Թվեր 11–14, 20–24, 27

Թվեր 11․11–17, 24–29 հատվածներում ուշադրություն դարձրեք այն խնդրին, որին բախվեց Մովսեսը, և այն լուծմանը, որն Աստված առաջարկեց նրան։ Ըստ ձեզ, ի՞նչ նկատի ուներ Մովսեսը, երբ ասաց, որ ցանկանում է, որ «Տիրոջ ամբողջ ժողովուրդը մարգարեներ լինեին» (հատված 29)։ Այս հարցի շուրջ խորհելիս հնարավոր պատասխանները փնտրեք նախագահ Ռասսել Մ. Նելսոնի «Հայտնություն Եկեղեցու համար, հայտնություն մեր կյանքի համար» ուղերձում (Լիահոնա, մայիս 2018, 93–96)։

Սակայն պնդումը, որ մենք բոլորս կարող ենք հայտնություն ստանալ, չի նշանակում, որ մենք բոլորս կարող ենք առաջնորդել Աստծո ժողովրդին այնպես, ինչպես դա արեց Մովսեսը: Թվեր 12 բաժնում նկարագրված իրադարձությունը դա հստակեցնում է։ Ի՞նչ նախազգուշացումներ եք գտնում այս բաժնում։ Ըստ ձեզ, Տերը ի՞նչ է ցանկանում, որ դուք հասկանաք անձնական հայտնության և Իր մարգարեին հետևելու մասին:

Տես նաև 1 Նեփի 10․17, Վարդապետություն և Ուխտեր 28․1–7, Դալլին Հ․ Օուքս, «Հաղորդակցման երկու ուղիները», Լիահոնա, նոյ․ 2010, 83–86։

Որոշ մարդիկ զարմանում են՝ կարդալով, որ Մովսեսի պես հզոր առաջնորդը, որը կանգնել էր Փարավոնի առջև և Տիրոջ զորությամբ ապշեցուցիչ հրաշքներ գործել, նաև «շատ հեզ էր» (Թվեր 12․3)։ Ի՞նչ է նշանակում հեզ լինել: Կարող եք ուսումնասիրել երեց Դեյվիդ Ա. Բեդնարի կողմից տրված բացատրությունն իր «Հեզ և սրտով խոնարհ» ուղերձում (Լիահոնա, մայիս 2018, 30–33) կամ «Հեզ, Հեզություն» եզրույթները Սուրբ գրքերի ուղեցույցում (Gospel Library հավելված)։

Ի՞նչ սովորեցիք Մովսեսի հեզության օրինակներից Ելք 18․13–25, Թվեր 11․26–29, Թվեր 12, Եբրայեցիներին 11․24–27 և Մովսես 1․10–11 հատվածներից։ Կարող եք նաև խորհել, թե Փրկիչը ինչպես հեզություն դրսևորեց (տես Մատթեոս 11.29, 27.11–14, Ղուկաս 22.41–42, Հովհաննես 13.4–5): Ի՞նչ են այդ օրինակներն ուսուցանում ձեզ:

Թվեր 13–14 հատվածները կարդալիս փորձեք ձեզ դնել իսրայելացիների տեղում: Ըստ ձեզ, ինչո՞ւ էին նրանք ցանկանում «վերադառնալ Եգիպտոս» (Թվեր 14․3)։ Ինչպե՞ս կբնութագրեք Քաղեբի ունեցած ուրիշ «հոգին»։ (Թվեր 14․24)։ Ի՞նչն է ձեզ տպավորում Քաղեբի և Հեսուի հավատքի մեջ, և ինչպե՞ս կարող եք նրանց օրինակները կիրառել ձեր առջև ծառացած իրավիճակներում:

Մորմոնի գրքի մարգարեները գիտեին Թվեր 21․4–9 հատվածների պատմությունը և հասկանում էին դրա հոգևոր նշանակությունը: Այդ պատմության մասին նրանց ուսմունքները կարող եք կարդալ 1 Նեփի 17․40–41, Ալմա 33․18–22 և Հելաման 8․13–15 հատվածներում։ Ահա մի քանի հարց, որոնց մասին պետք է խորհել՝ այդ հատվածները կարդալիս.

• Ի՞նչ կարող է խորհրդանշել պղնձե օձը։

• Ի՞նչ կարող են խորհրդանշել օձի խայթոցները:

• Իսրայելացիները պետք է «[նայեին] պղնձե օձին» (Թվեր 21․9), որպեսզի բժշկվեին։ Ըստ ձեզ, ինչո՞ւ որոշ մարդիկ հրաժարվեցին նայել։ Ձեզ հետ երբևէ նման բան պատահե՞լ է:

• Ի՞նչ եք ոգեշնչվում անել, որ լիարժեք «հավատքով նայեք Աստծո Որդուն» և բժշկվեք։ (Հելաման 8․15)։

Այս հատվածները կարդալը կարող է ձեզ հիշեցնել սուրբ գրություններում նկարագրված այլ դեպքերի մասին, երբ մարդիկ պետք է իրենց ուշադրությունը կենտրոնացնեին Քրիստոսի վրա: Օրինակ՝ համեմատեք Թվեր 21․4–9 հատվածների ուղերձը Մատթեոս 14․25–31 և 1 Նեփի 8․24–28 հատվածների հետ (տես նաև այս շաբաթվա նյութի վերջում գտնվող նկարները)։ Ի՞նչն է մեզ հեռացնում Քրիստոսից: Ինչպե՞ս է Նա օրհնում այն մարդկանց, որոնք կենտրոնացած են Իր վրա:

Տես նաև «Jesus, the Very Thought of Thee» օրհներգը (Հիմներ հմր. 141)։

Երբ Մովաբի թագավոր Բաղակն իմացավ, որ իսրայելացիները մոտենում են, նա կանչեց Բաղաամին՝ մի մարդու, որը հայտնի էր օրհնություններ և անեծքներ ասելով: Բաղակը ցանկանում էր, որ նա անիծի իսրայելացիներին։ Ուշադրություն դարձրեք, թե Բաղակն ինչպես փորձեց համոզել Բաղաամին (տես Թվեր 22․5–7, 15–17) և մտածեք այն գայթակղությունների մասին, որոնց կարող եք բախվել՝ Աստծո կամքին հակառակ գնալու դեպքում։ Ի՞նչն է ձեզ տպավորում Բաղաամի պատասխաններում Թվեր 22․18, 38, 23․8, 12, 26, 24․13 հատվածներում։ Ցավոք, Բաղաամն, ի վերջո, տեղի տվեց ճնշմանը և դավաճանեց Իսրայելին (տես Թվեր 31․16, Հուդա 1․11)։ Խորհեք, թե ինչպես կարող եք հավատարիմ մնալ Տիրոջը՝ չնայած ուրիշների ճնշմանը:

• Հարցրեք ձեր երեխաներին՝ արդյոք նրանք հիշում են այն հրաշքները, որոնք Տերը գործեց՝ իսրայելացիներին օգնելու համար (տես «Եգիպտոսի պատուհասները» և «The Passover» բաժինները Հին Կտակարանի պատմություններում, 67–74)։ Ապա կարող եք նրանց ամփոփ ներկայացնել Թվեր 11․4–10 հատվածները՝ շեշտելով, որ իսրայելացիները մոռացել էին իրենց օրհնությունները և դժգոհում էին: Ո՞ր օրհնությունների մասին ենք մենք երբեմն մոռանում:

• «Օրհնություններդ հաշվիր» (Հիմներ, հմր. 8) երախտագիտության մասին երգը երգելիս կամ լսելիս, ձեր երեխաները կարող են նկարել այն օրհնությունների նկարները, որոնք Տերը տվել է իրենց:

• Թվեր 12 բաժինը ներկայացնելիս կարող եք ասել ձեր երեխաներին, որ Տերը դժգոհ էր Ահարոնից և Մարիամից՝ Մովսեսի եղբորից ու քրոջից: Որպեսզի պարզեք, թե Տերը ինչու էր դժգոհ, առաջարկեք նրանց կարդալ Թվեր 12.1–8 հատվածները։ Կարող եք օգտագործել Ավետարանի պատկերագիրքը՝ օգնելու ձեր երեխաներին սուրբ գրություններում գտնել այն մարդկանց օրինակները, որոնք հարգում էին Տիրոջ մարգարեին և օրհնված էին: Ինչպե՞ս ենք օրհնվում, երբ հետևում ենք Տիրոջ մարգարեին:

• Կարող եք օգտագործել «Մովսեսը և պղնձե օձը» պատմությունը Հին Կտակարանի պատմություններ գրքից, 83–84, որպեսզի օգնեք ձեր երեխաներին իմանալ, թե ինչ է տեղի ունեցել Թվեր 21․6–9 հատվածներում։ Ինչպե՞ս է պղնձե օձը նման Հիսուս Քրիստոսին (տես Հովհաննես 3.14–15): Ձեր երեխաների համար կարող է հետաքրքիր լինել թղթից օձ պատրաստել և դրա վրա գրել մի քանի պարզ բան, որոնք նրանք կարող են անել, որպեսզի «հավատքով նայեն Աստծո Որդուն» (Հելաման 8․15)։

  

  1:2

• Ավագ խմբի երեխաները կարող են ընտրել հետևյալ սուրբ գրություններից մեկը և կիսվել, թե այն ինչ է ավելացնում այս պատմության մասին իրենց հասկացողությանը. 1 Նեփի 17․41, Ալմա 33․18–20, Հելաման 8․13–15, Վարդապետություն և Ուխտեր 6.36։

• Երեխաներին ամփոփ ներկայացրեք Թվեր 22.1–18 հատվածները՝ ընդգծելով, թե Բաղաամն ինչպես հրաժարվեց անիծել Աստծո ժողովրդին, չնայած որ Բաղակը՝ Մովաբի թագավորը, նրան պատիվ ու հարստություն առաջարկեց: Ապա կարող եք օգնել ձեր երեխաներին փնտրել հետևյալ հատվածներում արտահայտություններ, որոնք, ըստ նրանց, ցույց են տալիս Աստծուն հետևելու Բաղաամի ցանկությունը Թվեր 22.18, 23.26, 24.13: Ձեր երեխաները կարող են ընտրել մի արտահայտություն, որը նրանց դուր է գալիս և գրել այն քարտի վրա, որը կհիշեցնի իրենց Տիրոջը հնազանդվելու մասին։