Ẹ́ksódù 35–40; Lẹ́fítíkù 1; 4; 16;19

Ẹ́ksódù 35–40 júwe ìtiraka àwọn ọmọ Ísráẹ́lì láti kọ́ àgọ́, níbití àwọn ìlànà mímọ́ yíò ti ràn wọ́n lọ́wọ́ láti di ènìyàn mímọ́. Bí ẹ ti nka àwọn orí wọ̀nyí, ẹ wá àwọn ohun tí Olúwa ní kí àwọn ènìyàn Rẹ̀ gbé sínú àgọ́. Kínni àwọn ohun-èlò wọ̀nyí lè rọ́pò? Kínni wọ́n dá àbá sí yín nípa púpọ̀si nínú ìwà mímọ́? Nípàtàkì ẹ gbèrò bí àwọn ohun èlò wọ̀nyí ṣe nyí àwọn èrò yín padà síwájú Olùgbàlà. Tábìlì bí èyí lè ràn yín lọ́wọ́:

Bẹ́ẹ̀ni, ó kàn wà nínú ibi mímọ́ tí kò mú wa di mímọ́. Lẹ́fítíkù 19 júwe àwọn òfin àti àṣẹ Olúwa tí a fúnni láti ran àwọn ọmọ Ísráẹ́lì lọ́wọ́ láti pọ̀si nínú ìwà mímọ́. Kínni ẹ rí nínú àwọn òfin wọ̀nyí tí ó lè ràn yín lọ́wọ́ láti wá ìwà mímọ́ láti ọ̀dọ̀ Olúwa? Kínni ẹ ní ìmọ̀lára ìwọnilọ́kàn láti ṣe láti gbé àwọn ẹ̀kọ́ ìpìlẹ̀ wọ̀nyí ní kíkún?

Bákannáà wo Henry B. Eyring, “Ìwà mímọ́ àti Ètò Ìdùnnú,” Làìhónà, Oṣù Kọkànlá. 2019, 100–103; “Àgọ́ Náà” (fídíò), Ibi-ìkàwé Ìhìnrere.

7:19

Nínú ọdún náà lẹ́hìn fífi Égíptì sílẹ̀, ìbáṣepọ̀ àwọn ọmọ Ísráẹ́lì pẹ̀lú Jèhófàh ni a lè júwe bí àìtẹramọ́. Àti síbẹ̀, bí ẹ ti nka Ẹ́ksódù 35:4–35 àti 36:1–7, ẹ kíyèsí bí àwọn ọmọ Ísráẹ́lì ṣe fèsì sí òfin láti kọ́ àgọ́. Kínni ẹ lè kọ́ láti ọ̀dọ̀ àwọn ọmọ Ísráẹ́lì tí ó lè ràn yín lọ́wọ́ láti sin Olúwa?

Òun lè má bèèrè fún irin, aṣọ ọ̀gbọ̀, tàbí igi iyebíye fún àgọ́ kan. Kínni Olúwa ti fún yín, àti pé kínni Ó nbèèrè pé kí ẹ fúnni? Nígbà wo ni “ọkàn yí ti rúu [yín] sókè láti wá sínú iṣẹ́ náà”?

Bákannáà wo Àwọn Àkọlé àti Àwọn Ìbèèrè, “Ìrúbọ,” Ibi-ìkàwé Ìhìnrere.

Ẹ́ksódù 40:12–14 tọ́ka sí àwọn ìlànà àtijọ́ tí a npínfúnni bákannáà ní ọjọ́ wa nínú ilé Olúwa. Ní ìhín ni àwọn àfikún ẹsẹ tí ó lè ràn yín lọ́wọ́ láti kọ́ nípa bí àwọn ìlànà wọ̀nyí ṣe lè jẹ́ ẹ̀rí nípa Jésù Krístì:

• Wíwẹ̀: Orin Dáfídì 51:2; Èsèkíẹ́lì 36:25–27

• Wíwọṣọ nínú gámẹ́ntì mímọ́: Ísáíàh 61:10; Matteu 22:11–14; Ìfihàn 19:7–8

• Fífi àmì òróró yàn: Lúkù 4:18–19; Ìṣe àwọn Àpóstélì 10:38

Púpọ̀ lára ìwé Lẹ́fítíkù lè dàbí o ṣe àjèjì sí wa—ìrúbọ ohun-ọ̀sìn, iṣẹ̀ṣe tí ó wà pẹ̀lú ẹ̀jẹ̀ àti omi, àti àwọn òfin tí ó nṣe àkóso àwọn ẹ̀kúnrẹ́rẹ́ álàyé kékèké ti ayé. Ṣùgbọ́n àwọn ìṣẹ̀ṣe àti òfin wọ̀nyí ni ó yẹ kí ó kọ́ wa ní àwọn ẹ̀kọ́ ípílẹ̀ tí ó faramọ́—ìrònúpìwàdà, ìwà mímọ́, àti Ètùtù Olùgbàlà. Láti wá àwọn ẹ̀kọ́ ìpìlẹ̀ wọ̀nyí bí ẹ ṣe nka Lẹ́fítíkù 1:1–9; 4;16, Ẹ yẹ àwọn ìbèèrè wọ̀nyí wo:

• Kínni àwọn ọ̀rọ̀ tàbí gbólóhùn ọ̀rọ̀ tí mo rí tí ó nrán mi létí nípa Jésù Krístì àti ìrúbọ ètùtù Rẹ̀?

• Kínni mo kọ́ láti inú àwọn ìrúbọ wọ̀nyí nípa ìrúbọ Olùgbàlà?

• Báwo ni mo ṣe dàbí àwọn ènìyàn tí wọ́n ṣe àwọn ìrúbọ wọ̀nyí?

Olúwa kò bèèrè ìrúbọ ẹranko mọ́. Ṣùgbọ́n ó ṣì jẹ́ ẹ̀kọ́ pàtàkì nípa ìhìnrere. Láti kọ́ nípa irú ìrúbọ tí Olúwa nbèèrè, ẹ ṣe àṣàrò 3 Néfì 9:19–20; Ẹ̀kọ́ ati awọn Májẹ̀mú 64:34. Báwo ni ẹ ṣe nṣe irú àwọn ìrúbọ wọ̀nyí? Kínni Mósè 5:7 kọ́ ọ yín nípa bí ẹ ṣe lè wo àwọn irúbọ yín?

Bákannáà wo “Àwọn Èrò láti Pamọ́ sí Iyè-inú: Àgọ́ àti Ìrúbọ.”

• Ní òpin ìlànà yí ni àwòrán aginjù àgọ́ àwọn ọmọ Ísráẹ́lì. Ẹ lè fẹ́ láti wò ó pẹ̀lú àwọn ọmọ kí ẹ sì bèèrè lọ́wọ́ wọn àwọn ohun èlò tí wọ́n ìbá ti nílò láti kọ́ àgọ́ náà. Nígbànáà ẹ lè ka Ẹ́ksódù 35:20–29 papọ̀ láti wá bí a ti pèsè àwọn ohun èlò wọ̀nyi. Báwo ni Olúwa ti ṣe pè wá lá lọ́wọ́sí gbígbé ìjọba Rẹ̀ ga?

• Ẹ yẹ kíka Ẹ́ksódù 36:1 pẹ̀lú wọn láti wá ohun tí Olúwa fún Bẹ́sẹ́líẹ́lì àti Áhólíábù láti ṣe ìrànlọ́wọ́ láti kọ́ àgọ́. Ẹ lè bá àwọn ọmọ yín sọ̀rọ̀ nígbànáà nípa ohun tí ẹ ní ìmọ̀lára pé Olúwa ti fún wọn láti ṣèrànwọ́ láti gbé ìjọba Rẹ̀ ga. Báwo ni a ṣe lè lo àwọn ohun wọ̀nyí láti bùkún àwọn ẹlòmíràn?

• Ẹ́ksódù 40:17–34 ẹ ṣe ìtòsílẹ̀ àwọn ohun tí ó jẹ́ ara àgọ́ àwọn ọmọ Ísráẹ́lì. Bóyá ẹ̀yin àti àwọn ọmọ yín lè wá wọn nínú àwọn ẹsẹ wọ̀nyí àti nínú àwòrán àgọ́ ní òpin ìlànà yí. Ẹ sọ̀rọ̀ nípa bí ara kọ̀ọ̀kan ti àgọ́ ṣe lè kọ́ni nípa Olùgbàlà tàbí Baba Ọ̀run. Fún àpẹrẹ, ark ti ẹ̀rí lè rán wa létí nípa àwọn òfin Ọlọ́run, pẹpẹ lé rán wa létí nípa ìrúbọ Jésù Krístì, àti bẹ́ẹ̀bẹ́ẹ̀ lọ.

• Àwọn ibi mímọ́ wo ni a ní ní òní tí ó lè ràn wá lọ́wọ́ láti ní ìmọ̀lára láti súnmọ́ Jésù Krístì. Bí ara ìbárasọ̀rọ̀ yí, ẹ lè papọ̀ wo fídíò “Àwọn Tẹ́mpìlì” (Ibi-ìkàwé Ìhìnrere). Ẹ lè kọ orin kan bíi “Àwọn Ibi Mímọ́” (Ibi-ìkàwé ìhìnrere). Ẹ pín pẹ̀lú ara yín bí ẹ ṣe ní ìmọ̀lára nípa àwọn ibi mímọ́ bíiti tẹ́mpìlì.

5:41

• Ìrúbọ ohun-ọ̀sin tí a júwe nínú Májẹ̀mú Láéláé ni ó yẹ kí ó kọ́ àwọn ọmọ Ísráẹ́lì nípa ìdáríjì nípasẹ̀ Jésù Krístì. Ẹ yẹ bí kíkà nípa ìrúbọ wọ̀nyí fi lè ṣe ohunkànnáà fún àwọn ọmọ yín. Ẹ lè fi àwọn àwòrán Jésù Krístì ní Gẹ́tsémánè àti lórí àgbélèbú hàn (wo Ìwé Ọnà Ìhìnrere, àwọn nọmba. 56,57) bí ẹ ṣe nkàá pẹ̀lú àwọn ọmọ Lẹ́fítíkù 1:1–4. Ẹ ràn wọ́n lọ́wọ́ láti wá àwọn ọ̀rọ̀ tàbí gbólóhùn ọ̀rọ̀ tí ó nrán wọn létí ìrúbọ Jésù Krístì.

• Ẹ lè ka 3 Néfì 9:19–20 papọ̀ láti rí ohun tí a pàṣẹ fún wa láti rúbọ̀ dípò àwọn ẹranko. Kínni ó túmọ̀sí láti fi ìrora ọkàn ati ẹ̀mí ìròbínújẹ́ fún Olúwa? Wo atọ́nà sí àwọn ìwé mímọ́, “Ọkàn Ìròbìnújẹ́” (Ibi-ìkàwé Ìhìnrere) fún ṣíṣe ìrànwọ́ láti dáhùn àwọn ìbèèrè yí.