“18-24 Mei. ‘Tingting blong yu i mas strong, mo yu no mas fraet, yu mas stanap strong oltaem: Josua 1–8; 23–24,” Kam Folem Mi—Blong Hom mo Jos: OlTesteman 2026 (2026)
“18-24 Mei. ‘Tingting blong yu i mas strong, mo yu no mas fraet, yu mas stanap strong oltaem,’” Kam Folem Mi: OlTesteman 2026
Moses I Stap Odenem Josua, i kam long Darrell Thomas (ditel)
18–24 Mei: “Tingting blong yu i mas strong, mo yu no mas fraet, yu mas stanap strong oltaem”
Josua 1–8; 23–24
I tekem sam jeneresen, be promes blong Lod bae i kamtru i no longtaem: long en, ol pikinini blong Isrel bae oli kasem promes graon. Be i gat ol samting we oli blokem rod blong olgeta, olsem Jodan Reva, bigfala ston wol blong taon ia Jeriko, mo wan pipol we oli gat paoa mo oli moa nogud we oli sakemaot Lod (luk long 1 Nifae 17:35). Bae oli mas fesem evri samting ia, be lida blong olgeta we oli lavem tumas, Moses, bae i no stap. Situesen ia i mekem sam long Ol Man Isrel oli filim se oli no strong mo oli fraet, be Lod i talem se: “Tingting blong yu i mas strong, mo yu no mas fraet, yu mas stanap strong oltaem.” ?Wanem risen nao i mekem se oli mas gat strong paoa long tingting? I no from paoa blong olgetawan—o iven, blong Moses o Josua—be “from we mi bambae mi stap wetem yu long wea bambae yu go long hem” (Josua 1:9). Taem yumi gat ol reva blong yumiwan blong krosem mo ol ston wol blong karem i kam daon, ol naesfala samting i save hapen long laef blong yumi, from se “tumora hem, bae i mekem merikel long medel blong [yumi]” (Josua 3:5).
Blong gat wan bigfala lukluk long buk blong Eksodas, luk long “Josua, book of” insaed long Bible Dictionary.
Ol aedia blong Stap Lanem Samting long Hom mo long Jos
Josua 1:1–9
God bae i stap wetem mi taem mi traehad blong stap fetful long hem.
Pikjarem se bae i olsem wanem long Josua blong God i singaotem hem blong i tekem ples blong Moses. Lukluk long wanem Lod i talem long Josua 1:1–9 blong i leftemap tingting blong hem. Tingbaot wan jalenj we yu fesem; ?wanem long ol ves ia i givim strong tingting long yu?
Nem ia Josua (Yehoshua o Yeshua long lanwis Hibru) i minim “Jehova i sevem.” Mo nem ia Jisas i kam long Yeshua. So taem yu rid abaot Josua, tingting long rol blong hem blong stap lidim ol pikinini blong Isrel i go krosem Jodan Reva mo go kasem promes graon. ?Olsem wanem nao misin blong hem i semmak long wanem we Kraes i mekem blong yumi?
Josua 1:8
Toktok blong God i save mekem se ol wok blong mi i gat frut blong hem.
Taem hem i leftemap tingting blong Josua, Lod i givim kaonsel long Josua 1:8 abaot ol skripja, o “toktok blong loa.” Blong stap tingting long hevi responsabiliti blong Josua, ?from wanem nao kaonsel ia i save help, speseli?
Taem we Lod i invaetem yumi blong ridim ol skripja, oltaem Hem i yusum ol toktok we i go moa bitim blong stap ridim. Hem i promes blong givim ol bigfala blesing. Tebol andanit ia i save helpem yu blong faenemaot ol invitesen ia mo ol promes blesing:
|
Invitesen |
Ol promes blesing | |
|---|---|---|
|
Josua 1:8 | Invitesen Dei blong tingting hevi mo naet | Ol promes blesing
|
Invitesen
| Ol promes blesing
| |
Invitesen
| Ol promes blesing
| |
Invitesen
| Ol promes blesing Kam antap gud long graon | |
Invitesen
| Ol promes blesing
| |
Invitesen
| Ol promes blesing
| |
|
Russell M. Nelson, “Lisin Gud long Hem,” Liahona, Mei 2020, las paragraf long pej 89 | Invitesen
| Ol promes blesing
|
?Olsem wanem nao Lod i bin mekem ol promes ia oli kam tru long laef blong yu? Maet naoia i wan gudfala taem blong skelem ol fasin blong stadi skripja blong yu. ?Wanem nao i stap go gud? ?Wanem nao yu filim insperesen blong mekem blong gat ol eksperiens we i gat moa mining wetem ol toktok blong God?
Luk tu long “As I Search the Holy Scriptures,” Hymnamba 277.
Josua 2
I nid blong gat tugeta samting ia, fet mo ol wok, blong kasem fasin blong sevem man.
Ol Kristin Man blong bifo oli luk Rehab olsem wan eksampol blong paoa blong tugeta fet mo ol wok (luk long Hibrus 11:31; Jemes 2:25). Taem yu stap rid long Josua 2, tingting long rol blong fet blong Rehab mo ol wok blong sevem hemwan, famli blong hem, mo ol spae blong Ol Man Isrel. ?Wanem nao hemia i tijim yu abaot wei we fet blong yu long Jisas Kraes mo ol wok blong yu oli save lidim tingting blong yuwan mo blong ol narawan?
Rehab long windo blong hem. Stap Wet long Promes, i kam long Elspeth Young (ditel)
Josua 3–4
Wetem fet long Jisas Kraes, mi save eksperiensem “merikel” blong God.
Lod i wokem ol merikel long medel blong ol pipol taem Hem i lidim olgeta i go long promes graon, mo Hem i save mekem semmak blong yu. Hemia sam long ol kwestin blong lidim stadi blong yu long Josua 3–4:
-
?From wanem yu ting se Ol Man Isrel oli nidim blong mekem olgeta oli kam tabu bifo oli save krosem Jodan Reva? (Luk long Josua 3:5).
-
Tekem not se reva i seraot nomo afta long “taem we ol pris oli karem bokis ya oli purumbut long wota” (Joshua 3:13, 15). ?From wanem hemia i impoten tumas?
-
Sam long ol narafala samting we oli hapen long Jodan Reva—luk long 2 King 2:6–15; 5:1–14; mo Mak 1:9–11. ?Wanem ol koneksen we yu luk bitwin ol samting we oli hapen ia?
-
?Olsem wanem nao Lod i bin mekem “ol merikel” i hapen long laef blong yu? (Josua 3:5). Olsem wanem nao yu eksperiens—o luksave—ol merikel ia oltaem? (eksampol, luk long Josua 3:17.
Josua 6–8
Fasin blong stap obei i invaetem paoa blong God i kam long laef blong mi.
Josua 6–8 i tokbaot ol faet ova long ol graon blong Jeriko mo Eae. Taem yu stap ridim ol japta ia, tingting long olsem wanem yu save faetem ol temtesen long laef blong yu (eksampol, luk long Josua 7:10–13). ?Wanem nao yu lanem abaot God i save helpem yu mo wanem yu nid blong mekem blong gat akses long paoa blong hem? Eksampol, ?wanem nao i tajem yu abaot ol instraksen blong Lod taem hem kontrolem Jeriko? (luk long Josua 6:1–5). Maet stori long Josua 7 bae i givim yu insperesen blong luksave “sapos yu no tekemaot ol samting ia” long laef blong yu we i nid blong yu tekemaot (Josua 7:13).
Josua 23–24
“Naoia yufala i mas jusumaot huia bambae yufala i wok blong hem.”
Ol las tijing blong Josua long Ol Man Isrel long Josua 23–24 i tekem tu, ol impoten woning, kaonsel mo ol promes blesing. Maet yu save mekem wan lis blong wanem yu faenem. Tingting long evri samting we Ol Man Isrel oli bin go tru long hem, ?from wanem yu ting se Josua i jusum blong talem ol samting ia long en blong laef blong hem? ?Wanem nao yu faenem we i givim insperesen long yu blong “tingting blong yu i mas strong long Hae God”? (Josua 23:8).
Luk tu long Dale G. Renlund, “Naoia Yufala I Mas Jusumaot,” Liahona, Novemba 2018, 104–6.
Sam Aedia blong Tijim Ol Pikinini
Josua 1–4; 6
“Tingting blong yu i mas strong, mo yu no mas fraet, yu mas stanap strong oltaem.”
-
Hemia i wan wei blong helpem ol pikinini blong yu blong “tingting blong yu i mas strong, mo yu no mas fraet, yu mas stanap strong oltaem” (Joshua 1:6) tru long Jisas Kraes. Invaetem olgeta blong faenem wan toktok we oli ripripitim long Josua 1:6, 9, mo 18, mo raetemdaon o lanem baehat. Helpem ol pikinini blong yu blong tingting long ol samting we i mekem se yumi nidim mesej ia semmak olsem we Josua i bin nidim. Mo tu, tugeta, yufala save luklukbak long sam long ol stori long Josua 1–4; 6 (luk tu long “Profet Josua” mo“Rahab mo Ol Spae” long Ol Stori long OlTesteman, 85–91). ?Olsem wanem nao ol pipol insaed long stori ia oli soem strong paoa long tingting mo kasem paoa long Lod?
2:59Joshua the Prophet
1:39Rahab and the Spies
Josua 1:8
Blong stap stadi long ol skripja i tekem ol blesing i kam long mi.
-
Blong stap ridim Josua 1:8 i save givim insperesen long ol pikinini blong yu blong ridim ol skripja long taem blong olgetawan. Helpem olgeta blong faenem ol toktok insaed long ves ia we i tijim olgeta long olsem wanem mo from wanem yumi mas ridim ol skripja. Oli save lukaotem ol semmak samting long 1 Nifae 15:23–24; 2 Nifae 31:20; 32:3; Jekob 4:6; Hileman 3:29–30. Mo tu, yu save helpem olgeta blong mekem mo wok folem wan plan blong ridim ol skripja.
Josua 3–4
Mi mas kasem baptaes blong go insaed long kingdom blong heven.
-
Maet yu save yusum stori blong Ol Man Isrel we oli stap krosem Jodan Reva olsem wan simbol blong baptaes—blong stap lego olfala laef blong yumi long waelples mo statem wan niu wan long wan kavenan rilesensip wetem God. Tugeta, taem yufala i ridim Josua 3–4 (o “Profet Josua” long Ol Stori long OlTesteman, 85–89), yu save lukluk tu long wan pikja blong Jisas we i stap kasem baptaes mo eksplenem se Jisas i bin kasem baptaes long semmak reva we Ol Man Isrel oli bin krosem. Afta, yufala i save singsing long wan singsing olsem “Baptism” (Children’s Songbook, 100–101). Serem wetem wanwan long yufala olsem wanem blong kasem baptaes i olsem blong statem wan niu laef long kingdom blong Jisas Kraes.
2:59Joshua the Prophet
Josua 24:15
Mi save jusum blong wok blong Jisas Kraes.
-
?Wanem nao yu save mekem blong helpem ol pikinini blong yu blong lanem blong jusum blong folem Jisas Kraes, olsem we Josua i bin invaetem Ol Man Isrel blong mekem? Maet yu invaetem olgeta blong:
-
Lanem baehat wan sot toktok aot long Josua 24:15. Traem blong mekem i kam wan gudtaem blong ol pikinini blong yu. Namba blong ol toktok we oli lanem baehat, i save dipen long yia blong olgeta.
-
Faenem ol stori abaot ol pipol we oli jusum blong givim seves long Jisas Kraes. Oli save luk insaed long Fren magasin, Gospel Art Buk, o Ol Stori long OlTesteman mo ol narafala buk blong ol skripja stori.
-
Mekem ol drama blong ol situesen we bae i mekem se oli save jusum blong folem mo givim seves long Sevya.
-
Yusum sam defdefren aktiviti. “Evri pikinini oli defren, mo taem oli stap develop, ol nid blong olgeta bae oli jenis. Blong stap jenisim ol wei blong tij blong yumi bae i helpem yu blong givhan long ol defren nid blong olgeta” (Tij long Wei blong Sevya, 31).
Blong kasem moa aedia, luk long magasin blong Fren blong manis ia.