“27 Epril–3 Mei. ‘Tabu fasin i go long Lod: Eksodas 35–40; Levitikas 1; 4; 16; 19,” Kam Folem Mi—Blong Hom mo Jos: OlTesteman 2026 (2026)
“27 Epril–3 Mei. ‘Tabu fasin i go long Lod,’” Kam Folem Mi: OlTesteman 2026
Rio de Janeiro Brasil Tempol
27 Epril–3 Mei: “Tabu fasin i go long Lod”
Eksodas 35–40; Levitikas 1; 4; 16; 19
Blong lego Ijip—olsem we i impoten olsem hemia ia—hemia i no mekem i hapen stamba tingting we God i gat long ol pikinini blong Isrel. Iven wan gudfala laef long graon blong promes, i no stret gol blong God long olgeta. Hemia i ol step ia nomo blong wanem we God i wantem tumas blong ol pipol blong Hem: “Mi mi Hae God, mi God blong yufala, mo yufala i mas tabu” (Levitikas 19:2 ?Olsem wanem nao God i mekem plan blong mekem ol pipol blong Hem oli tabu afta we oli bin stap ol prisena blong plante jeneresen? Hem i givim komanmen long olgeta blong krietem wan ples blong tabu fasin long Lod long waelples—wan tabenakol. Hem i bin givim long olgeta ol kavenan mo ol loa blong gaedem ol aksen blong olgeta, mo blong jenisim hat blong olgeta. Mo Hem i givim komanmen long olgeta blong mekem ol sakrifaes blong animol blong tijim olgeta abaot atonmen blong ol sin blong olgeta. Evri samting ia i blong poenem ol maen, hat mo laef blong olgeta i go long Sevya. Hem nao i tru rod blong tabu fasin, blong Ol Man Isrel mo blong yumi. Yumi evriwan i bin spendem sam taem olsem ol prisena blong sin, mo oli invaetem yumi evriwan blong lego sin biaen mo folem Jisas Kraes, we i promesem “From we mi save mekem yufala i tabu” (Doktrin mo Ol Kavenan 60:7).
Blong gat wan bigfala lukluk long buk blong Levitikas, luk long “Levitikas” insaed long Bible Dictionary.
Ol Aedia blong Stap Lanem Samting long Hom mo long Jos
Eksodas 35–40; Levitikas 19
Lod i wantem mi blong kam tabu.
Eksodas 35–40 i tokbaot ol hadwok blong Ol Man Isrel we oli bin bildim wan tabenakol, ples ia we ol tabu odinens bae i save helpem olgeta blong kam wan tabu pipol. Taem yu ridim ol japta ia, lukaotem ol samting we Lod i askem ol pipol blong Hem blong putum insaed long tabenakol. ?Wanem nao ol aetem ia oli save ripresentem? ?Wanem tingting nao oli givim long yu abaot stap mekem tabu fasin blong yu i kam antap? Speseli tingting long olsem wanem ol aetem ia i tanem tingting blong yu i go long Sevya. Bae wan tebol olsem hemia ia bae i save helpem yu:
|
?Wanem samting nao yu faenem? |
?Wanem nao samting ia i save ripresentem? |
|---|---|
?Wanem samting nao yu faenem? Ak blong Kavenan (Eksodas 37:1–9; 40:20–21) | ?Wanem nao samting ia i save ripresentem? (Luk long Eksodas 25:20–22; Gaed long Ol Skripja, “Ak blong Kavenan”) |
?Wanem samting nao yu faenem? Olta blong Insens (Eksodas 40:26–27; luk tu long Eksodas 30:1, 6–8) | ?Wanem nao samting ia i save ripresentem? (Luk long Revelesen 8:3–4) |
?Wanem samting nao yu faenem? Ples blong putum laet [kandel] (Eksodas 37:17–24 | ?Wanem nao samting ia i save ripresentem? (Luk long Matiu 5:14–16; Jon 8:12) |
?Wanem samting nao yu faenem? Olta blong sakrifaes (Eksodas 38:1–7; luk tu long Eksodas 27:1; 29:10–14 | ?Wanem nao samting ia i save ripresentem? (Luk long Gaed long Ol Skripja, “Sakrifaes”) |
?Wanem samting nao yu faenem? Besin blong wota (Eksodas 30:17–21 | ?Wanem nao samting ia i save ripresentem? (Luk long 2 Kronikel 4:6; Aesea 1:16; Jeremaea 33:8) |
I tru, blong stap nomo long ol ples we i tabu i no mekem yumi i kam tabu. Levitikas 19 i tokbaot ol loa mo ol komanmen we Lod i givim blong helpem Ol Man Isrel oli kam antap long tabu fasin. ?Wanem nao yu faenem insaed long ol komanmen ia we i save helpem yu blong lukaotem tabu fasin long Lod? ?Wanem nao yu filim blong mekem blong save laef fulwan wetem ol prinsipol ia?
Luk tu long Henry B. Eyring, “Tabu Fasin mo Plan blong Stap Glad,” Liahona, Novemba 2019, 100–103; “The Tabernacle” (vidio), Gospel Laebri.
The Tabernacle
Yusum tabu miusik. Miusik i gat bigfala paoa blong invaetem paoa blong Spirit mo bildim fet long Jisas Kraes. Ol mesej insaed long ol hym, oltaem oli givim strong sapot long ol doktrin insaed long ol skripja. Eksampol, blong stap singsing long wan hym olsem “More Holiness Give Me” (Hym, namba 131) i save givim strong sapot long sam long ol mesej we oli tijim insaed long Levitikas 19. Mo tu, i save helpem yu tingbaot wanem i minim blong kam moa tabu olsem Sevya mo tingting hevi long olsem wanem Hem i stap helpem yu kam antap long tabu fasin.
Eksodas 35:4–35; 36:1–7
Lod i askem mi blong mekem wan ofring wetem wan hat we i wantem mekem ofring.
Long yia we oli livim Ijip, rilesensip blong ol pikinini blong Isrel wetem Jehova, oli save tokbaot se i no semmak. Be yet, taem yu ridim Eksodas 35:4–35 mo 36:1–7, luksave olsem wanem Ol Man Isrel oli ansa long komanmen ia blong bildim wan tabenakol. ?Wanem nao yu lanem long Ol Man Isrel we i save helpem yu blong givim wan seves we i moa gud long Lod?
Bae Hem i no askem yu from sam aean we oli naes tumas, ol klos we oli oli mekem long tred, o ol timba blong wan tabenakol. ?Wanem nao Lod i bin givim long yu, mo wanem nao Hem i stap askem long yu blong givim? ?Wetaem “nao tingting blong [yu] i glad blong givim sam samting i go long Hae God blong mekem wok ya”?
Luk tu long Topics and Questions, “Sacrifice,” Gospel Laebri.
Ol pikinini blong Isrel oli bin givim ol ofring blong tabenakol wetem “hat we i wantem blong givim” (Eksodas 35:5). Pikja droing i kam long Corbert Gauthier, © Lifeway Collection/we oli karem laesens long goodsalt.com
Eksodas 40:12–14
Ol odinens blong tempol, oli bin givim long taem bifo.
Eksodas 40:12–14 oli abaot ol odinens blong bifo we oli stap mekem tu long dei blong yumi insaed long haos blong Lod. Hemia sam moa ves we oli save helpem yu blong lanem abaot olsem wanem ol odinens ia oli testifae abaot Jisas Kraes:
-
Wasemaot: Ol Sam 51:2; Esikel36:25–27
-
Blong kavremap wetem ol tabu gamen: Aesea 61:10; Matiu22:11–14; Revelesen 19:7–8
-
God i Jusumaot: Luk 4:18–19; Ol Wok 10:38
Levitikas 1:1–9; 4; 16
From se tru long Atonmen blong Jisas Kraes, mi save kasem fogivnes.
Fulap samting insaed long buk blong Levitikas bae i luk defren long yumi—ol animol sakrifaes, ol kastom we i tekem blad mo wota, mo ol loa we i rulum laef blong smol taem. Be ol kastom mo ol loa ia oli stap blong tijim ol prinsipol we i semmak—fasin blong sakem sin, tabu fasin, mo Atonmen blong Sevya. Blong faenem ol prinsipol ia taem yu ridim Levitikas 1:1–9; 4; 16, tingting long ol kwestin olsem olgeta ia:
-
?Wanem ol toktok o sentens we mi faenem we oli rimaenem mi abaot Jisas Kraes mo atonmen mo sakrifaes blong Hem?
-
?Wanem nao mi lanem aot long ol sakrifaes ia, abaot sakrifaes blong Sevya?
-
?Long wanem wei nao mi mi olsem ol pipol we oli bin mekem ol sakrifaes ia?
Lod i nomo nidim ol sakrifaes blong ol animol. Be yet, sakrifaes i wan impoten prinsipol blong gospel. Blong lanem abaot ol kaen sakrifaes we Lod i nidim, stadi long 3 Nifae 9:19–20; Doktrin mo Ol Kavenan 64:34. ?Long wanem wei nao yu yu stap mekem ol kaen sakrifaes ia? ?Wanem nao Moses 5:7 i tijim yu abaot olsem wanem yu mas lukluk gud ol sakrifaes blong yu?
Luk tu long “Ol Tingting blong Kipim long Maen: Tabenakol mo Sakrifaes.”
Sam Aedia blong Tijim Ol Pikinini
Eksodas 35:20–29; 36:1
God i bin givim mi ol presen blong help wetem wok blong Hem.
-
Long en blong aotlaen ia, i wan pikja blong tabenakol long waelples blong Ol Man Isrel. Bae yu wantem blong lukluk long hem wetem ol pikinini blong yu mo askem olgeta, wanem ol materiol we bae oli bin nidim blong bildim tabenakol. Afta, tugeta, yufala i save ridim Eksodas 35:20–29 blong faenemaot olsem wanem nao oli bin kasem ol tul ia. ?Olsem wanem nao Lod i invaetem yumi blong kontribiut blong stap bildimap kingdom blong Hem?
-
Tingting blong stap rid wetem olgeta Eksodas 36:1 blong faenemaot wanem Lod i bin givim long Bejalehel mo Oholiab blong helpem tufala blong bildim tabenakol. Afta, yu save toktok wetem ol pikinini blong yu abaot wanem yu filim we Lod i bin givim long olgeta blong help bildimap kingdom blong Hem. ?Olsem wanem nao yumi save yusum ol samting ia blong blesem ol narafala man?
Rom Itali Tempol
Eksodas 40:17–34
Mi save filim se Lod i stap insaed long ol tabu ples.
-
Eksodas 40:17–34 i tokbaot lis blong ol samting we oli bin pat blong tabenakol blong Ol Man Isrel. Maet yu mo ol pikinini blong yu i save faenem olgeta insaed long ol ves ia mo long pikja blong tabenakol long en blong aotlaen ia. Tokbaot olsem wanem wanwan pat blong tabenakol i save tijim abaot Sevya o Papa long Heven. Eksampol, testemoni blong ak i save rimaenem yumi abaot ol komanmen blong God, olta i save rimaenem yumi abaot sakrifaes blong Jisas Kraes mo i gohed.
-
?Wanem ol tabu ples we yumi gat tedei we i helpem yumi blong filim moa kolosap long Jisas Kraes? Olsem pat blong storian ia, tugeta, yufala i save wajem vidio “Temples” (Gospel Laebri). Mo tu, yufala i save singsing wan singsing olsem “Holy Places” (Gospel Laebri). Serem wetem wanwan long yufala, wanem yufala i filim abaot ol tabu ples olsem tempol.
What Is a Temple?
Levitikas 1:1–4
From se tru long Atonmen blong Jisas Kraes, mi save kasem fogivnes.
-
Ol sakrifaes blong ol animol we oli tokbaot insaed long OlTesteman, oli bin hapen blong tijim ol pikinini blong Isrel abaot fasin blong fogiv we i tru long Atonmen blong Jisas Kraes. Tingting long olsem wanem taem yu stap rid abaot ol sakrifaes ia i save mekem semmak long ol pikinini blong yu. Yu save soem ol pikja blong Jisas Kraes long Getsemane mo long kros (luk long Gospel Art Buk, ol namba 56, 57) taem yu rid wetem ol pikinini blong yu Levitikas 1:1–4. Helpem olgeta blong faenem ol toktok o ol sentens we oli rimaenem olgeta abaot sakrifaes blong Jisas Kraes.
-
Tugeta, bae yufala i save ridim 3 Nifae 9:19–20 blong faenemaot wanem nao oli komandem yumi blong mekem sakrifaes long hem, be i no sakrifaes blong animol. ?Wanem i minim blong givim wan hat we i fulap wetem sore mo wan spirit we i wantem blong sakem sin mo go long Lod? Luk long Gaed long Ol Skripja, “Broken Heart” (Gospel Laebri) blong help blong ansarem kwestin ia.
Blong kasem moa aedia, luk long magasin blong Fren blong manis ia.