Deuterónómì 6– 8; 15; 18; 29–30;34

Òfin Mósè wà pẹ̀lú ọ̀pọ̀lọpọ̀ àwọn ayẹyẹ òde àti ọ̀nà-ìsìn. Bí ẹ ti ri nínú ìmọ̀ràn Mósè nínú Deuterónómì, Olúwa ni àníyàn bákannáà nípa ipò inú ti àwọn ènìyàn Rẹ̀—ipò ti ẹ̀mí ọkàn wọn.

Nínú ẹsẹ ọ̀rọ̀ ìsàlẹ̀, ẹ wá ọ̀rọ̀ náà ọkàn, kí ẹ sì jíjíròrò ohun tí èyí lè fihàn. Ẹ lè ronú nípa àwọn ẹsẹ ọ̀rọ̀ wọ̀nyí bí irú ìyẹ̀wò ti ẹ̀mí nínú ọkàn yín. Irú àyẹ̀wò wo ni ẹ yíò fún arayín? Ìrú ìtọ́jú wo ni ẹ yíò júwe láti mú ìlera ti ẹ̀mí ọkàn yín dára si? Ẹ kọ àwọn ìwọnilọ́kàn yín sílẹ̀.

• Deuterónómì 6:4–7:

• Deuterónómì 8:2-5:

• Deuterónómì 8:11–17:

• Deuterónómì 29:18–20:

• Deuterónómì 30:6-10:

• Deuterónómì 30:14-20:

Ọ̀nà kan láti kó àwọn èrò yín jọ lè jẹ́ láti ya ọkàn yín kí ẹ sì kọ̀ àwọn ohun tí Olúwa ní kí ẹ ní nínú ọkàn yín sínú rẹ̀. Nígbàtí ẹ lè kọ àwọn ohun tí ẹ níláti pamọ́ kúrò nínú ọkàn yín sí òde rẹ̀.

Báwo ni ẹ ó ti fihàn pé ẹ fẹ́ràn Ọlọ́run pẹ̀lú gbogbo ọkàn yín? Fún àwọn èrò, ẹ wo “Fẹ́ràn Ọlọ́run, fẹ́ràn ọmọnìkejì rẹ” nínú Fún Okun àwọn Ọ̀dọ́: Atọ́na kan fún Ṣíṣe àwọn Àṣàyàn, 10–12.

Bákannáà wo M. Russell Ballard, “Ìwọ Fẹ́ Mi Ju àwọn Wọ̀nyí Lọ Bí?,” Làìhónà, Oṣù Kọkànlá. 2021, 51–53.

Púpọ̀jù lára àwọn ọmọ Ísráẹ́lì tí wọ́n wọnú ilẹ̀ ìlérí kò tíì rí àwọn ìyọnu ní Égíptì tàbí sọdá Òkun Pupa. Mósè mọ̀ pé àwọn—àti pé àwọn ìran ọjọ́ ọ̀la— yíò nílò láti rántí àwọn iṣẹ́ ìyanu Ọlọ́run àti àwọn òfin Ọlọ́run láti dúró bí àwọn ènìyàn Ọlọ́run.

Ìmọ̀ràn wo ni ẹ rí nínú Deuterónómì 6:4–12, 20–25 tí ó lè ràn yín lọ́wọ́ láti rántí àwọn ohun nlá tí Ọlọ́run ti ṣe fún yín? Kínni ẹ ní ìmísí láti ṣe kí ọ̀rọ̀ Olúwa lè “wà ni ọkàn yín ní ojojúmọ́”? (ẹsẹ 6).

Bákannáà ẹ lè ṣe àṣàrò ọ̀rọ̀ Jan E. Newman “Títọ́jú Ohùn àwọn Ènìyàn Májẹ̀mú nínú Ìran Tó Ndìde” (Làìhónà, Oṣù Kọkànlá. 2023, 36–38) kí ẹ sì ṣe àyẹ̀wò bí ẹ ó ti fi ìgbàgbọ́ yín nínú Krístì ṣọwọ́ sí àwọn ìran ọjọ́ ọ̀la.

Bákannà wo Deuterónómì 11:18–21; Dale G. Renlund, “Ẹ Gbèrò Inúrere àti Títóbijùlọ Ọlọ́run,” Làìhónà, Oṣù Karun 2020, 41–44; Ìtumọ̀ Bíbélì, “Àwọn Ọjọ́ Ìgbà Iwájú tàbí Ìgbátí Aṣọ.”

A kò tíì dé síbẹ̀ ní ọjọ́ náà “nígbàtí kò ní sí òtòṣì ní àárín yín” (Deuterónómì 15:4), nítorínáà àwọn ẹ̀kọ́ ìpìlẹ̀ nípa ríran àwọn òtòṣì lọ́wọ́ nínú Deuterónómì 15 ṣì níyì, àní bí àwọn ìṣe kan ní pàtó bá yípadà. Kíyèsí ohun tí àwọn ẹsẹ 1–15 kọ́ni nípa ìdí tí a fi nran àwọn ènìyàn nínú àìní lọ́wọ́ àti ohun tí ìhùwàsí wa níláti jẹ́ nípa rẹ̀.

Kínni ó tú mọ̀sí láti “la ọwọ́ rẹ” sí àwọn ènìyàn nínú àìní? (àwọn ẹsẹ 8, 11). Kínni ohun tí ẹ kọ́ láti inú àpẹrẹ Olúwa nípa ríran àwọn ènìyàn nínú àìní lọ́wọ́? (wo ẹsẹ 15).

Bákannáà “Njẹ́ Mo Ti Ṣe Ohun Rere Kankan?,” Àwọn Orin Ìsìn, nọ́mbà 223.

Pétérù, Néfì, Mórónì, àti Olùgbàlà Fúnrarẹ̀ gbogbo wọn sọ̀rọ̀ lórí àsọtẹ́lẹ̀ nínú Deuterónómì 18:15–19 (wo Àwọn Ìṣe 3:20–23; 1 Néfì 22:20–21; Ìwé-ìtàn—Jósẹ́fù Smith 1:40; 3 Néfì 20:23). Kínni ẹ kọ́ nípa Olùgbàlà láti inú ẹsẹ wọ́nyí? Ẹ ronú nípa ohun tí ẹ ti kà nípa Mósè ní àwọn ọ̀sẹ̀ tó kọjá. Báwo ni Mósè ṣe “dàbí” Jésù Krístì?

Ó lè jẹ́ wíwuni láti ṣe àfiwé àwọn ọ̀rọ̀ Mósè nínú Deuterónómì 29:9; 30:15–20 pẹ̀lú àwọn ìkọ́ni ìgbẹ̀hìn Léhì sí ẹbí rẹ̀ nínú 2 Néfi 2:26–29; 4:4. Báwo ni Léhì ṣe mú ohun tí Mósè kọ́ gbòòrò? Kínni ẹ rí nínú àwọn ẹsẹ ọ̀rọ̀ wọ̀nyí tí ó mísí yín láti “yan ìyè”? (Deuterónómì30:19)

• Láti ran àwọn ọmọ yín lọ́wọ́ láti ní òye Deuterónómì 6:5, ẹ lè ya ọkàn kan, ìlànà ti ara kan, àti apá tó lágbára. Àwọn ọmọ yín lè nawọ́ sí àwòrán náà bí ẹ ti nka àwọn ọ̀rọ̀ “ọkàn,” “ẹ̀mí,” àti “okun” nínú ẹsẹ náà. Báwo ni a ó ṣe fihàn Olúwa pé a fẹ́ràn Rẹ̀ pẹ̀lú gbogbo ọkàn, ẹ̀mí, àti okun wa?

• Ẹ kà ìmọ̀ràn Olúwa sí àwọn ọmọ Ísráẹ́lì pẹ̀lú àwọn ọmọ yín láti fi àwọn ẹsẹ ìwé mímọ́ sí ibi tí wọn yíò ti rí wọn ní ojojúmọ́ (wo Deuterónómì 6:6–9). Èyí lè mísí yín àti àwọn ọmọ yín láti ronú àwọn ọ̀nà láti mu dájú pé ẹ kò “gbàgbé Olúwa” (ẹsẹ 12) àti láti rántí ohun tí Ó ti ṣe fún yín.

• Ẹ lè fihàn pé Deuterónómì 6:13, 16 àti 8:3 ran Olùgbàlà lọ́wọ́ ní ìgbà àkokò pàtàkì kan nínú ayé Rẹ̀. Láti ri bẹ́ẹ̀, ẹ ka papọ̀ Matteu 4:1–10. Nígbànáà ẹ lè pín àwọn ẹsẹ ọ̀rọ̀ ìwé mímọ́ tí ó ti ràn yín lọ́wọ́ ní àkokò àìní pẹ̀lú ara yín.

• Bí ẹ ti nka Deuterónómì 18:18 papọ̀, ẹ ran àwọn ọmọ yín lọ́wọ́ láti ní òye pé Wòlíì bíiti Mósè nínú ẹsẹ yí ni Jésù Krístì. Bóyá ẹ lè wo àwọn àwòrán ohun tí Mósè ṣe àti àwọn ohun tí Jésù Krístì ṣe, kí ẹ sì jẹ́ kí àwọn ọmọ yín mú wọn báramu (wo Ìwé Ọnà Ìhìnrere, àwọn nọmba. 15, 16, 38,39). Kínni àwọn wòlíì wa ní o`ní kọ́ wa nípa Olùgbàlà?

• Sísọ̀rọ̀ nípa Deuterónómì 29:12–13 pèsè ànfàní kan fún yín àti àwọn ọmọ yín láti sọ̀rọ̀ nípa àwọn májẹ̀mú tí wọn yíò dá tàbí ti dá pẹ̀lú Baba Ọ̀run. Kínni ó túmọ́sí láti jẹ́ àwọn ènìyàn Ọlọ́run? Báwo ni àwọn ìlérí wa ṣe nmú wa jẹ́ àwọn ènìyàn Ọlọ́run? (wo ẹsẹ 13; nákannáà wo Mòsíàh 18:8–10).

• Bí àwọn ọmọ yín bá nílò ìrànlọ́wọ́ láti ní òye ohun tí májẹ̀mú jẹ́, ẹ dá àbá pé kí wọ́n wá ìtumọ̀ nínú “Májẹ̀mú” nínú Atọ́nà sí àwọn ìwé mímọ́ (Ibi-ìkàwé Ìhìnrere). Kínni àwọn ìlérí tí Ọlọ́run àti àwọn ọmọ Ísráẹ́lì ṣe pẹ̀lú ara wọn nínú Deuterónómì 30:8–10? Kínni àwọn ìlérí tí a dá pẹ̀lú Ọlọ́run? (wo Ẹ̀kọ́ ati awọn Májẹ̀mú 20:37, 77). Báwo ni àwọn ìlérí wọ̀nyí ṣe so wá mọ́ Ọ? Ẹ gbèrò kíkọ orin kan papọ̀ nípa àwọn májẹ̀mú “Dídúró lórí àwọn Ìlérí” (Ibi-ìkàwé Ìhìnrere).