సంఖ్యాకాండము 11–14; 20–24; 27

సంఖ్యాకాండము 11:11–17, 24–29 లో, మోషే ఎదుర్కొన్న సమస్యను, దేవుడు ప్రతిపాదించిన పరిష్కారమును గమనించండి. మోషే “యెహోవా ప్రజలందరును ప్రవక్తలగునట్లు” తాను కోరుతున్నానని చెప్పినప్పుడు, అతడి ఉద్దేశ్యమేమిటని మీరనుకుంటున్నారు? (29వ వచనము). మీరు ఈ ప్రశ్నను ధ్యానిస్తున్నప్పుడు, అధ్యక్షులు రస్సెల్ ఎమ్. నెల్సన్ గారి సందేశం, “సంఘము కొరకు బయల్పాటు, మన జీవితాల కొరకు బయల్పాటు” (లియహోనా, మే 2018, 93–96)లో సాధ్యమైన సమాధానాల కోసం చూడండి.

మనమందరం బయల్పాటును పొందగలమని చెప్పడానికి అర్థము, మోషే నడిపించిన విధంగా మనమందరం దేవుని ప్రజలను నడిపించగలమని కాదు. సంఖ్యాకాండము 12లో వ్రాయబడిన సంఘటన దీనిని స్పష్టం చేస్తుంది. ఈ అధ్యాయంలో మీరు ఏ హెచ్చరికలను కనుగొంటారు? వ్యక్తిగత బయల్పాటు మరియు ప్రవక్తను అనుసరించుట గురించి మీరు గ్రహించాలని ప్రభువు మిమ్మల్ని కోరుతున్నదేమిటని మీరు భావిస్తున్నారు?

1 నీఫై 10:17; సిద్ధాంతము మరియు నిబంధనలు 28:1–7 కూడా చూడండి.

ఫరో ముందు నిలబడి, ప్రభువు శక్తితో గొప్ప అద్భుతాలు చేసిన మోషే కూడా “మిక్కిలి సాత్వికుడు” (సంఖ్యాకాండము 12:3) అని తెలుసుకుని కొంతమంది ఆశ్చర్యపోతారు. సాత్వికంగా ఉండడం అంటే అర్థమేమిటి? “సాత్వికులు మరియు దీనులు” (లియహోనా, మే 2018, 30–33)లో ఎల్డర్ డేవిడ్ ఎ. బెడ్నార్ గారి వివరణను అధ్యయనం చేయడాన్ని పరిగణించండి.

నిర్గమకాండము 18:13–25; సంఖ్యాకాండము 11:26–29; సంఖ్యాకాండము 12; హెబ్రీయులకు 11:24–27 మరియు మోషే 1:10–11లో సాత్వికమునకు మోషే యొక్క మాదిరుల నుండి మీరేమి నేర్చుకుంటారు? రక్షకుడు ఎలా సాత్వికాన్ని చూపించారో కూడా మీరు ఆలోచించవచ్చు (మత్తయి 11:29; 27:11–14; లూకా 22:41–42; యోహాను 13:4–5 చూడండి). ఈ మాదిరులు మీకు ఏమి బోధిస్తాయి?

సంఖ్యాకాండము 13–14 మీరు చదివినప్పుడు, ఇశ్రాయేలీయుల స్థానములో మిమ్మల్ని మీరు ఉంచడానికి ప్రయత్నించండి. “ఐగుప్తుకు తిరిగి వెళ్లడానికి” వారు ఎందుకు కోరుకున్నారని మీరనుకుంటున్నారు? (సంఖ్యాకాండము 14:3). కాలేబు కలిగియున్న ఇతర “ఆత్మను” మీరు ఎలా వర్ణిస్తారు? (సంఖ్యాకాండము 14:24). కాలేబు మరియు యెహోషువ యొక్క విశ్వాసము గురించి మిమ్మల్ని ఆకట్టుకొనేది ఏది మరియు మీరు ఎదుర్కొనే పరిస్థితులకు వారి మాదిరులను మీరు ఎలా అన్వయిస్తారు?

సంఖ్యాకాండము 21:4–9లో వ్రాయబడిన కథనమును మోర్మన్ గ్రంథ ప్రవక్తలు ఎరుగుదురు మరియు దాని ఆత్మీయ ప్రాముఖ్యతను వారు గ్రహించారు. ఈ కథను గూర్చి వారి బోధనలను 1 నీఫై 17:40–41; ఆల్మా 33:18–22; మరియు హీలమన్ 8:13–15లో చదవండి. మీరు చదివినప్పుడు ధ్యానించడానికి ఇక్కడ కొన్ని ప్రశ్నలు ఉన్నాయి:

• ఇత్తడి సర్పము దేనిని సూచించవచ్చు?

• పాము కాటులు దేనిని సూచిస్తాయి?

• ఇశ్రాయేలీయులు స్వస్థపరచబడడానికి “ఇత్తడి సర్పమును [చూడాలి]” (సంఖ్యాకాండము 21:9). చూడడానికి కొంతమంది ఎందుకు నిరాకరించారని మీరనుకుంటున్నారు? అటువంటిది ఏదైనా మీకెప్పుడైనా జరిగిందా?

• మరింత సంపూర్ణంగా “దేవుని యొక్క కుమారుని వైపు విశ్వాసముతో చూడడానికి” మరియు స్వస్థపరచబడడానికి ఏమి చేయాలని మీరు ప్రేరేపించబడ్డారు? (హీలమన్ 8:15).

ఈ గద్యభాగాలను చదవడం జనులు క్రీస్తుపై దృష్టి కేంద్రీకరించడం అవసరమైన లేఖనాలలోని ఇతర సమయాలను మీకు గుర్తు చేయవచ్చు. ఉదాహరణకు, సంఖ్యాకాండము 21:4–9లోని సందేశాన్ని మత్తయి 14:25–31 మరియు 1 నీఫై 8:24–28తో పోల్చండి (ఈ వారపు నమూనా చివరనున్న చిత్రాలను కూడా చూడండి). ఏది మనల్ని క్రీస్తు నుండి దూరం చేస్తుంది? ఆయనపై దృష్టి కేంద్రీకరించే వ్యక్తులను ఆయన ఎలా ఆశీర్వదిస్తారు?

మోయాబు రాజైన బాలాకు, ఇశ్రాయేలీయులు సమీపిస్తున్నారని తెలుసుకొన్నప్పుడు దీవెనలు మరియు శాపములు ప్రకటించడానికి ప్రసిద్ధి చెందిన బిలామును పిలిపించాడు. అతడు ఇశ్రాయేలీయులను శపించాలని బాలాకు కోరుకున్నాడు. బాలాకు బిలామును ఒప్పించడానికి ఎలా ప్రయత్నించాడో గమనించండి (సంఖ్యాకాండము 22:5–7, 15–17 చూడండి) మరియు దేవుని చిత్తమునకు వ్యతిరేకంగా చేయాలని మీరు ఎదుర్కొనే శోధనలను గూర్చి ఆలోచించండి. సంఖ్యాకాండము 22:18, 38; 23:8, 12, 26; 24:13 లో బిలాము యొక్క జవాబులను గూర్చి మిమ్మల్ని ఆకట్టుకొనేది ఏది? విచారకరంగా, చివరకు బిలాము ఒత్తిడికి లొంగిపోయి, ఇశ్రాయేలీయులను మోసగించాడు (సంఖ్యాకాండము 31:16; యూదా 1:11 చూడండి). ఇతరుల ఒత్తిడిని లక్ష్యపెట్టకుండా మీరు ప్రభువుపట్ల ఎలా విశ్వాసంగా ఉండగలరో ధ్యానించండి.

• ఇశ్రాయేలీయులకు సహాయం చేయడానికి యెహోవా చేసిన కొన్ని అద్భుతాలు మీకు గుర్తున్నాయా అని మీ పిల్లలను అడగండి (పాత నిబంధన కథలు, 67–74లో “ఐగుప్తులో తెగుళ్ళు” మరియు “పస్కా పండుగ” చూడండి). తర్వాత, ఇశ్రాయేలీయులు తమ ఆశీర్వాదాలను మరచిపోయి ఫిర్యాదు చేస్తున్నారని నొక్కి చెప్తూ మీరు వారి కోసం సంఖ్యాకాండము 11:4–10 ని సంక్షిప్తం చేయవచ్చు. మనం కొన్నిసార్లు ఏ ఆశీర్వాదాలను మరచిపోతాము?

• సంఖ్యాకాండము 12 ను పరిచయం చేయడానికి, మోషే సోదరుడు మరియు సోదరి అయిన అహరోను మరియు మిర్యాములతో ప్రభువు సంతోషంగా లేరని మీరు మీ పిల్లలకు చెప్పవచ్చు. ఎందుకు అని తెలుసుకోవడానికి సంఖ్యాకాండము 12:1–8 చదవమని వారిని ఆహ్వానించండి. ప్రభువు యొక్క ప్రవక్తను గౌరవించి, ఆశీర్వదించబడిన వ్యక్తుల ఉదాహరణలను లేఖనాలలో కనుగొనడంలో మీ పిల్లలకు సహాయం చేయడానికి Gospel Art Book [సువార్త కళా పుస్తకము]‌ను ఉపయోగించడాన్ని పరిగణించండి. ప్రభువు యొక్క ప్రవక్తను అనుసరించినప్పుడు మనం ఎలా ఆశీర్వదించబడతాము?

• మీ పిల్లలు సంఖ్యాకాండము 21:6-9లో జరిగిన దానిని తెలుసుకోవడానికి పాత నిబంధన కథలు, 83-84లో ఉన్న “మోషే మరియు ఇత్తడి సర్పము”ను మీరు ఉపయోగించవచ్చు. ఇత్తడి సర్పం యేసు క్రీస్తు వలె ఎలా ఉంది? (యోహాను 3:14–15 చూడండి). మీ పిల్లలు కాగితంతో పాముని తయారు చేసి, దానిపై “విశ్వాసంతో దేవుని కుమారుని వైపు చూడడానికి” (హీలమన్ 8:15) చేయగలిగే కొన్ని సాధారణ విషయాలను వ్రాయడాన్ని ఆనందించవచ్చు.

  

  1:2

• పెద్ద పిల్లలు ఈ క్రింది లేఖనాల్లో ఒకదాన్ని ఎంచుకోవచ్చు మరియు కథపై వారి అవగాహనకు తోడ్పడే వాటిని పంచుకోవచ్చు: 1 నీఫై 17:41; ఆల్మా 33:18–20; హీలమన్ 8:13–15; సిద్ధాంతము మరియు నిబంధనలు 6:36.

• మోయాబు రాజు బాలాకు అతనికి ఘనతను, సంపదలను ఇచ్చినప్పటికీ, బిలాము దేవుని జనులను శపించడానికి ఎలా నిరాకరించాడో నొక్కి చెబుతూ, మీ పిల్లల కోసం సంఖ్యాకాండము 22:1–18 ని సంక్షిప్తం చేయండి. అప్పుడు బిలాము దేవుణ్ణి వెంబడించాలనుకుంటున్నాడని చూపించే వాక్యభాగాల కోసం ఈ క్రింది వచనాలను శోధించడంలో మీరు మీ పిల్లలకు సహాయం చేయవచ్చు: సంఖ్యాకాండము 22:18; 23:26; 24:13. బహుశా మీ పిల్లలు వారు ఇష్టపడే ఒక వాక్యభాగాన్ని ఎంచుకుని, ప్రభువుపట్ల విధేయత చూపడాన్ని గుర్తుంచుకోవడానికి వారికి సహాయం చేసేలా దానిని కార్డుపై వ్రాసుకోవచ్చు.