard, “Lovest Thou Me More Than These?,” Liahona, Ɔberɛfɛw 2021, 51–53 so.

Israelfo no dodow a wɔbɛhɛn anohoba asaase do no ennhu Egypt ɔyardɔm no anaa woenntwa Po Memen no. Nna Moses nyim dɛ hɔn—na ndaamba ebusuasantsen—no behia dɛ wɔkaa Nyankopɔn n’anwanwadze na Nyankopɔn ne mbra ama wɔakɔ do ayɛ Nyankopɔn no nkorɔfo.

Ebɛn afotu na ihu no wɔ Deuteronomy 6:4-12, 20-25 mu a obotum aboa wo ma akaa ndzɛmba akɛse a Nyankopɔn ayɛ ama wo no? Ebɛnadze na inya ho nkenyan dɛ yɛ ama Ewuradze n’asɛm “[aka] w’akoma do”? (nyiyimu 6).

Ibotum so esũa Nuabanyin Jan E. Newman n’asɛm “Preserving the Voice of the Covenant People in the Rising Generation” (Liahona, Ɔberɛfɛw 2023, 36–38) na hwɛ mbrɛ ibesi dze wo gyedzi wɔ Christ mu bɛma ndaamba ebusuasantsen.

Hwɛ Deuteronomy 11:18–21; Dale G. Renlund, “Consider the Goodness and Greatness of God,” Liahona, Esusow Aketseaba 2020, 41–44; Bible Dictionary, “Frontlets or phylacteries” so.

Yennyae nndur da no a “ohianyi bi mmba [hɛn] mu’’ (Deuteronomy 15:4), ntsi fapem a ɔfa yɛroboa ehiafo ho no a ɔwɔ Deuteronomy 15 mu no da ho som bo, mpo sɛ ne nyɛe tsitsir no asesa a. Hwɛ dza nyiyimu 1–15 kyerɛkyerɛ wo fa siantsir a yɛboa nkorɔfo a wɔwɔ hia na dza ɔwɔ dɛ hɛn suban yɛ fa ho ho asɛm.

“Na obue na bue wo nsa” n’asekyerɛ nye dɛn? (nyiyimu 8, 11). Ebɛnadze na isũa fi Ewuradze ne fasusu mu fa eroboa nkorɔfo a wɔwɔ hia mu ho? (hwɛ verse 15).

Hwɛ “Have I Done Any Good?,” Asɔr Ndwom, nkanee 223 so.

Peter, Nephi, Moroni, na Agyenkwa Nankasa, hɔn nyinara kãa nkɔnhyɛsɛm a ɔwɔ Deuteronomy 18:15–19 mu ho asɛm (hwɛ Ndwuma 3:20–23; 1 Nephi 22:20–21; Joseph Smith—Abakɔsɛm 1:40; 3 Nephi 20:23). Ebɛnadze na isũa fa Agyenkwa no ho fi nyiyimu yinom mu? Dwen dza akenkan afa Moses ho wɔ adapɛn kakra a ɔabasen. Nna Moses si dɛn “tse dɛ’’ Jesus Christ?

Obotum ayɛ enyikadze dɛ edze Moses ne nsɛm wɔ Deuteronomy 29:9; 30:15–20 mu no bɔtoto Lehi ne nkyerɛkyerɛ a odzi ewiei a ɔdze maa n’ebusua no bi ho wɔ 2 Nephi 2:26–29; 4:4mu. Lehi sii dɛn tserɛɛw dza Moses kyerɛkyerɛɛ no mu? Ebɛnadze na ihu no wɔ nsɛsin yinom mu a okenyan wo ma “esan mu yi nkwa’’? (Deuteronomy 30:19).

• Ebɔboa wo mbofra ma wɔatse Deuteronomy 6:5, ase no, ibotum adorɔw akoma, nyimpadua n’ano n’ano no, na abasa a ɔyɛ dzen. Wo mbofra botum atsen nsa wɔ mfonyin no do sɛ ekenkan nsɛmfua “akoma,’’ “ɔkra,’’ na “tum’’ wɔ nyiyimu no mu a. Yesi dɛn kyerɛ Ewuradze dɛ yɛdze hɛn akoma, hɛn kra, na hɛn ahoɔdzen nyinara dɔ No?

• Enye wo mbofra no nkenkan Ewuradze n’afotu ma Israelfo no ma wɔdze kyerɛwsɛm nsɛnsin no atoto bea a wobohu no da biara (hwɛ Deuteronomy 6:6–9). Iyi botum ekenyan ɔwo na wo mbofra no ma hom adwen akwanhorow a hom dze bɔhwɛ no pefee dɛ hom werɛ “mmfir Ewuradze’’ (nyiyimu 12) na hom akaa dza Ɔayɛ ama hom.

• Ibotum akyerɛkyerɛ mu dɛ Deuteronomy 6:13, 16 na 8:3 no boaa Agyenkwa no wɔ mber bi a ohia wɔ N’abrabɔ mu. Ama ehu mbrɛ osii yɛe no, hom mbɔ mu nkenkan Matthew 4:1–10. Nkyii hom botum nye homho akyɛ kyerɛwsɛm nsɛnsin a wɔaboa hom wɔ hia ber mu.

• Ber a wɔbɔ mu kenkan Deuteronomy 18:18 no, boa wo mbofra ma wɔntse ase dɛ Nkɔnhyɛnyi tse dɛ Moses wɔ nyiyimu yi mu no nye Jesus Christ. Bia ibotum ahwɛ ndzɛmba Moses yɛe na ndzɛmba a Jesus Christ yɛe ho mfonyin, na ama wo mbofra no ayɛ ntotoho (hwɛ Gospel Art Book), nkanee 15, 16, 38, 39). Ebɛnadze na ndɛ hɛn nkɔnhyɛnyi akyerɛkyerɛ hɛn fa Agyenkwa no ho?

• Erekasa afa Deuteronomy 29:12–13 ho no ma ɔwo na wo mbofra no kwan ma wɔkã ahyɛmudzi horow a wɔbɛyɛ anaa wɔnye Ɔsor Egya ayɛ ho asɛm. Yɛbɛyɛ Nyankopɔn no nkorɔfo no n’asekyerɛ nye dɛn? Hɛn anohoba horow no si dɛn yɛ hɛn Nyankopɔn no nkorɔfo? (hwɛ nyiyimu 13; san so hwɛ Mosiah 18:8–10).

• Sɛ wo mbofra hia mboa dze atse dza ahyɛmudzi yɛ ase a, susu dɛ wɔnhwehwɛ nkyerɛkyerɛmu wɔ “Ahyɛmudzi” mu wɔ Kyerɛwsɛm no Kwankyerɛ mu (Asɛmpa Nwoma Korabea). Ebɛn anohoba horow na Nyankopɔn na Israelfo no bɔe maa hɔnho nkorkor wɔ Deuteronomy 30:8–10 mu? Ebɛn anohoba horow na yɛabɔ ama Nyankopɔn? (hwɛ Nkyerɛkyerɛ na Ahyɛmudzi 20:37, 77). Anohoba horow yinom si dɛn ma yɛnye No nya nkitahodzi? Hwɛ dɛ hom bɔbɔ mu atow ndwom afa ahyɛmudzi horow ho, tse dɛ “Standing on the Promises” (Asɛmpa Nwoma Korabea).